Piɛɛ 1, 3:15 - Bibeli do fee

¹⁵ Amma i jɔ̀ Kirisi ku jɛ Lafɛ̃ɛ si idɔ nŋɛ. I tã sɔɔlu waati kãma fei i jɛa inɛ ŋa iyi à waa bee yaasei kpãa ku cɔ nŋɛ.

Piɛɛ 1, 3:15 Iomraidhean Croise

Iri ku kɔ̃ 119:46

An fɔ ideɛ ŋai bi ilaalu ŋa, n kaa n ce anyɔ.

Mɔnda ŋa 15:28

Inɛ dee dee í ya lasabui titã ku bɛi ku fɔ ide, amma ide sãmii inɛ laalɔ ŋa à ya saasa a maa fɔ.

Mɔnda ŋa 22:21

Nŋui á kɔɛ si ide ntɔ iyi í nɛ naanɛ, ku ba bii inɛ gɔ í beeɛ ide gɔ i yɔkɔ i jɛa lafɛ̃ɛ do ide ntɔ.

Ezai 1:18

Aɔ̃ Lafɛ̃ɛ í ni, na nŋu, i naa wa ka busi njɛ ŋa. Bii dulum du ŋɛ ŋa à kpã bɛi njɛ, an jɔ̀ a fũuta pai pai bɛi iwu. Bii í nɔ í jɛ à yɛ bɛi bulam bulam nii, an jɔ̀ ku fũuta pai pai bɛi ikũ fũfũ.

Ezai 29:23

Waati iyi amaɛ ŋa aa na a yɛ icɛi awɔm ŋa si anini nŋa, aa mà bɛɛrɛm. Nɔ aa mà iyi amui ǹ jɛ Inɛ Kumái Zakɔbu. Waati bɛɛbɛ, aa maa yayai si wajui amu Aɔ̃ Lafɛ̃ɛi Izirɛli.

Ezai 41:21

Ŋɔi Aɔ̃ Lafɛ̃ɛ í ni, iŋɛ iwɛ̃ ŋa, i naa i nyisi wa iyi ì jɛ ntɔ ŋa. I nyisi wa do nyinda ŋa ka yɔɔ ŋa. Aɔ̃ Lafɛ̃ɛ ilaalui tɔkui Zakɔbu ŋaui í fɔ bɛɛbɛ.

Ezai 5:16

Aɔ̃ Lafɛ̃ɛi lele do ilɛ á nyisi kulaɛ, nɔ ku teese ku jilɛ kpãai dee dee ku jɛ. Nŋu Ilaaɔ̃ inɛ kumá, á nyisi kumáɛi si dee dee ku jɛɛ.

Ezai 8:12

Í ni, i maà too si kucei inɛ ŋau bɛ ŋa bii à waa dĩ tɔɔsii laalɔ ku ce si gãmɛi mii ŋa iyi à jilɛ. I maà jɔ̀ zigi nŋɛ ku daò mii iyi wa da zigi nŋa ŋa. I maà ce njoɛ ŋa.

Kuka 20:12

Amma Aɔ̃ Lafɛ̃ɛ í sɔ̃ Moizi do Arɔ̃ɔ í ni, si bɛi i kù dasim naanɛ ŋa, nɔ i kù jɔ̀ inɛi Izirɛli ŋa a mà bɛɛrɛm ŋa, kù jɛ iŋɛi aa lɔò zamaau ihɛ̃ si ilɛ iyi an mu nŋau má.

Kuka 27:14

si na iyi í jɔ̀ i kù jirima woodam ŋa si gbaai Siniu waati iyi zamaau wa kɔ̀ ide. I kù jɔ̀ inɛ ŋa a mà bɛɛrɛm ŋa si gãmɛi inyii Meriba si waati iyi ì wa Kadɛsi ŋa si gbaai Sini.

Woo bɛ ŋa 21:39

Ŋɔi Pɔlu í jɛaa í ni, amu Zuifui. Amu amaalui si ilu gɔ iyi í nya iri. À bím nii Taasi si ilɛi Silisi. Ǹ wa n tɔɔɛi, jɔ̀ n ba inɛ ŋau ide ku fɔ.

