Piɛɛ 1, 1:3 - Bibeli do fee

³ Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.

Piɛɛ 1, 1:3 Iomraidhean Croise

Ilaalu 1, 8:15

Ŋɔi í ni, ǹ saabu Aɔ̃ Lafɛ̃ɛi inɛi Izirɛli ŋa, domi do gbugbã nlaɛ í kɔ̃ kuwã iyi í cea baam Davidi waati iyi í ni,

Bomma 1, 29:20

Ŋɔi Davidi í sɔ̃ zamaau fei í ni, i saabu Aɔ̃ Lafɛ̃ɛ nŋɛ ŋa. Nɔ inɛ ŋau fei à saabu Aɔ̃ Lafɛ̃ɛi bala nŋa ŋau. À gulɛ à sɛɛbata si wajui Aɔ̃ Lafɛ̃ɛ do si wajui ilaaluu.

Bomma 2, 31:8

Ŋɔi Ezekiasi do inɛ ngbo ŋau à naa à yɛ ikɔ ŋau, nɔ à saabu Aɔ̃ Lafɛ̃ɛ à weea zamaau.

Iri ku kɔ̃ 41:13

Awɔi aa sobim si dee dee ku jɛm nɔ i maa mum bi tɛɛ hee do ajɔ fei.

Iri ku kɔ̃ 86:15

Aɔ̃ Lafɛ̃ɛ, awɔi ì jɛ ilu araare nɔ ì ya cea inɛ didɔ̃. Idɔɛ ci ya saasa ku kɔ̃ amma jiida ku jɛɛ do dee dee ku jɛɛ í la.

Iri ku kɔ̃ 86:5

Awɔ Aɔ̃ Lafɛ̃ɛ ì jɛ inɛ jiida do ilu suuru. Jiida ku jɛɛ í la í caa bi inɛ ŋa iyi à waa kpeɛ.

Kufita 34:6

Nɔ í koo í lɔ wajui Moizi wa ni, amui ǹ jɛ Aɔ̃ Lafɛ̃ɛ, ǹ ya n ce araarei inɛ ŋa nɔ n ce nŋa didɔ̃. Idɔɔkɔ̃m ci ya saasa ku dede nɔ jiida ku jɛm do dee dee ku jɛm í la í caa.

Ezai 26:19

Iŋɛ zamaam ŋa, inɛ nŋɛ ŋa iyi à ku ŋau aa nyi wa si kuwɛɛ má. Ikui inɛm ŋau, aa jĩ má. Na nŋu, iŋɛ iyi ì wa si sãau, aa dede nɔ aa dɔ̃ anu do inɔ didɔ̃ ŋa. Ntɔ ntɔ, Aɔ̃ Lafɛ̃ɛ á jɔ̀ ikpã nŋɛ ku yɛ bɛi inya kumá, nɔ ilɛ á jɔ̀ inɛ ŋa iyi à ku ŋau a ba kuwɛɛ má.

Zonasi 4:2

Nɔ í sɔ̃ Aɔ̃ Lafɛ̃ɛ í ni, mii ŋa iyi ǹ wa n yɛ mbɛ waati iyi ǹ wa ilɛi idem, ŋɔi í jɔ̀ ǹ sa gbãa gbãa ǹ nɛ ikpa Taasi. Ǹ mà iyi awɔ ilu araarei, idɔɛ ci ya saasa ku kɔ̃ nɔ jiida kú jɛɛ í caa, nɔ idei laalɔ iyi ì dasi idɔ i cea amanɛ ì ya kpaa mái.

Laabaau jiida iyi Zãa í kɔ 1:13

A kù jɛ amai Ilaaɔ̃ ŋa do yaase bɛi à ya ce a bíò amu ŋa si andunya. Kù jɛ do idɔɔbii amanɛ ŋa, ti Ilaaɔ̃i.

