Piɛɛ 1, 1:21 - Bibeli do fee

²¹ Na saabuɛi ì dasi Ilaaɔ̃ naanɛ ŋa, nŋu iyi í dedeɛ hai si balɛ nɔ í muaa amboe ku ba naanɛ ku dasi nŋɛ do kpãa ku cɔ nŋɛ ku wa si Ilaaɔ̃.

Piɛɛ 1, 1:21 Iomraidhean Croise

Iri ku kɔ̃ 42:5

Wee do nŋu fei, ǹ wa n ye gigii bɛi idɔm í dede waati iyi zamaa í kaakom nɔ ǹ cua nŋa à waa bɔ kpasɛ̃i Ilaaɔ̃, à dɔ̃ anu do inɔ didɔ̃ nɔ à waa saabu Ilaaɔ̃ ajɔ.

Zeremi 17:7

Amma kuweei í jɛ ti inɛ iyi í dasi amu Aɔ̃ Lafɛ̃ɛ naanɛ, nɔ kaabaɛ fei í wa si amu Aɔ̃ Lafɛ̃ɛ.

Matie 28:18

Ŋɔi Jesu í sɛkɛɛ si ŋa wa í ni, yiikoi lele do ti ilɛ fei à nam nii.

Laabaau jiida iyi Zãa í kɔ 12:44

Ŋɔi Jesu í fɔ ide hee lele í ni, inɛ iyi í dasim naanɛ, kù jɛ amu akãi í dasi naanɛ, í dasi inɛ iyi í bɛm wa mɔ naanɛi.

Laabaau jiida iyi Zãa í kɔ 14:1

Ŋɔi Jesu í sɔ̃ mɔcɔɛ ŋa í ni, i maà ya jɔ̀ i wɛɛò zigiida ŋa. I dasi Ilaaɔ̃ naanɛ nɔ i dasim naanɛ ŋa.

Laabaau jiida iyi Zãa í kɔ 14:6

Ŋɔi Jesu í jɛaa í ni, amui ǹ jɛ kpãa, do ntɔ, do kuwɛɛ. Inɛ kãma kaa bɔ bi Ilaaɔ̃ Baaba bii kù jɛ hai do bi tom.

Laabaau jiida iyi Zãa í kɔ 17:1

Iyi Jesu í fɔ bɛɛbɛ í tã, ŋɔi í wu iju lele í ni, Baaba, awaati í to. Jɔ̀ amu Amaɛ n nɛ amboe ku ba amu mɔ n jɔ̀ i nɛ amboe,

Laabaau jiida iyi Zãa í kɔ 17:24

Baaba, ǹ bi inɛ ŋa iyi ì nam a maa wa bi tom bii an wa, ku ba a yɛ amboem, amboe iyi ì muum. Ì muum amboeui si na iyi í jɔ̀ ì bim hai waati iyi a kù taka andunya.

Laabaau jiida iyi Zãa í kɔ 17:5

Baaba, nsɛi ǹ wa n tɔɔɛi, jɔ̀ n nɛ amboe bi tɛɛ bɛi ǹ tako ǹ nɛ wo hee a maa taka andunya.

Laabaau jiida iyi Zãa í kɔ 3:34

Inɛ iyi Ilaaɔ̃ í bɛ wa idei Ilaaɔ̃i wa fɔ, domi Ilaaɔ̃ í muaa Hundeɛ do inɔ akã.

Woo bɛ ŋa 2:24

Amma Ilaaɔ̃ í jũu hai si balɛ, í nyaa hai si wahalai iku domi iku kù nɛ gbugbã kãma siɛ hee ku gɛɛɛ bɛ.

Woo bɛ ŋa 3:13

Aburahamu do Izaaki do Zakɔbu aŋa iyi à jɛ bala nwa ŋau, Aɔ̃ Lafɛ̃ɛ nŋai í jɔ̀ Jesu woo ce icɛɛ í nɛ amboe. Iŋɛi ì muu ì na inɛ ngbo ŋa nɔ ì kɔ̀siɛ ŋa si wajui Pilati, baa do iyi Pilati wa bi ku jɔ̀ɔ wo.

Woo bɛ ŋa 3:15

Si bɛɛbɛ ì kpa inɛ iyi í jɛ irii kuwɛɛu ŋa. Amma Ilaaɔ̃ í jũu hai si balɛ, nɔ awa à yɔɔ.

