Piɛɛ 1, 2:5 - Bibeli do fee

⁵ Iŋɛ mɔ, i naa wa bɛi kuta ilu hunde a ceò ŋɛ icɛ a maò ile bi kuwai Hundei Ilaaɔ̃. Bɛi aa jɛ woo wee ŋa iyi à má iyi Hundei Ilaaɔ̃ á jɔ̀ a cea Ilaaɔ̃ kuwee ŋa iyi á dɔ̃aa si do saabui Jesu Kirisi.

Piɛɛ 1, 2:5 Iomraidhean Croise

Ilaalu 1, 7:11

Si antaii icuui à lesi kuta jiida kusĩa ŋa iyi à gbe si bɛi kusɔ nŋa í nɛ ku jɛu nɔ à kpa iriɛ do kpatakui jĩi ndii sɛɛdi ŋa.

Iri ku kɔ̃ 141:2

Jɔ̀ kutɔɔm ku to wa siɛ bɛi cuai tuae iyi í nɛ inunu jiida. Nɔ awɔ ku wum nɔu ku yɛ bɛi kuweei alɛ.

Iri ku kɔ̃ 50:14

Saabui í nɛ ku jɛ kuwee iyi aa cea amu Ilaaɔ̃ Lafɛ̃ɛɛ nɔ i kɔ̃ kuwã ŋa iyi ì ce si gãmɛi amu iyi ǹ wa hee lele.

Iri ku kɔ̃ 50:23

Inɛ iyi í mà bɛɛrɛm, saabui í nɛ ku jɛ kuwee iyi á ya ceem. Nɔ inɛ iyi wa ce laakai si isɛɛnɛɛ, an faabaɛ.

Kufita 19:6

Amu takam nii ǹ jɛ ilaalu nŋɛ nɔ iŋɛ fei aa jɛ bɛi woo weem ŋa, nɔ aa jɛ dimi iyi à nya ikã ŋa. Ide ŋa iyi aa sɔ̃ inɛi Izirɛli ŋau mbɛ.

Mɔnda ŋa 9:1

Laakai í gbe sɔbe mɛɛje, nɔ í ma si ileɛ.

Ezai 61:6

Amma iŋɛ, woo weei Aɔ̃ Lafɛ̃ɛ ŋai aa ya kpe ŋɛ. Bii à waa fɔ ide nŋɛ, woo ce icɛi Aɔ̃ Lafɛ̃ɛ nwa ŋai aa ya ni. Iŋɛi aa jɛ aranfãanii amanii inɛi ilɛ ŋau ŋa, nɔ iŋɛi aa tɔɔ fufu do amani nŋa ŋau.

Ezai 66:21

Nɔ Aɔ̃ Lafɛ̃ɛ í ni má, hai si inɛi ilɛ ŋau bɛi an cica woo wee ŋa do inɛi Levii ŋa.

Ozee 14:2

Iŋɛ inɛi Izirɛli ŋa, i sinda i nyi wa bi Aɔ̃ Lafɛ̃ɛ nŋɛ, domi kurara nŋɛi í jɔ̀ ì koosɛ ì cuku ŋa.

Malasi 1:11

Hai nunui daakɔ hee ku bɔ nunui alɛ inɛi andunya ŋa fei à mà bɛɛrɛm. À ya maa joom tuae ŋa bii fei, nɔ à ya maa ceem kuwee ŋa ku ba a nyisiò bɛɛrɛi irim. Do ntɔ inɛi andunya ŋa fei à mà bɛɛrɛm.

Romu 12:1

Na nŋu iŋɛ inɛm ŋa, ǹ wa n tɔɔ ŋɛi na saabui araare iyi Ilaaɔ̃ í ce nŋɛ, i na Ilaaɔ̃ ara nŋɛ. I jɔ̀ kuwɛɛ nŋɛ ku jɛaa bɛi kuwee gɔ iyi í má nɔ í sĩaa si. Do yaase bɛɛbɛi í sĩa i ya tɔɔ Ilaaɔ̃ ŋa.

Romu 15:16

ǹ wa n jɛò woo ce icɛi Jesu Kirisi bi hai jɛ Zuifu ŋa. Ǹ wa n waazo laabaau jiidai Ilaaɔ̃ bɛi woo wee ku ba hai jɛ Zuifu ŋa a yɛ bɛi kuwee iyi á dɔ̃a Ilaaɔ̃ si, si na iyi í jɔ̀ Hundeɛ í cica ŋa í jɔ̀ à má.

Kɔrɛnti 1, 3:16

I kù mà ŋa iyi iŋɛi ì jɛ bi kuwai Ilaaɔ̃? I kù mà ŋa iyi Hundeɛ í wa si ŋɛi?

Kɔrɛnti 1, 3:9

Ntɔ ntɔ awa à waa ce icɛi do Ilaaɔ̃ ajɔ, nɔ iŋɛ ì yɛ ŋai bɛi ikoi Ilaaɔ̃. Iŋɛi ì yɛ má ŋa bɛi ile iyi Ilaaɔ̃ wa ma.

Kɔrɛnti 1, 6:19

Mà i kù mà ŋa iyi ara nŋɛi í jɛ bi kuwai Hundei Ilaaɔ̃ iyi í wa si ŋɛ iyi Ilaaɔ̃ í mu nŋɛ? I kù nɛ ara nŋɛ

Kɔrɛnti 2, 6:16

Bɛirei bi kuwai Ilaaɔ̃ do iwɛ̃ ŋa á ce ku tɔtɔɔ. Awai à jɛ bi kuwai Ilaaɔ̃, nŋu iyi í jɛ icui kuwɛɛ. Nɔ nŋu takaɛ í fɔ í ni, an wɛɛ do aŋa nɔ awaò ŋa ka maa nɛ. An jɛ Lafɛ̃ɛ nŋa nɔ aa jɛ inɛm ŋa.

