Piɛɛ 1, 3:4 - Bibeli do fee

⁴ Amma i jɔ̀ kusĩa nŋɛ ku jɛ si idɔ nŋɛ, kusĩa iyi ci ya tã. Nŋui í jɛ daa didɔ̃ do idɔ ku buba. Iyi bɛi í jɛ mii ilu bɛɛrɛ jiida si wajui Ilaaɔ̃.

Piɛɛ 1, 3:4 Iomraidhean Croise

Iri ku kɔ̃ 131:2

Ǹ yɛi bɛi ama kpoto iyi í wa abɛi iyeɛ cau do laakai ku sũ. Ǹ wɛɛi sɛ̃ɛ do laakai ku sũ bɛi amau bɛ.

Iri ku kɔ̃ 147:6

Aɔ̃ Lafɛ̃ɛ í ya sobi inɛ ŋa iyi à kaye ara nŋai ku ba a dede. Amma í ya kɛkɛ ilu inɔ kukã ŋai hee ilɛ.

Iri ku kɔ̃ 149:4

Ntɔ ntɔ Aɔ̃ Lafɛ̃ɛ í ya nɛ inɔ didɔ̃i si inɛɛ ŋa. Í ya mà bɛɛrɛi inɛ ŋa iyi à kaye ara nŋai nɔ ku faaba ŋa.

Iri ku kɔ̃ 25:9

Í ya jɔ̀ inɛ ŋa iyi à kaye ara nŋa, a maa nɛ si dee dee ku jɛ, nɔ inɛ ŋa iyi à kaye ara nŋa, í ya kɔ ŋa si kpãaɛ.

Iri ku kɔ̃ 45:13

Ilu amani nlai Tii ŋa aa dɛdɛ a ceɛ amua ŋa ku ba a ba didɔ̃ɛ.

Iri ku kɔ̃ 51:6

Bi awɔ akãi ǹ ce dulum. Si wajuɛi ǹ ce mii iyi kù sĩa, do yaase bɛɛbɛ, kiitiɛi í jɛ dee dee nɔ i kù nɛ taale si ijuukpãm.

Ezai 11:4

Á cea ilu are ŋa kiiti dee dee. Á cea hai nɛ gbugbã ŋa iyi à wa si ilɛu kiiti si ntɔ. Ideɛ á ya yɛi bɛi golo iyi wa cãò inɛi ilɛ ŋau. Kiitiɛ á kpa inɛ laalɔ.

Ezai 29:19

Hai nɛ gbugbã ŋa aa ba inɔ didɔ̃ nla nla si Aɔ̃ Lafɛ̃ɛ, nɔ inɛ ŋa iyi à jɛ ilu are à re inɛ fei, aa nɛ inɔ didɔ̃ nla nla na Inɛ Kumái Izirɛliu,

Ezai 57:15

Ntɔ ntɔ inɛ iyi í wa hee lele feiu, nŋu iyi kuwɛɛɛ kù nɛ kɔɔ, nɔ iriɛ í máu í fɔ í ni, lele bii í mái ǹ wa amma ǹ nyi ǹ wa bi inɛ ŋa iyi à waa taa gbugbã nɔ à waa ba wahala ku ba n dede ŋa nɔ n mu nŋa gbugbã.

Ezai 61:1

Hundei Aɔ̃ Lafɛ̃ɛ í wa sim, domi Aɔ̃ Lafɛ̃ɛi í nyam ikã. Nŋui í bɛm n koo n sisia ilu are ŋa laabaau jiida, inɛ ŋa mɔ iyi à wɛɛò inɔ kufɔ, n tũ idɔ nŋa, nɔ n sɔ̃ aru ŋa n ni à nɛ ara nŋa mbɛ, inɛi piisɔ̃ɔ ŋa mɔ, n sɔ̃ ŋa n ni a fita.

