Piɛɛ 1, 3:3 - Bibeli do fee

³ I maà dɛdɛ i jɛ abo kusĩa ŋa do mii ndii ara, bɛi iri ku ba, do sabai wura ŋa, do nyau kusĩa ŋa.

Piɛɛ 1, 3:3 Iomraidhean Croise

Kusintii Andunya 24:22

Waati iyi kpookpo ŋau à mɔ à tã, ŋɔi mɔkɔu í nya lɛlɛawɔi wura wa do isɔi awɔi wura minji gɔ ŋa í naa. Kuwoi lɛlɛawɔ í to garamu mɛɛfa, ti isɔi awɔu mɔ í to garamu cĩɔ do kulesi.

Kusintii Andunya 24:47

Ŋɔi ǹ beeɛ ǹ ni, awɔ amai yooi. Ŋɔi í jɛɛm í ni nŋu amai Betuɛlii, inɛ iyi Milika í bía Nakɔɔ. Iyi í ni bɛɛbɛ, ŋɔi ǹ daa si lɛlɛawɔ si imɔ nɔ ǹ nyi ǹ daa si isɔi awɔ má si awɔɛ.

Kusintii Andunya 24:53

Ŋɔi í nya mii ŋa iyi à ce do isɔ fũfũ do iyi à ce do wura do acɔ ŋa, í mua Rebeka. Nɔ í mua iyeu do wecĩu mɔ mii jiida ŋa má.

Ilaalu 2, 9:30

Si anyiɛ ŋɔi Yehu wa bɔ ku lɔ inɔ ilu Yizireɛli. Iyi Zezabɛli í gbɔ mii iyi í ce, ŋɔi í dasi ijuɛ cioo nɔ í sembu iriɛ í bɛi wa cɔ ilu hai do fɛrɛnti.

Ɛsitɛɛ 5:1

Iyi anu ku dĩi ajɔ mɛɛtau í kpa iri, ŋɔi Ɛsitɛɛ í dasi ibɔi ilaaluɛ í koo í leekĩ si inɔ bantumai kpasɛ̃i ilaaluu tengii anui ileɛ. Wee ilaaluu í wa kabaɛ wa buba si kitãi bommaɛ kɔkɔi anui ileu.

Iri ku kɔ̃ 45:9

Tuae ku dɔ̃ inunu dimi ikã ikãi í wa si jĩnɛɛ ŋa iyi ì waa dasi. Irii inɔ didɔ̃ iyi à waa kɔ̃ɛ wa fita wai hai si kabai bommaɛ iyi à ce si booda do inyíi jua.

Kufita 3:22

Inaabo fei ku bɔ bi inɛi Ezibiti kpaasiɛ do bi inɛi Ezibiti iyi aŋaò ŋa à wa kpasɛ̃ akã koo tɔɔ mii ŋa iyi à ce do isɔ fũfũ do iyi à ce do wura hee do ibɔ ŋa iyi aa daa ama inɛmɔkɔ nŋa ŋa do ama inaabo nŋa ŋa si. Bɛɛbɛi aa ko mii ndu ŋa ŋa.

Kufita 32:2

Ŋɔi Arɔ̃ɔ í jɛ nŋa í ni, i bɔ hanlagai wurai abo nŋɛ ŋa do ti ama nŋɛ ŋau bɛ i naam wa ihɛ̃ ŋa.

Kufita 33:4

Iyi inɛ ŋau à gbɔ baaui ijuukpãu bɛɛbɛ ŋɔi à wɛɛò inɔ kufɔ, nɔ inɛ kãma kù dasi jĩnɛ kusĩaɛ ŋau má.

Kufita 35:22

Inɛmɔkɔ ŋa do inaabo ŋa à wasi ku naaò mii ŋa wa do idɔɔbi nŋa, hai hanlaga ŋa do saba ŋa do lɛlɛawɔ ŋa do isɔawɔ ŋa hee ku koo si mii ŋa iyi à jɛ jĩnɛi wura ŋa fei. Inɛ fei wa kooò amuai wura iyi í jilɛa Aɔ̃ Lafɛ̃ɛ.

Kufita 38:8

Ŋɔi à ce jɛɛ nantaa do isɔ nkpa, nɔ wa leekĩ si antaii isɔ nkpa. Inaabo ŋa iyi à waa ce icɛ anu koofai ile bi kukou, aŋai à na digii isɔ nkpa ŋau ku ba a ceò jɛɛ nantaau.

Ezai 52:1

Zeruzalɛmu, jĩ, jĩ hai si iri njoo. Siɔ̃ɔ, jɔ̀ gbugbãɛ ku teese ku baa. Dasi ibɔ kusĩaɛ ŋa, awɔ Zeruzalɛmu ilu kumáu, domi hai ce bango do inɛ iyi í nɛ riisi kãma kaa lɔ wa bi tɛɛ má.

Ezai 61:10

Aɔ̃ Lafɛ̃ɛi í jɛ icui inɔ didɔ̃ nla nla bi titom. Aɔ̃ Lafɛ̃ɛm nii í jɔ̀ ǹ wa si ididɔ̃ nla nla, domi faaba iyi í jɔ̀ ǹ ba, í yɛi bɛi ibɔ ŋa iyi í daam si. Í biim nii do ibɔi dee dee ku jɛ bɛi mɔkɔ titɔ̃ iyi í dasi booda kusĩa gɔ si iriɛ bɛi woo wee, do bɛi abo titɔ̃ iyi í ce boodai saba kusĩa ŋa.

Zeremi 2:32

Mudɛ̃ɛ í ya gbɛjɛ jĩnɛ ku ce boodaɛ ŋa? Abo titɔ̃ í ya gbɛjɛ kungbã iyi á dĩ si gbankilii ibɔi abɔdɔ̃ɛ? Amma iŋɛ zamaam ŋa ì gbɛjɛ idem hai ajɔ nkpɔ nkpɔ iyi kù nɛ jia.

Zeremi 4:30

Awɔ Zeruzalɛmu iyi à ce nfeɛ, mii aa ce. Ì waa dasi jĩnɛ kusĩaɛ ŋa do sabai wura. Ì dasi cio si ijuɛ ku ba ku cĩ ku ce ncɛɛ. Amma si ngbɛi ì waa ce booda ŋau bɛ fei. Inɛ ŋa iyi à nɛ kubiɛ ŋau wo, a kù biɛ má, hundeɛi à waa dɛdɛ ku nya.

Ezekiɛli 23:40

Si anyii nŋu, à samba tia ŋa si inɛ ŋa si ilɛ mmu ŋa hee jĩijĩ. Iyi tiau í to gbakã, inɛ ŋau à naai. Na iri nŋa, awɔ Zeruzalɛmu, ì wɛi sãa sãa, ì dasi cioo si ijuɛ nɔ ì dasi jĩnɛ kusĩaɛ ŋa.

Romu 12:2

I maà ya ce kucei inɛi andunya ŋa, amma i jɔ̀ Ilaaɔ̃ ku mu nŋɛ lasabu titɔ̃ iyi á kpaasiò kuwɛɛ nŋɛ, ku ba i mà iyi í jɛ idɔɔbii Ilaaɔ̃ ŋa. Idɔɔbiɛu wee. Iyi í jɛ jiida, iyi í dɔ̃ do iyi í kɔ̃ mam mam.

Piɛɛ 1, 3:2

domi aa yɛ kuwɛɛ nŋɛ í má, nɔ ì mà bɛɛrɛ nŋa ŋa.