Piɛɛ 1, 1:23 - Bibeli do fee

²³ Í sĩa i ce bɛɛbɛ ŋa si na iyi í jɔ̀ à bí ŋɛi isɛ gbeejisia, nɔ kù jɛ do dimi iyi á ku, amma do dimi iyi kaa kui. Dimiui í jɛ idei Ilaaɔ̃, nŋui í jɛ icui kuwɛɛ nɔ kaa tã.

Piɛɛ 1, 1:23 Iomraidhean Croise

Zeremi 23:28

Si anyiɛ, ŋɔi Aɔ̃ Lafɛ̃ɛ í ni má, walii iyi í ce àla, ku ya ku sisia inɛ ŋa idei àlaɛ iyi í ce. Nɔ inɛ mɔ iyi ǹ ba ide ku fɔ, ku ya ku sisia inɛ ŋa idem dee dee. Amma i maà ya yɔgɛɛ fɔfɔ do ijui amaajɛ ŋa.

Kuwee 11:37

Nɔ baa bii ikui gɔgɔ í cuku si dimi ku gbɛ̃, inɛ nŋu mɔ kù jɛ riisi.

Malasi 2:3

An jɔ̀ ijuukpã ku naa si dimi nŋɛ ŋai. An so imii mɛɛmu ŋa iyi ì ya ceò kuwee si waatii jingau nŋɛ ŋau n jɔ nŋɛ si waju. Nɔ aa ko ŋɛi do imiu ajɔ.

Matie 24:35

Lele do ilɛ fei á na ku tã, amma idem ŋa a kaa tã pai.

Luku 8:11

Nɔ Jesu í ni, yaasei mɔndau wee. Dimiu, idei Ilaaɔ̃i.

Laabaau jiida iyi Zãa í kɔ 1:13

A kù jɛ amai Ilaaɔ̃ ŋa do yaase bɛi à ya ce a bíò amu ŋa si andunya. Kù jɛ do idɔɔbii amanɛ ŋa, ti Ilaaɔ̃i.

Laabaau jiida iyi Zãa í kɔ 1:3

Do nŋui Ilaaɔ̃ í taka mii baa yooma fei, nɔ nkãma kù wɛɛ iyi kù jɛ nŋui í takaɛ.

Laabaau jiida iyi Zãa í kɔ 3:3

Ŋɔi Jesu í jɛaa í ni, ntɔ ntɔ ǹ wa n sɔ̃ɛi, nɔ a kù bí inɛ isɛ gbeejisia kaa yɔkɔ ku yɛ bommai Ilaaɔ̃.

Laabaau jiida iyi Zãa í kɔ 3:5

Ŋɔi Jesu í jɛaa í ni, ntɔ ntɔ, bii kù jɛ inyi do Hundei Ilaaɔ̃i í bí inɛ gɔ, lafɛ̃ɛ kaa yɔkɔ ku lɔ bommai Ilaaɔ̃.

Laabaau jiida iyi Zãa í kɔ 6:63

Hundei í ya mua inɛ kuwɛɛ, gbugbãi amanɛ kù jɛ nkãma. Nɔ ide iyi ǹ sɔ̃ ŋɛu wee hundei, nɔ nŋui í jɛ kuwɛɛ.

Romu 1:23

Í sĩai wo a tɔɔ Ilaaɔ̃ ilu amboe, nŋu iyi kaa ku ajɔ kãma. Amma wee à sinda à waa tɔɔ iwɛ̃ ŋa iyi à jɔ amanɛ iyi á ku. Iwɛ̃ gɔ ŋa mɔ à jɔ yɛi ŋa, do mɛɛmu ŋa iyi à waa nɛ do iyi à waa cã ilɛ.

Ebɛɛ 4:12

Idei Ilaaɔ̃i í jɛ kuwɛɛ, í nɔ í nɛ gbugbã. Í dɔ̃ anu í re taakuba ilu andɛ minji. Í nɛ gbugbã iyi á yɔkɔ ku lɔò hee lɛlɛi idɔ ku fɛɛfɛ idɔi amanɛ do lasabuɛ, ikɔ̃i ara mɔ do lompi. Nɔ á wusɛ idɔɔbii amanɛ do lasabuɛ.

Zaaki 1:18

Si idɔɔbiɛ, í bí wa isɛ gbeejisia do saabui ide ntɔɛ ku ba hai si inɛ ŋa iyi í taka fei ka jɛ bɛi amaajɛ sinte ŋa iyi à jɛ tɛɛ.

Piɛɛ 1, 1:25

Amma idei Aɔ̃ Lafɛ̃ɛ á maa wɛɛi do ajɔ fei. Ideu, nŋui í jɛ laabaau jiida iyi à waazo nŋɛ.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.

Zãa 1, 3:9

Inɛ iyi í jɛ amai Ilaaɔ̃ fei, ci ya maa mɔsi dulum ku ce, domi kuwɛɛi Ilaaɔ̃ í wa siɛ. Kaa yɔkɔ ku maa ce dulum, domi í jɛ amai Ilaaɔ̃.

Zãa 1, 5:18

À mà inɛ iyi í jɛ amai Ilaaɔ̃ fei ci ya ce dulum ku maa mɔsi, domi Amai Ilaaɔ̃ wa degbeɛ, nɔ Seetam, inɛ laalɔu, kaa yɔkɔ ku ceaa ngɔgɔ.