Romu 12:12

I wɛɛò inɔ didɔ̃ ŋa na kpãa ku cɔu. I temua si wahala ŋa. I maà ya gbɛɛji do kutɔɔ ŋa.

Romu 15:13

Nsɛi, Ilaaɔ̃ nŋu iyi wa mu nwa kpãa ku cɔ ku mu nŋɛ inɔ didɔ̃ do laakai ku sũ fei na naanɛ iyi ì dasi ŋa ku ba kpãa ku cɔ nŋɛ ku la si gbugbã iyi Hundei Ilaaɔ̃ í mu nŋɛ.

Romu 4:25

Ilaaɔ̃i í jɔ̀ à kpa Jesu wo na irii dulum du wa nɔ í jũu má ku ba ku ce wa inɛ dee dee ŋa.

Romu 5:10

Waati iyi à jɛ mbɛɛi Ilaaɔ̃, í jɔ̀ à dɔ̃ do nŋu na ikui Amaɛ. Na nŋu nsɛi, si bɛi à dɔ̃ do nŋu, sika kãma kù wa si á nyi ku faaba wa má na kuwɛɛi Amau.

Romu 8:11

Ilaaɔ̃i í jĩ Jesu hai si balɛ. Nɔ bii Hundei nŋu iyi í jĩ Kirisi hai si balɛu í wa si ŋɛ á na ara iku nŋɛ ŋau mɔ kuwɛɛ na saabui Hundeɛ iyi í wa si ŋɛu.

Romu 8:24

Faabau í jɛ tu wa, amma si kpãaɛ ku cɔi à wa si titã. Bii à yɛ mii iyi à waa degbe, kudegbe kù wɛɛ má. Mii iyi amanɛ wa yɛ á maa cɔ kpãaɛ má?

Kɔrɛnti 1, 13:13

Nsɛi mii mɛɛtai í wɛɛ. Mii ŋau wee. Naanɛ ku dasi, do kpãa ku cɔ, do kubi. Amma kubi í re ŋa.

Kɔrɛnti 1, 15:20

Amma ntɔ ntɔ Kirisi í jĩ hai si balɛ, nɔ í jɛ inɛ sinte si inɔi inɛ ŋa iyi aa na a jĩ.

Kɔrɛnti 2, 1:3

Ka saabu Ilaaɔ̃, Baai Lafɛ̃ɛ nwa Jesu Kirisi, nŋui í nɛ araare, nɔ nŋui í ya maa tũ idɔ nwa waati kãma fei.

Galati 6:16

Laakai ku sũ do didɔ̃ ku wɛɛa inɛ ŋa iyi à waa too woodau ihɛ̃ hee do inɛi Izirɛli ŋa, aŋa iyi à jɛ inɛi Ilaaɔ̃ ŋa.

Efɛɛzu 1:17

Ǹ wa n tɔɔ Ilaaɔ̃ ilu amboe, Baai Lafɛ̃ɛ nwa Jesu Kirisi, ku ce ŋɛ ilu laakai jiida nɔ ku nyisi ŋɛ bɛi nŋu takaɛ í yɛ ku ba i màa sãa sãa ŋa.

Efɛɛzu 1:3

I jɔ̀ ka saabu Ilaaɔ̃ Baai Lafɛ̃ɛ nwa Jesu Kirisi. Na saabui anu akã nwa do Kirisi, í wee nwa do didɔ̃ ikã ikã iyi Hundeɛ wa mu nwa wa hai lele.

Efɛɛzu 1:7

Do saabui njɛi Jesui Ilaaɔ̃ í ya wa nɔ í kpa idei dulum du wa si didɔ̃ nlaɛ iyi í nyisi wa.

Efɛɛzu 2:4

Amma araarei Ilaaɔ̃ í la. Na kubi nlaɛ iyi í bi wa,

Efɛɛzu 3:20

Ilaaɔ̃ í nɛ gbugbã ku ce mii iyi à waa tɔɔ fei do iyi à waa lasabu fei, nɔ á yɔkɔ ku ce baa mii iyi í re bɛɛbɛ mɔm hee ku caa. Gbugbãɛu wa ce icɛ si wa.

