Piɛɛ 1, 4:13 - Bibeli do fee

¹³ Amma i jɔ̀ inɔ nŋɛ ku dɔ̃ bii ì waa ba ikpɛ̃ si wahalai Kirisi ŋa, ku ba i nɛ inɔ didɔ̃ nla nla ŋa si ajɔ iyi á nyisi amboeɛ.

Piɛɛ 1, 4:13 Iomraidhean Croise

Ezai 25:9

Waati bɛɛbɛ inɛ ŋa aa maa nii, nŋui í jɛ Lafɛ̃ɛ nwa. Siɛi kpãa ku cɔ nwa í wa, nɔ nŋui í faaba wa. Nŋui í jɛ Aɔ̃ Lafɛ̃ɛ, nŋu iyi à waa cɔ kpãaɛ. Ka wɛɛò inɔ didɔ̃, ka wɛɛò inɔ didɔ̃i faaba iyi í ce nwa.

Ezai 35:10

Inɛ ŋa mɔ iyi Aɔ̃ Lafɛ̃ɛ í jɔ̀ à nɛ ara nŋa ŋau, aa baa. Aa sinda a baa Siɔ̃ɔi do anu ku dɔ̃i inɔ didɔ̃. Inɔ didɔ̃ hai nɛ kɔɔu bɛi á jɔ̀ waju nŋa ku maa sĩa. Inɔ didɔ̃ nla nlai aa nɛ. Ara kuro do kukakaa ŋau fei, aa kpa irii.

Ezai 51:11

Do yaase bɛɛbɛi inɛ ŋa iyi Aɔ̃ Lafɛ̃ɛ í ya ŋau aa baaò wa. Aa to wa Siɔ̃ɔi do anu ku dɔ̃i inɔ didɔ̃. Inɔ didɔ̃ hai nɛ kɔɔi á jɔ̀ waju nŋa ku maa sĩa. Inɔ didɔ̃ nla nlai á ko ŋa wa. Inɔ kufɔ do weewea ŋa, aa kpa irii.

Matie 16:27

Amu Amai Amanɛ an nyi wa má do amboei Baam do amalekam ŋa ajɔ. Si waati bɛɛbɛi an sãa inɛ fei si yaase bɛi í jɛò kuwɛɛɛ.

Matie 25:21

Ŋɔi lafɛ̃ɛɛ í sɔ̃ɔ í ni, í sĩa, awɔ amaacɛ jiida ilu naanɛi. Si mii keekeu ihɛ̃ ǹ yɛ iyi ì jɛ ilu naanɛ, na nŋu, an daaɛ mii nla si awɔ. Naa wa ka jɛ jingau.

Matie 25:23

Nɔ lafɛ̃ɛɛ í ni, í sĩa, awɔ amaacɛ jiida ilu naanɛi. Si mii keekeu ihɛ̃ ǹ yɛ iyi ì jɛ ilu naanɛ, na nŋu, an daaɛ mii nla si awɔ. Naa wa ka jɛ jingau.

Matie 25:31

Ŋɔi Jesu í ni má, si waati iyi amu Amai Amanɛ an naa do amboem do amaleka ŋau fei, an buba si batai bomma ilu amboem.

Matie 25:34

Waati bɛɛbɛ amu ilaaluu an sɔ̃ inɛ ŋa iyi à wa awɔ njɛm n ni, i naa wa ŋa, iŋɛ iyi ì ba kuweei Baam. I naa i buba si bomma iyi à ce nŋɛ sɔɔluɛ hai waatii kusintii andunya.

Matie 5:12

I jɔ̀ i nyaanyi i wɛɛò inɔ didɔ̃ nla nla ŋa si na iyi í jɔ̀ riba iyi à jilɛ nŋɛ lelei Aɔ̃ í la. Ntɔ ntɔ bɛɛbɛi à kpã walii ŋa iyi à cua nŋɛ ŋau mɔ iju.

Maaku 8:38

Nɔ Jesu í ni má, inɛi nsɛi ŋa ilu dulum ŋai iyi a kù leekĩò Ilaaɔ̃ nŋu akã. Na nŋu, inɛ iyi wa ce anyɔi amu Amai Amanɛ, walakɔ wa ce anyɔi idem si waju nŋa, amu mɔ an ce anyɔi lafɛ̃ɛ waati iyi an nyi wa. Nɔ waati iyi an nyi wa an nyi wai do amboei Baam do ti amaleka ŋa ajɔ.

Luku 17:30

Nɔ bɛɛbɛ mɔi á yɛ ajɔ iyi amu Amai Amanɛ an faata wa.

Woo bɛ ŋa 16:25

Zakai idũ laja ŋɔi Pɔlu do Silasi à waa ce kutɔɔ nɔ à kɔ̃ iri à waa saabuò Ilaaɔ̃. Nɔ inɛi piisɔ̃ɔ ŋa iyi à wa bɛu à waa de si ŋa itĩ.

Woo bɛ ŋa 5:41

Ŋɔi woo bɛ ŋau à nɛ hai bi igbɛi woo kiiti ŋau do inɔ didɔ̃ nla nla si na iyi í jɔ̀ Ilaaɔ̃ í ka ŋa si inɛ ŋa iyi à to a maa yaako ŋa na irii Jesu.

Romu 5:3

Iyi í re mɔm, baa si wahala à ya ka nɛ inɔ didɔ̃i domi à mà iyi wahala í ya bí temua.

