Piɛɛ 1, 2:11 - Bibeli do fee

¹¹ Iŋɛ baakɔɔm ŋa, ǹ wa n tɔɔ ŋɛi, iŋɛ iyi ì yɛ bɛi inɛ njoo ŋa si andunyau ihɛ̃, i jɔ̀ i nɔ ara nŋɛ do binɛi ara iyi í ya maa ce igũ do hunde nŋɛ.

Piɛɛ 1, 2:11 Iomraidhean Croise

Kusintii Andunya 21:34

Nɔ í buba ilɛi inɛi Filisi ŋa í kpɛ bɛ ntɔ ntɔ.

Kusintii Andunya 23:4

amu inɛ njooi nɔ ǹ wa si inɔ nŋɛ. Ǹ wa n tɔɔ ŋɛi, i taam inya tengi bii an ya si inɛm ŋa nɔ n koo n si abom nɔu ihɛ̃ tengi bɛ.

Kusintii Andunya 47:9

Nɔ Zakɔbu í jɛa Faraɔ̃ í ni, adɔ̃ cifaò fɛɛwai ǹ nɛ. Adɔ̃m kù kpɔ nɔ fei ndɛɛ do wahalai. Kukpɔɛ kù to ti balam ŋa iyi à ce isɛɛnɛ bɛi amu mɔ ǹ ce.

Bomma 1, 29:15

Si wajuɛ à yɛi bɛi inɛ njoo ŋa do bɛi inɛ ŋa iyi à nɛ à waa lɔ bɛi bala nwa ŋau fei. Kuwɛɛ nwa si ilɛ ihɛ̃ í yɛi bɛ jĩjĩ nɔ kù nɛ kpãai nkãma ku cɔ.

Iri ku kɔ̃ 119:19

Amu inɛ njooi si ilɛu ihɛ̃. Maà singaam woodaɛ ŋa.

Iri ku kɔ̃ 119:54

Ideɛ ŋai à jɛ icui iri ku kɔ̃m ŋa si ilɛ bii ǹ wa n jɛ bɛi inɛ njoo.

Iri ku kɔ̃ 39:12

Ì ya kpã amanɛ ijui na kuraraɛ ŋa. Mii jiida iyi amanɛ í bi ì ya bɛjɛɛi bɛi tũtũ. Ntɔ ntɔ, kuwɛɛi inɛ baa yooma fei í yɛi bɛi fufu. Kusĩmi.

Kuwee 15:18

Bii inɛmɔkɔ do inaabo à tɔtɔɔ sɛ̃ɛ, tilasii aŋa minji fei a wɛ, amma aa wɛɛi do riisi hee alɛ koo lɛò.

Kuwee 25:23

Inɛ kaa ta ilɛ nɔ ku jɛ í tã mbɛ hee do ajɔ fei, domi ilɛu amui ǹ nɔɔ, nɔ ǹ wa n yɛ ŋɛi bɛi inɛ njoo ŋa si ilɛu ihɛ̃.

Luku 21:34

I ce laakaii ara nŋɛ ŋa ku ba i maà na i jɛ hai nɛ laakai ŋa na atɛ̃ ku mɔ do ijɛ ku bi do lasabui mii ndii andunya ŋa. Bii kù jɛ bɛɛbɛ ajɔu á na ku boe ŋɛi bɛi cɛkũm,

Woo bɛ ŋa 15:20

Amma ka ce nŋa tia ka sɔ̃ ŋa a maà ya jɛ ijɛi kuwee, nɔ a maà ya tɔtɔɔ sɛ̃ɛ do inaabo mmu gɔ walakɔ inaabo mɔ do mɔkɔ mmu gɔ, a maà ya ŋɔ iŋai mɛɛmu iyi a kù saka, nɔ a maà ya jɛi njɛi iŋa.

Woo bɛ ŋa 15:29

Nŋui í jɛ, i maà ya jɛ ijɛi kuwee ŋa, nɔ i maà ya jɛ njɛi iŋa ŋa, i maà ya ŋɔ iŋai mɛɛmu iyi a kù saka ŋa, nɔ i maà ya tɔtɔɔ sɛ̃ɛ do inaabo mmu gɔ walakɔ inaabo mɔ do mɔkɔ mmu gɔ ŋa. Bii ì mu ara nŋɛ si mii bɛɛbɛ ŋau bɛ ŋa í sĩa. Ka sukudɔ̃.

Romu 12:1

Na nŋu iŋɛ inɛm ŋa, ǹ wa n tɔɔ ŋɛi na saabui araare iyi Ilaaɔ̃ í ce nŋɛ, i na Ilaaɔ̃ ara nŋɛ. I jɔ̀ kuwɛɛ nŋɛ ku jɛaa bɛi kuwee gɔ iyi í má nɔ í sĩaa si. Do yaase bɛɛbɛi í sĩa i ya tɔɔ Ilaaɔ̃ ŋa.

Romu 7:23

amma si kucei ikɔ̃ ikɔ̃i aram fei ǹ wa n yɛ ide mmu gɔ iyi wa ja do lasabum, nɔ wa cem arui dulum iyi í wa sim.