Zeremi 51:59

Seraya iyi wa jɛ ama inɛmɔkɔi Neria, nɔ wa jɛ tɔkui Maaseyai, wa sobi soogei ilaalui Zudaa iyi à ya kpe Sedesiasi. Seraya í si ilaaluu Babilɔni si adɔ̃ mɛɛsiai bomma ku jɛɛ. Wee í ko Zeremi í kɔ si tia iyi à ya kau laalɔ ŋa iyi á na ku ba Babilɔni fei si gãmɛi ideu. Ŋɔi Zeremi í na Seraya wooda í ni,

Matie 11:29

I jɛsi n lesi ŋɛ zuugum nɔ i gba idei ciom ŋa, si na iyi í jɔ̀ amu amanɛ kurɔ do woo kaye arai. Bii ì jɛsi bɛɛbɛ, aa ba kusĩmi ŋa.

Matie 21:5

i sɔ̃ inɛi Siɔ̃ɔ ŋa, i ni, i cɔ ilaalu nŋɛ wa naa bi tu ŋɛ. Amanɛ kurɔi. Si gbankɛlɛi wa buba, do ama gbankɛlɛ amai mɛɛmu ku so asoi.

Matie 23:26

Awɔ Farisi fɛɛju, wiɛ inɔi jɛɛ titã, anyiu mɔ ku bɛi ku má.

Matie 5:5

Ilu inɔ didɔ̃ ŋai inɛ ŋa iyi daa nŋa í sĩa domi aŋai aa nɛ ilɛu fei.

Luku 11:40

Iŋɛ hai nɛ yaase ŋa, inɛ iyi í taka anyii ara, lafɛ̃ɛ si í ce inɔɛ mɔ?

Luku 16:15

Nɔ Jesu í sɔ̃ ŋa í ni, iŋɛ ì waa dɛ i jɛ inɛ dee dee ŋa si wajui amanɛ ŋa, amma Ilaaɔ̃ í mà idɔ nŋɛ. Ǹ wa n sɔ̃ ŋɛi, mii iyi amanɛ ŋa à waa cɔ mii jiida, bi Ilaaɔ̃ mii sãmii.

Romu 1:23

Í sĩai wo a tɔɔ Ilaaɔ̃ ilu amboe, nŋu iyi kaa ku ajɔ kãma. Amma wee à sinda à waa tɔɔ iwɛ̃ ŋa iyi à jɔ amanɛ iyi á ku. Iwɛ̃ gɔ ŋa mɔ à jɔ yɛi ŋa, do mɛɛmu ŋa iyi à waa nɛ do iyi à waa cã ilɛ.

Romu 2:29

Amma inɛ iyi í jɛ Zuifu ntɔ ntɔ, nŋui í jɛ Zuifu si idɔɛ. Iyi í nɔ í jɛ bango do ntɔ nŋui í jɛ bangoi idɔ. Icɛi Hundei Ilaaɔ̃i, kù jɛ ti wooda. Zuifu dimi bɛɛbɛ, Ilaaɔ̃i á saabuɛ, kù jɛ amanɛ ŋa.

Romu 6:6

À mà iyi à kpakpa daa nwo nwa si jĩi ku gaau do Jesu ajɔ, ku ba daa nwo nwa iyi wa dasi wa dulum nɔu ku kpa iri, nɔ ka maà jɛ arui dulum má,

Romu 7:22

Si idɔm woodai Ilaaɔ̃ ku jirima í dɔ̃,

Kɔrɛnti 2, 10:1

Amu Pɔlu, amu takam nii ǹ wa n fãa ŋɛ, amu iyi à ni ǹ ya n kaye aram bii ǹ wa bi tu ŋɛ, bii ǹ jĩò ŋɛ nɔ n ba ŋɛ ide ku fɔ do kulele. Amma do daa didɔ̃i Kirisi do jiida ku jɛɛi ǹ wa n tɔɔ ŋɛ

Kɔrɛnti 2, 4:16

Nŋui í jɔ̀ a kaa ka mɔngɔ munya. Baa bii ara nwa wa gbo, hunde nwa í ya maa wɛɛ titɔ̃i do ajɔ fei.

