Piɛɛ 1, 2:6 - Bibeli do fee

⁶ Í sĩa i ce bɛɛbɛ ŋa si na iyi í jɔ̀ si kukɔi idei Ilaaɔ̃ à ni, Ilaaɔ̃ í ni, ǹ cica kuta ilu bɛɛrɛ ǹ jilɔɔ ilui Siɔ̃ɔ bɛi kuta ku nɛ gbugbãi icui ile. Inɛ iyi í dasiɛ naanɛ, kaa yɛ anyɔ.

Piɛɛ 1, 2:6 Iomraidhean Croise

Kusintii Andunya 49:24

Amma ì ya katee biooɛi dim dim, nɔ awɔɛ ŋa a ci ya yaya na saabui Ilaaɔ̃ Lafɛ̃ɛm ilu gbugbã, nŋu iyi í jɛ woo degbe nɔ í jɛ kuta nlai Izirɛli.

Iri ku kɔ̃ 40:14

Aɔ̃ Lafɛ̃ɛ, naa i faabam. Aɔ̃ Lafɛ̃ɛ, ce ńya i naa i sobim.

Iri ku kɔ̃ 89:19

Aɔ̃ Lafɛ̃ɛ, awɔi ì jɛ bɛi tɛli nwa. Awɔ Inɛ Kumái Izirɛliu, awɔi ì jɛ ilaalu nwa.

Ezai 28:16

Na ŋɔi í jɔ̀ Aɔ̃ Lafɛ̃ɛ í fɔ í ni, an jilɛ kutai icui ile Siɔ̃ɔ. Kutai iyi an jilɛò icui ileu kuta ku nɛ bɛɛrɛ gɔi iyi í nɛ gbugbã ntɔ ntɔ. Do nŋui an cɔò laakai nŋɛ. Inɛ iyi í dasim naanɛ, bɛɛbɛi nŋu mɔ á nɛ gbugbã dim dim.

Ezai 41:11

Inɛ ŋa iyi à wɛɛò idɔɔkɔ̃ do awɔ fei, anyɔ do bitii á jɛ tu ŋa. Inɛ ŋa iyi à waa dɛdɛ ijaɛ ŋau, a kaa naa a jɛ nkãma, nɔ aa ce nfe mɔm nii.

Ezai 42:1

Ŋɔi Aɔ̃ Lafɛ̃ɛ í ni, inɛ ihɛ̃i í jɛ woo ce icɛm. An maa n muui si awɔ. Nŋui ǹ cica, nɔ nŋui ǹ bi. Nŋui ǹ daa si hundem. Nŋui á jilɛa inɛi ilɛ ŋa asaiya.

Ezai 46:13

Ǹ jɔ̀ dee dee ku jɛm wa sɛkɛɛ wa, nɔ kù jĩ má. Nɔ kaa kpɛ má, faabam nɔu mɔ ku to wa. An jɔ̀ faabam nɔu ku naa Siɔ̃ɔ. Ntɔ ntɔ, an jɔ̀ Izirɛli ku nɛ bɛɛrɛ.

Ezai 50:7

Aɔ̃ Lafɛ̃ɛi í ya naa ku sobim, na ŋɔi í jɔ̀ n kù jɛsi iyi igũ í jɛm. Na nŋu, ǹ lele wajum nii bɛi kuta, nɔ ǹ mà iyi n kaa n dasi anyɔ.

Ezai 54:4

Na nŋu, maà jɔ̀ njo ku muɛ, domi i kaa jɛ ilu anyɔ má. Maà jɔ̀ anyɔ ku muɛ domi bɛɛrɛɛ kaa kaye má. Ntɔ ntɔ aa gbɛjɛ idei anyɔi waatii mudɛ̃ɛɛ, nɔ i kaa ye gigii anyɔi waatii jaaɔ̃ɛu má.

Zakari 10:4

Hai bi tu ŋai inɛ gɔ á na ku fita. Á nɛ gbugbã bɛi kutai icui ile, nɔ ku leekĩ dim dim bɛi kɛkɛi ilei acɔ. Á yɛi má bɛi bioo iyi à ya bɔò igũ. Hai bi tu ŋa mɔi inɛ ngbo fei á na ku fita.

Matie 12:18

Ilaaɔ̃ í ni, woo ce icɛm iyi ǹ cica wee. Nŋui ǹ bi jiida, siɛi inɔ didɔ̃m fei í ya wa. An daa si Hundem, nɔ ku sisia dimi fei dee dee ku jɛm.

