Piɛɛ 1, 2:7 - Bibeli do fee

⁷ Kutau, í nɛ bɛɛrɛ bi iŋɛ woo dasi Jesu naanɛ ŋa, amma hai dasi naanɛ ŋa à kɔ̀siɛ. Do nŋu fei, kukɔi idei Ilaaɔ̃ í ni, kuta iyi woo ma ŋa à kɔ̀si nŋui í na í jɛ kuta gbugbãi icui ile.

Piɛɛ 1, 2:7 Iomraidhean Croise

Ezai 28:5

Waati wa naa si bii Aɔ̃ Lafɛ̃ɛi lele do ilɛu takaɛi á jɛ bɛi fula ku daanai ilaalu do booda kusĩa gɔ iyi á jɛ ti zamaaɛ iyi í gbeu.

Azee 2:7

An na n yaga dimii ŋau feii nɔ n jɔ̀ a ko amani jiida nŋa ŋa a naaò wa kpasɛ̃m bɛ. Nɔ do yaase bɛɛbɛi an kɔ̃ kpasɛ̃u do bɛɛrɛ. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Zakari 4:7

Nɔ í fɔ má í ni, iri kuta nlau ihɛ̃i á ganji Zorobabɛli si icɛu? Aawo, á lɛgɛɛ ku munga anuɛ. Hai bɛ mɔi á ba kuta ku nɛ gbugbã iyi á jilɛò icui ileu. Waati bɛɛbɛi, inɛ ŋa aa dɔ̃ anu do inɔ didɔ̃ a maa ni, ka saabu Ilaaɔ̃.

Matie 21:42

Ŋɔi Jesu í bee ŋa í ni, i kù cio ideu ihɛ̃ si kukɔi idei Ilaaɔ̃ ŋa ba. Í ni, kuta iyi woo ma ŋa à kɔ̀siu nŋui í baa í jɛ kuta sintei icui ileu. Aɔ̃ Lafɛ̃ɛi í coo, nɔ í mu wa biti.

Luku 2:32

Nŋui í jɛ inya kumá iyi á nyisi dimi mmu ŋa kpãaɛ. Nɔ nŋui í jɛ amboei inɛɛ ŋa, inɛi Izirɛli ŋa.

Luku 2:34

Simeɔ̃ í wee nŋa nɔ í sɔ̃ Maari iyei Jesuu í ni, Ilaaɔ̃ í cica amau ihɛ̃i ku kɛkɛ inɛ nkpɔ nɔ ku dede inɛ nkpɔ mɔ si inɔi inɛi Izirɛli ŋa. Nŋui Ilaaɔ̃ í bɛ wa ku jɛ bɛi nyinda, amma inɛ ŋa aa kɔ siɛ.

Luku 20:17

Amma Jesu í cɔ ŋa, nɔ í ni, bii bɛɛbɛi, yoomai í jɛ yaasei kukɔu ihɛ̃ iyi wa ni, kuta iyi woo ma ŋa à kɔ̀siu, nŋui í baa í jɛ kuta sintei icui ileu.

Laabaau jiida iyi Zãa í kɔ 4:42

ŋɔi à sɔ̃ abou à ni, kù jɛ na ide iyi ì fɔu nŋu akãi í jɔ̀ à dasi Jesu naanɛ má, amma si na iyi í jɔ̀ awa taka nwa à gbɔ ideɛi nɔ à mà iyi do ntɔ nŋui í jɛ Woo faabai andunya.

Woo bɛ ŋa 26:19

Ŋɔi Pɔlu í ni má, ilaalu Agiripa, na ŋɔi í ce ǹ wa n jirima kuyɛ iyi í naa hai bi Ilaaɔ̃u.

Romu 10:21

Amma si gãmɛi inɛi Izirɛli ŋa í kɔ í ni, Ilaaɔ̃ í ni, hai daakɔi ǹ to awɔ bi hai gbɔ ide ilu itĩ ku yika ŋa.

Romu 15:31

I tɔɔ Ilaaɔ̃ ku nyam hai si awɔi hai dasi Jesu naanɛ ŋa iyi à wa ilɛi Zudee, nɔ i ce kutɔɔ má ŋa ku ba woo dasi Jesu naanɛ ŋau a gba amua iyi ǹ wa n bɔò Zeruzalɛmu do awɔ minji.

Kɔrɛnti 2, 2:16

Bi inɛ ŋa iyi à waa bɔ bi ku ce nfe, inúnùi ikui iyi wa bí iku. Bi inɛ ŋa mɔ iyi à waa ba faaba, inúnùi kuwɛɛi iyi wa na kuwɛɛ. Yooi í to ku ce dimii icɛu bɛ.

Kolosee 2:10

Nɔ iŋɛ mɔ ì kɔ̃ ŋa do saabui anu akã nŋɛ do nŋu, nŋu iyi í jɛ inɛ ngboi gbugbãi lele ŋa do ilu yiiko ŋa fei.

Titee 3:3

Í sĩa ka ce bɛɛbɛ domi tako wo awa mɔ à yɛi bɛi inɛ ŋa iyi à gbe. A kù nɛ yaase, a ci ya ka jirima Ilaaɔ̃, à ya ka maa ce kurara. Kɔdɛɛi andunya baa yooma fei do faayi ŋai à waa nɛò wa. À waa ce kuwɛɛ nwa do inɔ sãmi do binɛ. À jɛ inɛ laalɔ ŋa nɔ à cé njɛ.

Ebɛɛ 11:31

Na naanɛ ku dasii, Rahabu abo à ta icuu kù ku do inɛ ŋa iyi a kù jirima Ilaaɔ̃ ajɔ, si na iyi í jɔ̀ í gba woo bɛ ŋau do inɔ akã.

Ebɛɛ 4:11

Na nŋu, ka ce kookaai ka lɔ si bi kusĩmiu. Kãma nwa ku maà jɛ hai gbɔ ide bɛi inɛ ŋau. Bii kù jɛ bɛɛbɛ aa ka na ka cuku ka kua bi kusĩmiu.

Piɛɛ 1, 1:8

Ì buu baa do iyi i kù yɔɔ ŋa. Ì dasiɛ naanɛ baa do iyi i kù yɔɔ titã ŋa. Ŋɔi í jɔ̀ ì wɛɛò inɔ didɔ̃ nla nla ŋa iyi í nɛ amboe hee í kpeeò ku fɔ do gɛlɛ.

Piɛɛ 1, 2:4

I sɛkɛɛ si Lafɛ̃ɛ wa, nŋu iyi í jɛ kuta ilu hunde iyi inɛ ŋa à kɔ̀si, amma Ilaaɔ̃ í cicaɛ si na iyi í jɔ̀ í nɛ bɛɛrɛ bi tɛɛ.

Piɛɛ 1, 2:8

Nɔ à ni má, kutau ihɛ̃i í ya jɔ̀ inɛ ŋa a koosɛ. Nŋui í ya maa kɛkɛ ŋa. À ya koosɛi si na iyi í jɔ̀ à kɔ̀ ku dasi ideu naanɛ. Nɔ nŋu bɛi Ilaaɔ̃ í jilɛ nŋa.