Piɛɛ 1, 2:25 - Bibeli do fee

²⁵ Tako wo ì yɛ ŋai bɛi angudã ŋa iyi à nyɔ, amma nsɛi ì nyi wa bi woo degbeu ŋa, nŋu iyi wa degbe ŋɛ.

Piɛɛ 1, 2:25 Iomraidhean Croise

Iri ku kɔ̃ 119:176

Ǹ wa n dabii bɛi angudã iyi í nyɔ. Naa i dɛdɛm amu woo ce icɛɛ, domi n kù gbɛjɛ woodaɛ ŋa.

Iri ku kɔ̃ 80:1

Iriu ihɛ̃ ti inɛ ngboi woo kɔ̃ iri ŋai do Azafu. À ya kɔ̃ɔi do mɔɔlɔ. Iriu ti gigi ku yei.

Ezai 13:14

Waati bɛɛbɛ, inɛ ŋa aa yɛi bɛi angbãi ŋa iyi à da zigi nŋa, walakɔ bɛi angudã ŋa iyi a kù nɛ inɛ kãma iyi á tɔtɔɔ ŋa. Inɛ fei á sindai ku nyi bi inɛɛ ŋa, nɔ inɛ fei á sai ku nɛ ikpa ilɛɛ.

Ezai 40:11

Í yɛi bɛi woo degbe iyi wa gbã mɛɛmu gaaɛ, nɔ wa tɔtɔɔ ŋa do awɔɛ iyi í wu si ŋa. Í ya so ama angudã ŋau wai si ikpaɛ, nɔ ku gbã iye ŋau ku naaò ŋa wa ku ba a mɔmɔ.

Ezai 53:5

Wee na irii dulum du wa ŋai à gũu, nɔ na kurara nwa ŋai à mɛɛ ntɔ ntɔ. Ijuukpã iyi í nɛ ku ba wa ka bɛi ka ba laakai ku sũu, siɛi í cuku si, nɔ na saabui kumɛɛɛ ŋau bɛi awa à baò iri.

Ezai 53:6

Awa fei à nyɔi wo à waa dabii bɛi mɛɛmu gaa ŋa. Waati bɛɛbɛ, inɛ fei í mu kpãaɛi, nɔ Aɔ̃ Lafɛ̃ɛ í jɔ̀ kurarai awa fei í baa siɛ.

Zeremi 23:2

Na ŋɔi í jɔ̀ Aɔ̃ Lafɛ̃ɛi inɛi Izirɛli ŋau í nyi í fɔ má si gãmɛi inɛ ŋa iyi à waa degbe inɛɛ ŋau í ni, ì fangaa angudãm ŋa, ì lele ŋa ŋa, i kù gbɔ nŋa ŋa. Na nŋu, i cɔ, an naa si ŋɛ na kuce laalɔ nŋɛ ŋau.

Ezekiɛli 34:6

Mɛɛmu gaam ŋau à fangaa si iri kuta ŋa do si geete ŋa fei. Mɛɛmum ŋau à fangaai si ilɛu fei, inɛ gɔ kù waa cɔ ŋa, nɔ inɛ gɔ kù bɔ ku dɛdɛ nŋa.

Ezekiɛli 37:24

Davidi woo ce icɛm nii á jɛ ilaalu nŋa, nŋu akãi á jɛ woo degbe nŋa. Aa maa mu kukɔi idem ŋa nɔ a maa jirima woodam ŋa a maa ceò ŋa icɛ.

Zakari 13:7

Aɔ̃ Lafɛ̃ɛi lele do ilɛ í ni, taakuba, cuku si woo degbe inɛm ŋa, nŋu iyi ǹ jɔ̀ í jɛ minjisiam. Kpa woo degbeu nɔ angudã ŋau a fangaa bii fei, nɔ n cuku si iyi a kù nɛ gbugbã ŋau mɔ.

Matie 18:12

Bɛirei ì waa lasabu ŋa. Bii inɛ gɔ í nɛ angudã cĩɔ nɔ akãɛ í nyɔ, kaa jɔ̀ cĩɔ fakã kù wa siu titã si geete bii à wau koo dɛdɛ akã iyi í nyɔu wa?

Matie 9:36

Iyi í yɛ zamaau, araare fei í muu, domi à wɛɛ do biti, inɔ nŋa fei í fɔ, à wɛɛ nŋa bɛi angudã ŋa iyi a kù nɛ woo degbe.

Woo bɛ ŋa 20:28

I mu ara nŋɛ ku sĩa, nɔ i ya maa degbe inɛ ŋa iyi Hundei Ilaaɔ̃ í da nŋɛ si awɔ fei, aŋa iyi à jɛ igbɛi inɛi Ilaaɔ̃ ŋa iyi nŋu takaɛ í ya do njɛi Amaɛ.

Ebɛɛ 13:20

Lafɛ̃ɛ nwa Jesui í jɛ Woo degbe iyi í re. Na njɛɛ iyi í nikã, í jilɛ nwa akabuu titɔ̃ iyi ci ya tã. Na nŋu Ilaaɔ̃ ilu laakai ku sũ, nŋu iyi í dedeɛ hai si balɛ,

Ebɛɛ 3:1

Na nŋu, iŋɛ inɛm ŋa, iŋɛ iyi ì jɛ ti Ilaaɔ̃, iŋɛ iyi í kpe do woo dasi Jesu naanɛ ŋa iyi à gbe, i jɔ̀ i cɔ Jesu, nŋu iyi Ilaaɔ̃ í bɛ wa ku jɛ woo wee nla si kpãai naanɛ ku dasi iyi à waa sisi.

Ebɛɛ 5:2

Á yɔkɔ ku ce suuru do inɛ ŋa iyi a kù mà ngɔgɔ do inɛ ŋa iyi à yaa hai si kpãa, si na iyi í jɔ̀ nŋu takaɛ mɔ kù kɔ̃.

Piɛɛ 1, 3:20

inɛ ŋa iyi a kù tako a kù waa jirima Ilaaɔ̃ si waati iyi í temuaò ŋa hee Nowee í koo í ceò akɔi inyiu í tã. Inɛ ŋa iyi à lɔ si akɔi inyiu a kù kpɔ, a kù re aŋa mɛɛjɔ, nɔ à ba faaba hai si inɔ inyi nlau.

Piɛɛ 1, 5:4

Nɔ waati iyi Kirisi á faata wa, nŋu iyi í jɛ inɛ ngboi woo degbe ŋau, aa gba riba ilu amboe iyi kusĩaɛ kaa tã ŋa.