Piɛɛ 1, 1:13 - Bibeli do fee

¹³ Na nŋu, i ce laakai ŋa. I mu ara nŋɛ ŋa, nɔ i dasi kpãa ku cɔ nŋɛ fei si didɔ̃ iyi aa na ŋɛ si waati iyi Jesu Kirisi á faata wa.

Piɛɛ 1, 1:13 Iomraidhean Croise

Ilaalu 1, 18:46

Ŋɔi Aɔ̃ Lafɛ̃ɛ í mua Elii gbugbã. Nɔ Elii í dĩ kpakaɛ nɔ í sɛi wa cuaa Akabu hee à toò anu koofai Yizireɛli.

Ilaalu 2, 4:29

Ŋɔi Elizee í sɔ̃ Gehazi í ni, dĩ kpakaɛ i so golom nɔ i koo. Bii ì ko inɛ gɔ maà coo fɔɔ, bii inɛ gɔ í ceɛ fɔɔ mɔ, maà jɛaa. Bii ì to, nɔ i lea amau golou si waju.

Zɔɔbu 38:3

Jɔ̀ i tã sɔɔlu nɔ i ce wɔɔkɔ. An beeɛ ide, nɔ i jɛɛm.

Zɔɔbu 40:7

jɔ̀ i tã sɔɔlu nɔ i ce wɔɔkɔ. An beeɛ ide wa nɔ i jɛɛm.

Kufita 12:11

Yaase bɛi aa ŋɔɔò ŋa wee. Aa tã sɔɔlui isɛɛnɛ, nɔ i dasi jĩnɛ iyi i ya bɔò ilu ŋai, nɔ i dasi baata nŋɛ ŋa, nɔ i máa mu golo nŋɛ ŋa, nɔ i ŋɔɔ do saasa ŋa. Nŋui í jɛ jingaui Aɔ̃ Lafɛ̃ɛ iyi à ya kpe Iku ku kua.

Ezai 11:5

Kiitiɛ do dee dee ku jɛɛ á yɛi bɛi santiiki iyi á ya dĩ si gbankili waati kãma fei.

Zeremi 1:17

Awɔ Zeremi, dede i ce sɔɔlu i koo i sɔ̃ ŋa iyi an sɔ̃ɛ fei. Maà ti i ce njo si waju nŋa i maa yaya, ku ba amu takam n maà n na n jɔ̀ i maa yaya si waju nŋa.

Matie 20:4

Nɔ í sɔ̃ ŋa í ni, iŋɛ mɔ, i bɔ ikom i koo i ce icɛ ŋa. An sã nŋɛ si bɛi í jɔ.

Luku 12:35

I ce sɔɔlu i dĩ kpaka nɔ i jɔ̀ fitila nŋɛ ŋa a maa má ŋa.

Luku 17:30

Nɔ bɛɛbɛ mɔi á yɛ ajɔ iyi amu Amai Amanɛ an faata wa.

Luku 17:8

Amma á sɔ̃ɔi ku ni, ceem ijɛ, kpaasi jaaɛ ŋa, i naam ijɛ wa hee n jɛ n mɔ. Si anyiɛ, awɔ mɔ aa jɛ nɔ i mɔ.

Romu 13:13

I jɔ̀ ka nɛ dee dee awa iyi à jɛ inɛi inya kumá ŋa. Ka maà jɔ̀ ijɛ ku bi nwa do atɛ̃ ku mɔ nwa ku la ku caa, ka maà nɛ adɛi abo do daa bɛɛtɛkɛ ku ce, nɔ ka jɔ̀ ija do igu.

Romu 8:19

Baa mii ŋa iyi Ilaaɔ̃ í taka fei à waa degbe ajɔ nŋu do saasa, ajɔ si bii Ilaaɔ̃ á jɔ̀ a yɛ amboeɛ si amaɛ ŋa,

Kɔrɛnti 1, 1:7

amuai Hundei Ilaaɔ̃ baa akã kù gaizia ŋɛ, iŋɛ iyi ì waa degbe waati iyi Lafɛ̃ɛ nwa Jesu Kirisi á faata wa.

Kɔrɛnti 1, 13:13

Nsɛi mii mɛɛtai í wɛɛ. Mii ŋau wee. Naanɛ ku dasi, do kpãa ku cɔ, do kubi. Amma kubi í re ŋa.

Efɛɛzu 6:14

Na nŋu, i dede i leekĩ dim dim ŋa. I jɔ̀ ntɔ ku wɛɛ nŋɛ bɛi santiiki iyi sooge í ya dĩò gbankiliɛ, nɔ i jɔ̀ dee dee ku jɛ ku wɛɛ nŋɛ má bɛi ibɔi isɔ.

