Piɛɛ 1, 2:9 - Bibeli do fee

⁹ Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.

Piɛɛ 1, 2:9 Iomraidhean Croise

Iri ku kɔ̃ 106:5

Do yaase bɛɛbɛ an yɔkɔ n yɛ didɔ̃ iyi ì jilɛa inɛɛ ŋa iyi ì cicau. An maa n nyaanyii na inɔ didɔ̃i inɛɛ ŋau. An maa n tɔɔ fufui na inɛ ŋa iyi à jɛ tɛɛ ŋau.

Iri ku kɔ̃ 118:27

Aɔ̃ Lafɛ̃ɛi í jɛ Ilaaɔ̃. Nŋui í ya maa má nwa inya. I dĩ amaawɔi jĩi ŋa i kaakoò bi kuweeu hee do ngo ŋa iyi à wa si bi kuweeu fei si waatii jingau ŋa.

Iri ku kɔ̃ 135:4

Aɔ̃ Lafɛ̃ɛi í cicaa araɛ tɔkui Zakɔbu ŋa nɔ nŋui í jilɛ aŋa inɛi Izirɛli ŋa a jɛ titɛɛ.

Iri ku kɔ̃ 22:30

Ilu gbugbãi andunya ŋa fei aa koo a jɛi nɔ a sɛɛbata si wajuɛ. Aŋa iyi a kù yɔkɔ a kù gɛɛ hunde nŋau, aa ku nɔ aa sɛɛbatai si wajuɛ.

Iri ku kɔ̃ 33:12

Inɔ didɔ̃i í ya jɛ ti ilɛ iyi í nɛ Ilaaɔ̃ í jɛ Lafɛ̃ɛɛ. Ilu inɔ didɔ̃ ŋai dimi ŋa iyi Aɔ̃ Lafɛ̃ɛ í cica à jɛ titɛɛ.

Iri ku kɔ̃ 73:15

Bii í jɛ ǹ ni an fɔ idei bɛi aŋa, inɛ bɛ wa nyisi iyi ǹ wa n zamba amaɛ ŋai.

Ezai 26:2

I cĩ gambo ŋau ŋa, nɔ i jɔ̀ zamaa iyi í jɛ dee dee nɔ wa ceò dee dee ku jɛɛu icɛ ku lɔ wa.

Ezai 41:8

Awɔ Izirɛli woo ce icɛm, sotĩ i gbɔ. Awɔ zamaai Zakɔbu iyi ǹ cica, awɔ dimii Aburahamu kpaasim nii.

Ezai 42:16

An gbã fɛɛju ŋa n tooò ŋa si kpãa gɔ iyi a kù mà wo. An gbã ŋai n jɔ̀ a too si kpãa ŋa iyi a kù mà wo. Si waju nŋa an kpaasi ilu kuku n jɔ̀ ku baa ku jɛ inya kumá, nɔ ilɛ iyi í nɛ bi ku koosɛ ŋau, an jɔ̀ ku baa ku jɛ kpãa ku munga anu. Nɔ dee dee mii iyi an ce mbɛ. N kaa n jɔ̀ɔ iyi n kù coo.

Ezai 44:1

To, nsɛi, awɔ dimii Zakɔbu woo ce icɛm, awɔ zamaai Izirɛli iyi ǹ cicau, sotĩ i gbɔ.

Ezai 61:6

Amma iŋɛ, woo weei Aɔ̃ Lafɛ̃ɛ ŋai aa ya kpe ŋɛ. Bii à waa fɔ ide nŋɛ, woo ce icɛi Aɔ̃ Lafɛ̃ɛ nwa ŋai aa ya ni. Iŋɛi aa jɛ aranfãanii amanii inɛi ilɛ ŋau ŋa, nɔ iŋɛi aa tɔɔ fufu do amani nŋa ŋau.

Ezai 62:12

Zamaa kumái aa kpe ŋa. Inɛ ŋa iyi Aɔ̃ Lafɛ̃ɛ í ya. Nɔ awɔ Zeruzalɛmu, a kaa kpeɛ ilu iyi à fũsi awɔ má í gbe ilu iyi à bi.

Ezai 66:21

Nɔ Aɔ̃ Lafɛ̃ɛ í ni má, hai si inɛi ilɛ ŋau bɛi an cica woo wee ŋa do inɛi Levii ŋa.

Ezai 9:2

Aɔ̃ Lafɛ̃ɛ, awɔi ì jɔ̀ zamaai ilɛu í kpɔ wa kɔ̃ɔsi, nɔ ì jɔ̀ inɔ didɔ̃ɛ mɔ wa la ntɔ ntɔ. Nɔ à wɛɛò inɔ didɔ̃ si wajuɛ bɛi si waatii amaajɛ ŋa ku da, walakɔ bɛi si waatii ku kpɛ̃i mii ŋa iyi à ko wa hai bi ku ce igũ.

