Piɛɛ 1, 3:11 - Bibeli do fee

¹¹ Í sĩa ku saa laalɔ nɔ ku ce jiida, í sĩa ku maa dɛ laakai ku sũ waati kãma fei,

Piɛɛ 1, 3:11 Iomraidhean Croise

Zɔɔbu 1:1

Mɔkɔ gɔi í wɛɛ wo si ilɛi Usi à ya kpoo Zɔɔbu. Mɔkɔu kù nɛ taale kãma, í jɛ inɛ dee dee, í ya jirima Ilaaɔ̃, nɔ í ya saa laalɔ.

Zɔɔbu 2:3

Nɔ Aɔ̃ Lafɛ̃ɛ í beeɛ má í ni, i kù yɛ Zɔɔbu woo ce icɛm bɛ? Inɛ kãma kù wɛɛ si andunya iyi í yɛ bɛi nŋu. Mɔkɔu kù nɛ taale kãma, í jɛ inɛ dee dee, í ya jirimam, nɔ í ya saa laalɔ. Wa leekĩ dim dim si dee dee kú jɛɛ nɔ wee awɔ ì talesim n kpãa iju hai kù ce taale kãma.

Zɔɔbu 28:28

Si anyiɛ, nɔ í sɔ̃ amanɛ ŋa í ni, amu Aɔ̃ Lafɛ̃ɛ ku jirimai í jɛ laakai, nɔ laalɔ ku saai í jɛ bisi.

Iri ku kɔ̃ 125:4

Aɔ̃ Lafɛ̃ɛ, jɔ̀ i nyisi inɛ jiida ŋa do inɛ ŋa iyi idɔ nŋa í má jiida ku jɛɛ.

Iri ku kɔ̃ 34:14

lafɛ̃ɛ ku kãmia amɛ̀ɛ nɔ ku nɔ gɛlɛɛ si ide nfe nfe.

Iri ku kɔ̃ 37:27

Jɔ̀ laalɔ ku jĩɛ, i ya ce jiida, aa wa si ilɛu hee do ajɔ fei.

Mɔnda ŋa 16:17

Inɛ jiida ŋa à ya saa laalɔi. Inɛ iyi wa wɔ njoo si kuceɛ wa faaba hundeɛi.

Mɔnda ŋa 16:6

Si jiida ku jɛ do si ntɔi à ya kpaò idei kurara, nɔ bɛɛrɛi Aɔ̃ Lafɛ̃ɛ ku mài í ya jɔ̀ amanɛ ku saa laalɔ.

Mɔnda ŋa 3:7

Maà cɔ araɛ ilu bisi, jɔ̀ i mà bɛɛrɛi Aɔ̃ Lafɛ̃ɛ nɔ i ya saa laalɔ.

Matie 5:45

Bii ì waa ce bɛɛbɛ ŋa ì waa nyisi inɛ ŋa iyi ì jɛ amai Ilaaɔ̃ Baa nŋɛ iyi í wa lelei, domi Ilaaɔ̃ í jɔ̀ inunuɛ wa má inya si inɛ jiida do si inɛ laalɔ ŋa. Nɔ í jɔ̀ ijĩ wa wɔa inɛ ŋa iyi à waa ce idɔɔbiɛ hee do bi inɛ ŋa iyi a kù waa coo fei.

Matie 5:9

Ilu inɔ didɔ̃ ŋai inɛ ŋa iyi à waa ce icɛi laakai ku sũ, domi Ilaaɔ̃ á kpe ŋa amaɛ ŋa.

Matie 6:13

Maà ti i jɔ̀ ka dasi kulɛlɛ, amma nya wa hai si awɔi Seetam. [Domi awɔi ì nɛ bomma do gbugbã do amboe hee do ajɔ fei. Ami.]

Maaku 14:7

Ntɔ ntɔ, ilu are ŋa aa maa wɛɛ do iŋɛ waati kãma fei, nɔ waati iyi ì bi fei aa yɔkɔ i ce nŋa jiida ŋa, amma amu n kaa n na n wɛɛ do iŋɛ hee do ajɔ fei.

Luku 1:79

ku ba ku má inya si inɛ ŋa iyi à waa buba si ilu kuku do si jĩjĩi iku ku maa nɛò awa fei si kpãai laakai akã.

Luku 6:35

Amma i bi mbɛɛ nŋɛ ŋa, i ce nŋa jiida ŋa, i ya wɛ̃ nŋa nɔ i maà ya cɔ kpãai ku sã ŋa. Bii ì waa ce bɛɛbɛ ŋa, riba nŋɛ á la nɔ aa jɛ amai Ilaaɔ̃ ŋa, nŋu iyi kù nɛ saa, domi nŋu takaɛ wa nyisi amanɛ gudulu ŋa do amanɛ laalɔ ŋa didɔ̃ɛ.

