Piɛɛ 1, 2:22 - Bibeli do fee

²² Kù ce dulum, a kù nɔ a kù gbɔ ibo si gɛlɛɛ ajɔ kãma.

Piɛɛ 1, 2:22 Iomraidhean Croise

Iri ku kɔ̃ 34:13

Bii í jɛ inɛ gɔ wa bi hundeɛ ku sɔ̀, nɔ kuwɛɛɛ ku dɔ̃,

Ezai 53:9

À koo à suui tengi bii à ya si inɛ laalɔ ŋa. Balɛɛ í wai bi balɛi ilu amani ŋa baa do iyi kù taa inɛ gɔ gbugbã nɔ idei zamba kãma kù fita hai si gɛlɛɛ.

Matie 27:19

Waati iyi Pilati wa buba bi ku ce kiitiu, ŋɔi aboɛ í bɛ siɛ inɛ gɔ wa í ni, maà dasi idei inɛ dee deeu bɛ baa, domi idũ, iyi ǹ wa n sũ, ǹ yɛ wahala jiida jiida si ala na iriɛ.

Matie 27:4

Í sɔ̃ ŋa í ni, ǹ ce dulum si bɛi ǹ zamba inɛ dee deeu ihɛ̃ a kpaa. Amma à jɛaa à ni, yoomai í yɛ wa. Í jɛ idei iriɛ.

Luku 23:41

Bii awai à waa kpã iju bɛɛbɛ, dee deei, domi à waa sã nwa gbesei mii iyi à cei. Amma njɛ kù ce laalɔ kãma.

Luku 23:47

Iyi inɛ ngboi sooge ŋau í yɛ mii iyi í ceu, ŋɔi í saabu Ilaaɔ̃ í ni, ntɔ ntɔ inɛɛu ihɛ̃ kù nɛ taale kãma.

Laabaau jiida iyi Zãa í kɔ 1:47

Ŋɔi à waa koo. Iyi Jesu í yɛ Nataniɛli wa naa bi tɛɛ ŋɔi í ni, i cɔ ŋa, amai Izirɛli takaɛi wa naa bɛ, kù nɛ takii kãma si idɔɛ.

Laabaau jiida iyi Zãa í kɔ 8:46

Yoo nŋɛi á yɔkɔ ku ni nŋu í yɛ ǹ ce dulum. Kù wɛɛ. Debɛi, na mii í ce i ci ya dasim naanɛ ŋa bii ǹ wa n sɔ̃ ŋɛ ntɔ.

Kɔrɛnti 2, 5:21

Kirisi, nŋu iyi kù ce dulum kãma, nŋui Ilaaɔ̃ í kãa dulum du wa ku ba ka jɛ dee dee si wajuɛ na anu akã nwa iyi à ce do Kirisi ajɔ.

Ebɛɛ 4:15

domi woo wee nla iyi à nɛu á yɔkɔ ku ce araarei gbugbã hai nɛ nwa si na iyi í jɔ̀ à lɛlɛɛ ku ceò laalɔ si mii fei bɛi awa mɔ, amma kù ce dulum.

Ebɛɛ 9:28

bɛɛbɛ mɔi Kirisi í na araɛ gbakã akã bɛi kuwee í soò dulum dii inɛ nkpɔ. Á nɔ ku na ku faata wa isɛ gbeejisia, kù jɛ ku naa ku kpa idei dulum dii inɛ ŋa má, amma ku ba faabai inɛ ŋa iyi à waa degbeɛ ŋau ku kɔ̃ mam mam nii.

Zãa 1, 2:1

Iŋɛ amam ŋa, ǹ kɔ nŋɛ ideu ihɛ̃ wai ku ba i maà ce dulum ŋa. Amma bii inɛ gɔ í ce dulum, à nɛ inɛ gɔ iyi á tɔɔ nwa suuru bi Ilaaɔ̃ Baaba, nŋui í jɛ Jesu Kirisi inɛ dee deeu.

Zãa 1, 3:5

Ì mà ŋa iyi Jesu, nŋu iyi kù ce dulum, í naai ku nya dulum dii amanɛ ŋa.

Kuyɛi Zãa 14:5

Inɛ gɔ kù gbɔ ibo hai si gɛlɛ nŋa, à jɛ inɛ ŋa iyi a kù nɛ taale.