Piɛɛ 1, 2:8 - Bibeli do fee

⁸ Nɔ à ni má, kutau ihɛ̃i í ya jɔ̀ inɛ ŋa a koosɛ. Nŋui í ya maa kɛkɛ ŋa. À ya koosɛi si na iyi í jɔ̀ à kɔ̀ ku dasi ideu naanɛ. Nɔ nŋu bɛi Ilaaɔ̃ í jilɛ nŋa.

Piɛɛ 1, 2:8 Iomraidhean Croise

Zɔɔbu 23:14

Debɛi mii iyi í bi ku bam nii í ce. Nɔ á nyi ku ce mmuɛ ŋa má.

Kufita 9:16

Amma ǹ jɔ̀ í wɛɛi ku ba ku yɛ gbugbãm nɔ inɛ ŋa a kpe irim si andunya fei.

Ezai 37:26

Senakeribu, i kù gbɔ iyi ǹ ce sɔɔlui mii ŋau bɛ hai ku kpɛ? Ǹ ce sɔɔlui mii ŋau bɛi hai si waati ŋa iyi à lɔ. Bɛbɛii ǹ wa n naaò ŋa wa, nɔ mii iyi awɔ ì nɛ ku cei í jɛ i jɔ̀ ilu ku nɛ gbugbã ŋau a ce bomma.

Ezai 57:14

Aɔ̃ Lafɛ̃ɛ í fɔ wo í ni, i teese kpãa ŋa. I ce sɔɔlui kpãa gɔ, nɔ i nya mii ŋa iyi aa jɛ bi ku kosi isɛ fei hai si kpãai inɛm ŋau.

Ezai 8:14

Nŋui á jɛ bi ku manjii nyaanze ikã ikã minjii Izirɛliu. Amma nŋui á nyi ku jɛ kuta bii aa koosɛ má, do kuta iyi í ya kɛkɛ inɛ. Inɛ nkpɔ nkpɔi á ko si isɛ, nɔ aa cukui bũu nŋa ku cɛ. Nŋui á jɛ cɛkũm si bii inɛi Zeruzalɛmu ŋa aa dasi. Kutɛi inɛ nkpɔ nkpɔi á mu nɔ a kaa yɔkɔ a nyaa.

Luku 2:34

Simeɔ̃ í wee nŋa nɔ í sɔ̃ Maari iyei Jesuu í ni, Ilaaɔ̃ í cica amau ihɛ̃i ku kɛkɛ inɛ nkpɔ nɔ ku dede inɛ nkpɔ mɔ si inɔi inɛi Izirɛli ŋa. Nŋui Ilaaɔ̃ í bɛ wa ku jɛ bɛi nyinda, amma inɛ ŋa aa kɔ siɛ.

Romu 9:22

To, yaaseu bɛ wa nyisi mii iyi Ilaaɔ̃ í ce. Í bi ku nyisi inɛ gɔ ŋa idɔɔkɔ̃ nlaɛ do gbugbãɛ. Amma í temuai titã do inɛ ŋa iyi idɔɛ í kɔ̃ siu, aŋa iyi à yɛ bɛi caka ŋa iyi aa nyɔu.

Kɔrɛnti 1, 1:23

Amma awa, waazoi Kirisi iyi à kpakpa si antaii jĩi ku gaauui à waa ce. Ideu bɛi í jɛ bɛi kuta bi ku koosɛ bi Zuifu ŋa nɔ í jɛ má bɛi idei sũmu bi dimi mmu ŋa.

Kɔrɛnti 2, 2:16

Bi inɛ ŋa iyi à waa bɔ bi ku ce nfe, inúnùi ikui iyi wa bí iku. Bi inɛ ŋa mɔ iyi à waa ba faaba, inúnùi kuwɛɛi iyi wa na kuwɛɛ. Yooi í to ku ce dimii icɛu bɛ.

Galati 5:11

Iŋɛ inɛm ŋa, bii í jɛ amu takam ǹ wa n waazo hee nsɛi ǹ ni inɛ ŋa a ce bangoi, na mii í ce à ya maa kpãm iju. Bii í jɛ bɛɛbɛ mɔm nii ǹ wa n ce, ikui Jesu si jĩi kàa jɛa inɛ ŋa bi ku koosɛ.

Tɛsalonika 1, 5:9

Ntɔ ntɔ, Ilaaɔ̃ kù kpe wa ka naa ka yɛ idɔɔkɔ̃ɛ, amma ku ba ka ba faaba do saabui Lafɛ̃ɛ nwa Jesu Kirisi.

Piɛɛ 1, 2:6

Í sĩa i ce bɛɛbɛ ŋa si na iyi í jɔ̀ si kukɔi idei Ilaaɔ̃ à ni, Ilaaɔ̃ í ni, ǹ cica kuta ilu bɛɛrɛ ǹ jilɔɔ ilui Siɔ̃ɔ bɛi kuta ku nɛ gbugbãi icui ile. Inɛ iyi í dasiɛ naanɛ, kaa yɛ anyɔ.

Piɛɛ 1, 2:7

Kutau, í nɛ bɛɛrɛ bi iŋɛ woo dasi Jesu naanɛ ŋa, amma hai dasi naanɛ ŋa à kɔ̀siɛ. Do nŋu fei, kukɔi idei Ilaaɔ̃ í ni, kuta iyi woo ma ŋa à kɔ̀si nŋui í na í jɛ kuta gbugbãi icui ile.

Piɛɛ 2, 2:3

Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.

Zudu 1:4

Tilasii n kɔ nŋɛ wa nsɛi si na iyi í jɔ̀ inɛ laalɔ gɔ ŋa à lɔ si inɔ nŋɛ do ile, aŋa iyi à waa kpaasi didɔ̃i Ilaaɔ̃ a ba a ceò daa sãmi nŋa, nɔ a kɔ̀si Jesu Kirisi, nŋu akã iyi í jɛ ilaalu nwa do Lafɛ̃ɛ nwa. Hai tako takoi à kɔ idei ijuukpã iyi inɛ ŋau aa na a yɛ si ajɔi kiitiu.