Piɛɛ 1, 2:23 - Bibeli do fee

²³ Iyi à buu, kù sã nŋa arabu. Iyi à kpãa iju, kù ceekpe ŋa, amma í leekĩ do Ilaaɔ̃ iyi í ya kiiti dee dee.

Piɛɛ 1, 2:23 Iomraidhean Croise

Kusintii Andunya 18:25

Kù sĩa i kpa inɛ jiida ŋa do inɛ laalɔ ŋa fei ajɔ, aŋa fei a ba riba dimi akã. Aawo. Kù sĩa i ce bɛɛbɛ. Awɔ iyi ì waa kiiti inɛi ilɛu ihɛ̃ fei, kù sĩa i ce iyi í jɛ dee dee?

Iri ku kɔ̃ 10:14

Awɔ Aɔ̃ Lafɛ̃ɛ, ì waa yɛ mii fei, bitandii ilu are do wahalaɛ fei ì waa yɔɔ. Mii iyi í ba hai nɛ gbugbã fei awɔi í ya jɔ̀a, nɔ awɔi ì ya naa i sobi kɔyɔ ŋa.

Iri ku kɔ̃ 31:5

Aa nyam hai si cɛkũm iyi à leem, domi awɔi ì waa mum.

Iri ku kɔ̃ 37:5

Daa Aɔ̃ Lafɛ̃ɛ kuwɛɛɛ fei si awɔ, dasiɛ naanɛ, á sobiɛ.

Iri ku kɔ̃ 7:11

Ilaaɔ̃i í jɛ bɛi tɛli iyi wa degbem, nŋui í ya faaba inɛ ŋa iyi idɔ nŋa í má.

Iri ku kɔ̃ 96:13

si wajui Aɔ̃ Lafɛ̃ɛ domi wa naa. Wa naai ku na ku kiiti inɛi andunya ŋa. Á kiiti inɛi andunya ŋaui do dee dee ku jɛ, nɔ si ntɔi á kiitiò inɛ fei.

Ezai 53:7

À wahalaɛ, à kpãa iju, amma kù cĩ gɛlɛ bɛi angudã iyi à waa bɔ ku saka, do bɛi ama angudã iyi wa coko si wajui inɛ ŋa iyi à waa bu ntoɛ.

Luku 23:41

Bii awai à waa kpã iju bɛɛbɛ, dee deei, domi à waa sã nwa gbesei mii iyi à cei. Amma njɛ kù ce laalɔ kãma.

Luku 23:46

Ŋɔi Jesu í la do gbugbã í ni, Baaba, ǹ daaɛ hundem si awɔ. Iyi í fɔ bɛɛbɛ nɔ í ku.

Luku 23:9

Ŋɔi í bee Jesu ide nkpɔ nkpɔ amma Jesu kù jɛaa ide kãma.

Woo bɛ ŋa 17:31

Nɔ í jilɛ ajɔ si bii inɛ iyi í cicau á kiitiò inɛi andunya ŋa fei nɔ kiitiɛu dee deei á jɛ. Nɔ í jũu tã hai si balɛ ku ba ku nyisi inɛ fei iyi inɛ bɛ á na ku cei.

Woo bɛ ŋa 4:29

Na nŋu nsɛi, Lafɛ̃ɛ, ce laakaii ide ku fɔ nŋa nɔ i jɔ̀ awa woo ce icɛɛ ŋau ka sisi ideɛu do wɔɔkɔ nla nla.

Woo bɛ ŋa 7:59

Si bɛi à waa ta Etiɛni kutau ŋɔi Etiɛni í ce kutɔɔ í ni, Lafɛ̃ɛ Jesu, gba hundem.

Woo bɛ ŋa 9:1

Waati bɛɛbɛ Sɔlu í ya maa kpã inɛ ŋa iyi à waa too kpãai Jesu ŋau iju nɔ wa bi ku kpa ŋa mɔm nii. Na ŋɔi í jɔ̀ í bɔ bi woo wee nlai Ilaaɔ̃u,

Romu 2:5

Amma si bɛi idɔɛ í le nɔ i kù jɛsi i kpaasi, ì waa faa araɛ idɔɔkɔ̃ iyi í la í rei si ajɔ iyi Ilaaɔ̃ á kiiti inɛ ŋa dee dee nɔ inɛ fei á yɔɔ.

Efɛɛzu 6:9

Iŋɛ lafɛ̃ɛ ŋa mɔ, i cea aru nŋɛ ŋa bɛɛbɛ, i maà ya ta nŋa gbugbã. I mà ŋa iyi iŋɛò ŋa fei Lafɛ̃ɛ akãi ì nɛ lele bii inɛ gɔ kù re inɛ gɔ.

Tɛsalonika 2, 1:5

Iyi ihɛ̃i wa nyisi kãm kãm iyi kiitii Ilaaɔ̃ í jɛ dee dee, domi ijuukpã iyi ì yɛ fei ŋa na irii bommai Ilaaɔ̃i. Nŋui á jɔ̀ Ilaaɔ̃ ku ka ŋɛ si inɛ ŋa iyi à to a lɔ si bommaɛu.

Timɔtee 2, 1:12

Ŋɔi í jɔ̀ ǹ wa n yɛ ijuukpãu ihɛ̃. Amma anyɔ kù waa muum, domi ǹ mà inɛ iyi ǹ dasi naanɛ ǹ nɔ ǹ mà kãm kãm iyi í nɛ gbugbã ku maa mu ide iyi í jɔ̀ɔm nɔu hee ajɔu koo toò wa.

Timɔtee 2, 4:8

Nsɛi, ǹ mà iyi an ba ribai dee dee ku jɛ. Lafɛ̃ɛ woo kiiti dee deei á muum si ajɔ nŋu. Kù jɛ amu akã, amma hee do inɛ ŋa iyi à bi ajɔi kunyiɛ wa fei.

Ebɛɛ 12:3

I jɔ̀ i lasabu si mii iyi Jesu í ce, si bɛi í temua do mbɛɛtɛ nlau hee í jɛsi ilu dulum ŋa à kpaa. I mu ideu ŋa ku ba i maà kua gbugbã ŋa nɔ i maà mɔngɔ munya ŋa.

Piɛɛ 1, 3:9

I maà ya sãa inɛ laalɔɛ, walakɔ arabu ŋa iyi í buɛ. Í sĩa mɔm i ya jɛaa do kuwee, domi Ilaaɔ̃ í kpe ŋɛi ku ba i ba kuwee ŋa.

Piɛɛ 1, 4:19

Na nŋu, inɛ ŋa iyi à waa yɛ ijuukpã si idɔɔbii Ilaaɔ̃, í sĩa a teese a maa ce jiidaɛ nɔ a leekĩ do woo taka nŋa iyi í jɛ ilu naanɛ.

Kuyɛi Zãa 19:11

Si anyii nŋu, ǹ yɛ lelei Aɔ̃ í cĩ nɔ acĩ fũfũ gɔ í faata wa. Inɛ iyi wa gũui à ya kpe ilu naanɛ do ilu ntɔ. Si ntɔi í ya kiiti, bɛɛbɛ mɔi í ya ceò igũ.