Malasi 3:17

Ŋɔi Aɔ̃ Lafɛ̃ɛi lele do ilɛu í ni, aŋai aa jɛ inɛm ŋa ajɔ iyi an nyisi yiikom nɔu. An ce araare nŋa bɛi baa í ya ce araarei ama inɛmɔkɔɛ iyi wa jirimaɛ.

Matie 4:16

aŋa iyi à wa si ilu kuku wo, aŋai à yɛ inya kumá nla nla. Aŋa iyi à wa si ilɛ bii iku do ilu kuku í wa, aŋai inya kumá í naa si.

Matie 5:16

Bɛɛbɛ mɔi i jɔ̀ inya kumá nŋɛ ku má si wajui inɛ ŋa ku ba a yɛ kookoosu jiida nŋɛ ŋa nɔ irii Ilaaɔ̃ Baa nŋɛ iyi í wa lele ku nɛ amboe.

Luku 1:79

ku ba ku má inya si inɛ ŋa iyi à waa buba si ilu kuku do si jĩjĩi iku ku maa nɛò awa fei si kpãai laakai akã.

Laabaau jiida iyi Zãa í kɔ 17:19

Na iri nŋai ǹ so aram ǹ naɛ ku ba aŋa mɔ a jɛ titɛɛ mam mam.

Woo bɛ ŋa 20:28

I mu ara nŋɛ ku sĩa, nɔ i ya maa degbe inɛ ŋa iyi Hundei Ilaaɔ̃ í da nŋɛ si awɔ fei, aŋa iyi à jɛ igbɛi inɛi Ilaaɔ̃ ŋa iyi nŋu takaɛ í ya do njɛi Amaɛ.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Woo bɛ ŋa 26:28

Ŋɔi Agiripa í sɔ̃ Pɔlu í ni, debɛi, si waati keekeu ihɛ̃ ì waa tamaa aa cem inɛi Kirisi?

Romu 9:24

Inɛ ŋau awai. Si inɔ nwa Zuifu ŋa do hai jɛ Zuifu ŋa à wa si. Ilaaɔ̃i í kpe awa fei.

Kɔrɛnti 1, 3:17

Na nŋu, bii inɛ gɔ í bɛjɛ bi kuwai Ilaaɔ̃, Ilaaɔ̃ mɔ á bɛjɛ lafɛ̃ɛ. Á ce bɛɛbɛi si na iyi í jɔ̀ bi kuwaɛ í má, iŋɛi ì nɔ ì jɛ bi kuwau.

Efɛɛzu 1:14

Hundeɛu nŋui í yɛ bɛi kaazigii tubu nwa iyi Ilaaɔ̃ í wãò inɛɛ ŋa wo. Nɔ wa sɔ̃ wa kãm kãm iyi aa ka jɛ tubuu si waati iyi Ilaaɔ̃ á ya inɛɛ ŋa mam mam. Na nŋu, ka saabu kulaɛ.

Efɛɛzu 1:6

ku ba ka saabu didɔ̃ nla nlaɛ iyi í ce nwa si anu akã nwa do Amaɛ, inɛ iyi siɛi kubiɛ fei í wa.

Efɛɛzu 3:21

Í sĩa inɛi igbɛɛ ŋa a jɔ̀ inɛ ŋa a mà bɛɛrɛɛ waati kãma fei hee do ajɔ fei do saabui Jesu Kirisi. Ami.

Wooda ku kɔsi 10:15

Tako wo bala nŋɛ ŋa aŋa akãi Aɔ̃ Lafɛ̃ɛ í bi nɔ í na ŋa araɛ. Si anyi nŋa, iŋɛ iyi ì jɛ tɔku nŋa ŋai í bi nɔ í cica ŋɛ hai si inɔi dimi iyi à gbe ŋau fei si bɛi iŋɛ taka nŋɛ ì waa yɔɔ nnyi ŋa.

Wooda ku kɔsi 14:2

Iŋɛi ì jɛ zamaa iyi Aɔ̃ Lafɛ̃ɛ nŋɛ í nya ikã ku ba i jɛ titɛɛ ŋa. Iŋɛi í cica si inɔi zamaa iyi í wa si andunya ihɛ̃ fei.

Wooda ku kɔsi 18:2

A kaa ba ikpɛ̃ do inɛi Izirɛli ŋau domi Aɔ̃ Lafɛ̃ɛ ku cea icɛi á jɛ ikpɛ̃ iyi aa ba si bɛi nŋu takaɛ í tako í sɔ̃ ŋa wo.

