Piɛɛ 1, 1:1 - Bibeli do fee

¹ Amui Piɛɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Ilaaɔ̃ í cica nɔ ì fangaa ì koo ì waa jɛ isɛ mmu ŋa si ilɛi Pɔntu, do Galati, do Kapadosi, do Azii, do Bitini.

Piɛɛ 1, 1:1 Iomraidhean Croise

Ɛsitɛɛ 3:8

Ŋɔi Hamaa í koo í sɔ̃ ilaalu Asuerusi í ni, dimi gɔ ŋa à wa si ilɛu ihɛ̃, à wɛɛ ikã nɔ à fangaa bii fei si bommaɛu. Wooda nŋa ŋa à jɛ ikã do ti inɛ ŋa iyi à gbe nɔ a kù waa jirima woodaɛ ŋa. Kaa jɛɛ aranfãani bii ì jɔ̀ inɛ ŋau sɛ̃ɛ.

Iri ku kɔ̃ 44:11

Ì jɔ̀ à nyi do anyi si wajui mbɛɛ nwa ŋa, nɔ inɛ ŋa iyi à cé wa à ko amani nwa fei.

Ezekiɛli 6:8

Amma an jɔ̀ inɛ gɔ ŋa a fita si igũu. Nɔ inɛ ŋa iyi à ba à fita si ŋau, an fangaa ŋai si ilɛ mmu ŋa.

Kuwee 26:33

An jɔ̀ igũ ku naa si ŋɛ nɔ n fangaa ŋɛ i nɛ ilɛ mmu ŋa. Ilɛ nŋɛu á gbe ngbɛi nɔ ilu nŋɛ ŋau mɔ a kpɔò bomma.

Matie 10:2

Irii woo bɛ maateeji ŋau wee. Sinte, Simɔɔ iyi à ya kpe Piɛɛu do ifɔɛ Anderee, do ama minjii Zebedee ŋa Zaaki do ifɔɛ Zãa,

Matie 24:22

Bii Ilaaɔ̃ kù jilɛ si nŋu ku kaye kukpɔi ajɔu wo inɛ gɔ kaa wɛɛ. Amma í kayeɛi na irii inɛ ŋa iyi í cicau.

Matie 4:18

Ajɔ nŋu gɔ Jesu wa nɛ si itĩi tenku iyi à ya kpe Galilee, ŋɔi í yɛ sɔɔkɔ minji gɔ ŋa, Simɔɔ iyi à ya kpe Piɛɛ do ifɔɛ Anderee, à waa le taao si inɔ tenkuu.

Luku 18:7

Ilaaɔ̃ kaa bɛi ku ce ku re zaka bɛɛbɛ? Inɛ ŋa iyi í cica, kaa jɔ̀ a ba ntɔ bii à waa dɔ̃ siɛ anu dasã do idũ? Iyi í re mɔm, kaa kpɛ ku bɛi ku gbɔ nŋa.

Laabaau jiida iyi Zãa í kɔ 11:52

Kù nɔ kù jɛ si agbɛi aŋa akãi á ku, amma á kui ku ba kú jɔ̀ amai Ilaaɔ̃ ŋa iyi à wa bii fei a jɛ akã.

Laabaau jiida iyi Zãa í kɔ 7:35

Ŋɔi Zuifu ŋau à bee njɛ ide à waa ni, iwoi á bɔ iyi a kaa ka yɔɔ. Mà bi inɛ nwa ŋa iyi à fangaa si ilɛi dimi mmu ŋaui á bɔ ya. Á koo kɔ dimi mmu ŋau si cioi?

Woo bɛ ŋa 18:2

Ŋɔi í ko Zuifu gɔ bɛ iyi à ya kpe Akilasi, iyi à buu ilɛi Pɔntu. Kù kpɛ titã iyi í naa hai ilɛi Itali, nŋu do aboɛ Piisila, domi Kolodu ilaalu nlai Romu í na wooda í ni Zuifu fei ku fita hai Romu. Ŋɔi Pɔlu í bɔ ku cɔ ŋa.

Woo bɛ ŋa 18:23

Iyi í ce ajɔ minji bɛ ŋɔi í nyi í dasi kpãa má í koo wa dabii si ilɛi Galati do Firizi wa mua inɛ ŋa iyi à waa too kpãai Jesu fei gbugbã.

Woo bɛ ŋa 19:10

Bɛɛbɛi í ce adɔ̃ minji hee inɛ ŋa iyi à wa ilɛi Azii fei, hai Zuifu ŋa do hai jɛ Zuifu ŋa, à gbɔò idei Lafɛ̃ɛ Jesu.

