Piɛɛ 1, 1:25 - Bibeli do fee

²⁵ Amma idei Aɔ̃ Lafɛ̃ɛ á maa wɛɛi do ajɔ fei. Ideu, nŋui í jɛ laabaau jiida iyi à waazo nŋɛ.

Piɛɛ 1, 1:25 Iomraidhean Croise

Iri ku kɔ̃ 102:12

Kuwɛɛm í yɛi bɛi jĩjĩ iyi wa sɛkɛɛ, nɔ ǹ yɛi bɛi fɔfɔ iyi wa gbɛ.

Iri ku kɔ̃ 102:26

Awɔi ì ce ilɛ hai ku kpɛ, nɔ lelei Aɔ̃ í jɛ icɛi awɔɛ ŋa.

Iri ku kɔ̃ 119:89

Aɔ̃ Lafɛ̃ɛ, ideɛ lelei Aɔ̃i í wa, nɔ á maa wɛɛi hee do ajɔ fei.

Ezai 40:6

Inɛ gɔ í ni, dɔ̃ anu, nɔ inɛ mmu gɔ í jɛ í ni, bɛirei an dɔ̃ anu n ni. Nɔ à jɛaa à ni, aa dɔ̃ anui i ni, amanɛ í yɛi bɛi fɔfɔ tũtũ. Kusĩaɛ fei í yɛi bɛi kokoi jĩi ndii sako.

Ezai 40:8

Fɔfɔ í ya gbɛi, nɔ kokoi jĩi mɔ í ya gbɛi. Amma idei Aɔ̃ Lafɛ̃ɛ nwa á maa wɛɛi hee do ajɔ fei.

Matie 5:18

Ntɔ ntɔ, hee lele do ilɛ koo tãò, baa wasalii wooda keeke akã kaa gaizia, í gbe fei ndɛɛ ku kɔ̃i.

Luku 16:17

Wooda baa wasali í gaabu ku bɛjɛ í re lele do ilɛ ku kpa iri mɔm.

Laabaau jiida iyi Zãa í kɔ 1:1

Hee a maa taka andunya inɛ gɔ í wɛɛ à ya kpoo Ide. Ideu í wɛɛi do Ilaaɔ̃. Ideu takaɛ Ilaaɔ̃i.

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Kɔrɛnti 1, 2:2

N kù nɔ n kù dasi idɔ n sisi ide mmu gɔ si anini nŋɛ bii kù jɛ idei Jesu Kirisi iyi à kpakpa si jĩi ku gaau.

Efɛɛzu 2:17

Kirisi í naa ku sisi laabaaui laakai ku sũ bi tu ŋɛ, iŋɛ iyi ì tako ì jĩò Ilaaɔ̃, do bi Zuifu ŋa, aŋa iyi à ceòɛ amɛɛ.

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Titee 1:3

Nɔ nsɛi, si awaati iyi í jilɛu, í jɔ̀ ideɛu í fita. Ideui í daam si awɔ n waazoɛ si bɛi í jilɛɛm, nŋu iyi í jɛ Ilaaɔ̃ woo faaba nwa.

Ebɛɛ 6:5

nɔ à yɔɔ iyi idei Ilaaɔ̃ í sĩa, nɔ à mà gbugbãi kuwɛɛi ala,

Piɛɛ 1, 1:12

Ilaaɔ̃ í sisia walii ŋau í ni ide iyi nŋu í sɔ̃ ŋau kù jɛ ti aŋa taka nŋa, tu ŋɛi. Nsɛi woo sisi laabaau jiida ŋau à waazo nŋɛ nɔ ì gbɔ ideu ŋa. À fɔ idei do gbugbãi Hundei Ilaaɔ̃ iyi Ilaaɔ̃ í bɛ wa hai lele. Nɔ amaleka ŋau taka nŋa à waa bi a mà yaasei ideu.

Piɛɛ 1, 1:23

Í sĩa i ce bɛɛbɛ ŋa si na iyi í jɔ̀ à bí ŋɛi isɛ gbeejisia, nɔ kù jɛ do dimi iyi á ku, amma do dimi iyi kaa kui. Dimiui í jɛ idei Ilaaɔ̃, nŋui í jɛ icui kuwɛɛ nɔ kaa tã.

Piɛɛ 1, 2:2

Si bɛi ama kpɔtɔɔ í ya bi àmɔ, iŋɛ mɔ í sĩa i bi àmɔ iyi í má iyi í jɛ idei Ilaaɔ̃. Hundei Ilaaɔ̃i wa mu nŋɛ amɔu ku ba i la si kpãai faabau ŋa,

Piɛɛ 2, 1:19

Bɛɛbɛ mɔi naanɛ nwa í kɔ̃ɔsi si idei walii ŋau. I jɔ̀ i de siɛ itĩ ŋa, domi í yɛi bɛi fitila iyi wa má inya si ilu kuku hee iju koo máò nɔ Jesu, nŋu iyi í yɛ bɛi leleaɔ̃i daakɔ, ku má inya si idɔ nŋɛ.

Zãa 1, 1:1

À waa kɔ nŋɛ si idei Jesu, nŋu iyi í wɛɛ hai sintei mii fei. Nŋui í jɛ Ideu, nɔ í jɛ icui kuwɛɛ má. À gbɔ ideɛ, nɔ à yɔɔ do iju nwa, à cɔɔ do laakai, nɔ awɔ nwa í luu.

Zãa 1, 1:3

Iyi à yɛ do iyi à gbɔ, nŋui à waa sisia iŋɛ mɔ ku ba awaɛ ŋa ka nɛ anu akã, nɔ anu akã iyi à nɛu à nɔɔi do Ilaaɔ̃ Baaba do Amaɛ Jesu Kirisi.

Kuyɛi Zãa 14:6

Ŋɔi ǹ nyi ǹ yɛ amaleka gɔ má wa fo hee lelei Aɔ̃. Nŋui á sisi laabaau jiida iyi ci ya tã bi inɛi andunya fei, si ilɛ fei, do si dimi fei, do si fee ikã ikã fei, do bi inɛ fei.