Piɛɛ 1, 2:21 - Bibeli do fee

²¹ Na ideu bɛi Ilaaɔ̃ í kpe ŋɛ domi Kirisi takaɛ í ba ijuukpã na iri nŋɛ nɔ wa nyisi ŋɛ yaase jiida ku ba i too tuubaɛ ŋa.

Piɛɛ 1, 2:21 Iomraidhean Croise

Iri ku kɔ̃ 85:13

Aɔ̃ Lafɛ̃ɛ mɔi á ce nwa didɔ̃, nɔ ilɛ nwa ku ce amaajɛ.

Matie 10:38

Inɛ iyi kù jɛsi nŋu ku so jĩi ku gaauɛ ku toom do wa, kù to ku jɛ inɛm.

Matie 11:29

I jɛsi n lesi ŋɛ zuugum nɔ i gba idei ciom ŋa, si na iyi í jɔ̀ amu amanɛ kurɔ do woo kaye arai. Bii ì jɛsi bɛɛbɛ, aa ba kusĩmi ŋa.

Matie 16:24

Si anyii nŋu Jesu í sɔ̃ mɔcɔɛ ŋa í ni, inɛ iyi wa bi ku toom, ku jɔ̀ idɔɔbiɛ nɔ ku so jĩi ku gaauɛ ku toom wa.

Luku 24:26

Kù nɛ bɛi á ce iyi inɛ iyi Ilaaɔ̃ í cicau kù yɛ ijuukpã, inɛ ŋa a bɛi a yɛ amboeɛ.

Laabaau jiida iyi Zãa í kɔ 13:15

Yaase jiidai ǹ nyisi ŋɛ bɛ ku ba iŋɛ mɔ i ya cea njɛ bɛi ǹ ce nŋɛ.

Laabaau jiida iyi Zãa í kɔ 16:33

Ide ŋau ihɛ̃ ǹ wa n sɔ̃ ŋɛi ku ba i nɛ laakai ku sũ na anu akã iyi awaɛ ŋa à nɛ. Si andunyau ihɛ̃ aa yɛ ijuukpã ŋa, amma i maà mɔngɔ temua ŋa, domi ǹ kãmia andunya tã.

Woo bɛ ŋa 14:22

Nɔ à mua inɛ ŋa iyi à waa too kpãai Jesuu gbugbã ku ba a leekĩ si naanɛu dim dim. Nɔ à sɔ̃ ŋa à ni, wahala nkpɔ nkpɔi aa ka yɛ ka bɛi ka lɔ si bommai Ilaaɔ̃.

Woo bɛ ŋa 17:3

Wa sɔ̃ ŋa iyi kù nɛ bɛi á ce iyi inɛ iyi Ilaaɔ̃ í cicau kù yɛ ijuukpã. Á kú nɔ ku jĩ hai si balɛ má. Ŋɔi í sɔ̃ ŋa í ni, Jesuu iyi ǹ wa n sisi nŋɛ ideɛu ihɛ̃ nŋui í jɛ inɛ iyi Ilaaɔ̃ í cicau bɛ.

Woo bɛ ŋa 9:16

An nɔ n nyisiɛ bɛi nŋu mɔ á yɛ ijuukpã na irim.

Romu 8:29

Ntɔ ntɔ, inɛ ŋa iyi Ilaaɔ̃ í cica hai tako, aŋai í jilɛ ku ba a jɔ Amaɛ. Si bɛɛbɛ Amaɛui á jɛ yemmai ifɔ nkpɔ nkpɔ.

Kɔrɛnti 1, 11:1

I sisiim ŋa bɛi amu takam ǹ wa n sisi Kirisi.

Efɛɛzu 5:2

I jɔ̀ kucei kuwɛɛ nŋɛ kú nyisi kubi bɛi Kirisi í bi wa, nɔ í na kuwɛɛɛ na iri nwa. Kuwɛɛɛ iyi í nau nŋui í jɛ kuwee jiida iyi inunuɛ í dɔ̃a Ilaaɔ̃ si.