Woo bɛ ŋa 24:25

Amma si bɛi Pɔlu wa sisi nŋa idei dee dee ku jɛ do idei ara ku mu do kiiti iyi wa naa, zigii Felisi í da nɔ í ni, aa yɔkɔ i nɛ titã. Bii ǹ ba faya an kpeɛ má.

Kolosee 1:23

Amma í gbe i temua ŋa si naanɛ ku dasi i leekĩ si dim dim ŋa. Nɔ si bɛi ì gbɔ laabaau jiidau ŋa iyi à sisia inɛi andunya fei, i maà ti i jɔ̀ a sinda ŋɛ hai si kpãa ku cɔ iyi wa jilɛ nŋɛ. Laabaau jiidau, amu Pɔlu, amui ǹ jɛ woo ce icɛɛ.

Kolosee 1:27

Í nyisi ŋai si na iyi í jɔ̀ wa bi a mà bɛi asiii nŋu í nɛ bɛɛrɛ do yiiko si anini dimi mmu ŋa. Asiiu wee. Kirisi í wa si ŋɛ, nɔ wa mu nŋɛ kpãa ku cɔ iyi iŋɛ mɔ aa ba ikpɛ̃ si amboei Ilaaɔ̃ ŋa.

Kolosee 1:5

Waati iyi idei laabaau jiida iyi í jɛ ntɔu í sinti ku to wa bi tu ŋɛ, à jɔ̀ ì mà kpãa ku cɔ iyi ì nɛ ŋa. Si bɛɛbɛ, naanɛ ku dasi nŋɛ do kubi nŋɛ fei, í wai si kpãa ku cɔ iyi à jilɛ nŋɛ ikpa lele.

Kolosee 4:6

I ya jɔ̀ ide nŋɛ ku dɔ̃ ku gbɔ nɔ ku too kpãa, ku ba i mà si bɛi í sĩa i jɛa inɛ fei ide ŋa.

Titee 1:2

Iyi bɛi á jɔ̀ a maa cɔ kpãai kuwɛɛ hai tã. Ilaaɔ̃ ci ya sɔ ibo. Nɔ baa hai kù taka andunya í ce kuwãi kuwɛɛ hai tã.

Ebɛɛ 3:6

Amma Kirisi njɛ amai kpasɛ̃ ilu naanɛi iyi Ilaaɔ̃ í ce inɛ ngboi kpasɛ̃ɛu. Inɛi kpasɛ̃ɛ ŋau mɔ, awai bii à waa leekĩ si naanɛ dim dim do si kpãa ku cɔ iyi à waa tɔɔò fufu.

Ebɛɛ 6:1

Na nŋu, ka jɔ̀ ide sinte ŋau si gãmɛi Kirisi nɔ ka bɔ waju ka jɛ inɛ ŋa iyi à jĩa. A kaa ka jilɛ icui ideu ku kɔsi má. Ideui í jɛ idei idɔ ku kpaasi hai si kookoosui nfe ku ce, do idei naanɛ ku dasi si Ilaaɔ̃,

Piɛɛ 1, 1:17

Ilaaɔ̃, nŋu iyi ì ya kpe Baaba ŋa si kutɔɔ nŋɛ, nŋui í jɛ inɛ iyi á kiiti inɛ fei si bɛi inɛ fei í ce nɔ kaa cɔ ijui inɛ gɔ. Na nŋu, waati iyi í gbe nŋɛ si andunya i jɔɔ do jirima ŋa.

Piɛɛ 1, 3:2

domi aa yɛ kuwɛɛ nŋɛ í má, nɔ ì mà bɛɛrɛ nŋa ŋa.

Piɛɛ 1, 3:4

Amma i jɔ̀ kusĩa nŋɛ ku jɛ si idɔ nŋɛ, kusĩa iyi ci ya tã. Nŋui í jɛ daa didɔ̃ do idɔ ku buba. Iyi bɛi í jɛ mii ilu bɛɛrɛ jiida si wajui Ilaaɔ̃.

Samuɛli 1, 12:7

Bɛbɛi i naa wa awaɛ ŋa ka bɔ kiiti si wajui Aɔ̃ Lafɛ̃ɛ, an ye ŋɛ gigii mii jiida ŋa iyi í cea iŋɛ do bala nŋɛ ŋa fei.