Piɛɛ 1, 3:7 - Bibeli do fee

⁷ Iŋɛ inɛmɔkɔ ŋa mɔ, si kuwɛɛ nŋɛ do abo nŋɛ ŋa, i ye gigi iyi a kù to ŋɛò gbugbã. I jɔ̀ i mà bɛɛrɛ nŋa ŋa, domi Ilaaɔ̃ á mua aŋa mɔ kuwɛɛ iŋɛò ŋa ajɔ. I ya maa ce bɛɛbɛ ku ba nkãma ku maà ganji ŋɛ si kutɔɔ nŋɛ.

Piɛɛ 1, 3:7 Iomraidhean Croise

Zɔɔbu 42:8

Nsɛi iŋɛ fei i dɛdɛ kɛtɛ kombo mɛɛje do angudã kombo mɛɛje i bɔò bi Zɔɔbu ŋa, nɔ i ce kuwee iyi à ya jo si ina fei sãa sãau na iri nŋɛ ŋa. Zɔɔbu woo ce icɛm nɔu ku ce nŋɛ kutɔɔ. An gba kutɔɔi nŋu Zɔɔbu, nɔ do saabuɛ n kaa n kpã ŋɛ iju na ide hai nɛ yaase nŋɛ, domi i kù fɔ idem dee dee bɛi Zɔɔbu ŋa.

Matie 18:19

Ǹ wa n sɔ̃ ŋɛ má iyi bii amanɛ minji í ce anu akã si andunya ihɛ̃ a tɔɔ ngɔgɔ, Baam iyi í wa lele á mu nŋa,

Kɔrɛnti 1, 7:3

Mɔkɔ í nɛ kú cea aboɛ mii iyi í jɔ a cea abo fei, nɔ abo mɔ ku cea mɔkɔɛ mii iyi í jɔ ku cea mɔkɔ fei.

Efɛɛzu 3:6

Asiiu wee. Do saabui laabaau jiidai dimi mmu ŋa do Zuifu ŋau à jɛò woo jɛ tubu ajɔ. Aŋaò ŋa à baa à jɛ ara akã, nɔ aŋa mɔ à nɛ baa nŋa si ide iyi Ilaaɔ̃ í wã nŋu ku ce si Jesu Kirisiu.

Efɛɛzu 4:30

I maà fɔ inɔi Hundei Ilaaɔ̃ ŋa, domi Hundeu bɛi í jɛ sɛɛdai Ilaaɔ̃ si ŋɛ hee koo toò ajɔ iyi Ilaaɔ̃ á yá inɛɛ ŋa mam mam.

Efɛɛzu 5:33

Na nŋu, mɔkɔ fei ku bi aboɛ bɛi í bi araɛ, nɔ abo fei ku jirima mɔkɔɛ.

Efɛɛzu 6:18

Waati kãma fei i ya ce kutɔɔ ŋa nɔ i ya maa tɔɔ sobii Ilaaɔ̃ ŋa. I wɔ njoo nɔ i na ara nŋɛ si idei kutɔɔu do gbugbãi Hundei Ilaaɔ̃ ŋa, nɔ i ya ce kutɔɔ na irii woo dasi naanɛ fei ŋa.

Kolosee 3:19

Iŋɛ mɔkɔ ŋa, i bi abo nŋɛ ŋa, i maà ya jɔ̀ i gaabu si ŋa ŋa.

Tɛsalonika 1, 4:4

Iŋɛ fei í sĩa i mà ara nŋɛ ku mu nɔ kuwɛɛ nŋɛ ku má nɔ ku nɛ bɛɛrɛ,

Titee 3:7

ku ba ka na ka jɛ inɛ dee dee si wajui Ilaaɔ̃ na didɔ̃ɛ nɔ ka jɛò tubui kuwɛɛ hai tã iyi à waa cɔ kpãaɛ.

Ebɛɛ 1:14

Debɛi, mii amaleka ŋa à jɛ. Aŋa fei à jɛ hunde ŋa iyi à waa cea Ilaaɔ̃ icɛ. Aŋai í ya bɛ a koo a sobi inɛ ŋa iyi aa ba faaba.

Piɛɛ 1, 3:1

Bɛɛbɛ mɔi iŋɛ inaabo ŋa, i sũa mɔkɔ nŋɛ ŋa iri ilɛ, hee baa bii í jɛ gɔgɔ nŋa ŋa a kù dasi idei Ilaaɔ̃ naanɛ, daa nŋɛ ku jɔ̀ a dasi naanɛ. Waati bɛɛbɛ i kù nɛ bukaatai ide ku fɔ má ŋa,