Piɛɛ 1, 1:22 - Bibeli do fee

²² Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.

Piɛɛ 1, 1:22 Iomraidhean Croise

Laabaau jiida iyi Zãa í kɔ 15:17

Iyi ǹ wa n dasi ŋɛi í jɛ i bi njɛ ŋa.

Laabaau jiida iyi Zãa í kɔ 15:3

Iŋɛ ì má tã do saabui ide iyi ǹ sɔ̃ ŋɛ.

Laabaau jiida iyi Zãa í kɔ 17:17

Ideɛi í jɛ ntɔ. Jɔ̀ ideɛu ku nya ŋa ikã a jɛ titɛɛ.

Laabaau jiida iyi Zãa í kɔ 17:19

Na iri nŋai ǹ so aram ǹ naɛ ku ba aŋa mɔ a jɛ titɛɛ mam mam.

Woo bɛ ŋa 15:9

Kù ce nkãma iyi í jɛ ikã si gãmɛ nŋa do awa. Í jɔ̀ idɔ nŋa í má na naanɛ iyi à dasiɛ bɛi í cea awa mɔ.

Woo bɛ ŋa 6:7

Bɛɛbɛ mɔi idei Ilaaɔ̃ í fangaa wa koo nɔ kukpɔi inɛ ŋa iyi à waa too kpãai Jesuu í kɔ̃ɔsi wa koo si ilui Zeruzalɛmu, nɔ woo weei Ilaaɔ̃ nkpɔ í dasi Jesu naanɛ.

Romu 1:5

Jesuu nŋui í muum didɔ̃ ǹ jɛò woo bɛ ku ba n naaò inɛ ŋa wa hai si dimi fei bi tɛɛ na iriɛ ku ba a dasiɛ naanɛ nɔ a jirimaɛ.

Romu 2:8

Amma inɛ ŋa iyi à waa ce idɔɔbii ara nŋa nɔ a kù waa ceò ntɔ icɛ í gbe laalɔ, aŋai aa yɛ idɔɔkɔ̃ nlaɛ.

Romu 8:13

Ntɔ ntɔ, bii ì waa ce idɔɔbii ara aa ku ŋa. Amma bii ì jɔ̀ Hundei Ilaaɔ̃ í sobi ŋɛ i kpaò kookoosui arau aa nɛ kuwɛɛ ŋa,

Kɔrɛnti 2, 6:6

À waa nyisi iyi à jɛ woo ce icɛi Ilaaɔ̃ ŋa do kuwɛɛ jiida nwa, do kumà nwa, do suuru nwa, do jiida ku jɛ nwa, do kubi hai nɛ muafiti nwa, do idei ntɔu ku waazo. Nɔ gbugbãi Ilaaɔ̃ do icɛ iyi Hundeɛ wa ce si wa wa nyisi iyi à jɛ woo ce icɛɛ ŋa. Dee dee ku jɛi í jɛ nyaui igũ nwa iyi à ya ka jaò nɔ ka kɔ̀ò ara nwa.

Galati 3:1

Iŋɛ inɛi Galati ŋau, i kù nɛ laakai ŋa. Iŋɛ iyi à sisia idei Jesu Kirisi iyi à kpakpa si jĩi ku gaau sãa sãa, yooi í kɔ̃ɔtɛ̃ ŋɛ.

Galati 5:5

Amma awa, Hundei Ilaaɔ̃ wa sɔ̃ wa mam mam iyi Ilaaɔ̃ á jɔ̀ ka jɛ dee dee na naanɛ ku dasi nwa.

Galati 5:7

Ì waa ce kuwɛɛ nŋɛ wo dee dee ŋa. Yooi í ganji ŋɛ í jɔ̀ i kù waa jirima ntɔu má ŋa.

Efɛɛzu 4:3

I ce kookaai i ya mu anu akã iyi Hundei Ilaaɔ̃ wa mu nŋɛ na saabui laakai ku sũ iyi í tɔtɔɔ ŋɛ.

Filipi 1:9

Mii iyi ǹ wa n bee si kutɔɔm nŋui í jɛ kubi nŋɛ ku kɔ̃ɔsi ku maa koo nɔ kubi nŋɛu ku jɔ̀ kumà nŋɛ do bisi nŋɛ ku kɔ̃ɔsi,

Tɛsalonika 1, 3:12

Nɔ Lafɛ̃ɛ ku kɔ̃ɔ nŋɛ si kubi si iŋɛ duusɔ̃ɔ do si inɛ fei hee kú to bɛi awa mɔ à bi ŋɛ.

