Piɛɛ 1, 3:18 - Bibeli do fee

¹⁸ Gbakã akãi Kirisi í ku na dulum. Nŋu iyi í jɛ inɛ dee dee, í ku na inɛ laalɔ ŋa, ku ba ku bɔò wa bi Ilaaɔ̃. Waati iyi à kpaa, araɛ í ku amma hundeɛ í wɛɛ.

Piɛɛ 1, 3:18 Iomraidhean Croise

Daniɛli 9:26

Si anyii adɔ̃ mɛɛje ikɔ kita do minjiu, aa kpa inɛ gɔ iyi à nya ikã, nɔ inɛ gɔ kaa kɔòɛ. Inɛ ngbo gɔ mɔ á na ku naa do soogeɛ ŋa ku ce nfei iluu do ile kumáu. Idɔɔkɔ̃i Ilaaɔ̃ de á na ku naa si inɛ ngbou ku ce nfeɛ. Amma á maa ce igũi hee ku maa ku, nɔ á ce nfei mii ŋai bɛi à tako à fɔ à jilɔɔu.

Zakari 9:9

Iŋɛ inɛi Siɔ̃ɔ ŋa i wɛɛò inɔ didɔ̃ ŋa. Nɔ iŋɛ inɛi Zeruzalɛmu ŋa, i dɔ̃ anu do inɔ didɔ̃ ŋa. I cɔ, ilaalu nŋɛ wa naa bi tu ŋɛ. Í jɛ dee dee, nɔ í jɛ woo jɛ igũ. Á naai do ara ku kaye, ku maa gũ gbankɛlɛ. Gbankɛlɛu, ama gbankɛlɛi.

Matie 27:19

Waati iyi Pilati wa buba bi ku ce kiitiu, ŋɔi aboɛ í bɛ siɛ inɛ gɔ wa í ni, maà dasi idei inɛ dee deeu bɛ baa, domi idũ, iyi ǹ wa n sũ, ǹ yɛ wahala jiida jiida si ala na iriɛ.

Matie 27:24

Iyi Pilati í yɛ mii iyi nŋu wa ce fei ngbɛi, nɔ wakatau wa kɔ̃ɔsi mɔm nii, ŋɔi í bu inyi í wɔɔ si wajui zamaau í nyisi iyi baai nŋu kù wa si ideu, í ni, njɛi mɔkɔ dee deeu ihɛ̃ kunikãɛ kù yɛm, í jɛ idei iri nŋɛ.

Laabaau jiida iyi Zãa í kɔ 16:10

Á jɔ̀ a mà mii iyi í jɛ dee dee si na iyi í jɔ̀ ǹ wa n bɔ bi Baaba nɔ i kaa yɛm má ŋa.

Woo bɛ ŋa 22:14

Nɔ í ni má, Ilaaɔ̃ Lafɛ̃ɛi bala nwa ŋai í cicaɛ ku ba i mà idɔɔbiɛ nɔ i yɛ Jesu Inɛ Dee Deeu, nɔ i gbɔ idei gɛlɛɛ.

Woo bɛ ŋa 3:14

Amma iŋɛi ì kɔ̀siɛ, nŋu iyi í jɛ Inɛ Kumá do Inɛ Dee Deeu nɔ ì tɔɔ Pilati ku jɔ̀ nŋɛ woo kpa inɛu si agbɛɛ ŋa.

Romu 1:4

amma Hundei Ilaaɔ̃ í nyisi do gbugbã iyi ntɔi Amai Ilaaɔ̃i si waati iyi í dedeɛ hai si balɛ.

Romu 4:25

Ilaaɔ̃i í jɔ̀ à kpa Jesu wo na irii dulum du wa nɔ í jũu má ku ba ku ce wa inɛ dee dee ŋa.

Romu 5:2

Jesu mɔi í mu nwa kpãa do saabui naanɛ ku dasiu ka sɛkɛɛ si Ilaaɔ̃, nŋu iyi í ce nwa didɔ̃. Na didɔ̃ui à waa leekĩ dim dim nɔ à nɛ inɔ didɔ̃ domi à waa cɔ kpãa iyi aa ka nɛ baa nwa si amboei Ilaaɔ̃.

Romu 8:11

Ilaaɔ̃i í jĩ Jesu hai si balɛ. Nɔ bii Hundei nŋu iyi í jĩ Kirisi hai si balɛu í wa si ŋɛ á na ara iku nŋɛ ŋau mɔ kuwɛɛ na saabui Hundeɛ iyi í wa si ŋɛu.

Romu 8:3

Mii iyi woodai Moizi kù yɔkɔ ku ce si na iyi í jɔ̀ mɔngɔi amanɛ ŋa í jɔ̀ woodau í kua gbugbã, Ilaaɔ̃ í coo. Dulum iyi í wa si arai amanɛ, í kiitiɛ si waati iyi í jɔ̀ Amai nŋu takaɛ í so ara iyi í jɔ arai dulum dii amanɛ ŋa nɔ í bɔɔ wa.

