Piɛɛ 1, 1:5 - Bibeli do fee

⁵ iŋɛ iyi gbugbãi Ilaaɔ̃ wa degbe do saabui naanɛ ku dasi ku ba i faaba mam mam ŋa. Faabau Ilaaɔ̃ í ce sɔɔluɛ ku nyisi ŋɛ si ajɔi ankãanyiu.

Piɛɛ 1, 1:5 Iomraidhean Croise

Zɔɔbu 19:25

Amma amu ǹ mà inɛ iyi á kɔ̀ɔm í wɛɛ. Nŋui á na ku dede ku leekĩ si ilɛ ku fɔ ntɔ.

Iri ku kɔ̃ 37:28

Aɔ̃ Lafɛ̃ɛ í bi mii iyi í tɛ. Ci ya fũsi inɛɛ ŋa awɔ. Í ya maa mu ŋai hee do ajɔ fei. Amma woo ce laalɔ ŋa aa kui.

Mɔnda ŋa 2:8

Ilaaɔ̃ í ya degbe inɛ ŋa iyi à waa nɛ si dee dee ku jɛ. Í ya degbe inɛɛ ŋa si isɛɛnɛ nŋa.

Ezai 45:17

Amma Izirɛli inɛ nŋu, hai bi Aɔ̃ Lafɛ̃ɛi í ba faaba hee do ajɔ fei. Inɛ nŋu kaa dasi anyɔ ajɔ kãma.

Ezai 51:6

I wu iju i cɔ ikpa lelei Aɔ̃ ŋa, si anyiɛ nɔ i cɔ ilɛ ŋa. Lelei Aɔ̃ á lɔi bɛi cua, ilɛu mɔ á gboi bɛi ibɔ, nɔ inɛi ilɛ ŋau aa kui bɛi cĩcĩ ŋa. Amma faabam á maa wɛɛi hee do ajɔ fei, nɔ dee dee ku jɛm mɔ á maa wɛɛi si agbɛɛ.

Ezai 54:17

Dimii jĩnɛi igũ baa yooma iyi à ce na iriɛ fei, kaa ceɛ laalɔ kãma, nɔ inɛ baa yooma iyi á bɔòɛ bi ku ce kiiti fei, aa jɔ̀ a yɛ taalei lafɛ̃ɛi. Ikpɛ̃ iyi ǹ jilɛa inɛ ŋa iyi à jɛ woo ce icɛm ŋa mbɛ. Ikpɛ̃ui í jɛ dee dee ku jɛ iyi wa naa hai bi tom. Amu Aɔ̃ Lafɛ̃ɛi ǹ fɔ bɛɛbɛ.

Ezai 66:22

Ntɔ ntɔ, bɛi lele titɔ̃ do ilɛ titɔ̃ iyi an ceu aa maa wa si wajum hee do ajɔ fei, bɛɛbɛ mɔi tɔku nŋɛ ŋa do iri nŋɛ aa maa wa si wajum hee do ajɔ fei.

Zeremi 23:4

An jɔ̀ a ba woo degbe jiida ŋa iyi aa maa degbe ŋa, nɔ njo kaa mu ŋa hee a maa yaya má, nɔ baa akã nŋa kaa gaizia má. Amu Aɔ̃ Lafɛ̃ɛ ǹ fɔ bɛɛbɛ.

Zeremi 32:40

An dĩ akabuu iyi kù nɛ ku tã do aŋa, n kaa n fũsi ŋa awɔ má. Jiidai an maa n ce nŋa. An jɔ̀ a maa jirimam nɔ a maà jĩim má.

Laabaau jiida iyi Zãa í kɔ 12:48

Inɛ iyi í kɔ̀sim nɔ kù gba idem, í nɛ mii iyi á yɛ taalei lafɛ̃ɛi. Ide ŋa iyi ǹ fɔi á yɛ taalei lafɛ̃ɛ si ajɔi ankãanyiu.

Laabaau jiida iyi Zãa í kɔ 17:15

N kù wa n tɔɔɛ i nya ŋa hai si andunya, amma ǹ wa n tɔɔɛi i degbe ŋa ku ba Seetam inɛ laalɔu ku maà nɔ ŋa.