Filipi 2:5

I jɔ̀ lasabu nŋɛ si gãmɛi njɛ ku yɛ bɛi Jesu Kirisi mɔ í ce.

Tɛsalonika 1, 3:3

ku ba baa inɛ akã nŋɛ ku maà jɔ̀ ijuukpãu ku da zigiɛ. Iŋɛ taka nŋɛ ì waa mà si ŋa, inɛ nŋu kù nɛ bɛi á ce iyi kù ba wa.

Tɛsalonika 1, 4:2

Ntɔ ntɔ, ì mà ikɔ ŋa iyi à ba hai bi Lafɛ̃ɛ Jesu nɔ à sɔ̃ ŋɛ.

Timɔtee 2, 3:12

Ntɔi, inɛ iyi wa bi ku ce kuwɛɛɛ dee dee si wajui Ilaaɔ̃ si anu akã iyi í ce do Jesu Kirisi kù nɛ bɛi á ce iyi kù yɛ ijuukpã.

Ebɛɛ 2:10

Do ntɔ, Ilaaɔ̃, nŋu iyi í taka mii fei nɔ wa mu fei ndɛɛ, í yɔɔ iyi í sĩa Jesu ku yɛ ijuukpã ku ba ku jɛ amanɛ iyi í kɔ̃ nɔ ku gbã amanɛ nkpɔ nkpɔ ku naaò ŋa wa si amboeɛ, domi Jesui í jɛ icui faaba nŋa.

Piɛɛ 1, 1:20

Hai waati iyi a kù taka andunyai Ilaaɔ̃ í cica Kirisiu, amma í nyisi araɛ si waatii ankãanyiu ihɛ̃ na aranfãani nŋɛ.

Piɛɛ 1, 2:24

Kirisi takaɛ í so dulum du wa si araɛ si jĩi ku gaauu ku ba ka jɛ bɛi iku si wajui dulum, nɔ ka ce kuwɛɛ nwa dee dee. Do saabui kumɛɛɛ ŋai à baò iri.

Piɛɛ 1, 3:18

Gbakã akãi Kirisi í ku na dulum. Nŋu iyi í jɛ inɛ dee dee, í ku na inɛ laalɔ ŋa, ku ba ku bɔò wa bi Ilaaɔ̃. Waati iyi à kpaa, araɛ í ku amma hundeɛ í wɛɛ.

Piɛɛ 1, 3:9

I maà ya sãa inɛ laalɔɛ, walakɔ arabu ŋa iyi í buɛ. Í sĩa mɔm i ya jɛaa do kuwee, domi Ilaaɔ̃ í kpe ŋɛi ku ba i ba kuwee ŋa.

Piɛɛ 1, 4:1

Kirisi í ba ijuukpã si araɛ. Na nŋu, i mà ŋa iyi iŋɛ mɔ aa ba ijuukpã nɔ í sĩa i yɔkɔ temua ŋa, domi inɛ iyi í temuaò ijuukpã si araɛ, dulum kaa kãmiaɛ má,

Piɛɛ 1, 4:13

Amma i jɔ̀ inɔ nŋɛ ku dɔ̃ bii ì waa ba ikpɛ̃ si wahalai Kirisi ŋa, ku ba i nɛ inɔ didɔ̃ nla nla ŋa si ajɔ iyi á nyisi amboeɛ.

Zãa 1, 2:6

Inɛ iyi í ni nŋu í nɛ anu akã do nŋu, lafɛ̃ɛ í nɛ ku maa nɛi bɛi Jesu takaɛ í nɛ.

Zãa 1, 3:16

À mà bɛi kubi í yɛ si na iyi í jɔ̀ Kirisi í na kuwɛɛɛ na iri nwa. Na nŋu, awa mɔ ka na kuwɛɛ nwa na irii kpaasi nwa ŋa.

Kuyɛi Zãa 12:11

Inɛ nwa ŋau à jɔɔ igũ do saabui njɛi ama angudãu do sɛɛdai ntɔu iyi à jɛ. A kù doo kuwɛɛ nŋa nkãma, amma à jɛsi aŋa a ku.