Galati 5:23

do daa didɔ̃, do ara ku mu. Mii ŋau bɛ fei, wooda kù ganji ŋa.

Efɛɛzu 4:2

I ya maa nɛ do ara ku kaye ŋa, do daa didɔ̃ do temua, nɔ i ya maa mu njɛ ŋa do kubi.

Kolosee 3:12

Na nŋu, si na iyi í jɔ̀ Ilaaɔ̃ í bi ŋɛ nɔ í cica ŋɛ ì jɛ tɛɛ ŋa, mii iyi í jɔ i mu ŋa wee. Araare do jiida ku jɛ do ara ku kaye do daa didɔ̃ do temua.

Kolosee 3:3

domi ì ku si mii ndii andunya ŋa, kuwɛɛ titɔ̃ nŋɛ í nɔ wa singa do Kirisi bi Ilaaɔ̃.

Tɛsalonika 1, 4:11

I kookaai ku ba i ya wa si anu akã ŋa, i ya ce wũai ide iyi í kã ŋɛ, nɔ i ya ce icɛ do awɔ nŋɛ ku ba i ba mii iyi aa maa wɛɛò ŋa si bɛi à jilɛ nŋɛ.

Tɛsalonika 2, 3:12

À waa sɔ̃ amanɛ dimi bɛɛbɛ ŋa, do irii Lafɛ̃ɛ Jesu Kirisi, a ya ce icɛ ku ba a wo ara nŋa.

Timɔtee 1, 2:2

Nɔ i ya ce kutɔɔ ŋa na irii inɛ ngboi ilɛ ŋau hee do inɛi anyi nŋa ŋau fei, ku ba ka yɔkɔ ka jɛ andunya nwa do laakai ku sũ, nɔ ka ya ce kuwɛɛ jiida ku ba inɛ ŋa a mà bɛɛrɛi Ilaaɔ̃.

Timɔtee 2, 2:25

Inɛ ŋa iyi a kù waa jɛsi ideɛ í sĩa ku ba ŋa ide ku fɔ do kurɔ. Á yɔkɔ ku jɛ Ilaaɔ̃ á mu nŋa kpãa a kpaasiò idɔ nŋa a mà ntɔ,

Titee 3:2

Sɔ̃ ŋa a maà ya fɔ laalɔi inɛ gɔ, nɔ a maà ya dɛ anui inɛ gɔ, amma a ya cea inɛ fei jiida nɔ a nyisi inɛ ŋa daa didɔ̃.

Zaaki 1:21

Na nŋu, i nyɔ andi mii iyi í jɛ riisi do laalɔ fei ŋa. Nɔ i gba ide iyi Ilaaɔ̃ wa gbɛ̃ si idɔ nŋɛ ŋa do ara kukaye, domi ideui á yɔkɔ ku faaba ŋɛ.

Piɛɛ 1, 1:23

Í sĩa i ce bɛɛbɛ ŋa si na iyi í jɔ̀ à bí ŋɛi isɛ gbeejisia, nɔ kù jɛ do dimi iyi á ku, amma do dimi iyi kaa kui. Dimiui í jɛ idei Ilaaɔ̃, nŋui í jɛ icui kuwɛɛ nɔ kaa tã.

Piɛɛ 1, 3:15

Amma i jɔ̀ Kirisi ku jɛ Lafɛ̃ɛ si idɔ nŋɛ. I tã sɔɔlu waati kãma fei i jɛa inɛ ŋa iyi à waa bee yaasei kpãa ku cɔ nŋɛ.

Samuɛli 1, 16:7

Amma Aɔ̃ Lafɛ̃ɛ í sɔ̃ɔ í ni, maà cɔ kusĩaɛ do kugbokaɛ domi ǹ kɔ̀siɛ. Amu Aɔ̃ Lafɛ̃ɛ n ci ya n cɔ iyi amanɛ wa cɔ, domi arai amanɛ í ya cɔ amma amu ǹ ya n cɔɔi hee si idɔ.