Piɛɛ 1, 1:6 - Bibeli do fee

⁶ Na ŋɔi í jɔ̀ ì ya nɛ inɔ didɔ̃ nla nla ŋa, baa bii í jɛ ì wa si inɔ kufɔ nsɛi ŋa si waati keeke si laakai ku cɔ dimi ikã ikã.

Piɛɛ 1, 1:6 Iomraidhean Croise

Iri ku kɔ̃ 119:28

Inɔ kufɔ í jɔ̀ ǹ wa n kpata. Jɔ̀ n dede si yaase bɛi ì ce kuwãɛu.

Iri ku kɔ̃ 119:75

Aɔ̃ Lafɛ̃ɛ, ǹ mà iyi kiitiɛ ŋai à jɛ dee dee, nɔ ì nɛ ntɔ iyi ì kpãm iju.

Iri ku kɔ̃ 34:19

Aɔ̃ Lafɛ̃ɛ í ya wa kɔkɔi ilu inɔ kufɔ ŋa, í ya faaba inɛ ŋa iyi a kù nɛ kpãa ku cɔ ŋa.

Iri ku kɔ̃ 35:10

An ni, Aɔ̃ Lafɛ̃ɛ, yooi í yɛ bɛi awɔ iyi á yɔkɔ ku faaba ilu are hai si awɔi inɛ iyi í roo do gbugbã. Yooi á yɔkɔ ku faaba ilu are do kãma hai si awɔi inɛ iyi wa ko mii ndu ŋa.

Iri ku kɔ̃ 69:20

Ì mà bɛi à waa yaakom, ì mà anyɔ iyi à waa dasim, do bɛi à nya bɛɛrɛm. Ì nɔ ì waa yɛ mbɛɛm ŋa fei.

Iri ku kɔ̃ 9:14

Aɔ̃ Lafɛ̃ɛ, ceem didɔ̃. Cɔ ijuukpã iyi woo cém ŋau à waa nyisim, awɔ iyi ì nyam hai si anui iku,

Iri ku kɔ̃ 95:1

I naa wa ŋa ka dɔ̃a Aɔ̃ Lafɛ̃ɛ anu do inɔ didɔ̃. Ka dɔ̃ anu do inɔ didɔ̃ na kuta ku nɛ gbugbã bii faaba nwa í wau.

Ezai 61:10

Aɔ̃ Lafɛ̃ɛi í jɛ icui inɔ didɔ̃ nla nla bi titom. Aɔ̃ Lafɛ̃ɛm nii í jɔ̀ ǹ wa si ididɔ̃ nla nla, domi faaba iyi í jɔ̀ ǹ ba, í yɛi bɛi ibɔ ŋa iyi í daam si. Í biim nii do ibɔi dee dee ku jɛ bɛi mɔkɔ titɔ̃ iyi í dasi booda kusĩa gɔ si iriɛ bɛi woo wee, do bɛi abo titɔ̃ iyi í ce boodai saba kusĩa ŋa.

Ezai 61:3

Inɔ kufɔi ikui inɛi Siɔ̃ɔ ŋa à wɛɛò, amma icɛ iyi ǹ naa ku cei í jɛ, n kpaasi agbɛ bii inɔ kufɔ nŋa í wau do inɔ didɔ̃ nla nla. Ilúlu iyi í wa si iri nŋau, n nyaa nɔ n we nŋa bɔngɔtɔbɛɛ kusĩa gɔ. An jɔ́ nŋa ikpo si waju nŋa iyi í bɛjɛ na ara kurou. Araare iyi à wɛɛòu, an nyaai nɔ n da nŋa si ibɔi jingau. Waati bɛɛbɛ, aa so ŋai a wãò jĩi nla ŋa iyi à jɔ̀ Aɔ̃ Lafɛ̃ɛ í nɛ bɛɛrɛu do bɛi lambo iyi wa nyisi amboei Aɔ̃ Lafɛ̃ɛ.

Matie 11:28

Iŋɛ iyi ì gbɛɛji nɔ aso wa wɔ ŋɛ fei i naa wa bi tom an mu nŋɛ kusĩmi.