Kolosee 3:4

Kirisii í jɛ kuwɛɛ nŋɛ do ntɔ, nɔ ajɔ iyi á faata wa, do iŋɛi ajɔ, nɔ aa ba ikpɛ̃ nŋɛ si amboeɛ.

Tɛsalonika 2, 1:7

Nɔ iŋɛ iyi ì waa yɛ ijuukpã ŋau á mu nŋɛ kusĩmi do awa taka nwa. Iyi bɛ á cei si waati iyi Lafɛ̃ɛ Jesu á faata wa hai lele do amaleka ilu gbugbãɛ ŋa.

Timɔtee 2, 4:5

Amma awɔ, mu araɛ si mii fei, temua do ijuukpã, ce icɛi laabaau jiidau ku waazoɛ, nɔ i jɔ̀ icɛi idei Ilaaɔ̃ iyi ì waa ce ku kɔ̃ mam mam.

Timɔtee 2, 4:8

Nsɛi, ǹ mà iyi an ba ribai dee dee ku jɛ. Lafɛ̃ɛ woo kiiti dee deei á muum si ajɔ nŋu. Kù jɛ amu akã, amma hee do inɛ ŋa iyi à bi ajɔi kunyiɛ wa fei.

Ebɛɛ 10:35

Na nŋu, i maà fũsi naanɛ iyi ì dasi awɔ ŋa, domi ribaɛ í la.

Ebɛɛ 3:6

Amma Kirisi njɛ amai kpasɛ̃ ilu naanɛi iyi Ilaaɔ̃ í ce inɛ ngboi kpasɛ̃ɛu. Inɛi kpasɛ̃ɛ ŋau mɔ, awai bii à waa leekĩ si naanɛ dim dim do si kpãa ku cɔ iyi à waa tɔɔò fufu.

Ebɛɛ 6:19

Kpãa ku cɔ iyi à nɛu wa mu idɔ nwai dim dim bɛi isɔi akɔi inyi í ya gɛɛ akɔu. Kpãa ku cɔu wa leekĩi dim dim do anyii ridoo bi kuwai Ilaaɔ̃ lele.

Ebɛɛ 9:28

bɛɛbɛ mɔi Kirisi í na araɛ gbakã akã bɛi kuwee í soò dulum dii inɛ nkpɔ. Á nɔ ku na ku faata wa isɛ gbeejisia, kù jɛ ku naa ku kpa idei dulum dii inɛ ŋa má, amma ku ba faabai inɛ ŋa iyi à waa degbeɛ ŋau ku kɔ̃ mam mam nii.

Piɛɛ 1, 1:10

Si idei faabau ihɛ̃ walii ŋa iyi à ce walii si gãmɛi didɔ̃ iyi Ilaaɔ̃ í jilɛ nŋɛ à ce kudɛdɛ jiida jiida ku ba a mà yaaseɛ.

Piɛɛ 1, 3:15

Amma i jɔ̀ Kirisi ku jɛ Lafɛ̃ɛ si idɔ nŋɛ. I tã sɔɔlu waati kãma fei i jɛa inɛ ŋa iyi à waa bee yaasei kpãa ku cɔ nŋɛ.

Piɛɛ 1, 4:7

Kɔɔi mii fei í maai wa. Na nŋu, i mu ara nŋɛ do laakai, nɔ i jɔ̀ hunde nŋɛ ku wɔ njoo ku ba i yɔkɔ i ce kutɔɔ ŋa.

Piɛɛ 1, 5:12

Ǹ wa n kɔ nŋɛ ide keekeu ihɛ̃ wai do sobii Silasi kpaasi ilu naanɛ nwa. Ǹ bi n mu nŋɛ gbugbã nɔ n nyisi ŋɛ iyi ideu ihɛ̃ iyi ì waa leekĩ si dim dim ŋau, didɔ̃i Ilaaɔ̃i do ntɔ.

Piɛɛ 1, 5:8

I mu ara nŋɛ ŋa, i jɔ̀ hunde nŋɛ ku wɔ njoo, domi Seetam mbɛɛ nŋɛi, í dabii wa dɔ̃ anu bɛi muusu nla, wa dɛdɛ inɛ iyi á ŋɔ.

Zãa 1, 3:3

Inɛ iyi wa cɔ kpãai ideu ihɛ̃ fei, wa ce kookaai ku ba ku maaju bɛi Kirisi mɔ í maaju.