Piɛɛ 1, 2:4 - Bibeli do fee

⁴ I sɛkɛɛ si Lafɛ̃ɛ wa, nŋu iyi í jɛ kuta ilu hunde iyi inɛ ŋa à kɔ̀si, amma Ilaaɔ̃ í cicaɛ si na iyi í jɔ̀ í nɛ bɛɛrɛ bi tɛɛ.

Piɛɛ 1, 2:4 Iomraidhean Croise

Ezai 28:16

Na ŋɔi í jɔ̀ Aɔ̃ Lafɛ̃ɛ í fɔ í ni, an jilɛ kutai icui ile Siɔ̃ɔ. Kutai iyi an jilɛò icui ileu kuta ku nɛ bɛɛrɛ gɔi iyi í nɛ gbugbã ntɔ ntɔ. Do nŋui an cɔò laakai nŋɛ. Inɛ iyi í dasim naanɛ, bɛɛbɛi nŋu mɔ á nɛ gbugbã dim dim.

Ezai 42:1

Ŋɔi Aɔ̃ Lafɛ̃ɛ í ni, inɛ ihɛ̃i í jɛ woo ce icɛm. An maa n muui si awɔ. Nŋui ǹ cica, nɔ nŋui ǹ bi. Nŋui ǹ daa si hundem. Nŋui á jilɛa inɛi ilɛ ŋa asaiya.

Ezai 55:3

I sotĩ i gbɔ nɔ i naa wa bi tom ŋa. I sotĩ i gbɔ idem nɔ i wɛɛ ŋa. An dĩ akabuu do iŋɛ hee do ajɔ fei. An ce nŋɛ jiida ŋa bɛi ǹ tako ǹ cea Davidi kuwãɛu.

Zeremi 3:22

I baa wa ŋa, ama ku kɔ̀ ide ŋa. An ce nŋɛ suurui dee dee hai jɛ nŋɛ. Awa wee Ilaaɔ̃, à waa baa bi tɛɛ, domi awɔi ì jɛ Aɔ̃ Lafɛ̃ɛ nwa.

Daniɛli 2:34

Ŋɔi ì waa cɔ mii iyi à gbeu hee í koo í to waati iyi kuta gɔ í ga wa nɔ kù jɛ awɔi amanɛi í gaa wa. Kuta iyi í ga wau í naa í cã kutɛi mii iyi à gbe iyi bii gɔɛ ŋa í jɛ isɔ, nɔ bii gɔ ŋa mɔ í jɛ do amàu í lɛgɛ ŋa í nya fufuɛ.

Daniɛli 2:45

Ide nŋui kuta iyi ì yɛ í ga wa hai si iri kuta iyi kù jɛ awɔi amanɛi í gaa wau wa fɔ. Kutau í cuku wai ku na ku lɛgɛ isɔu, do isɔ nkpau, do amàu, do isɔ fũfũu, do wurau ku nya fufu nŋa. Do yaase bɛɛbɛi Ilaaɔ̃ nla í bi ku jɔ̀ i mà mii iyi á na ku ce do waju. Alaɛu, kuyɛ gɔi iyi í jɛ ntɔ, nɔ kutusɛɛu mɔ, inɛ í nɛ ku dasi naanɛi.

Zakari 3:9

Nɔ ǹ jilɛ kuta gɔ si wajui Zozue. Kuta akãu í nɛ waju mɛɛje. Amu takam an kɔ ide gɔ siɛ. Nɔ an naa n nya dulum dii inɛi ilɛ ŋau ihɛ̃ ajɔ akã. Amu Aɔ̃ Lafɛ̃ɛi lele do ilɛ, amui ǹ fɔ ideu.

Zakari 4:7

Nɔ í fɔ má í ni, iri kuta nlau ihɛ̃i á ganji Zorobabɛli si icɛu? Aawo, á lɛgɛɛ ku munga anuɛ. Hai bɛ mɔi á ba kuta ku nɛ gbugbã iyi á jilɛò icui ileu. Waati bɛɛbɛi, inɛ ŋa aa dɔ̃ anu do inɔ didɔ̃ a maa ni, ka saabu Ilaaɔ̃.

Matie 11:28

Iŋɛ iyi ì gbɛɛji nɔ aso wa wɔ ŋɛ fei i naa wa bi tom an mu nŋɛ kusĩmi.

Matie 12:18

Ilaaɔ̃ í ni, woo ce icɛm iyi ǹ cica wee. Nŋui ǹ bi jiida, siɛi inɔ didɔ̃m fei í ya wa. An daa si Hundem, nɔ ku sisia dimi fei dee dee ku jɛm.