Matie 26:37

Ŋɔi í gbã Piɛɛ do ama minjii Zebedee ŋau à bɔ waju. Nɔ inɔ kufɔ í naa siɛ hee araɛ fei í rɔ.

Matie 5:12

I jɔ̀ i nyaanyi i wɛɛò inɔ didɔ̃ nla nla ŋa si na iyi í jɔ̀ riba iyi à jilɛ nŋɛ lelei Aɔ̃ í la. Ntɔ ntɔ bɛɛbɛi à kpã walii ŋa iyi à cua nŋɛ ŋau mɔ iju.

Luku 1:47

Nɔ ǹ wɛɛò inɔ didɔ̃ na irii Ilaaɔ̃ Woo faabam,

Luku 10:20

Do nŋu fei, i maà jɔ̀ inɔ nŋɛ ku dɔ̃ si na iyi í jɔ̀ inɛi inɔɔko ŋau à waa jirima ŋɛ, amma i jɔ̀ inɔ nŋɛ ku dɔ̃ si na iyi í jɔ̀ à kɔ iri nŋɛ ŋa lelei Aɔ̃.

Luku 2:10

Amma amalekau í sɔ̃ ŋa í ni, i maà jɔ̀ njo ku mu ŋɛ. Laabaau jiidai ǹ naa ku sisi nŋɛ, iyi á jɛa inɛ fei inɔ didɔ̃ nla nla.

Laabaau jiida iyi Zãa í kɔ 16:22

Bɛɛbɛi iŋɛ mɔ ì wɛɛò inɔ kufɔ si nsɛi ŋa. Amma an na n yɛ ŋɛ má, aa wɛɛò inɔ didɔ̃ ŋa, nɔ inɛ gɔ kaa yɔkɔ ku nya inɔ didɔ̃ nŋɛu.

Laabaau jiida iyi Zãa í kɔ 16:33

Ide ŋau ihɛ̃ ǹ wa n sɔ̃ ŋɛi ku ba i nɛ laakai ku sũ na anu akã iyi awaɛ ŋa à nɛ. Si andunyau ihɛ̃ aa yɛ ijuukpã ŋa, amma i maà mɔngɔ temua ŋa, domi ǹ kãmia andunya tã.

Woo bɛ ŋa 14:22

Nɔ à mua inɛ ŋa iyi à waa too kpãai Jesuu gbugbã ku ba a leekĩ si naanɛu dim dim. Nɔ à sɔ̃ ŋa à ni, wahala nkpɔ nkpɔi aa ka yɛ ka bɛi ka lɔ si bommai Ilaaɔ̃.

Romu 12:12

I wɛɛò inɔ didɔ̃ ŋa na kpãa ku cɔu. I temua si wahala ŋa. I maà ya gbɛɛji do kutɔɔ ŋa.

Romu 5:11

Iyi í re mɔm, Lafɛ̃ɛ nwa Jesu Kirisi, nŋu iyi í jɔ̀ à dɔ̃ do Ilaaɔ̃, í nyi í jɔ̀ à nɛ inɔ didɔ̃ má si Ilaaɔ̃.

Romu 5:2

Jesu mɔi í mu nwa kpãa do saabui naanɛ ku dasiu ka sɛkɛɛ si Ilaaɔ̃, nŋu iyi í ce nwa didɔ̃. Na didɔ̃ui à waa leekĩ dim dim nɔ à nɛ inɔ didɔ̃ domi à waa cɔ kpãa iyi aa ka nɛ baa nwa si amboei Ilaaɔ̃.

Romu 9:2

Inɔm í fɔ ntɔ ntɔ na Zuifu kpaasi ŋa nɔ ǹ ya n maa n ce araare nŋa waati kãma fei.

Kɔrɛnti 2, 4:17

Ijuukpã keeke iyi à waa yɛ si nsɛiu ihɛ̃ wa ce nwa sɔɔlui amboe iyi ci ya tãi iyi í la í re ijuukpãu.