Kɔrɛnti 2, 1:24

A kù bi ka jilɛ nŋɛ ide gɔ do tilasi si naanɛ ku dasi nŋɛ si na iyi í jɔ̀ ì waa leekĩ dim dim ŋa tã si naanɛ ku dasiu, amma à bi ka ce icɛi awaɛ ŋa ajɔ ka mu nŋɛ inɔ didɔ̃.

Kɔrɛnti 2, 13:4

Ntɔi, à kpakpaɛ si jĩi ku gaau si gbugbã hai nɛɛ, amma nsɛi í wɛɛ do saabui gbugbãi Ilaaɔ̃. Awa mɔ à jɛ hai nɛ gbugbã si anu akã nwa do nŋu, amma aa ka maa wɛɛ do nŋu si anini nŋɛ na saabui gbugbãi Ilaaɔ̃.

Kɔrɛnti 2, 5:21

Kirisi, nŋu iyi kù ce dulum kãma, nŋui Ilaaɔ̃ í kãa dulum du wa ku ba ka jɛ dee dee si wajuɛ na anu akã nwa iyi à ce do Kirisi ajɔ.

Galati 1:4

Jesu Kirisi í na araɛ na irii dulum du wa ku ba ku nya wa hai si kuce laalɔi andunyau ihɛ̃. Bɛɛbɛi í ce í ceò idɔɔbii Ilaaɔ̃ Baa nwa.

Galati 3:13

Amma Kirisi í ya wa hai si ikpei wooda si waati iyi í na í jɛ ilu ikpe na iri nwa. Í na í jɛ ilu ikpe si na iyi í jɔ̀ kukɔi idei Ilaaɔ̃ wa fɔ í ni, inɛ iyi à kpakpa si antaii jĩi fei ilu ikpei.

Efɛɛzu 3:12

Naanɛ iyi à dasiɛui í jɔ̀ à nɛ anu akã do nŋu. Na ŋɔi í jɔ̀ à nɛ ara nwa ka bɔ wajui Ilaaɔ̃ do laakai akã.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Ebɛɛ 10:10

Si bɛi Jesu Kirisi í ce idɔɔbii Ilaaɔ̃, na ŋɔi í jɔ̀ aa ka yɔkɔ ka má hai si dulum du wa ŋa na saabui kuweei araɛ iyi í ce gbakã akã hee do ajɔ fei.

Ebɛɛ 9:14

Bii bɛɛbɛi, bɛirei aranfãanii njɛi Kirisi á to. Do saabui Hundei Ilaaɔ̃ iyi kaa kui í naò Ilaaɔ̃ araɛ bɛi kuwee iyi kù nɛ leebu. Njɛɛi á jɔ̀ idɔ nwa ku má hai si icɛ nfe nfe ku ce ku ba ka yɔkɔ ka cea Ilaaɔ̃ icɛ nŋu iyi í jɛ icui kuwɛɛ.

Ebɛɛ 9:26

Bii í jɛ Kirisi í lɔ bɛ tuuba nkpɔ nkpɔ wo, á yɛ ijuukpã isɛ fɛɛfɛlo hai sintei andunya. Amma nsɛi, si waatii ankãanyiu ihɛ̃, í na araɛ bɛi kuwee gbakã akã iyi í to ku kpa idei dulum hee do ajɔ fei.

Ebɛɛ 9:28

bɛɛbɛ mɔi Kirisi í na araɛ gbakã akã bɛi kuwee í soò dulum dii inɛ nkpɔ. Á nɔ ku na ku faata wa isɛ gbeejisia, kù jɛ ku naa ku kpa idei dulum dii inɛ ŋa má, amma ku ba faabai inɛ ŋa iyi à waa degbeɛ ŋau ku kɔ̃ mam mam nii.

Zaaki 5:6

Ì yɛ taalei inɛ dee dee ŋa ì kpa ŋa ŋa, a kù nɔ a kù kɔ̀ò ara nŋa.

Piɛɛ 1, 3:19

Do hundeɛui í koo í waazoa iku ŋa iyi à waa mu bɛi inɛi piisɔ̃ɔ ŋa,

Piɛɛ 1, 4:1

Kirisi í ba ijuukpã si araɛ. Na nŋu, i mà ŋa iyi iŋɛ mɔ aa ba ijuukpã nɔ í sĩa i yɔkɔ temua ŋa, domi inɛ iyi í temuaò ijuukpã si araɛ, dulum kaa kãmiaɛ má,

Piɛɛ 1, 4:6

Na nŋu mɔm nii í jɔ̀ à tako à sisia inɛ ŋa laabaau jiidau wo ku ba baa do iyi à ku nsɛi na kiitii Ilaaɔ̃ iyi í tosi inɛ fei, hunde nŋa ku maa wɛɛ bɛi Ilaaɔ̃ takaɛ í wɛɛ.

Zãa 1, 1:9

Amma bii à ce tuubai dulum du wa, Ilaaɔ̃ ilu naanɛi, nŋu iyi í ya ce dee dee, á kpa idei dulum du wa nɔ ku jɔ̀ ka má hai si laalɔ ku ce nwa fei.