Piɛɛ 1, 2:15 - Bibeli do fee

¹⁵ Do ntɔ, iyi Ilaaɔ̃ í bi, nŋui í jɛ icɛ jiida nŋɛ ku dĩ gɛlɛi hai mà ngɔgɔ ŋa si ide hai nɛ yaase nŋa.

Piɛɛ 1, 2:15 Iomraidhean Croise

Zɔɔbu 2:10

Ŋɔi Zɔɔbu í jɛaa í ni, ì waa fɔ ide mbɛ bɛi inaabo hai nɛ yaase. Bii Ilaaɔ̃ wa ce amuai mii jiida, à ya ka gba, na mii í jɔ̀ bii wa ce nwa laalɔɛ aa ka kɔ̀si. Nɔ si nŋu ŋau bɛ fei Zɔɔbu kù ce dulum si ide ku fɔɛ.

Zɔɔbu 5:16

Hai nɛ gbugbã njɛ de í nɛ kpãa ku cɔ, amma Ilaaɔ̃ í ya bii gɛlɛi inɛ laalɔ ŋa.

Iri ku kɔ̃ 107:42

Inɛ dee dee ŋa à yɔɔ nɔ à nɛ inɔ didɔ̃. Amma inɛ ŋa iyi a kù jɛ dee dee, à waa coko.

Iri ku kɔ̃ 5:5

Awɔ Ilaaɔ̃, i ci ya bi laalɔ. Nɔ laalɔ ci ya ba bi kuwa bi tɛɛ.

Mɔnda ŋa 9:6

I jɔ̀ icɛi nnyɛi ku ce nɔ i ba kuwɛɛ ŋa. I mu kpãai bisi ŋa.

Zeremi 4:22

Aɔ̃ Lafɛ̃ɛ í ni, ntɔ ntɔ zamaam nɔu í sũmui, kù màm. Ama nnyɛi ŋai, a kù nɛ bisi. Bisii laalɔ ku cei à nɛ. Amma a kù mà jiida ku ce.

Matie 25:2

Si inɔ nŋa amanɛ miiu í jɛ ilu laakai, amanɛ miiu mɔ kù nɛ laakai.

Matie 7:26

Amma awɔ iyi ì gbɔ ide iyi ǹ wa n fɔu ihɛ̃ fei nɔ i kù saaluɛ, aa yɛi bɛi mɔkɔ nnyɛi iyi í koo í ma ileɛ si sãai ido.

Romu 1:21

À mà Ilaaɔ̃ amma a kù waa saaluɛ hee a bɛi a saabuɛ si bɛi í jɔ. Iri nŋa í na í ku, nɔ idɔ hai nɛ bisi nŋa í dási ilu kuku nla nla.

Galati 3:1

Iŋɛ inɛi Galati ŋau, i kù nɛ laakai ŋa. Iŋɛ iyi à sisia idei Jesu Kirisi iyi à kpakpa si jĩi ku gaau sãa sãa, yooi í kɔ̃ɔtɛ̃ ŋɛ.

Wooda ku kɔsi 32:6

Iŋɛ zamaa hai nɛ iri ŋai, nɔ i kù nɛ yaase ŋa. Inɛ á yɔkɔ ku maa nɛ do yaase bɛɛbɛ si gãmɛi Aɔ̃ Lafɛ̃ɛ? Kù jɛ Aɔ̃ Lafɛ̃ɛ nŋu iyi í taka ŋɛi í jɛ baa nŋɛ? Kù jɛ nŋui í ce ŋɛ zamaaɛ ŋa?

Tɛsalonika 1, 4:3

Mii iyi Ilaaɔ̃ í bi si ŋɛ, nŋui í jɛ i má ŋa, i nɔ ara nŋɛ mam mam i maà ya ce sakara ŋa.

Tɛsalonika 1, 5:18

Bɛi í jɛò fei i saabu Ilaaɔ̃ ŋa. Bɛɛbɛi Ilaaɔ̃ í bi i ce ŋa si kuwɛɛ nŋɛ do Jesu Kirisi.

Timɔtee 1, 1:13

baa do iyi ǹ ya n maa n fɔ laalɔɛ wo nɔ ǹ ya n maa n kpãa iju nɔ idɔɔkɔ̃m ci ya jĩ. Do nŋu fei, í ce araarem si bɛi n kù mà mii iyi ǹ wa n ce, si na iyi í jɔ̀ n kù dasiɛ naanɛ wo.

Titee 2:8

Sɔ̃ ŋa idei ntɔu iyi a kaa yɛò taalei ideɛ. Iyi bɛi á jɔ̀ anyɔ ku mu mbɛɛ nŋɛ ŋa domi a kaa ba laalɔ nwa a fɔ.

Titee 3:3

Í sĩa ka ce bɛɛbɛ domi tako wo awa mɔ à yɛi bɛi inɛ ŋa iyi à gbe. A kù nɛ yaase, a ci ya ka jirima Ilaaɔ̃, à ya ka maa ce kurara. Kɔdɛɛi andunya baa yooma fei do faayi ŋai à waa nɛò wa. À waa ce kuwɛɛ nwa do inɔ sãmi do binɛ. À jɛ inɛ laalɔ ŋa nɔ à cé njɛ.

Piɛɛ 1, 2:12

I jɔ̀ i nɛ daa jiida ŋa si inɔi hai dasi Jesu naanɛ ŋa, domi baa bii à waa kpe ŋɛ inɛ laalɔ ŋa, aa yɛ icɛ jiida nŋɛ nɔ a saabu Ilaaɔ̃ si ajɔ iyi á kiiti inɛ fei.

Piɛɛ 1, 3:16

Amma i jɛ nŋa do ide didɔ̃ do bɛɛrɛ. I jɔ̀ idɔ nŋɛ ku maa má ku ba bii à waa má ŋɛ ide si isɛɛnɛ jiida nŋɛ iyi wa naa hai bi Kirisi, anyɔ ku mu ŋa si ideu.

Piɛɛ 1, 3:17

Bii í jɛ do idɔɔbii Ilaaɔ̃i à waa kpãɛ iju na jiida iyi ì waa ce, iyi bɛ í sĩa do iyi aa maa kpãɛ iju na laalɔ.

Piɛɛ 1, 4:2

nɔ waati iyi í gbe si kuwɛɛi andunyaɛ ku jɛ si idɔɔbii Ilaaɔ̃, ku maà ti ku jɛ do kɔdɛɛ nfe nfei ara.

Piɛɛ 2, 2:12

Amma inɛ ŋau à ya maa bu mii iyi a kù mà. À yɛi bɛi mɛɛmui sako ŋa iyi a kù nɛ lasabu kãma, nɔ aa ce nfei bɛi mɛɛmui sako ŋau iyi à bí ku ba a mu ŋa a kpa ŋa.

Zudu 1:10

Amma inɛ ŋau, mii iyi a kù mà yaaseɛ fei à ya buui. Nɔ baa mii ŋa iyi à mà bɛi mɛɛmu ŋa mɔ à ya mà, nŋui í ya ce nfe nŋa.