Piɛɛ 1, 2:16 - Bibeli do fee

¹⁶ Í sĩa i ya maa nɛ bɛi inɛ ŋa iyi à nɛ ara nŋa, amma i maà ti i jɔ̀ ara ku nɛ nŋɛ ku yɛ bɛi acɔ iyi wa bii laalɔ. I jɛ kuwɛɛ nŋɛ bɛi woo ce icɛi Ilaaɔ̃ ŋa.

Piɛɛ 1, 2:16 Iomraidhean Croise

Matie 23:13

Jesu í ni, iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì waa cĩmboa inɛ ŋa kpãai bommai Ilaaɔ̃ ŋa. Iŋɛ taka nŋɛ, i kù jɛsi i lɔ ŋa, nɔ inɛ ŋa iyi à bi ku lɔ, ì waa ganji ŋa ŋa. [

Laabaau jiida iyi Zãa í kɔ 15:22

Bii n kù naa n kù sɔ̃ ŋa ide wo, dulum kaa wa si iri nŋa. Amma nsɛi a kù nɛ bɛi aa ce a ni aŋa a kù mà mà dulum nii.

Romu 6:18

À ya ŋɛ hai si awɔi dulum, nɔ ì baa ì jɛ arui icɛ jiida ku ce ŋa.

Romu 6:22

Amma nsɛi à ya ŋɛ hai si awɔi dulum ì baa ì jɛ arui Ilaaɔ̃ ŋa, riba nŋɛi í jɛ daa iyi í má, iri ku kpaɛ mɔi í jɛ kuwɛɛ hai tã.

Kɔrɛnti 1, 7:22

Aru iyi Aɔ̃ Lafɛ̃ɛ í kpe í baa í jɛ inɛ iyi í nɛ araɛi na saabui Lafɛ̃ɛ. Bɛɛbɛ mɔi inɛ iyi í nɛ araɛ iyi Aɔ̃ Lafɛ̃ɛ í kpoo, lafɛ̃ɛ í baa í jɛ arui Kirisi.

Galati 5:1

Kirisi í jɔ̀ à nɛ ara nwa ku ba ka nɛ ara nwa do ntɔ. Na nŋu, i leekĩ dim dim ŋa si ara ku nɛ nŋɛ, i maà jɔ̀ i na i jɛ aru má ŋa.

Galati 5:13

Iŋɛ inɛm ŋa, à kpe ŋɛi i na i nɛ ara nŋɛ. Do nŋu fei, i maà jɔ̀ ara ku nɛ nŋɛ ku mua daai iŋɛ taka nŋɛ kpãa i ceò idɔɔbii ara nŋɛ. Amma i ya maa sobi njɛ do kubi ŋa,

Efɛɛzu 6:6

Ku maà jɛ bii à leekĩ à waa cɔ ŋɛ nŋu akã. Bii í jɛ waati iyi à waa cɔ ŋɛ nŋu akãi, í yɛ bɛi amanɛ ŋai ì waa cea ŋa ku ba ku dɔ̃ nŋa si. Amma i jɔ̀ i ce idɔɔbii Ilaaɔ̃ do idɔ nŋɛ fei bɛi arui Kirisi ŋa.

Kolosee 3:24

I mà ŋa iyi Lafɛ̃ɛ á sã nŋɛ riba nŋɛ ŋa, iyi í jɛ tubu iyi í jilɛa inɛɛ ŋa, domi Kirisii í jɛ Lafɛ̃ɛ nŋɛ iyi ì waa cea icɛ ŋa.

Tɛsalonika 1, 2:5

Iŋɛ taka nŋɛ ì mà sãa sãa ŋa nɔ Ilaaɔ̃ í jɛ sɛɛda nwa iyi a kù lɛlɛ ŋɛ do ide didɔ̃ gɔ, a kù nɔ a kù ce waazou ku ba ka gba fia nŋɛ.

Zaaki 1:25

Amma inɛ iyi á jɛ ilu inɔ didɔ̃ si mii iyi wa ce fei nŋui í jɛ inɛ iyi wa cio wooda do laakai nɔ wa jirimaɛ do temua. Nɔ bii í gbɔ ideu ci ya gbɛjɛɛ nsɛi nsɛi amma í ya ceò icɛi. Lafɛ̃ɛ á jɛ ilu inɔ didɔ̃i si na iyi í jɔ̀ woodau í jɛ dee dee nɔ á nya inɛ.

Zaaki 2:12

Na nŋu, i ya fɔ ide nɔ i ya ce bɛi inɛ ŋa iyi wooda á kiiti. Woodau í ya nya inɛ.

Piɛɛ 2, 2:19

Inɛ ŋa iyi à ba à mu ŋau, à ya ce nŋa kuwãi ara ku nɛi, amma aŋa taka nŋa à jɛ arui daa ŋa iyi wa bɔò ŋa nfe ku ce, domi inɛ fei í jɛ arui mii iyi í kãmiaɛ.

Zudu 1:4

Tilasii n kɔ nŋɛ wa nsɛi si na iyi í jɔ̀ inɛ laalɔ gɔ ŋa à lɔ si inɔ nŋɛ do ile, aŋa iyi à waa kpaasi didɔ̃i Ilaaɔ̃ a ba a ceò daa sãmi nŋa, nɔ a kɔ̀si Jesu Kirisi, nŋu akã iyi í jɛ ilaalu nwa do Lafɛ̃ɛ nwa. Hai tako takoi à kɔ idei ijuukpã iyi inɛ ŋau aa na a yɛ si ajɔi kiitiu.