Laabaau jiida iyi Zãa í kɔ 4:14

Amma inɛ iyi an mua inyi ku mɔ, agbɛ kaa kpa lafɛ̃ɛ má, domi inyi iyi an mua lafɛ̃ɛ á maa sɔ̃i bɛi inyii isɔ̃ nɔ á na inɛ kuwɛɛ hai tã.

Laabaau jiida iyi Zãa í kɔ 5:24

Ntɔ ntɔ ǹ wa n sɔ̃ ŋɛi, inɛ iyi wa gbɔ idem nɔ í dasi inɛ iyi í bɛm wa naanɛ, lafɛ̃ɛ í nɛ kuwɛɛ hai tã. Kaa naa bi ku ce kiiti má, amma í kua iku í lɔ si kuwɛɛi.

Romu 11:20

Ntɔi, à da ŋai na naanɛ hai dasi nŋa, nɔ awɔ mɔ ì wa agbɛu bɛi na naanɛ ku dasiɛ. Maà tɔɔ fufu, amma ce laakai,

Romu 8:18

Ǹ mà wahalai nsɛi nwau ihɛ̃ kù jɛ nkãma do amboe iyi Ilaaɔ̃ á na ku nyisi wa.

Kɔrɛnti 1, 1:21

Ntɔ ntɔ, inɛi andunya ŋa a kù yɔkɔ a kù mà Ilaaɔ̃ do bisii aŋa taka nŋa. Ilaaɔ̃ takaɛi í coo bɛɛbɛ. Amma si bisiɛ mii iyi í sĩaa wee. Inɛ ŋa iyi à dasiɛ naanɛ à ba faaba na idei waazo iyi inɛ gɔ ŋa à waa cɔ bɛi idei sũmu.

Kɔrɛnti 2, 1:24

A kù bi ka jilɛ nŋɛ ide gɔ do tilasi si naanɛ ku dasi nŋɛ si na iyi í jɔ̀ ì waa leekĩ dim dim ŋa tã si naanɛ ku dasiu, amma à bi ka ce icɛi awaɛ ŋa ajɔ ka mu nŋɛ inɔ didɔ̃.

Galati 2:20

À kpakpam si jĩi do Kirisi ajɔ. Na nŋu, kù jɛ na aram nii ǹ wɛɛ má, bɛbɛi Kirisii wa ce kuwɛɛɛ sim. Nɔ kuwɛɛ iyi ǹ wa n wɛɛ nsɛi, ǹ wa n wɛɛi do naanɛ iyi ǹ dasi Amai Ilaaɔ̃, nŋu iyi í bim nɔ í na kuwɛɛɛ na irim.

Efɛɛzu 2:8

Na didɔ̃i Ilaaɔ̃i ì ba faaba ŋa do saabui naanɛ ku dasi. Kù jɛ na himma nŋɛ, amuai Ilaaɔ̃i.

Efɛɛzu 3:17

nɔ Kirisi ku ce bi kuwaɛ si idɔ nŋɛ na naanɛ ku dasi nŋɛ. Nɔ ǹ wa n tɔɔ má ku jɔ̀ i nɛ gbugbã i maa leekĩ dim dim si kubi ŋa,

Filipi 1:6

Ǹ wa n mà kãm kãm, Ilaaɔ̃ iyi í sinti icɛ jiidau ihɛ̃ si ŋɛ á maa cooi hee koo kpaò iriɛ si ajɔi kunyii Jesu Kirisi wa.

Filipi 4:7

Nɔ laakai ku sũi Ilaaɔ̃ iyi í re kumài amanɛ fei á degbe idɔ nŋɛ do lasabu nŋɛ si anu akã iyi ì nɛ do Jesu Kirisi ŋa.

Timɔtee 2, 3:15

Hai keekeɛi, ì mà kukɔi idei Ilaaɔ̃ iyi á yɔkɔ ku muuɛ bisi i dasiò Jesu Kirisi naanɛ ku ba i ba faaba.

