Piɛɛ 1, 3:1 - Bibeli do fee

¹ Bɛɛbɛ mɔi iŋɛ inaabo ŋa, i sũa mɔkɔ nŋɛ ŋa iri ilɛ, hee baa bii í jɛ gɔgɔ nŋa ŋa a kù dasi idei Ilaaɔ̃ naanɛ, daa nŋɛ ku jɔ̀ a dasi naanɛ. Waati bɛɛbɛ i kù nɛ bukaatai ide ku fɔ má ŋa,

Piɛɛ 1, 3:1 Iomraidhean Croise

Kusintii Andunya 3:16

Nɔ í sɔ̃ abou í ni, an kɔ̃ɔsi wahalai asĩɛ, waati kãma iyi aa bí fei do ara kuro nla nlai, nɔ kubiɛ fei si mɔkɔɛi á ya wa, nŋui á jɛ inɛ ngboɛ.

Mɔnda ŋa 11:30

Kucei inɛ dee dee í yɛi bɛi jĩi ndii kuwɛɛ, nɔ ilu laakai í ya fa inɛ ŋa wa si kpãa jiida.

Mɔnda ŋa 18:19

Í ya gaabu i koo bi kpaasiɛ iyi ì raraa ku re i kɛkɛ bindi ku nɛ gbugbã. Nɔ idei kakɔɔ ku teese í ya gaabu ku re i lɔ ile ku nɛ gbugbã iyi à sɔkɔ.

Matie 18:15

Jesu í ni má, bii kpaasi woo dasi naanɛ gɔ í ce kurara bi tɛɛ, bɔ bi tɛɛ awɔ akã nɔ í jɔ̀ ku mà yaasei kurarau. Bii í gbɔ ideɛ, ì baaɛ wa má si kpãa jiidai.

Romu 10:16

Amma kù jɛ inɛ feii í jɛsi idei laabaau jiidau. Bɛɛbɛi walii Ezai mɔ í fɔ í ni, Lafɛ̃ɛ, yoo ŋai à dasi waazo nwau naanɛ.

Romu 6:17

Amma ka saabu Ilaaɔ̃ domi baa do iyi ì jɛ arui dulum ŋa wo, nsɛi do inɔ akãi ì waa jirima kukɔsi iyi à da nŋɛ si awɔ.

Romu 7:2

Bɛɛbɛ mɔi abo à so mɔkɔ í nɛ ku wa bi mɔkɔɛ si waati iyi mɔkɔu í wɛɛ. Amma bii mɔkɔu í ku abou í fita si woodai njɛ ku so mbɛ.

Kɔrɛnti 1, 11:3

Amma ǹ bi i mà ŋa iyi Kirisii í jɛ inɛ ngboi inɛ baa yooma fei, inɛmɔkɔ mɔi í jɛ inɛ ngboi aboɛ, Ilaaɔ̃ mɔi í jɛ inɛ ngboi Kirisi.

Kɔrɛnti 1, 14:34

í sĩa inaabo ŋa a ya coko bi kutɔtɔɔ. Kù sĩa a fɔ ide, amma a sũ iri ilɛ si bɛi wooda wa fɔ.

Kɔrɛnti 1, 7:16

Amma bii hai dasi Jesu naanɛu í jɛsi i maa wɛɛ do njɛ ŋa í sĩa, domi awɔ abo i kù mà bii í jɛ mɔkɔɛ á na ku ba faaba na iriɛ. Nɔ awɔ mɔ mɔkɔ i kù mà bii í jɛ aboɛ á na ku ba faaba na iriɛ.

Efɛɛzu 5:33

Na nŋu, mɔkɔ fei ku bi aboɛ bɛi í bi araɛ, nɔ abo fei ku jirima mɔkɔɛ.

Kolosee 3:18

Iŋɛ inaabo ŋa, i sũa mɔkɔ nŋɛ ŋa iri ilɛ si bɛi í jɔ inɛ iyi í nɛ anu akã do Lafɛ̃ɛ ku ce.

Kolosee 4:5

I jɛ kuwɛɛ nŋɛ do laakai ŋa si inɔi hai dasi naanɛ ŋau. I ya ce icɛ jiida si waati iyi ì nɛ fei ŋa.

Tɛsalonika 2, 1:8

Á naai do ina sasa ku ba ku kpã inɛ ŋa iyi a kù mà Ilaaɔ̃ iju, aŋa iyi a kù waa jirima laabaau jiidai Lafɛ̃ɛ nwa Jesu.

Ebɛɛ 11:8

Na naanɛ ku dasii, Aburahamu í jɛ́ò kukpei Ilaaɔ̃ nɔ í dasi kpãa wa nɛ ikpa ilɛ gɔ iyi Ilaaɔ̃ á náa bɛi tubu. Í dasi kpãa wa koo baa do iyi kù mà bii wa bɔ.

Ebɛɛ 5:9

Iyi í kɔ̃ í tã nɔ í baa í jɛa inɛ ŋa iyi à waa jirimaɛ fei icui faaba iyi ci ya tã,

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.

Piɛɛ 1, 3:2

domi aa yɛ kuwɛɛ nŋɛ í má, nɔ ì mà bɛɛrɛ nŋa ŋa.

Piɛɛ 1, 3:7

Iŋɛ inɛmɔkɔ ŋa mɔ, si kuwɛɛ nŋɛ do abo nŋɛ ŋa, i ye gigi iyi a kù to ŋɛò gbugbã. I jɔ̀ i mà bɛɛrɛ nŋa ŋa, domi Ilaaɔ̃ á mua aŋa mɔ kuwɛɛ iŋɛò ŋa ajɔ. I ya maa ce bɛɛbɛ ku ba nkãma ku maà ganji ŋɛ si kutɔɔ nŋɛ.

Piɛɛ 1, 4:17

Waati í to kiitiu ku sinti. Inɛi Ilaaɔ̃ ŋai aa sinti ku kiiti. To, bii í sinti hai bi tu wa, bɛirei iri ku kpaɛ á yɛ bi inɛ ŋa iyi à kɔ̀ ku dasi laabaau jiidai Ilaaɔ̃ naanɛ.