Matie 21:42

Ŋɔi Jesu í bee ŋa í ni, i kù cio ideu ihɛ̃ si kukɔi idei Ilaaɔ̃ ŋa ba. Í ni, kuta iyi woo ma ŋa à kɔ̀siu nŋui í baa í jɛ kuta sintei icui ileu. Aɔ̃ Lafɛ̃ɛi í coo, nɔ í mu wa biti.

Laabaau jiida iyi Zãa í kɔ 14:19

Í gbe keeke nsɛi iyi inɛi andunya ŋa a kaa yɛm má, amma iŋɛ aa yɛm ŋa si na iyi í jɔ̀ ǹ wɛɛ, nɔ iŋɛ mɔ aa wɛɛ ŋa.

Laabaau jiida iyi Zãa í kɔ 14:6

Ŋɔi Jesu í jɛaa í ni, amui ǹ jɛ kpãa, do ntɔ, do kuwɛɛ. Inɛ kãma kaa bɔ bi Ilaaɔ̃ Baaba bii kù jɛ hai do bi tom.

Laabaau jiida iyi Zãa í kɔ 5:26

Si bɛi Baaba takaɛ í jɛ irii kuwɛɛ, bɛɛbɛ mɔi í jɔ̀ amu Amaɛ ǹ jɛ.

Laabaau jiida iyi Zãa í kɔ 5:40

Amma do nŋu fei ì kɔ̀ ku naa bi tom ku ba i ba kuwɛɛ ŋa.

Laabaau jiida iyi Zãa í kɔ 6:37

Inɛ ŋa iyi Baaba í nam fei aa naa bi tom, nɔ inɛ iyi í naa bi tom baa bii bɛirei n kaa n nyɔɔ angule.

Laabaau jiida iyi Zãa í kɔ 6:57

Baabai í bɛm wa. Nŋui í nɛ kuwɛɛ nɔ na iriɛi amu mɔ ǹ wɛɛ. Bɛɛbɛ mɔi inɛ iyi í ŋɔm, lafɛ̃ɛ í nɛ kuwɛɛ na irim.

Romu 5:10

Waati iyi à jɛ mbɛɛi Ilaaɔ̃, í jɔ̀ à dɔ̃ do nŋu na ikui Amaɛ. Na nŋu nsɛi, si bɛi à dɔ̃ do nŋu, sika kãma kù wa si á nyi ku faaba wa má na kuwɛɛi Amau.

Kɔrɛnti 1, 3:11

Iyi í jɛ idei icui ileu, à nyɔɔ tã nɔ inɛ gɔ kaa yɔkɔ ku nyɔ mmuɛ gɔ má. Jesu Kirisii í nɔ í jɛ icui ileu.

Kolosee 3:4

Kirisii í jɛ kuwɛɛ nŋɛ do ntɔ, nɔ ajɔ iyi á faata wa, do iŋɛi ajɔ, nɔ aa ba ikpɛ̃ nŋɛ si amboeɛ.

Piɛɛ 1, 1:19

Aawo, à faaba ŋɛi do njɛ ilu bɛɛrɛi Kirisi, nŋu iyi í yɛ bɛi ama angudãi kuwee hai nɛ leebu nɔ kù nɛ riisi gɔ.

Piɛɛ 1, 1:7

Naanɛ ku dasi nŋɛ í nɛ bɛɛrɛ ntɔ ntɔ í re wura, domi wura á na ku tã. Do nŋu fei, do inai à yɔɔ à nya riisiɛ. Bɛɛbɛ mɔi, Ilaaɔ̃ wa cɔ laakaii naanɛ ku dasi nŋɛ ku ba ku mà gbugbãɛ. Nɔ aa ba saabu do amboe do bɛɛrɛ ŋa waati iyi Jesu Kirisi á faata wa.

Piɛɛ 1, 2:7

Kutau, í nɛ bɛɛrɛ bi iŋɛ woo dasi Jesu naanɛ ŋa, amma hai dasi naanɛ ŋa à kɔ̀siɛ. Do nŋu fei, kukɔi idei Ilaaɔ̃ í ni, kuta iyi woo ma ŋa à kɔ̀si nŋui í na í jɛ kuta gbugbãi icui ile.

Piɛɛ 2, 1:1

Amui Simɔɔ Piɛɛ amaacɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Jesu Kirisi, nŋu iyi í jɛ Ilaaɔ̃ woo faaba nwa, í jɔ̀ ì dasi naanɛ ŋa na dee dee ku jɛɛ. Naanɛ iyi ì dasi ŋau í nɛ bɛɛrɛ bɛi ti awa mɔ.

Piɛɛ 2, 1:4

Bɛɛbɛi í ce nwa kuwã nla nla ilu bɛɛrɛ ŋa. Kuwã ŋau aa jɔ̀ i yɛ bɛi nŋu takaɛ í yɛ nɔ i saa kuce laalɔ sãmi ŋa iyi í wa si andunya na binɛ.