Biblia Todo Logo
Bìoball air-loidhne

- Sanasan -




Piɛɛ 1, 1:18 - Bibeli do fee

18 Bala nŋɛ ŋa à jɔ̀ nŋɛ tubui kuwɛɛ nfe nfe. Nɔ iŋɛ taka nŋɛ ì mà ŋa iyi à ya ŋɛi hai si kuwɛɛu. Kù jɛ do isɔ fũfũ walakɔ wura iyi á na ku tãi à ya ŋɛò.

Faic an caibideil Dèan lethbhreac




Piɛɛ 1, 1:18
28 Iomraidhean Croise  

Wee ì ni kuwɛɛ iyi ì nam kù re kucĩi ataawɔ, kuwɛɛm kù jɛ nkãma bi titɛɛ. Ntɔ ntɔ amanɛ baa yooma iyi í wɛɛ fei, í yɛi bɛi fufu. Kusĩmi.


Ntɔ ntɔ, amai amanɛ ŋa à yɛi bɛi fufu. Amanɛ ŋa ilu ibo ŋai. Si kiloo akãi aŋa fei à ya gũ ajɔ, nɔ à ya fɛlɛi bɛi fufu.


Ǹ nya kuraraɛ ŋai bɛi kudũi ijĩ í ya nya, nɔ do yaase bɛɛbɛ mɔi ǹ nyaò dulum dɛɛ ŋa mɔ. Na nŋu, sinda i nyi wa bi titom, domi amui ǹ yaɛ.


Ntɔ ntɔ ide iyi Aɔ̃ Lafɛ̃ɛ í sɔ̃ zamaaɛu wee. Í ni, à tako à so ŋɛi wo à daa inɛ ŋa si awɔ ì jɛ aru nŋa ŋa a kù sã nkãma, bɛɛbɛ mɔi aa jɔ̀ i nɛ ara nŋɛ ŋai hai nɛ fia kãma ku sã.


Aɔ̃ Lafɛ̃ɛ, awɔi ì jɛ gbugbãm, nɔ awɔi ì jɛ bi kuwa ku nɛ gbugbãm. Si waatii wahala, bi titɛɛi an ba n sa n koo n manji. Inɛ ŋa iyi à wa hee ilɛ jĩijĩ ŋa aa naa bi tɛɛ. Nɔ aa maa ni, bala nwa ŋa, tubui iboi à jɛ. Nɔ inya ngbɛi, kù nɛ aranfãani kãma.


Waati nŋui Aɔ̃ Lafɛ̃ɛ á sɔ̃ zamaau do inɛi Zeruzalɛmu ŋau ku ni, fufu gbãa gɔ í dede wa hai do ikpa gbaau, si zamaam ŋau. Kù jɛ wa naa ku fɛ ijui amaajɛ walakɔ ku teeseɛ.


Amma ide iyi wa fita wa hai si gɛlɛ nwa fei, nŋui à bi ka ceò icɛ. Aa ka cea ilaalu inaaboi lelei Aɔ̃u kuweei tuae ku dɔ̃ inunu nɔ ka ceaa kuweei atɛ̃ vɛ̃ɛ ŋa bɛi à nɛ dɔ̃ɔnɛi ku ceɛ awa do bala nwa ŋa do ilaalu nwa ŋa do akawe nwa ŋa si ilui Zudaa ŋa do si kpãa ŋa iyi à wa si ilui Zeruzalɛmu ŋa. Nɔ à nɛ pɛ̃ɛ ŋa bãm bãm. À wɛɛò inɔ didɔ̃ nɔ a kù ba wahala kãma.


Na nŋu, amu Aɔ̃ Lafɛ̃ɛi lele do ilɛ, amu iyi ǹ jɛ Lafɛ̃ɛi inɛi Izirɛli ŋa ǹ ni, an jɔ̀ inɛ ŋau ihɛ̃ a jɛ mii kuro. An jɔ̀ a mɔ inyi iyi í nɛ kɔ̃ɔtɛ̃i.


Ǹ sɔ̃ ama nŋa ŋa si gbaau ǹ ni, i maà too si ikɔi baa nŋɛ ŋa do wooda nŋa ŋau nɔ i maà riisi ara nŋɛ ŋa do iwɛ̃ nŋa ŋau.


Aɔ̃ Lafɛ̃ɛ í ni, dulum dii inɛi Zudaa ŋa í la. Na nŋu, an jɔ̀ ijuukpã ku ba ŋai ntɔ ntɔ, si na iyi í jɔ̀ à kɔ̀si woodam nɔ a kù ceò idem ŋa icɛ, nɔ à jɔ̀ iboi iwɛ̃ ŋa iyi baa nŋa ŋa à tɔɔ wo à nyɔ ŋa.


Mà mii í wɛɛ iyi amanɛ á kpaasiò kuwɛɛɛ.


À mà Ilaaɔ̃ amma a kù waa saaluɛ hee a bɛi a saabuɛ si bɛi í jɔ. Iri nŋa í na í ku, nɔ idɔ hai nɛ bisi nŋa í dási ilu kuku nla nla.


Kukɔi idei Ilaaɔ̃ í ni má, Aɔ̃ Lafɛ̃ɛ í mà iyi lasabui ilu bisi ŋa ngbɛi.


domi à ya ŋɛi do fia. Na nŋu, i jɔ̀ kucei ara nŋɛ ku jɔ̀ inɛ ŋa a mà bɛɛrɛi Ilaaɔ̃.


À ya ŋɛi do fia. Na nŋu, i maà jɔ̀ i baa i jɛ arui inɛ ŋa má ŋa.


Jesu Kirisi í na araɛ na irii dulum du wa ku ba ku nya wa hai si kuce laalɔi andunyau ihɛ̃. Bɛɛbɛi í ce í ceò idɔɔbii Ilaaɔ̃ Baa nwa.


Ide iyi ǹ wa n sɔ̃ ŋɛ do irii Lafɛ̃ɛ wee. I maà jɔ̀ i ya maa nɛ má bɛi hai dasi Jesu naanɛ ŋa iyi à waa too lasabu nfe nfe nŋa.


Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.


Kirisi njɛ í lɔ inɔ ile iyi í re do kumáui gbakã akã hee do ajɔ fei, nɔ kù jɛ do njɛi iwo ŋa walakɔ ti ama kɛtɛ ŋa. Njɛi nŋu takaɛi í lɔò. Bɛɛbɛi í jɔ̀ à baò faaba iyi ci ya tã.


Naanɛ ku dasi nŋɛ í nɛ bɛɛrɛ ntɔ ntɔ í re wura, domi wura á na ku tã. Do nŋu fei, do inai à yɔɔ à nya riisiɛ. Bɛɛbɛ mɔi, Ilaaɔ̃ wa cɔ laakaii naanɛ ku dasi nŋɛ ku ba ku mà gbugbãɛ. Nɔ aa ba saabu do amboe do bɛɛrɛ ŋa waati iyi Jesu Kirisi á faata wa.


Ntɔ ntɔ, tako wo ì ce bɛi hai dasi Jesu naanɛ ŋa à ya bi, amma í to bɛɛbɛ. Ì tako ì ce mii iyi í dɔ̃a ara nŋɛ si ŋa, do binɛ, do atɛ̃ ku mɔ do zamaa, do atɛ̃ ku kpa inɛ, do jingau hai nɛ yaase, do iwɛ̃ ku tɔɔ.


Ì mà ŋa iyi Jesu, nŋu iyi kù ce dulum, í naai ku nya dulum dii amanɛ ŋa.


Lean sinn:

Sanasan


Sanasan