Luku 6:9

Nɔ Jesu í ni, ǹ wa n bee ŋɛi, si ajɔi kusĩmi, wooda í na inɛ kpãa ku ce jiida de mà laalɔ, ku faaba amanɛ de, mà ku kpaa.

Laabaau jiida iyi Zãa í kɔ 17:15

N kù wa n tɔɔɛ i nya ŋa hai si andunya, amma ǹ wa n tɔɔɛi i degbe ŋa ku ba Seetam inɛ laalɔu ku maà nɔ ŋa.

Romu 12:18

Bii í jɛ á ce i ce kookaai baa yooma fei i jɔ̀ iŋɛò inɛ fei i ya dɔ̃ ŋa.

Romu 14:17

Bommai Ilaaɔ̃ kù jɛ idei kujɛ do kumɔ, bii kù jɛ dee dee ku jɛ do laakai ku sũ do inɔ didɔ̃ iyi Hundei Ilaaɔ̃ wa mu nwa.

Romu 14:19

Na nŋu, ka dɛ mii iyi á naaò laakai ku sũ wa do mii iyi á mu nwa gbugbã si naanɛ ku dasi nwa.

Romu 5:1

Nsɛi, si bɛi Ilaaɔ̃ í ce wa inɛ dee dee ŋa na naanɛ ku dasi nwa, à dɔ̃ do nŋu na saabui Lafɛ̃ɛ nwa Jesu Kirisi.

Romu 7:19

N ci ya n ce jiida iyi ǹ bi, í gbe laalɔ iyi n kù biu.

Romu 7:21

To, ǹ yɛ ide gɔ í wɛɛm. Nŋu wee. Waati iyi ǹ bi jiida ku ce fei, laalɔi í ya maa má sim.

Romu 8:6

Inɛ ŋa iyi lasabu nŋa fei í wa si idɔɔbii ara, ikui á jɛ iri ku kpa nŋa. Amma inɛ ŋa iyi lasabu nŋa í wa si mii iyi Hundei Ilaaɔ̃ í bi, lafɛ̃ɛ ŋa aa ba kuwɛɛ do laakai ku sũ.

Galati 5:22

Amma mii iyi Hundei Ilaaɔ̃ í ya bí, nŋui í jɛ kubi, do inɔ didɔ̃, do laakai ku sũ, do temua, do jiida ku jɛ, do inɔ akã, do naanɛ,

Galati 6:10

Bɛɛbɛ mɔi waati iyi à ba awɔɛ fei, ka cea inɛ fei jiidaɛ. Nɔ kpaasi woo dasi Jesu naanɛ ŋai à nɛ ka cea ku re.

Kolosee 3:15

Nɔ i jɔ̀ laakai ku sũ iyi Kirisi í mu nŋɛ ku maa ce icɛ si idɔ nŋɛ, domi si laakai ku sũu bɛi Ilaaɔ̃ í kpe ŋɛ i jɛò ara akã ŋa. Nɔ i ya maa saabuɛ ŋa.

Timɔtee 1, 6:18

Sɔ̃ ŋa a ce mii iyi í sĩa, a jɛ ilu amani si jiida ku ce, nɔ a ya kpɛ̃a inɛ ŋa amani nŋa do inɔ didɔ̃.

Ebɛɛ 12:14

I dɛ laakai ku sũ do inɛ fei nɔ i ce kuwɛɛ iyi í má ŋa domi inɛ gɔ kù wɛɛ iyi á yɛ Lafɛ̃ɛ bii kuwɛɛɛ kù má.

Ebɛɛ 13:16

I maà gbɛjɛ jiida ku ce, nɔ i ya maa sobi njɛ ŋa, domi dimii kuwee bɛɛbɛ í ya dɔ̃a Ilaaɔ̃ si.

Zaaki 4:17

Bɛɛbɛi inɛ iyi í mà mii iyi í jɛ jiida nɔ kù waa coo wa dasi araɛ dulum nii.

Piɛɛ 1, 3:12

domi Lafɛ̃ɛ wa degbe inɛ dee dee ŋa nɔ wa gbɔ kutɔɔ nŋa. Amma í fũsi woo ce laalɔ ŋa awɔ.

Zãa 3, 1:11

Awɔ baakɔɔm, maà too kuce laalɔ, í gbe kuce jiida. Inɛ iyi wa ce jiida, ti Ilaaɔ̃i, amma inɛ iyi wa ce laalɔ kù mà Ilaaɔ̃.

Woo kiiti ŋa 11:14

Ŋɔi Zɛfutee í nyi í sisi í bɛ inɛ ŋa má bi ilaaluu,