Tɛsalonika 2, 1:3

Iŋɛ inɛ nwa ŋa, í sĩa ka ya maa saabu Ilaaɔ̃ waati kãma fei na iri nŋɛ. I jɔ̀ ka maa ce bɛɛbɛ domi naanɛ ku dasi nŋɛ wa kɔ̃ɔsi ntɔ ntɔ, nɔ kubi iyi ì nɛ iŋɛ duusɔ̃ɔ í la wa kɔ̃ɔsii.

Tɛsalonika 2, 2:13

Iŋɛ inɛ nwa ŋa, iŋɛ iyi Lafɛ̃ɛ í bi, à nɛ ka ya maa saabu Ilaaɔ̃i waati kãma fei na iri nŋɛ, domi Ilaaɔ̃ í cica ŋɛ hai sinteɛ i baò faaba ŋa do gbugbãi Hundeɛ, do naanɛ nŋɛ iyi ì nɛ si ntɔu ŋa. Hundeui í jɔ̀ ì jɛ inɛ kumá ŋa.

Timɔtee 1, 1:3

Nsɛi, ǹ bi i buba Efɛɛzu si bɛi ǹ sɔ̃ɛ wo si waati iyi ǹ bɔ ilɛi Masedɔni. Inɛ gɔ ŋa à wa bɛ iyi à waa kɔ inɛ ŋa si cio mmu. Ganji ŋa.

Timɔtee 1, 1:5

Amma mii iyi à waa lele à waa sɔ̃ ŋɛò ideu ihɛ̃i í jɛ kubi nŋɛ ku kɔ̃ɔsi, kubi iyi wa naa hai si idɔ iyi í má, do idɔ hai nɛ taale, do naanɛ ku dasi hai nɛ muafiti.

Timɔtee 1, 4:12

Maà ti i jɔ̀ a dondaɛ na awaasũ ku jɛɛ, amma jɔ̀ i nyisi woo dasi Jesu naanɛ ŋa yaase jiida si ide ku fɔɛ, do kuceɛ, do kubiɛ, do naanɛ ku dasiɛ, do dee dee ku jɛɛ.

Timɔtee 1, 5:2

abo ngbo ŋa mɔ bɛi iyeɛ ŋa, nɔ inaabo saatara ŋa mɔ i ce nŋa bɛi wecĩɛ ŋa, daaɛ fei ku má bi tu ŋa.

Timɔtee 2, 1:14

Mu ide jiida iyi à daɛ si awɔ, muu do gbugbãi Hundei Ilaaɔ̃ iyi í wa si wa.

Ebɛɛ 11:8

Na naanɛ ku dasii, Aburahamu í jɛ́ò kukpei Ilaaɔ̃ nɔ í dasi kpãa wa nɛ ikpa ilɛ gɔ iyi Ilaaɔ̃ á náa bɛi tubu. Í dasi kpãa wa koo baa do iyi kù mà bii wa bɔ.

Ebɛɛ 13:1

I ya temua si kpaasi woo dasi naanɛ ŋa ku bi.

Ebɛɛ 5:9

Iyi í kɔ̃ í tã nɔ í baa í jɛa inɛ ŋa iyi à waa jirimaɛ fei icui faaba iyi ci ya tã,

Ebɛɛ 6:10

Ilaaɔ̃ í jɛ inɛ dee dee, kaa gbɛjɛ icɛ nŋɛ do kubi iyi ì nyisi na iriɛ ŋa, si bɛi ì gbɔa inɛɛ ŋa wo ŋa, nɔ ì waa gbɔ nŋa baa nsɛi ŋa.

Ebɛɛ 9:14

Bii bɛɛbɛi, bɛirei aranfãanii njɛi Kirisi á to. Do saabui Hundei Ilaaɔ̃ iyi kaa kui í naò Ilaaɔ̃ araɛ bɛi kuwee iyi kù nɛ leebu. Njɛɛi á jɔ̀ idɔ nwa ku má hai si icɛ nfe nfe ku ce ku ba ka yɔkɔ ka cea Ilaaɔ̃ icɛ nŋu iyi í jɛ icui kuwɛɛ.

Zaaki 1:21

Na nŋu, i nyɔ andi mii iyi í jɛ riisi do laalɔ fei ŋa. Nɔ i gba ide iyi Ilaaɔ̃ wa gbɛ̃ si idɔ nŋɛ ŋa do ara kukaye, domi ideui á yɔkɔ ku faaba ŋɛ.