Romu 8:13

Ntɔ ntɔ, bii ì waa ce idɔɔbii ara aa ku ŋa. Amma bii ì jɔ̀ Hundei Ilaaɔ̃ í sobi ŋɛ i kpaò kookoosui arau aa nɛ kuwɛɛ ŋa,

Kɔrɛnti 2, 5:20

Na nŋu, à jɛ woo bɛi Kirisi ŋa. Í yɛi bɛi Ilaaɔ̃ takaɛi wa ba ŋɛ ide ku fɔ hai bi tu wa nɔ à waa tɔɔ ŋɛ do irii Kirisi, i jɔ̀ i dɔ̃ do Ilaaɔ̃ ŋa.

Kɔrɛnti 2, 6:1

Awa iyi à waa ce icɛ do Ilaaɔ̃ ajɔ, à waa tɔɔ ŋɛi i maà jɔ̀ didɔ̃ iyi Ilaaɔ̃ í ce nŋɛu ku ce nfe.

Kɔrɛnti 2, 7:1

Baakɔɔm ŋa, kuwãu ihɛ̃ fei tu wai. Na nŋu, ka jɔ̀ idɔ nwa ku má sãa sãa si mii fei ku ba ara nwa do idɔ nwa ku maà nɛ taale kãma, nɔ kumá nwa ku kɔ̃ si Ilaaɔ̃ nɔ ka mà bɛɛrɛɛ.

Galati 5:24

Nɔ inɛ ŋa iyi à jɛ ti Jesu Kirisi í yɛ bɛi à kpa kucei daai ara nŋa si jĩi ku gaauu, do binɛɛ do kubiɛ fei.

Efɛɛzu 2:19

Si bɛɛbɛ, i kù jɛ dimi mmu ŋa má, walakɔ isɛ mmu, amma nsɛi ì jɛ inɛi ilu akã ŋa do woo dasi Jesu naanɛ ŋa fei, nɔ ì jɛ inɛi kpasɛ̃i Ilaaɔ̃ ŋa.

Efɛɛzu 4:1

Na nŋu, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Lafɛ̃ɛ, ǹ wa n tɔɔ ŋɛ i maa nɛ dee dee si bɛi í jɔ inɛ ŋa iyi Ilaaɔ̃ í kpe à ya nɛ.

Timɔtee 2, 2:22

Saa kubi nfe nfei awaasũ ŋa, dɛdɛ kpãai dee dee ku jɛ, do naanɛ ku dasi, do kubi, do laakai ku sũ, awɔ do inɛ ŋa iyi à waa tɔɔ Lafɛ̃ɛ do inɔ akã.

Ebɛɛ 11:13

Si naanɛ ku dasii, inɛ ŋau bɛ fei à ku. A kù ba mii iyi Ilaaɔ̃ í ce nŋa kuwãɛu, amma à yɔɔi hai jĩijĩ à coo cenkã. À fɔ iyi aŋa à jɛ inɛ njoo ŋa do hai nɛ ide ŋa si andunyau ihɛ̃.

Ebɛɛ 6:9

Iŋɛ baakɔɔ nwa ŋa, baa do iyi à waa fɔ bɛɛbɛ, à waa naanɛ ŋɛ. À mà iyi ì wa si kpãai faaba ŋa.

Zaaki 4:1

Mii í ya naaò kakɔɔ do ija wa si aninii nŋɛ. Nŋu bɛ wa naai hai si kɔdɛɛi mii nkpɔ iyi wa ba idɔ nŋɛ ku ja.

Piɛɛ 1, 1:1

Amui Piɛɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Ilaaɔ̃ í cica nɔ ì fangaa ì koo ì waa jɛ isɛ mmu ŋa si ilɛi Pɔntu, do Galati, do Kapadosi, do Azii, do Bitini.

Piɛɛ 1, 1:17

Ilaaɔ̃, nŋu iyi ì ya kpe Baaba ŋa si kutɔɔ nŋɛ, nŋui í jɛ inɛ iyi á kiiti inɛ fei si bɛi inɛ fei í ce nɔ kaa cɔ ijui inɛ gɔ. Na nŋu, waati iyi í gbe nŋɛ si andunya i jɔɔ do jirima ŋa.

Piɛɛ 1, 4:12

Iŋɛ baakɔɔm ŋa, i maà biti do ijuukpã iyi wa naa si ŋɛ bɛi ina ku cɔò laakai nŋɛ. I maà ti i dooɛ mii ikã.

Piɛɛ 1, 4:2

nɔ waati iyi í gbe si kuwɛɛi andunyaɛ ku jɛ si idɔɔbii Ilaaɔ̃, ku maà ti ku jɛ do kɔdɛɛ nfe nfei ara.

Piɛɛ 2, 3:1

Iŋɛ baakɔɔm ŋa, tia minjisiam wee iyi ǹ kɔ nŋɛ. Si tia sinteu do minjisiau fei ǹ wa n dɛ n jĩ lasabu jiida nŋɛ do kukɔsi ŋa iyi ǹ wa n ye ŋɛ gigi.