Kolosee 1:23

Amma í gbe i temua ŋa si naanɛ ku dasi i leekĩ si dim dim ŋa. Nɔ si bɛi ì gbɔ laabaau jiidau ŋa iyi à sisia inɛi andunya fei, i maà ti i jɔ̀ a sinda ŋɛ hai si kpãa ku cɔ iyi wa jilɛ nŋɛ. Laabaau jiidau, amu Pɔlu, amui ǹ jɛ woo ce icɛɛ.

Kolosee 1:27

Í nyisi ŋai si na iyi í jɔ̀ wa bi a mà bɛi asiii nŋu í nɛ bɛɛrɛ do yiiko si anini dimi mmu ŋa. Asiiu wee. Kirisi í wa si ŋɛ, nɔ wa mu nŋɛ kpãa ku cɔ iyi iŋɛ mɔ aa ba ikpɛ̃ si amboei Ilaaɔ̃ ŋa.

Tɛsalonika 1, 1:3

À waa ye gigi nŋɛ si wajui Ilaaɔ̃ Baa nwa do yaase bɛi ì dasi naanɛ ntɔ ntɔ ŋa, do bɛi ì bi inɛ ŋa do bɛi ì ya maa cɔ kpãai Lafɛ̃ɛ nwa Jesu Kirisi dim dim ŋa.

Tɛsalonika 1, 4:13

Iŋɛ inɛ nwa ŋa, a kù bi i wɛɛ hai mà yaase iyi í jɛ ti inɛ ŋa iyi à ku ŋa, ku ba i maà nɛ inɔ kufɔ, bɛi inɛ ŋa iyi à gbe, aŋa iyi a kù nɛ kpãa gɔ iyi à waa cɔ.

Tɛsalonika 2, 2:16

Nɔ Ilaaɔ̃ Baa nwa, nŋu iyi í bi wa, nɔ do saabui didɔ̃ɛ í mu nwa gbugbã iyi kù nɛ kɔɔ do kpãa ku cɔ jiida, nŋu do Lafɛ̃ɛ nwa Jesu Kirisi takaɛ

Timɔtee 1, 1:14

Nɔ wee didɔ̃i Lafɛ̃ɛ nwa í caa sim, nɔ í jɔ̀ ǹ dasiɛ naanɛ nɔ ǹ nɛ kubii inɛ ŋa.

Titee 2:13

nɔ ka maa degbeò ajɔ jiida iyi à waa cɔ kpãaɛ, si bii Jesu Kirisi woo faaba nwa á nyisi amboeɛ. Jesu Kirisi nŋui í jɛ Ilaaɔ̃, nɔ nŋui í la.

Ebɛɛ 3:6

Amma Kirisi njɛ amai kpasɛ̃ ilu naanɛi iyi Ilaaɔ̃ í ce inɛ ngboi kpasɛ̃ɛu. Inɛi kpasɛ̃ɛ ŋau mɔ, awai bii à waa leekĩ si naanɛ dim dim do si kpãa ku cɔ iyi à waa tɔɔò fufu.

Zaaki 1:18

Si idɔɔbiɛ, í bí wa isɛ gbeejisia do saabui ide ntɔɛ ku ba hai si inɛ ŋa iyi í taka fei ka jɛ bɛi amaajɛ sinte ŋa iyi à jɛ tɛɛ.

Piɛɛ 1, 1:13

Na nŋu, i ce laakai ŋa. I mu ara nŋɛ ŋa, nɔ i dasi kpãa ku cɔ nŋɛ fei si didɔ̃ iyi aa na ŋɛ si waati iyi Jesu Kirisi á faata wa.