Romu 8:17

To, si bɛi à jɛ amaɛ ŋa, nŋui í jɔ̀ à nɛ baa si mii iyi í jilɛ nwa. Aa ka nɛ ikpɛ̃ do Kirisi ajɔ, domi bii à baa ijuukpãɛ ku kpɛ̃, bɛɛbɛ mɔi aa ka baa amboeɛ ku kpɛ̃ má.

Romu 8:18

Ǹ mà wahalai nsɛi nwau ihɛ̃ kù jɛ nkãma do amboe iyi Ilaaɔ̃ á na ku nyisi wa.

Kɔrɛnti 2, 1:5

Ntɔ ntɔ, à nɛ ikpɛ̃ nla nla si ijuukpãi Kirisi, amma bɛi ijuukpãu í la í to, bɛɛbɛ mɔi yaase bɛi Kirisi wa tũò idɔ nwa ŋau mɔ í to.

Kɔrɛnti 2, 1:7

À waa naanɛ ŋɛ ntɔ ntɔ domi à mà, si bɛi ì nɛ ikpɛ̃ si ijuukpã nwa ŋa, bɛɛbɛ mɔi Ilaaɔ̃ á tũ idɔ nŋɛ si bɛi wa tũ tu wa.

Kɔrɛnti 2, 4:10

Ajɔ fei si wahalau ihɛ̃ í yɛi bɛi à waa ba ikpɛ̃ nwa si ikui Jesu bii à waa bɔ fei ku ba a yɛ kuwɛɛɛ si ara nwa.

Kɔrɛnti 2, 4:17

Ijuukpã keeke iyi à waa yɛ si nsɛiu ihɛ̃ wa ce nwa sɔɔlui amboe iyi ci ya tãi iyi í la í re ijuukpãu.

Filipi 3:10

Iyi ǹ bi, nŋui í jɛ n mà Kirisi, do gbugbã iyi í jĩò hai si balɛ nɔ n nɛ ikpɛ̃ si ijuukpãɛu hee ku yɛ bɛi amu mɔ ǹ ku do nŋu ajɔ,

Kolosee 1:24

Nsɛi ǹ ya n nɛ inɔ didɔ̃ si ijuukpã iyi ǹ wa n yɛ na iri nŋɛ. Nɔ mii iyi í gaizia si wahala ŋa iyi Kirisi í nɛ ku yɛ, amui an tambɔɛ si aram na araɛ iyi í jɛ igbɛu.

Timɔtee 2, 2:12

Bii à temua, aa ka jɛ bomma do nŋu ajɔ. Bii à nɔ à kɔ̀siɛ, nŋu mɔ á kɔ̀si wa.

Piɛɛ 1, 1:13

Na nŋu, i ce laakai ŋa. I mu ara nŋɛ ŋa, nɔ i dasi kpãa ku cɔ nŋɛ fei si didɔ̃ iyi aa na ŋɛ si waati iyi Jesu Kirisi á faata wa.

Piɛɛ 1, 2:21

Na ideu bɛi Ilaaɔ̃ í kpe ŋɛ domi Kirisi takaɛ í ba ijuukpã na iri nŋɛ nɔ wa nyisi ŋɛ yaase jiida ku ba i too tuubaɛ ŋa.

Piɛɛ 1, 5:1

Nsɛi, si inɔ nŋɛ, inɛ ŋa iyi à jɛ inɛ ngboi igbɛi Ilaaɔ̃ ŋai ǹ wa n fãa. Amu mɔ inɛ ngboi bɛi aŋa mɔ, ǹ nɔ ǹ jɛ́ sɛɛdai ijuukpãi Kirisi nɔ ǹ nɛ ikpɛ̃ si amboe iyi á na ku naa.

Piɛɛ 1, 5:10

Amma bii ì yɛ ijuukpã si waati keeke ì tã ŋa, Ilaaɔ̃ ilu didɔ̃ fei, nŋu iyi í kpe ŋɛ ku ba i nɛ ikpɛ̃ si amboe hai nɛ kɔɔɛ na saabui anu akã nŋɛ do Kirisi, nŋu takaɛi á jɔ̀ i kɔ̃ dee dee ŋa. Nŋui á nɔ ku jɔ̀ i leekĩ dim dim ŋa, nɔ ku mu nŋɛ gbugbã, i maà tɛkɛɛ hai si ideɛ ŋa.

Zudu 1:24

Ilaaɔ̃ nŋu akãi í jɛ woo faaba nwa, nŋu iyi á yɔkɔ ku degbe ŋɛ i maà na i cuku ŋa, nɔ ku jɔ̀ i naa si amboeɛ ŋa do inɔ didɔ̃, lɛɛfi ku maà wa si. Amboe do jirima do gbugbã do yiiko ku jɛ tɛɛ hai sinte, do nsɛi, hee do ajɔ fei na saabui Lafɛ̃ɛ nwa Jesu Kirisi. Ami.

Kuyɛi Zãa 1:7

Wee wa naa si kudũi ijĩ. Nɔ ijui inɛ fei á yɔɔ, baa inɛ ŋa iyi à gũu à kpaa. Dimi ikã ikãi andunya fei á kpata na iriɛ. Bɛɛbɛi á ce. Ami.

Kuyɛi Zãa 1:9

Amui Zãa, kpaasi nŋɛ. Anu akã iyi ǹ nɛ do Jesui í jɔ̀ ǹ nɛ ikpɛ̃ si ijuukpã iyi iŋɛ mɔ ì waa yɛ ŋa, do si bommai Ilaaɔ̃, do si temua. À bɔòm gũngũm gɔ iyi à ya kpe Patimɔsi na idei Ilaaɔ̃ do sɛɛdai Jesu iyi ǹ wa n jɛ.