Piɛɛ 1, 3:10 - Bibeli do fee

¹⁰ Si bɛi kukɔi idei Ilaaɔ̃ wa fɔ í ni, inɛ iyi í bi ku ce kuwɛɛ jiida nɔ ku nɛ inɔ didɔ̃ ajɔ fei, ku jɔ̀ laalɔ ku fɔ nɔ ku nɔ gɛlɛɛ si ibo ku sɔ.

Piɛɛ 1, 3:10 Iomraidhean Croise

Zɔɔbu 2:4

Ŋɔi Seetam í jɛa Aɔ̃ Lafɛ̃ɛ í ni, bɛɛbɛi. Mii iyi amanɛ í nɛ fei á jɛsi ku ce asɔɔ ku yaò hundeɛ.

Zɔɔbu 33:28

Ilaaɔ̃i í nya hundem í jɔ̀ n kù ku. Ǹ wɛɛ má nɔ ǹ wa n yɛ inya kumá.

Zɔɔbu 9:25

Ajɔm ŋa à sɛi à lɔ anu akã bɛi felem. Fei ndɛɛ í lɔ n kù gbɔ ididɔ̃ kãma.

Iri ku kɔ̃ 106:5

Do yaase bɛɛbɛ an yɔkɔ n yɛ didɔ̃ iyi ì jilɛa inɛɛ ŋa iyi ì cicau. An maa n nyaanyii na inɔ didɔ̃i inɛɛ ŋau. An maa n tɔɔ fufui na inɛ ŋa iyi à jɛ tɛɛ ŋau.

Iri ku kɔ̃ 27:13

Ǹ nɛ naanɛ kãm kãm iyi an yɛ jiida ku jɛi Aɔ̃ Lafɛ̃ɛ si kuwɛɛm.

Iri ku kɔ̃ 49:19

Á yɔkɔ ku nɛ inɔ didɔ̃ si kuwɛɛɛ, nɔ aa maa saabuɛi si na iyi í jɔ̀ í nɛ bɛɛrɛ.

Mɔnda ŋa 3:18

Jĩi ndii kuwɛɛi ti inɛ ŋa iyi à muu, nɔ inɛ ŋa iyi à kɔ̀ ku jɔ̀ɔ à ya nɛ inɔ didɔ̃.

Mɔnda ŋa 3:2

Aŋai aa jɔ̀ kuwɛɛɛ ku sɔ nɔ i nɛ laakai ku sũ do inɔ didɔ̃.

Mɔnda ŋa 4:22

domi ikɔ ŋaui à jɛ kuwɛɛi inɛ ŋa iyi à ba ŋa, nɔ à ya jɔ̀ ara nŋa fei ku maa nɛ baani.

Mɔnda ŋa 8:35

domi inɛ iyi í bam í ba kuwɛɛi nɔ í ba didɔ̃i Aɔ̃ Lafɛ̃ɛi.

Woo lasabu 2:3

Nɔ ǹ dasi idɔ n mɔ atɛ̃ vɛ̃ɛ n ba n nɛ inɔ didɔ̃, nɔ bisii idɔm nii ǹ jɔ̀ wa gbãm. Ǹ mɔ atɛ̃ vɛ̃ɛui hee ǹ sisiò kucei nnyɛi ŋa ku ba n mà mii iyi í sĩa amanɛ ku ya ce si kuwɛɛɛ si andunyau ihɛ̃.

Matie 19:17

Nɔ Jesu í beeɛ í ni, na mii í ce ì waa beem idei jiida ku ce. Ilaaɔ̃ nŋu akãi í jɛ jiida. Bii ì bi i ba kuwɛɛ iyi ci ya tã, jirima woodai Ilaaɔ̃ ŋau.

Maaku 8:35

Nɔ inɛ iyi wa bi ku ba kuwɛɛ do idɔɔbiɛ, kaa baa. Amma inɛ iyi í nyɔ kuwɛɛɛ na irim do na laabaau jiidau, lafɛ̃ɛ á baa do ntɔ.

Laabaau jiida iyi Zãa í kɔ 1:47

Ŋɔi à waa koo. Iyi Jesu í yɛ Nataniɛli wa naa bi tɛɛ ŋɔi í ni, i cɔ ŋa, amai Izirɛli takaɛi wa naa bɛ, kù nɛ takii kãma si idɔɛ.

Laabaau jiida iyi Zãa í kɔ 12:25

Inɛ iyi í bi kuwɛɛɛ á na ku kuaɛ. Inɛ mɔ iyi kù saalu kuwɛɛɛ ngɔgɔ, sɔɔlui kuwɛɛ hai tãi lafɛ̃ɛ wa ce.

Wooda ku kɔsi 32:47

Ntɔ ntɔ idei wooda ŋau ihɛ̃, a kù jɛ ide ngbɛ ngbɛ. Aŋai aa jɔ̀ i maa wɛɛ si hunde nɔ i ce adɔ̃ nkpɔ nkpɔ ŋa si ilɛ iyi aa koo i buba si ku jɛ tu ŋɛ ikpa icei idoi Zuudɛ̃ɛu.

Zaaki 1:26

Inɛ iyi wa tamaa nŋu wa too kpãai Ilaaɔ̃ nɔ kù waa nɔ amɛɛ, lafɛ̃ɛ wa sɔa araɛ iboi. Kpãai Ilaaɔ̃ ku tooɛ ngbɛi.

Piɛɛ 1, 2:1

Na nŋu, i jɔ̀ laalɔ baa yooma fei ŋa, hai ibo ku sɔ, do muafiti, do igu, do irii inɛ ku sɔ.

Piɛɛ 1, 2:22

Kù ce dulum, a kù nɔ a kù gbɔ ibo si gɛlɛɛ ajɔ kãma.

Kuyɛi Zãa 14:5

Inɛ gɔ kù gbɔ ibo hai si gɛlɛ nŋa, à jɛ inɛ ŋa iyi a kù nɛ taale.