Piɛɛ 1, 3:22 - Bibeli do fee

²² nŋu iyi í bɔ lele nɔ wa buba si awɔ njɛi Ilaaɔ̃. Bɛi amaleka ŋa do ilu yiikoi lele ŋa do ilu gbugbã ŋa à waa sũaa iri ilɛ.

Piɛɛ 1, 3:22 Iomraidhean Croise

Iri ku kɔ̃ 110:1

Iriu ihɛ̃ ti Davidii. Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

Matie 22:44

Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

Matie 28:18

Ŋɔi Jesu í sɛkɛɛ si ŋa wa í ni, yiikoi lele do ti ilɛ fei à nam nii.

Maaku 12:36

Davidi takaɛ í fɔ do gbugbãi Hundei Ilaaɔ̃ í ni, Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

Maaku 16:19

Iyi Lafɛ̃ɛ Jesu í sɔ̃ ŋa ideu í tã, ŋɔi à soo lele í koo í buba si awɔ njɛi Ilaaɔ̃.

Luku 20:42

Davidi takaɛ í fɔ si tiai iri ku kɔ̃ ŋa í ni, Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃,

Laabaau jiida iyi Zãa í kɔ 13:32

Si bɛi inɛ ŋa aa yɛ amboei Ilaaɔ̃ na irim, nŋu takaɛ á jɔ̀ a yɛ ti amu mɔ. Á coo mɔm nii kaa kpɛ.

Woo bɛ ŋa 1:11

Ŋɔi inɛ ŋau à ni, iŋɛ inɛi Galilee ŋa, na mii í ce ì leekĩ ì waa cɔ lele ŋa. Jesuu bɛ iyi Ilaaɔ̃ í so ikpa lele hai bi tu ŋɛu á nyi wa má do yaase bɛi ì yɔɔ í nɛò leleu ŋa.

Woo bɛ ŋa 3:21

Tilasii Jesu Kirisi ku maa wa lele hee awaati koo toò mii fei ku jɛ titɔ̃ si bɛi Ilaaɔ̃ í jɔ̀ walii kumáɛ ŋau à tako à fɔ wo.

Romu 8:34

To, yooi á yɔkɔ ku jɔ̀ a yɛ ijuukpã. Kù wɛɛ, domi Jesu Kirisi í ku, nɔ iyi í re mɔm í jĩ hai si balɛ má, í wa awɔ njɛi Ilaaɔ̃. Í nɔ wa tɔɔ Ilaaɔ̃ na iri nwa.

Romu 8:38

domi ǹ mà kãm kãm, nkãma kù wɛɛ iyi á yɔkɔ ku fɛɛfɛ wa do kubiɛ. Baa iku kaa yɔkɔ, walakɔ kuwɛɛ, do amaleka ŋa, do yiikoi lele ŋa do gbugbã mmuɛ ŋa. Mii iyi í ba wa nnyi hee do iyi á na ku ba wa ala fei, kãma nŋa kaa yɔkɔ.

Kɔrɛnti 1, 15:24

Si anyiɛ, iri ku kpai andunya á to wa, nɔ kù nɛ bɛi á ce iyi Kirisi kù jɛ bomma nɔ ku kãmia mbɛɛɛ ŋau fei. Si anyiɛ nɔ ku so bommau ku daa Ilaaɔ̃ Baaba si awɔ. Ntɔ ntɔ, Kirisi á kpa irii ilu yiiko ŋa do ilu gbugbã ŋa do inɛ ngbo ŋau fei.

Kolosee 3:1

Ilaaɔ̃ í dede ŋɛ hai si balɛ do Kirisi ajɔ. Na nŋu, i dɛ mii ndii lele bii Kirisi wa buba si awɔ njɛi Ilaaɔ̃ ŋa.

Ebɛɛ 1:13

Ilaaɔ̃ kù nɔ kù sɔ̃ amalekaɛ gɔ kù ni, buba do ikpa awɔ njɛm ihɛ̃ hee n ce mbɛɛɛ ŋa bi ku lesi isɛɛ.

Ebɛɛ 1:3

Amboe iyi Ilaaɔ̃ í nɛ fei, si Amaɛi à yɔɔ. Amau í jɔ Ilaaɔ̃ takaɛ dee dee, í nɔ wa mu mii fei do gbugbãi ideɛ. Waati iyi í ce icɛ iyi á kpa idei dulum dii inɛ ŋa í tã, ŋɔi í koo í buba lele si awɔ njɛi Ilaaɔ̃ ilu gbugbã fei.

Ebɛɛ 1:6

Amma waati iyi Ilaaɔ̃ í bɛ ama yemmaɛ wa si andunya í ni, amalekam ŋa fei a gulɛaa.

Ebɛɛ 10:12

Amma kuwee akãi Kirisi í ce na irii dulum. Si anyii nŋu, í koo í buba si awɔ njɛi Ilaaɔ̃ hee do ajɔ fei,

Ebɛɛ 12:2

Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Ebɛɛ 4:14

Do ntɔi à nɛ woo wee nla iyi í bɔ lelei Aɔ̃ í to hee bi Ilaaɔ̃ takaɛ. Nŋui í jɛ Jesu Amaɛ. Na nŋu, ka leekĩ dim dim si naanɛ iyi à dasi,

Ebɛɛ 6:20

Tengi bɛi Jesu í cua nwa í lɔ na iri nwa domi í baa í jɛ woo wee nla do ajɔ fei bɛi Mɛɛkizedɛki.

Ebɛɛ 8:1

Nsɛi, irii ideu wee. Awa à nɛ woo wee nla dimi bɛɛbɛ, inɛ iyi wa buba lele si awɔ njɛi kitãi bommai Ilaaɔ̃ ilu gbugbã fei.

Ebɛɛ 9:24

À mà sãa sãa iyi Kirisi kù lɔ ile kumá iyi amanɛ ŋa à ce. Kù lɔ ile kumá iyi í jɔ bi kuwa ntɔ ntɔi Ilaaɔ̃u, amma í lɔi hee lele takaɛ nɔ nsɛi wa leekĩ si wajui Ilaaɔ̃ na iri nwa.