Piɛɛ 1, 4:15 - Bibeli do fee

¹⁵ Inɛ kãma nŋɛ ku maà jɔ̀ ku yɛ ijuukpã na inɛ ku kpa, walakɔ na ile, walakɔ na laalɔ ku ce, walakɔ na wɔbia ku gũ.

Piɛɛ 1, 4:15 Iomraidhean Croise

Kufita 22:2

Amma bii dasãi í ce bɛɛbɛ á jɛ ilu taale na irii ikuɛu. Inɛ iyi í ce ile nɔ kù nɛ kpãa bɛi á ce ku sã [bɛi wooda í fɔu], aa ta lafɛ̃ɛi ku jɛ aru.

Matie 5:11

Iŋɛ ilu inɔ didɔ̃ ŋai, bii à waa bu ŋɛ nɔ à waa kpã ŋɛ iju nɔ à waa má ŋɛ laalɔ baa yooma fei na irim.

Tɛsalonika 1, 4:11

I kookaai ku ba i ya wa si anu akã ŋa, i ya ce wũai ide iyi í kã ŋɛ, nɔ i ya ce icɛ do awɔ nŋɛ ku ba i ba mii iyi aa maa wɛɛò ŋa si bɛi à jilɛ nŋɛ.

Tɛsalonika 2, 3:11

Wee à gbɔ iyi inɛ gɔ nŋɛ ŋa ilu ika ŋai iyi a kù waa ce ngɔgɔ í gbe wɔbia ku gũ.

Timɔtee 1, 5:13

Si anyiɛ nɔ aa nɛ ika a ya maa dabii dabii kpasɛ̃ do kpasɛ̃. Iyi í re mɔm, aa ya maa sɔ irii inɛ ŋa nɔ a ya maa gũ wɔbia nɔ aa jɛ woo sisi ide ŋa.

Timɔtee 2, 2:9

Na laabaau jiidaui ǹ wa n yɛ ijuukpã hee à dĩm do sesee bɛi woo ce laalɔ. Amma idei Ilaaɔ̃ si à dĩ.

Piɛɛ 1, 3:14

Baa bii ì waa ba ijuukpã ŋa na dee dee ku jɛ nŋɛ, i nɛ inɔ didɔ̃ ŋa. I maà ce njoi amanɛ ŋa, nɔ i maà ya biti ŋa.

Piɛɛ 1, 3:17

Bii í jɛ do idɔɔbii Ilaaɔ̃i à waa kpãɛ iju na jiida iyi ì waa ce, iyi bɛ í sĩa do iyi aa maa kpãɛ iju na laalɔ.