Piɛɛ 1, 1:19 - Bibeli do fee

¹⁹ Aawo, à faaba ŋɛi do njɛ ilu bɛɛrɛi Kirisi, nŋu iyi í yɛ bɛi ama angudãi kuwee hai nɛ leebu nɔ kù nɛ riisi gɔ.

Piɛɛ 1, 1:19 Iomraidhean Croise

Kufita 12:5

Angudã komboi adɔ̃ akã iyi kù nɛ leebu gɔi aa so. Aa yɔkɔ i mu ama angudã walakɔ ama iwo ŋa.

Ezai 44:22

Ǹ nya kuraraɛ ŋai bɛi kudũi ijĩ í ya nya, nɔ do yaase bɛɛbɛ mɔi ǹ nyaò dulum dɛɛ ŋa mɔ. Na nŋu, sinda i nyi wa bi titom, domi amui ǹ yaɛ.

Ezai 53:7

À wahalaɛ, à kpãa iju, amma kù cĩ gɛlɛ bɛi angudã iyi à waa bɔ ku saka, do bɛi ama angudã iyi wa coko si wajui inɛ ŋa iyi à waa bu ntoɛ.

Daniɛli 9:24

Adɔ̃ kitaò fɛɛwa ikɔ mɛɛjei à daa zamaaɛ do ilu kumáɛu ku ba a kpa irii wooda ku kua do dulum ŋau. Aa kpa kurara mɔi nɔ a naaò dee dee ku jɛ wa hee do ajɔ fei ku ba kuyɛ do idei walii ŋau a kɔ̃, nɔ a nya ile iyi í re do kumáu ikã.

Kuwee 1:10

Bii í nɔ í jɛ inɛ gɔ wa ceem kuwee iyi à ya jo si ina fei sãa sãa, nɔ hai si inɔi mɛɛmu gaa ŋa iyi à kereui wa bi ku mu, lafɛ̃ɛ ku mu angudã kombo walakɔ iwo kombo iyi kù nɛ leebu kãma,

Kuwee 22:20

Kú maà naam mɛɛmu kãma iyi í nɛ leebu wa, domi kaa na ku dɔ̃ɔm si.

Zakari 13:7

Aɔ̃ Lafɛ̃ɛi lele do ilɛ í ni, taakuba, cuku si woo degbe inɛm ŋa, nŋu iyi ǹ jɔ̀ í jɛ minjisiam. Kpa woo degbeu nɔ angudã ŋau a fangaa bii fei, nɔ n cuku si iyi a kù nɛ gbugbã ŋau mɔ.

Matie 20:28

Nɔ baa amu Amai Amanɛ n kù naa inɛ ŋa a ceem icɛ, amma amui an ce nŋa icɛ, nɔ n na kuwɛɛm n yaò inɛ nkpɔ hai si dulum.

Laabaau jiida iyi Zãa í kɔ 1:29

Iju kumáɛ ŋɔi Zãa í yɛ Jesu wa naa siɛ, ŋɔi í sɔ̃ inɛ ŋa í ni, i cɔɔ ŋa. Inɛ ihɛ̃i í jɛ ama angudãi Ilaaɔ̃ iyi á nya dulum dii inɛi andunya ŋa ku nɛò.

Laabaau jiida iyi Zãa í kɔ 1:36

Ŋɔi à yɛ Jesu wa lɔ nɔ Zãa í ni, i cɔɔ ŋa. Inɛ ihɛ̃i í jɛ ama angudãi Ilaaɔ̃.

Woo bɛ ŋa 20:28

I mu ara nŋɛ ku sĩa, nɔ i ya maa degbe inɛ ŋa iyi Hundei Ilaaɔ̃ í da nŋɛ si awɔ fei, aŋa iyi à jɛ igbɛi inɛi Ilaaɔ̃ ŋa iyi nŋu takaɛ í ya do njɛi Amaɛ.