Maaku 12:10

To, i kù cio ideu ihɛ̃ si kukɔi idei Ilaaɔ̃ ŋa ba. Í ni, kuta iyi woo ma ŋa à kɔ̀siu nŋui í baa í jɛ kuta sintei icui ileu.

Luku 20:17

Amma Jesu í cɔ ŋa, nɔ í ni, bii bɛɛbɛi, yoomai í jɛ yaasei kukɔu ihɛ̃ iyi wa ni, kuta iyi woo ma ŋa à kɔ̀siu, nŋui í baa í jɛ kuta sintei icui ileu.

Luku 23:35

Ŋɔi zamaau í wa bɛ wa cɔɔ. Nɔ inɛ ngbo ŋau à yaakoɛ à waa ni, í faaba inɛ gɔ ŋa. To, kú faaba araɛ bɛ bii nŋui í jɛ inɛ iyi Ilaaɔ̃ í cicau.

Laabaau jiida iyi Zãa í kɔ 7:38

Inɛ iyi í dasim naanɛ fei á yɛi bɛi inyii kuwɛɛ á maa cãi hai si idɔi lafɛ̃ɛ. Bɛɛbɛi kukɔi idei Ilaaɔ̃ í ni.

Woo bɛ ŋa 1:16

iŋɛ kpaasim ŋa, Hundei Ilaaɔ̃i í jɔ̀ Davidi í fɔ idei Zudasi wo, nŋu iyi í cuaa inɛ ŋa iyi à mu Jesuu, nɔ ideu kù nɛ bɛi á ce iyi kù ce.

Romu 10:11

Kukɔi idei Ilaaɔ̃ í nɔ í fɔ í ni inɛ iyi í dasiɛ naanɛ fei kaa yɛ anyɔ.

Efɛɛzu 1:4

Ilaaɔ̃ í cica wa tã hai waati iyi kù taka andunya ka jɛ titɛɛ si anu akã nwa do Kirisi, nɔ ka jɛ inɛ kumá ŋa ka maà nɛ taale kãma bi tɛɛ.

Efɛɛzu 2:20

Iŋɛ mɔ ì yɛi bɛi idĩ iyi à ma si antaii icui ile iyi woo bɛ ŋau do walii ŋau à jilɛ. Jesu Kirisi takaɛi í jɛ kuta sintei icui ileu.

Timɔtee 2, 3:16

Kukɔi idei Ilaaɔ̃ fei hai bi Ilaaɔ̃i wa naa. Nɔ í nɛ aranfãani ku kɔ inɛ ŋa si cio, ku nyisi amanɛ kuraraɛ, nɔ ku dasiɛ kpãa jiida má, nɔ ku nyisiɛ yaase bɛi á jɛò dee dee,

Piɛɛ 1, 2:4

I sɛkɛɛ si Lafɛ̃ɛ wa, nŋu iyi í jɛ kuta ilu hunde iyi inɛ ŋa à kɔ̀si, amma Ilaaɔ̃ í cicaɛ si na iyi í jɔ̀ í nɛ bɛɛrɛ bi tɛɛ.

Piɛɛ 1, 2:8

Nɔ à ni má, kutau ihɛ̃i í ya jɔ̀ inɛ ŋa a koosɛ. Nŋui í ya maa kɛkɛ ŋa. À ya koosɛi si na iyi í jɔ̀ à kɔ̀ ku dasi ideu naanɛ. Nɔ nŋu bɛi Ilaaɔ̃ í jilɛ nŋa.

Piɛɛ 2, 1:20

Sinte, i jɔ̀ i mà iyi ihɛ̃ ŋa, iyi idei walii gɔ kù wɛɛ si kukɔi idei Ilaaɔ̃ iyi inɛ gɔ á tusɛ ndɛɛ bɛi í bi,

Piɛɛ 2, 3:16

Ideu ihɛ̃i í kɔ si tia iyi í kɔ fei tengi bii wa fɔ idei mii ŋau ihɛ̃. Si tiaɛ ŋau bii gɔ ŋa í wɛɛ iyi í gaabu ku gbɔ, nɔ hai mà ŋa iyi a kù waa leekĩ si naanɛ ku dasi dim dim à ya maa bɛjɛ yaasei ideui, si bɛi à ya maa ce do kukɔi idei Ilaaɔ̃ si inya mmu gɔ ŋa. Bɛɛbɛi à waa faa ara nŋa nfe ku ce.