Piɛɛ 1, 3:8 - Bibeli do fee

⁸ Si anyii fei ndɛɛ i jɔ̀ iŋɛ fei i nɛ lasabu akã do kubi akã ŋa. I bi njɛ bɛi nyaanze akã ŋa, i ce araarei njɛ do ara ku kaye ŋa.

Piɛɛ 1, 3:8 Iomraidhean Croise

Iri ku kɔ̃ 103:13

Bɛi baa í ya nɛ araarei amaɛ ŋa, bɛɛbɛi Aɔ̃ Lafɛ̃ɛ í ya nɛ araarei inɛ ŋa iyi à mà bɛɛrɛɛ.

Mɔnda ŋa 28:8

Woo wɛ̃a inɛ ŋa fia do inyi nla nla, amaniɛ á nyi bi inɛ iyi í nɛ araarei ilu are ŋa.

Zakari 7:9

ǹ ye ŋɛ gigii ide iyi amu Aɔ̃ Lafɛ̃ɛi lele do ilɛ, ǹ tako ǹ sɔ̃ ŋɛ wo. Ǹ ni, i ya ce kiiti dee dee ŋa, i ya nyisi njɛ jiida ku jɛ nŋɛ do araare.

Matie 18:33

Awɔ mɔ ì nɛ i ce araarei amaacɛ kpaasiɛi wo si bɛi ǹ ceɛ.

Luku 10:33

Amma inɛi Samari gɔ mɔ wa bɔ ilu. Iyi í to bɛ ŋɔi í yɛ mɔkɔu nɔ araare í muu.

Woo bɛ ŋa 2:1

Iyi ajɔi jingaui Pantekotu í to, ŋɔi woo dasi Jesu naanɛ ŋau fei à tɔtɔɔ inya akã.

Woo bɛ ŋa 27:3

Iju kumáɛ nɔ à to Sidɔ̃ɔ. Ŋɔi Zuliusi í cea Pɔlu jiida í jɔ̀ í koo í yɛ kpaasiɛ ŋa ku ba a muaa mii iyi í bi.

Woo bɛ ŋa 28:7

Wee kɔkɔi inyau kpasɛ̃i mɔkɔ gɔ í wa bɛ, mɔkɔui í jɛ inɛ ngboi gũngũm nɔu, à ya kpoo Pubilusi. Í gba wai jiida jiida à ce ajɔ mɛɛta si kpasɛ̃ɛ.

Woo bɛ ŋa 4:32

Akpɔi woo dasi Jesu naanɛ ŋau í kɔ̃ɔsi nɔ aŋa fei à nɛ anu akã. Inɛ gɔ ci ya ni mii iyi nŋu í nɛ ti nŋu akãi amma mii iyi à nɛ fei ti aŋa feii.

Romu 12:10

I bi njɛ ŋa, i ce kookaai i ya màò bɛɛrɛi njɛ ŋa.

Romu 15:5

Ilaaɔ̃, nŋu iyi wa mu nwa temua do gbugbã, kú jɔ̀ iŋɛ duusɔ̃ɔ i nɛ anu akã ŋa si bɛi ì yɔɔ si Jesu Kirisi ŋa,

Kɔrɛnti 1, 1:10

Iŋɛ kpaasim ŋa, ǹ wa n tɔɔ ŋɛ do irii Lafɛ̃ɛ nwa Jesu Kirisi, i ce kookaai i ya maa gbɔsi njɛ ŋa ku ba njɛ ku fɛɛfɛ ku maà ya wa si anini nŋɛ. I jɔ̀ i nɛ anu akã dee dee ŋa, nɔ lasabu nŋɛ mɔ do mii iyi ì waa lele ŋa ku jɛ akã.

Kɔrɛnti 1, 12:26

Bii ikɔ̃i ara gɔ í ba wahala, nŋu do iyi à gbe ŋau feii à ya gbɔ ara kurou ajɔ. Bɛɛbɛ mɔi bii à saabu gɔgɔ, nŋu do iyi à gbe ŋau fei à ya nɛ inɔ didɔ̃i ajɔ.