Wooda ku kɔsi 4:20

Amma iŋɛ, Aɔ̃ Lafɛ̃ɛ í koo í nya ŋɛ í fitaò ŋɛ wai hai ilɛi Ezibiti iyi í yɛ bɛi tengi bii à ya dasi isɔ ina ku yɔ. Í ce bɛɛbɛi ku ba i jɛ zamaaɛ bɛi ì jɛ nnyiu ihɛ̃ ŋa.

Wooda ku kɔsi 7:6

Ntɔ ntɔ iŋɛi ì jɛ dimi iyi à nya ikã í jɛ ti Aɔ̃ Lafɛ̃ɛ. Aɔ̃ Lafɛ̃ɛ nŋɛ í cica ŋɛi ku ba i jɛ titɛɛ ŋa si inɔi dimii inɛi andunya ŋau ihɛ̃.

Filipi 3:14

Bɛɛbɛi ǹ ce ǹ wa n bɔò waju bɛi inɛ iyi wa ce gaasai kusɛi, ku ba n ba riba iyi Ilaaɔ̃ wa kpe wa ka na ka gba lele do saabui Jesu Kirisi.

Kolosee 1:13

Do ntɔi í nya wa hai si awɔ gbugbãi ilu kuku nɔ í buba wa si bommai Amaɛ iyi í bi.

Timɔtee 2, 1:9

Nŋui í faaba wa nɔ í kpe wa ka jɛ inɛɛ ŋa. Kù jɛ na icɛ nwa ŋa iyi à ce, amma si na iyi í jɔ̀ nŋu takaɛ í bi bɛɛbɛi na didɔ̃ɛ. Didɔ̃ɛu í jilɛ nwai hai tako tako na anu akã nwa iyi à ce do Jesu Kirisi.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Piɛɛ 1, 1:2

Ilaaɔ̃ Baaba í cica ŋɛi si bɛi í dasi idɔ nŋu ku ce. Nɔ ì jɛ inɛɛ ŋa do saabui Hundeɛ ku ba i jirima Jesu Kirisi ŋa nɔ njɛɛ ku wɛ ŋɛ. Didɔ̃ do laakai ku sũ ku kɔ̃ɔsi si kuwɛɛ nŋɛ.

Piɛɛ 1, 2:5

Iŋɛ mɔ, i naa wa bɛi kuta ilu hunde a ceò ŋɛ icɛ a maò ile bi kuwai Hundei Ilaaɔ̃. Bɛi aa jɛ woo wee ŋa iyi à má iyi Hundei Ilaaɔ̃ á jɔ̀ a cea Ilaaɔ̃ kuwee ŋa iyi á dɔ̃aa si do saabui Jesu Kirisi.

Piɛɛ 1, 4:11

Inɛ iyi wa waazo, ku fɔ idei Ilaaɔ̃. Inɛ mɔ iyi wa cea inɛ gɔ icɛ ku coo do gbugbã iyi Ilaaɔ̃ í muaa ku ba si mii fei amboei ku jɛ ti Ilaaɔ̃ do saabui Jesu Kirisi, nŋu iyi í nɛ amboe do gbugbã hee do ajɔ fei. Ami.

Kuyɛi Zãa 1:6

Nɔ í tɔtɔɔ wa í jɛ ilaalu nwa, í ce wa woo weei Ilaaɔ̃ baaɛ. Amboe do gbugbã ku jɛ tɛɛ hee do ajɔ fei. Ami.

Kuyɛi Zãa 20:6

Ilu inɔ didɔ̃ ŋai inɛ ŋa iyi à wa si kudede sinteu. Aŋai à nya ikã na irii Ilaaɔ̃. Iku minjisiau kù nɛ gbugbã si ŋa má, amma aa maa jɛ woo weei Ilaaɔ̃ ŋa do ti Kirisi, nɔ aa jɛ bomma do nŋu adɔ̃ dubu.

Kuyɛi Zãa 5:10

Nɔ ì tɔtɔɔ ŋa ì jɛ ilaalu nŋa, ì ce ŋa woo weei Ilaaɔ̃ Lafɛ̃ɛ nwa, nɔ aŋai aa jɛ bomma si andunyau.

Samuɛli 1, 12:22

Aɔ̃ Lafɛ̃ɛ kaa kɔ̀si ŋɛ domi do idɔɔbiɛi í so ŋɛ i jɛ titɛɛ ŋa nɔ nŋui á maa mu ŋɛ na iri nlaɛ.