Piɛɛ 1, 1:21

Na saabuɛi ì dasi Ilaaɔ̃ naanɛ ŋa, nŋu iyi í dedeɛ hai si balɛ nɔ í muaa amboe ku ba naanɛ ku dasi nŋɛ do kpãa ku cɔ nŋɛ ku wa si Ilaaɔ̃.

Piɛɛ 1, 1:23

Í sĩa i ce bɛɛbɛ ŋa si na iyi í jɔ̀ à bí ŋɛi isɛ gbeejisia, nɔ kù jɛ do dimi iyi á ku, amma do dimi iyi kaa kui. Dimiui í jɛ idei Ilaaɔ̃, nŋui í jɛ icui kuwɛɛ nɔ kaa tã.

Piɛɛ 1, 2:2

Si bɛi ama kpɔtɔɔ í ya bi àmɔ, iŋɛ mɔ í sĩa i bi àmɔ iyi í má iyi í jɛ idei Ilaaɔ̃. Hundei Ilaaɔ̃i wa mu nŋɛ amɔu ku ba i la si kpãai faabau ŋa,

Piɛɛ 1, 3:15

Amma i jɔ̀ Kirisi ku jɛ Lafɛ̃ɛ si idɔ nŋɛ. I tã sɔɔlu waati kãma fei i jɛa inɛ ŋa iyi à waa bee yaasei kpãa ku cɔ nŋɛ.

Piɛɛ 1, 3:21

Inyiu, í yɛi bɛi inyi ku dasi. Kù jɛ a ni wa nya riisii ara, amma wa nyisi iyi inɛ wa tɔɔ Ilaaɔ̃ ku jɔ̀ idɔi nŋu ku maà yɛ taalei nŋu. Inyi ku dasiui í faaba ŋɛ na saabui kujĩi Jesu Kirisi hai si balɛ,

Piɛɛ 1, 3:5

Inaaboi tako ŋa iyi bɛi í jɛ booda nŋa aŋa iyi à mà bɛɛrɛi Ilaaɔ̃ nɔ à dasiɛ naanɛ nɔ à ya sũa mɔkɔ nŋa ŋa iri ilɛ.

Zãa 1, 2:29

Si bɛi ì mà ŋa iyi Kirisi í jɛ dee dee, i jɔ̀ i mà ŋa iyi inɛ iyi wa ce dee dee fei amai Ilaaɔ̃i.

Zãa 1, 3:3

Inɛ iyi wa cɔ kpãai ideu ihɛ̃ fei, wa ce kookaai ku ba ku maaju bɛi Kirisi mɔ í maaju.

Zãa 1, 3:9

Inɛ iyi í jɛ amai Ilaaɔ̃ fei, ci ya maa mɔsi dulum ku ce, domi kuwɛɛi Ilaaɔ̃ í wa siɛ. Kaa yɔkɔ ku maa ce dulum, domi í jɛ amai Ilaaɔ̃.

Zãa 1, 4:7

Iŋɛ baakɔɔm ŋa, i jɔ̀ ka bi njɛ, domi kubi wa naai hai bi Ilaaɔ̃. Inɛ iyi í nɛ kubi, lafɛ̃ɛ amai Ilaaɔ̃i, í nɔ í mà Ilaaɔ̃.

Zãa 1, 5:1

Inɛ iyi í dasi naanɛ iyi Jesui í jɛ Kirisi, lafɛ̃ɛ amai Ilaaɔ̃i, nɔ inɛ iyi í bi Baa í bi amai Baa ŋau mɔi.

Zãa 1, 5:18

À mà inɛ iyi í jɛ amai Ilaaɔ̃ fei ci ya ce dulum ku maa mɔsi, domi Amai Ilaaɔ̃ wa degbeɛ, nɔ Seetam, inɛ laalɔu, kaa yɔkɔ ku ceaa ngɔgɔ.

Zãa 1, 5:4

Ntɔ ntɔ, amai Ilaaɔ̃ baa yooma fei í ya kãmia andunyai. Naanɛ ku dasi nwai á jɔ̀ ka kãmiaò andunya.