Efɛɛzu 4:2

I ya maa nɛ do ara ku kaye ŋa, do daa didɔ̃ do temua, nɔ i ya maa mu njɛ ŋa do kubi.

Efɛɛzu 4:31

I nyɔ daa kuro nŋɛ fei do idɔɔkɔ̃ yaamɔ do idɔɔkɔ̃ fei. I maà ya gbagba si njɛ, nɔ i maà ya sɔ irii njɛ ŋa. I jɔ̀ inɔ sãmi baa yooma fei.

Efɛɛzu 4:32

I cea njɛ didɔ̃ ŋa, nɔ i ya nɛ araarei njɛ ŋa, nɔ i ya kpaa njɛ idei kurara ŋa bɛi Ilaaɔ̃ í kpa idei dulum dii iŋɛ mɔ na irii Kirisi.

Filipi 2:3

I maà ya ce ngɔgɔ do njɛ ku wã ŋa walakɔ do fufu ku tɔɔ, amma i kaye ara nŋɛ i ya doo inɛ ŋa bɛi mii iyi à re ŋɛ.

Filipi 3:16

Si bɛi í jɛu fei, awa de ka maa bɔ waju si kpãa akã iyi à waa toou.

Kolosee 3:12

Na nŋu, si na iyi í jɔ̀ Ilaaɔ̃ í bi ŋɛ nɔ í cica ŋɛ ì jɛ tɛɛ ŋa, mii iyi í jɔ i mu ŋa wee. Araare do jiida ku jɛ do ara ku kaye do daa didɔ̃ do temua.

Ebɛɛ 13:1

I ya temua si kpaasi woo dasi naanɛ ŋa ku bi.

Zaaki 2:13

Inɛ iyi kù nɛ araarei kpaasi, Ilaaɔ̃ á kiiti nŋu mɔi kaa ce araareɛ. Amma inɛ iyi í nɛ araarei kpaasi ŋa á jɛ igũ si ajɔi kiitiu.

Zaaki 3:17

Amma bisi iyi wa naa hai lele, sinte titã í má. Si anyiɛ inɛ iyi í nɛ bisiu í ya bi inɛ ŋa a nɛ anu akã, í ya maa mu araɛ, nɔ í ya jirima inɛ ŋa. Í ya nɛ araarei nɔ í ya ce icɛ jiida. Ci ya na kubi ntɔ, kù nɔ kù nɛ muafiti.

Zaaki 5:11

Aa ka yɔkɔ ka ni ilu inɔ didɔ̃ ŋai domi ngu ŋa à yɔkɔ temua. Ì gbɔ temuai Zɔɔbu ŋa, nɔ ì mà mii iyi Aɔ̃ Lafɛ̃ɛ ilu araare si jiida ku jɛɛ í ceaa ŋa si anyii wahalaɛ.

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.

Piɛɛ 1, 2:17

I jirima inɛ fei ŋa, i bi kpaasi woo dasi Jesu naanɛ nŋɛ ŋa, i mà bɛɛrɛi Ilaaɔ̃, nɔ i jirima ilaalu nlau ŋa.

Piɛɛ 1, 5:5

Bɛɛbɛ mɔi, iŋɛ awaasũ ŋa, i sũa inɛ ngboi igbɛ ŋau iri ilɛ. Iŋɛ fei i jɔ̀ ara ku kaye ku jɛ nŋɛ bɛi ibɔ iyi à ya dasi, domi kukɔi idei Ilaaɔ̃ wa fɔ í ni, Ilaaɔ̃ kù wa anyii woo tɔɔ fufu ŋa, amma wa cea woo kaye ara ŋa didɔ̃.

Piɛɛ 2, 1:7

nɔ si bɛɛrɛi Ilaaɔ̃ ku mà i kɔ̃ɔsi jiida ku cea njɛ, nɔ si jiida ku cea njɛ i kɔ̃ɔsi kubi.

Zãa 1, 3:14

À mà iyi à kua ikui, nɔ à lɔ si kuwɛɛ si na iyi í jɔ̀ à bi kpaasi nwa ŋa. Inɛ iyi kù nɛ kubi, si ikui í wa.