Kɔrɛnti 2, 6:10

À waa cɔ wa bɛi ilu inɔ kufɔ ŋa, amma à ya ka maa nɛ inɔ didɔ̃i waati kãma fei. À waa cɔ wa bɛi ilu are ŋa, amma à waa mua inɛ nkpɔ amani. À waa cɔ wa bɛi a kù nɛ ngɔgɔ, amma à nɛ fei ndɛɛ.

Galati 5:22

Amma mii iyi Hundei Ilaaɔ̃ í ya bí, nŋui í jɛ kubi, do inɔ didɔ̃, do laakai ku sũ, do temua, do jiida ku jɛ, do inɔ akã, do naanɛ,

Filipi 2:26

Ǹ wa n sindaɛ wai si na iyi í jɔ̀ wa bi iŋɛ fei ku yɛ ntɔ ntɔ, nɔ laakaiɛ í dede do iyi ì gbɔ ŋa kù waa nɛ baani.

Filipi 3:3

Awai à ce bango do ntɔ, awa iyi à waa tɔɔ Ilaaɔ̃ do gbugbãi Hundeɛ, nɔ à waa tɔɔ fufu na irii Jesu Kirisi, kù nɔ kù jɛ kuce nwai à waa kaaba.

Filipi 4:4

I ya jɔ̀ inɔ nŋɛ ku maa dɔ̃ si Lafɛ̃ɛu do ajɔ fei ŋa, ǹ nyi ǹ fɔ ǹ wa n sisi má, i ya jɔ̀ inɔ nŋɛ ku maa dɔ̃.

Tɛsalonika 1, 1:6

Iŋɛ mɔ ì too si kuce nwa do ti Lafɛ̃ɛ, domi ì gba idei Ilaaɔ̃ ŋa do inɔ didɔ̃ iyi Hundeɛ í mu nŋɛ, baa do iyi í naa nŋɛ ijuukpã nla nla wa.

Zaaki 1:2

Kpaasim ŋa, dimii laakai ku cɔ iyi á naa si ŋɛ fei i ya jɔ̀ ku jɛ nŋɛ inɔ didɔ̃ nla nla,

Zaaki 1:9

Ilu are woo dasi Jesu naanɛ ku tɔɔ fufu si na iyi í jɔ̀ Ilaaɔ̃ í soo lele.

Zaaki 4:9

I jɔ̀ i wɛɛ do inɔ kufɔ ŋa, i buba gɔɔwoo nŋɛ do kukpata. I jɔ̀ anyi nŋɛ ku kpaasi do kukpata, nɔ inɔ didɔ̃ nŋɛ ku jɛ nŋɛ inɔ kufɔ.

Piɛɛ 1, 3:17

Bii í jɛ do idɔɔbii Ilaaɔ̃i à waa kpãɛ iju na jiida iyi ì waa ce, iyi bɛ í sĩa do iyi aa maa kpãɛ iju na laalɔ.

Piɛɛ 1, 4:7

Kɔɔi mii fei í maai wa. Na nŋu, i mu ara nŋɛ do laakai, nɔ i jɔ̀ hunde nŋɛ ku wɔ njoo ku ba i yɔkɔ i ce kutɔɔ ŋa.

Piɛɛ 1, 5:10

Amma bii ì yɛ ijuukpã si waati keeke ì tã ŋa, Ilaaɔ̃ ilu didɔ̃ fei, nŋu iyi í kpe ŋɛ ku ba i nɛ ikpɛ̃ si amboe hai nɛ kɔɔɛ na saabui anu akã nŋɛ do Kirisi, nŋu takaɛi á jɔ̀ i kɔ̃ dee dee ŋa. Nŋui á nɔ ku jɔ̀ i leekĩ dim dim ŋa, nɔ ku mu nŋɛ gbugbã, i maà tɛkɛɛ hai si ideɛ ŋa.

Samuɛli 1, 2:1

Ŋɔi Ana í ce kutɔɔ í ni, ǹ wɛɛò inɔ didɔ̃ na iriɛ, Aɔ̃ Lafɛ̃ɛ. Awɔi ì muum gbugbã. Ǹ wa n nyaanyi si wajui mbɛɛm ŋa, domi inɔm í dɔ̃ si bɛi ì faabam.