Zaaki 4:8

I sɛkɛɛ si Ilaaɔ̃ ŋa nɔ nŋu mɔ á sɛkɛɛ si ŋɛ wa. Iŋɛ ilu dulum ŋa, i wɔɔ awɔ nŋɛ. Nɔ i fũuta idɔ nŋɛ, iŋɛ ilu idɔ minji ŋau.

Piɛɛ 1, 1:2

Ilaaɔ̃ Baaba í cica ŋɛi si bɛi í dasi idɔ nŋu ku ce. Nɔ ì jɛ inɛɛ ŋa do saabui Hundeɛ ku ba i jirima Jesu Kirisi ŋa nɔ njɛɛ ku wɛ ŋɛ. Didɔ̃ do laakai ku sũ ku kɔ̃ɔsi si kuwɛɛ nŋɛ.

Piɛɛ 1, 2:17

I jirima inɛ fei ŋa, i bi kpaasi woo dasi Jesu naanɛ nŋɛ ŋa, i mà bɛɛrɛi Ilaaɔ̃, nɔ i jirima ilaalu nlau ŋa.

Piɛɛ 1, 3:1

Bɛɛbɛ mɔi iŋɛ inaabo ŋa, i sũa mɔkɔ nŋɛ ŋa iri ilɛ, hee baa bii í jɛ gɔgɔ nŋa ŋa a kù dasi idei Ilaaɔ̃ naanɛ, daa nŋɛ ku jɔ̀ a dasi naanɛ. Waati bɛɛbɛ i kù nɛ bukaatai ide ku fɔ má ŋa,

Piɛɛ 1, 3:20

inɛ ŋa iyi a kù tako a kù waa jirima Ilaaɔ̃ si waati iyi í temuaò ŋa hee Nowee í koo í ceò akɔi inyiu í tã. Inɛ ŋa iyi à lɔ si akɔi inyiu a kù kpɔ, a kù re aŋa mɛɛjɔ, nɔ à ba faaba hai si inɔ inyi nlau.

Piɛɛ 1, 3:8

Si anyii fei ndɛɛ i jɔ̀ iŋɛ fei i nɛ lasabu akã do kubi akã ŋa. I bi njɛ bɛi nyaanze akã ŋa, i ce araarei njɛ do ara ku kaye ŋa.

Piɛɛ 1, 4:17

Waati í to kiitiu ku sinti. Inɛi Ilaaɔ̃ ŋai aa sinti ku kiiti. To, bii í sinti hai bi tu wa, bɛirei iri ku kpaɛ á yɛ bi inɛ ŋa iyi à kɔ̀ ku dasi laabaau jiidai Ilaaɔ̃ naanɛ.

Piɛɛ 1, 4:8

Iyi í re fei ndɛɛ, nŋui í jɛ i ce kookaai i bi njɛ ŋa, domi kubi í ya bii kurara nkpɔ.

Piɛɛ 2, 1:7

nɔ si bɛɛrɛi Ilaaɔ̃ ku mà i kɔ̃ɔsi jiida ku cea njɛ, nɔ si jiida ku cea njɛ i kɔ̃ɔsi kubi.

Zãa 1, 3:11

Ide iyi ì gbɔ hai sinte ŋa, nŋui í jɛ ka bi njɛ,

Zãa 1, 3:23

Woodaɛu wee. Ka dasi Amaɛ Jesu Kirisi naanɛ, nɔ ka bi njɛ si bɛi í jilɛ nwa.

Zãa 1, 4:12

Inɛ gɔ kù yɛ Ilaaɔ̃ ajɔ gɔ, amma bii à bi njɛ, Ilaaɔ̃ í wa si wa, nɔ kubiɛ á kɔ̃ si idɔ nwa.

Zãa 1, 4:20

Bii inɛ gɔ í ni nŋu í bi Ilaaɔ̃ nɔ í cé kpaasiɛ, ilu iboi, domi inɛ iyi kù bi kpaasiɛ iyi wa yɛ, kaa yɔkɔ ku bi Ilaaɔ̃ iyi kù waa yɛ.

Zãa 1, 4:7

Iŋɛ baakɔɔm ŋa, i jɔ̀ ka bi njɛ, domi kubi wa naai hai bi Ilaaɔ̃. Inɛ iyi í nɛ kubi, lafɛ̃ɛ amai Ilaaɔ̃i, í nɔ í mà Ilaaɔ̃.

Kuyɛi Zãa 2:4

Amma iyi ǹ yɛ si ŋɛ wee, i kù bim bɛi tako má ŋa.