Galati 6:10

Bɛɛbɛ mɔi waati iyi à ba awɔɛ fei, ka cea inɛ fei jiidaɛ. Nɔ kpaasi woo dasi Jesu naanɛ ŋai à nɛ ka cea ku re.

Wooda ku kɔsi 18:2

A kaa ba ikpɛ̃ do inɛi Izirɛli ŋau domi Aɔ̃ Lafɛ̃ɛ ku cea icɛi á jɛ ikpɛ̃ iyi aa ba si bɛi nŋu takaɛ í tako í sɔ̃ ŋa wo.

Filipi 1:11

nɔ icɛ jiida nŋɛ ŋa iyi ì waa ce ŋa na saabui Jesu Kirisiu ku kɔ̃, nɔ ku jɔ̀ inɛ ŋa a yɛ amboei Ilaaɔ̃ nɔ a maa saabuɛ.

Filipi 2:17

Naanɛ ku dasi nŋɛ í yɛi bɛi kuwee iyi ì waa cea Ilaaɔ̃ ŋa. Nɔ baa bii í jɛ à kpam nii, nɔ ǹ nikã njɛm bɛi kuweei atɛ̃ vɛ̃ɛ iyi à nikã si antaii kuwee nŋɛu, do nŋu fei inɔm á dɔ̃, nɔ awaɛ ŋa ka kpɛ̃ inɔ didɔ̃u.

Filipi 4:18

Andi mii iyi ì sambaam wa fei ŋa ǹ yɔɔ. Í nɔ í to hee í gbe. Bɛi Epafoditi í naam amua nŋɛ wa í ceem zaka. Amua nŋɛu í yɛɛm nii bɛi kuwee iyi í nɛ inunu jiida iyi Ilaaɔ̃ í gba í dɔ̃aa si.

Kolosee 3:17

Si kuce nŋɛ do si kufɔ nŋɛ i ce fei ndɛɛ do irii Lafɛ̃ɛ Jesu nɔ i saabu Ilaaɔ̃ Baaba ŋa na saabuɛ.

Timɔtee 1, 3:15

ku ba baa bii í na wa kpɛi, i mà bɛi í jɔ inɛi nyaanzei Ilaaɔ̃ ŋa waatɔ inɛi igbɛɛ ŋa a maa nɛò ara nŋa. Igbɛui í yɛ bɛi sɔbei ntɔu do gbugbãɛ. Ilaaɔ̃i í jɛ icui kuwɛɛ.

Ebɛɛ 3:6

Amma Kirisi njɛ amai kpasɛ̃ ilu naanɛi iyi Ilaaɔ̃ í ce inɛ ngboi kpasɛ̃ɛu. Inɛi kpasɛ̃ɛ ŋau mɔ, awai bii à waa leekĩ si naanɛ dim dim do si kpãa ku cɔ iyi à waa tɔɔò fufu.

Piɛɛ 1, 2:9

Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.

Piɛɛ 1, 4:11

Inɛ iyi wa waazo, ku fɔ idei Ilaaɔ̃. Inɛ mɔ iyi wa cea inɛ gɔ icɛ ku coo do gbugbã iyi Ilaaɔ̃ í muaa ku ba si mii fei amboei ku jɛ ti Ilaaɔ̃ do saabui Jesu Kirisi, nŋu iyi í nɛ amboe do gbugbã hee do ajɔ fei. Ami.

Piɛɛ 1, 4:17

Waati í to kiitiu ku sinti. Inɛi Ilaaɔ̃ ŋai aa sinti ku kiiti. To, bii í sinti hai bi tu wa, bɛirei iri ku kpaɛ á yɛ bi inɛ ŋa iyi à kɔ̀ ku dasi laabaau jiidai Ilaaɔ̃ naanɛ.

Kuyɛi Zãa 1:6

Nɔ í tɔtɔɔ wa í jɛ ilaalu nwa, í ce wa woo weei Ilaaɔ̃ baaɛ. Amboe do gbugbã ku jɛ tɛɛ hee do ajɔ fei. Ami.

Kuyɛi Zãa 20:6

Ilu inɔ didɔ̃ ŋai inɛ ŋa iyi à wa si kudede sinteu. Aŋai à nya ikã na irii Ilaaɔ̃. Iku minjisiau kù nɛ gbugbã si ŋa má, amma aa maa jɛ woo weei Ilaaɔ̃ ŋa do ti Kirisi, nɔ aa jɛ bomma do nŋu adɔ̃ dubu.

Kuyɛi Zãa 3:12

Inɛ iyi í jɛ igũ, an jɔ̀ ku jɛ sɔbe si kpasɛ̃i Ilaaɔ̃, kaa fita má. An kɔ irii Ilaaɔ̃ siɛ do irii iluɛ iyi í jɛ Zeruzalɛmu titɔ̃ iyi Ilaaɔ̃ á jɔ̀ ku kita wa hai lele. Nɔ n kɔ iri titɔ̃m siɛ.

Kuyɛi Zãa 5:10

Nɔ ì tɔtɔɔ ŋa ì jɛ ilaalu nŋa, ì ce ŋa woo weei Ilaaɔ̃ Lafɛ̃ɛ nwa, nɔ aŋai aa jɛ bomma si andunyau.