Woo bɛ ŋa 4:10

Na nŋu, í sĩa iŋɛ fei do inɛi Izirɛli ŋau fei i mà ŋa, mɔkɔ iyi wa leekĩ si waju nŋɛu bɛ, í ba irii do saabui irii Jesu Kirisi inɛi Nazarɛtiu, inɛ iyi ì kpakpa si antaii jĩi ku gaauu ŋa nɔ Ilaaɔ̃ í jũu hai si balɛ.

Romu 10:9

bii ì fɔ do gɛlɛɛ ì ni Jesui í jɛ Lafɛ̃ɛ, nɔ ì dasi naanɛ si idɔɛ iyi Ilaaɔ̃ í dedeɛ hai si balɛ, aa ba faaba,

Romu 4:24

À kɔɔi na irii awa mɔ iyi Ilaaɔ̃ wa doo wa inɛ dee dee, awa iyi à dasiɛ naanɛ, nŋu iyi í jĩ Jesu Lafɛ̃ɛ nwa hai si balɛ.

Kɔrɛnti 2, 6:15

Bɛirei Kirisi do Seetam aa ce a gbɔsi njɛ. Mà mii woo dasi Jesu naanɛ do hai dasi naanɛ à nɛ si gãmɛi njɛ.

Efɛɛzu 1:15

Na saabui ide ŋau bɛ feii í jɔ̀ hai waati iyi ǹ gbɔ baaui naanɛ ku dasi nŋɛ si Lafɛ̃ɛ Jesu do bɛi ì bi woo dasiɛ naanɛ ŋa fei,

Kolosee 1:27

Í nyisi ŋai si na iyi í jɔ̀ wa bi a mà bɛi asiii nŋu í nɛ bɛɛrɛ do yiiko si anini dimi mmu ŋa. Asiiu wee. Kirisi í wa si ŋɛ, nɔ wa mu nŋɛ kpãa ku cɔ iyi iŋɛ mɔ aa ba ikpɛ̃ si amboei Ilaaɔ̃ ŋa.

Timɔtee 1, 1:1

Amu Pɔlu ǹ wa n ceɛ fɔɔ, amu iyi ǹ jɛ woo bɛi Jesu Kirisi. Ilaaɔ̃ woo faaba nwa do Jesu Kirisi, nŋu iyi à dasi naanɛ, aŋai à jilɔɔ si n jɛ woo bɛ.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Ebɛɛ 2:9

Do nŋu fei Jesu nŋu iyi à kaye wo, nsɛi à waa yɔɔ do amboe do jirima nla nla na wahala iyi í yɛ í kuò. Ntɔi, didɔ̃i Ilaaɔ̃ í tako í jɔ̀ kù to amaleka ŋa si waati keeke gɔ. Ilaaɔ̃ í ce bɛɛbɛi ku ba ku yɛ wahala ku kuò na irii inɛ fei.

Ebɛɛ 6:1

Na nŋu, ka jɔ̀ ide sinte ŋau si gãmɛi Kirisi nɔ ka bɔ waju ka jɛ inɛ ŋa iyi à jĩa. A kaa ka jilɛ icui ideu ku kɔsi má. Ideui í jɛ idei idɔ ku kpaasi hai si kookoosui nfe ku ce, do idei naanɛ ku dasi si Ilaaɔ̃,

Ebɛɛ 7:25

Na nŋu á yɔkɔ ku faaba inɛ ŋa iyi à waa sɛkɛɛ si Ilaaɔ̃ do saabuɛ mam mam, domi í wɛɛi hee do ajɔ fei ku maa tɔɔ Ilaaɔ̃ na iri nŋa.

Piɛɛ 1, 1:11

Hundei Kirisiu í wa si ŋa nɔ í sɔ̃ ŋa do njuma iyi Kirisi á ba ijuukpã, nɔ si anyiɛ á ba amboe. Nɔ à ce himma ku ba a mà waatiu do kpãa iyi wa fãau.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.

Piɛɛ 1, 3:22

nŋu iyi í bɔ lele nɔ wa buba si awɔ njɛi Ilaaɔ̃. Bɛi amaleka ŋa do ilu yiikoi lele ŋa do ilu gbugbã ŋa à waa sũaa iri ilɛ.