Romu 3:25

Nŋui Ilaaɔ̃ í jilɛ ku jɛ kuwee. Njɛɛ iyi í nikã í kpa dulum dii inɛ ŋa iyi à dasiɛ naanɛ. Ilaaɔ̃ í ce bɛɛbɛi ku nyisiò iyi nŋu í jɛ dee dee. Tako wo si suuruɛ í temua do dulum dii amanɛ ŋa, kù kpã ŋa iju.

Efɛɛzu 1:7

Do saabui njɛi Jesui Ilaaɔ̃ í ya wa nɔ í kpa idei dulum du wa si didɔ̃ nlaɛ iyi í nyisi wa.

Kolosee 1:14

Do saabui Amaui í ya wa nɔ í kpa idei dulum du wa.

Piɛɛ 1, 1:2

Ilaaɔ̃ Baaba í cica ŋɛi si bɛi í dasi idɔ nŋu ku ce. Nɔ ì jɛ inɛɛ ŋa do saabui Hundeɛ ku ba i jirima Jesu Kirisi ŋa nɔ njɛɛ ku wɛ ŋɛ. Didɔ̃ do laakai ku sũ ku kɔ̃ɔsi si kuwɛɛ nŋɛ.

Piɛɛ 1, 3:18

Gbakã akãi Kirisi í ku na dulum. Nŋu iyi í jɛ inɛ dee dee, í ku na inɛ laalɔ ŋa, ku ba ku bɔò wa bi Ilaaɔ̃. Waati iyi à kpaa, araɛ í ku amma hundeɛ í wɛɛ.

Zãa 1, 1:7

Amma bii à waa nɛ si inya kumá, si bɛi Ilaaɔ̃ takaɛ í wa si inya kumáu, aa ka nɛ anu akã awa duusɔ̃ɔ, nɔ njɛi Jesu Amaɛ á jɔ̀ ka má hai si dulum fei.

Zãa 1, 2:2

Nŋu takaɛ í ce kuweei araɛ ku ba ku kpa idei dulum du wa, amma kù jɛ ti awa akã, do ti inɛi andunya feii.

Kuyɛi Zãa 14:1

Si anyiɛ iyi ǹ cɔ ilu nɔ ǹ yɛ ama angudãu wa leekĩ si iri kutai Siɔ̃ɔ. Amanɛ dubu cĩɔ do ciiji do mɛɛ (144.000) í wa bi tɛɛ, aŋa iyi à kɔ irii ama angudãu do ti Baaɛ si ikpo nŋa.

Kuyɛi Zãa 14:5

Inɛ gɔ kù gbɔ ibo hai si gɛlɛ nŋa, à jɛ inɛ ŋa iyi a kù nɛ taale.

Kuyɛi Zãa 5:6

Iyi ǹ cɔ ikpa bi kitãi bommau nɔ ǹ yɛ ama angudã iyi à ceò kuwee wo wa leekĩ anini bɛ, nɔ ilu hunde mɛɛ do inɛ ngbo ŋau à kaakoɛ. Ama angudãu, í nɛ ngo mɛɛje do iju mɛɛje iyi í jɛ hunde mɛɛjei Ilaaɔ̃ ŋa iyi í bɛ si andunya fei.

Kuyɛi Zãa 5:9

Nɔ à kɔ̃ iri titɔ̃ gɔ à waa ni, awɔi ì to i gba tiau nɔ i ga sɛɛda ŋau, domi à kpaɛ wo, nɔ do njɛɛi ì raa Ilaaɔ̃ amanɛ ŋa hai si dimi fei, do fee ikã ikã fei, do ilɛ fei.

Kuyɛi Zãa 7:14

Nɔ ǹ jɛaa ǹ ni, lafɛ̃ɛm, n kù mà, awɔi aa mà. Nɔ í sɔ̃m í ni, inɛ ŋau ihɛ̃ à fita wai hai si bɔ̃nɛ nla nla. À fɔ jĩnɛ nŋa ŋa à fũuta ŋa do njɛi ama angudãu.