Piɛɛ 1, 1:17 - Bibeli do fee

¹⁷ Ilaaɔ̃, nŋu iyi ì ya kpe Baaba ŋa si kutɔɔ nŋɛ, nŋui í jɛ inɛ iyi á kiiti inɛ fei si bɛi inɛ fei í ce nɔ kaa cɔ ijui inɛ gɔ. Na nŋu, waati iyi í gbe nŋɛ si andunya i jɔɔ do jirima ŋa.

Piɛɛ 1, 1:17 Iomraidhean Croise

Kusintii Andunya 47:9

Nɔ Zakɔbu í jɛa Faraɔ̃ í ni, adɔ̃ cifaò fɛɛwai ǹ nɛ. Adɔ̃m kù kpɔ nɔ fei ndɛɛ do wahalai. Kukpɔɛ kù to ti balam ŋa iyi à ce isɛɛnɛ bɛi amu mɔ ǹ ce.

Bomma 1, 29:15

Si wajuɛ à yɛi bɛi inɛ njoo ŋa do bɛi inɛ ŋa iyi à nɛ à waa lɔ bɛi bala nwa ŋau fei. Kuwɛɛ nwa si ilɛ ihɛ̃ í yɛi bɛ jĩjĩ nɔ kù nɛ kpãai nkãma ku cɔ.

Bomma 2, 19:7

Na nŋu i jirima Aɔ̃ Lafɛ̃ɛ ŋa. I wɔ̀ njoo si kuce nŋɛ ŋa, domi Aɔ̃ Lafɛ̃ɛ nwa kù bi inɛ iyi ci ya too ntɔ, do inɛ iyi í ya cica inɛ ŋa si na iyi í jɔ̀ à re njɛ do bɛɛrɛ do woo gba amua hai jɛ dee dee.

Zɔɔbu 34:19

Ci ya cɔ inɛ nla ku jɛi inɛ gɔ, ci ya nɔ ku cɔ ilu fia ku re ilu are, domi nŋui í taka aŋa fei.

Iri ku kɔ̃ 39:12

Ì ya kpã amanɛ ijui na kuraraɛ ŋa. Mii jiida iyi amanɛ í bi ì ya bɛjɛɛi bɛi tũtũ. Ntɔ ntɔ, kuwɛɛi inɛ baa yooma fei í yɛi bɛi fufu. Kusĩmi.

Iri ku kɔ̃ 89:26

Nŋui an jɔ̀ ku nɛ gbugbã si tenku do ido nla ŋa.

Mɔnda ŋa 14:16

Ilu bisi í ya ce njoi laalɔi nɔ ku saa, amma nnyɛi í ya maa kaaba araɛi nɔ í ya nɛ saasa.

Mɔnda ŋa 28:14

Ilu inɔ didɔ̃i inɛ iyi waati kãma fei wa ce njoi laalɔ ku ce, amma inɛ iyi í kɔ̀ wa mɔsi á yɛ wahala.

Zeremi 3:19

Amu Aɔ̃ Lafɛ̃ɛ ǹ ya n maa n ni, ǹ bi n kàɛi wo si inɔi amam ŋa, nɔ n muɛ ilɛ bii ididɔ̃ í wa, iyi kusĩai boodaɛ í re si ilɛ fei. Ǹ ya n maa n nii wo, awɔi aa ya kpem i ni, baam. Nɔ i kaa kɔ̀sim pai.

Sofoni 3:9

An jɔ̀ gɛlɛi inɛi ilɛ ŋau ku maaju ku ba aŋa fei a ya kpe irii amu Aɔ̃ Lafɛ̃ɛ nɔ a ya maa ceem icɛ ajɔ.

Matie 16:27

Amu Amai Amanɛ an nyi wa má do amboei Baam do amalekam ŋa ajɔ. Si waati bɛɛbɛi an sãa inɛ fei si yaase bɛi í jɛò kuwɛɛɛ.

Matie 22:16

Ŋɔi à bɛ mɔcɔ nŋa gɔ ŋa do inɛi Herodu gɔ ŋa wa bi tɛɛ. Iyi à to wa ŋɔi à ni, Mɛɛtu, à mà iyi ì ya fɔ ntɔ, nɔ ì waa kɔ inɛ ŋa si idei Ilaaɔ̃ do ntɔ. Bɛɛbɛ mɔi i kù waa ce njoi inɛ gɔ, domi i ci ya cɔ ijui amanɛ ŋa.

Matie 6:9

Bɛi í sĩa i ya ce kutɔɔ ŋa wee. Ilaaɔ̃ Baa nwa iyi í wa lele, jɔ̀ inɛ fei ku mà iyi awɔi ì jɛ inɛ kumaaju.

Romu 11:20

Ntɔi, à da ŋai na naanɛ hai dasi nŋa, nɔ awɔ mɔ ì wa agbɛu bɛi na naanɛ ku dasiɛ. Maà tɔɔ fufu, amma ce laakai,

Kɔrɛnti 2, 1:2

Ilaaɔ̃ Baa nwa do Lafɛ̃ɛ Jesu Kirisi a mu nŋɛ didɔ̃ do laakai ku sũ.