Titee 2:13

nɔ ka maa degbeò ajɔ jiida iyi à waa cɔ kpãaɛ, si bii Jesu Kirisi woo faaba nwa á nyisi amboeɛ. Jesu Kirisi nŋui í jɛ Ilaaɔ̃, nɔ nŋui í la.

Ebɛɛ 6:12

A kù bi i na i ce ika ŋa, amma i sisi inɛ ŋa iyi à dasi naanɛ nɔ à temua à waa jɛò tubu iyi Ilaaɔ̃ í wã ŋa dou.

Ebɛɛ 9:28

bɛɛbɛ mɔi Kirisi í na araɛ gbakã akã bɛi kuwee í soò dulum dii inɛ nkpɔ. Á nɔ ku na ku faata wa isɛ gbeejisia, kù jɛ ku naa ku kpa idei dulum dii inɛ ŋa má, amma ku ba faabai inɛ ŋa iyi à waa degbeɛ ŋau ku kɔ̃ mam mam nii.

Piɛɛ 1, 1:13

Na nŋu, i ce laakai ŋa. I mu ara nŋɛ ŋa, nɔ i dasi kpãa ku cɔ nŋɛ fei si didɔ̃ iyi aa na ŋɛ si waati iyi Jesu Kirisi á faata wa.

Piɛɛ 1, 4:13

Amma i jɔ̀ inɔ nŋɛ ku dɔ̃ bii ì waa ba ikpɛ̃ si wahalai Kirisi ŋa, ku ba i nɛ inɔ didɔ̃ nla nla ŋa si ajɔ iyi á nyisi amboeɛ.

Piɛɛ 1, 5:1

Nsɛi, si inɔ nŋɛ, inɛ ŋa iyi à jɛ inɛ ngboi igbɛi Ilaaɔ̃ ŋai ǹ wa n fãa. Amu mɔ inɛ ngboi bɛi aŋa mɔ, ǹ nɔ ǹ jɛ́ sɛɛdai ijuukpãi Kirisi nɔ ǹ nɛ ikpɛ̃ si amboe iyi á na ku naa.

Piɛɛ 2, 1:3

Gbugbãi Ilaaɔ̃ í mu nwa bukaatai mii iyi à bi fei ku ba kuwɛɛ nwa do kutɔɔ nwa ku maa bɔ waju. Nɔ í ce bɛɛbɛi si bɛi í jɔ̀ à màa, nŋu iyi í kpe wa ka ba ikpɛ̃ si amboeɛ do si jiida ku jɛɛ.

Zãa 1, 3:2

Iŋɛ baakɔɔm ŋa, si nsɛi à jɛ amai Ilaaɔ̃ ŋa, amma a kù mà bɛirei aa ka na ka yɛ ala. Do nŋu fei, à mà waati iyi Kirisi á na ku faata wa aa ka jɔɔ, domi aa ka yɔɔ bɛi í yɛ.

Zudu 1:1

Amu Zudu woo ce icɛi Jesu Kirisi, amu iyi ǹ jɛ ifɔi Zaaki, amui ǹ wa n kɔ nŋɛ tiau ihɛ̃ wa, iŋɛ iyi Ilaaɔ̃ Baaba í kpe. Í bi ŋɛ, nɔ wa degbe ŋɛ i jɛ ti Jesu Kirisi ŋa.

Zudu 1:24

Ilaaɔ̃ nŋu akãi í jɛ woo faaba nwa, nŋu iyi á yɔkɔ ku degbe ŋɛ i maà na i cuku ŋa, nɔ ku jɔ̀ i naa si amboeɛ ŋa do inɔ didɔ̃, lɛɛfi ku maà wa si. Amboe do jirima do gbugbã do yiiko ku jɛ tɛɛ hai sinte, do nsɛi, hee do ajɔ fei na saabui Lafɛ̃ɛ nwa Jesu Kirisi. Ami.

Samuɛli 1, 2:9

Awɔi ì waa gbã inɛɛ ŋa si isɛɛnɛ nŋa. Amma aa jɔ̀ inɛ laalɔ ŋa a ce nfe si ilu kuku, domi amanɛ kaa yɔkɔ ku jɛ igũ do gbugbãi nŋu takaɛ.