Kɔrɛnti 2, 5:6

Nŋui í jɔ̀ à ya ka nɛ wɔɔkɔ ajɔ fei baa do iyi à mà si waati iyi à wa si arau ihɛ̃ à jĩò Lafɛ̃ɛ.

Kɔrɛnti 2, 7:1

Baakɔɔm ŋa, kuwãu ihɛ̃ fei tu wai. Na nŋu, ka jɔ̀ idɔ nwa ku má sãa sãa si mii fei ku ba ara nwa do idɔ nwa ku maà nɛ taale kãma, nɔ kumá nwa ku kɔ̃ si Ilaaɔ̃ nɔ ka mà bɛɛrɛɛ.

Kɔrɛnti 2, 7:11

Ilaaɔ̃ í ceò inɔ kufɔ nŋɛu icɛ, nɔ i cɔ ribaɛ nsɛi ŋa. I cɔ zaka bɛi inɔ kufɔu í jɔ̀ ì ce laakai ŋa ì ce himma ì kɔ̀ò ara nŋɛ ŋa. Nɔ í jɔ̀ inɔ nŋɛ kù waa dɔ̃ wo nɔ ì waa ce njo ŋa, ì kpã woo ce laalɔu iju ŋa. Nɔ í jɔ̀ ì bi i yɛm má ŋa nɔ ì nɛ kubim ŋa. Si fei ndɛɛ ì nyisi iyi ì maaju si ideu ŋa.

Galati 2:6

Nɔ inɛ ngbo ŋau, aŋa iyi à nɛ jirima à re a kù kɔ̃ɔsi ide kãma má si ide iyi ǹ fɔu. Ntɔi, baa bii aŋai à jɛ ilu jirima ŋa kù jɛɛm nkãma, domi bi Ilaaɔ̃ inɛ gɔ kù re njɛ. Inɛ ngbo ŋau bɛ a kù kɔ̃ɔm si ide kãma.

Efɛɛzu 1:17

Ǹ wa n tɔɔ Ilaaɔ̃ ilu amboe, Baai Lafɛ̃ɛ nwa Jesu Kirisi, ku ce ŋɛ ilu laakai jiida nɔ ku nyisi ŋɛ bɛi nŋu takaɛ í yɛ ku ba i màa sãa sãa ŋa.

Efɛɛzu 3:14

Na saabui ideui ǹ wa n gulɛ si wajui Ilaaɔ̃ Baaba.

Efɛɛzu 6:9

Iŋɛ lafɛ̃ɛ ŋa mɔ, i cea aru nŋɛ ŋa bɛɛbɛ, i maà ya ta nŋa gbugbã. I mà ŋa iyi iŋɛò ŋa fei Lafɛ̃ɛ akãi ì nɛ lele bii inɛ gɔ kù re inɛ gɔ.

Wooda ku kɔsi 10:17

domi ntɔ ntɔ, nŋui í jɛ Aɔ̃ Lafɛ̃ɛ iyi í nɛ gbugbã í re iwɛ̃ ŋa fei, nɔ nŋui í jɛ Lafɛ̃ɛi lafɛ̃ɛ ŋa, nŋui í la, í nɛ gbugbã nɔ nŋui inɛ ŋa à nɛ a ce njoɛ. Bi tɛɛ, inɛ gɔ kù re inɛ gɔ, nɔ ci ya gba amua iyi kù jɛ dee dee.

Filipi 2:12

Iŋɛ baakɔɔm ŋa, ì ya jirimam ŋa si waati iyi ǹ wa inɔ nŋɛ wo. Nsɛi iyi ǹ jĩò ŋɛ í sĩa i ya maa jirimam ku re ŋa. I kookaai i ce icɛ do njo do kuyaya ku ba icɛ jiida nŋɛ ku jɔ̀ a mà iyi ì ba faaba ŋa,

Kolosee 3:25

Amma inɛ iyi í ya maa ce laalɔ, á yɛ ribaɛ si bɛi laalɔ ku ceɛ í to, domi Ilaaɔ̃ ci ya nya inɛ gɔ ikã.

Ebɛɛ 12:28

Na nŋu, ka saabu Ilaaɔ̃ domi à nɛ bomma iyi kaa yaya nɔ ka tɔɔɛ si bɛi í bi nɔ ka mà bɛɛrɛɛ ka jirimaɛ.

Ebɛɛ 4:1

Kuwãi Ilaaɔ̃ iyi í ni aa ka lɔ si bi kusĩmiu í wɛɛ baa nnyi. Na nŋu, i ce laakai ku ba inɛ gɔ nŋɛ ŋa a maà na a to wa do ankãanyi nɔ a ba wee aŋa a kaa ba a lɔ bi kusĩmiu.

Piɛɛ 1, 2:11

Iŋɛ baakɔɔm ŋa, ǹ wa n tɔɔ ŋɛi, iŋɛ iyi ì yɛ bɛi inɛ njoo ŋa si andunyau ihɛ̃, i jɔ̀ i nɔ ara nŋɛ do binɛi ara iyi í ya maa ce igũ do hunde nŋɛ.

Piɛɛ 1, 3:15

Amma i jɔ̀ Kirisi ku jɛ Lafɛ̃ɛ si idɔ nŋɛ. I tã sɔɔlu waati kãma fei i jɛa inɛ ŋa iyi à waa bee yaasei kpãa ku cɔ nŋɛ.