Woo bɛ ŋa 6:9

Amma inɛ gɔ ŋa à ba Etiɛni kakɔɔ ku ce. Inɛ ŋau gɔgɔ ŋa hai ilɛi Silisii à naa do hai ilɛi Azii, gɔgɔ ŋa mɔ inɛi Sirɛni ŋai do inɛi Alesandii ŋa, aŋai à jɛ inɛi igbɛi Zuifu gɔ ŋa iyi à ya kpe aru ŋa iyi à jɔ̀.

Woo bɛ ŋa 8:4

Inɛ ŋa iyi à fangaau à koo à waa waazo laabaau jiidau bii fei.

Kɔrɛnti 1, 16:19

Igbɛi inɛi Jesu ŋa iyi à wa ilɛi Azii à waa ce ŋɛ fɔɔ. Akilasi do Piisila do inɛi igbɛi Jesu ŋa iyi à ya tɔtɔɔ kpasɛ̃ nŋa, à waa ce ŋɛ fɔɔ jiida jiida do irii Lafɛ̃ɛ.

Kɔrɛnti 2, 1:8

Iŋɛ inɛ nwa ŋa, à bi i mà ŋa wahala iyi í ba wa si ilɛi Azii í caa. Í re gbugbã nwa hee a kù tamaa mà aa ka wɛɛ si hunde má.

Galati 1:2

Amu do kpaasi woo dasi naanɛ ŋa iyi à wa ihɛ̃ fei à ce iŋɛ igbɛi inɛi Jesu ŋa iyi ì wa ilɛi Galati fɔɔ.

Efɛɛzu 2:12

Waati bɛɛbɛ ì jĩò Kirisi ŋa wo nɔ ì jɛ isɛ mmu bi inɛi Izirɛli ŋa. I kù nɛ baa nŋɛ si akabuu iyi Ilaaɔ̃ í wãò inɛɛ ŋa. Ì wa si andunya ihɛ̃ i kù waa cɔò kpãai nkãma ŋa, nɔ i kù wɛɛa Ilaaɔ̃ ŋa.

Efɛɛzu 2:19

Si bɛɛbɛ, i kù jɛ dimi mmu ŋa má, walakɔ isɛ mmu, amma nsɛi ì jɛ inɛi ilu akã ŋa do woo dasi Jesu naanɛ ŋa fei, nɔ ì jɛ inɛi kpasɛ̃i Ilaaɔ̃ ŋa.

Wooda ku kɔsi 28:64

nɔ á jɔ̀ i fangaa ŋai si ilɛi dimi mmu ŋa hai si kɔɔi andunya tengi bii ì wa ŋa hee ku bɔ si kɔɔ mmu. Nɔ tengi bɛ, iwɛ̃ ŋa iyi bala nŋɛ ŋa do iŋɛ taka nŋɛ i kù mà ŋai aa koo i maa tɔɔ ŋa. Iwɛ̃ ŋau, jĩi ŋa walakɔ kuta ŋa iyi à gbe à jɔ ŋa ŋai.

Wooda ku kɔsi 32:26

Ǹ lasabu n kpa ŋai wo fei mam mam, nɔ inɛ kãma ku maà ye gigi nŋa má.

Wooda ku kɔsi 4:27

Nɔ Aɔ̃ Lafɛ̃ɛ á fangaa ŋɛi si inɔi dimi mmu ŋa. Si dimi mmu bii aa koo i wa ŋau i kaa kpɔ ŋa.

Timɔtee 2, 1:15

Awɔ takaɛ ì mà iyi inɛi Azii ŋau fei à fũsim awɔ. Si inɔ nŋa bɛi Fizɛli do Hɛɛmɔzɛni à wa.

Ebɛɛ 11:13

Si naanɛ ku dasii, inɛ ŋau bɛ fei à ku. A kù ba mii iyi Ilaaɔ̃ í ce nŋa kuwãɛu, amma à yɔɔi hai jĩijĩ à coo cenkã. À fɔ iyi aŋa à jɛ inɛ njoo ŋa do hai nɛ ide ŋa si andunyau ihɛ̃.

Zaaki 1:1

Amui Zaaki woo ce icɛi Ilaaɔ̃ do ti Lafɛ̃ɛ Jesu Kirisi. Ǹ ce dimii Zuifu maateeji ŋa iyi à fangaa si andunya fei fɔɔ.

Piɛɛ 1, 2:11

Iŋɛ baakɔɔm ŋa, ǹ wa n tɔɔ ŋɛi, iŋɛ iyi ì yɛ bɛi inɛ njoo ŋa si andunyau ihɛ̃, i jɔ̀ i nɔ ara nŋɛ do binɛi ara iyi í ya maa ce igũ do hunde nŋɛ.

Piɛɛ 2, 1:1

Amui Simɔɔ Piɛɛ amaacɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Jesu Kirisi, nŋu iyi í jɛ Ilaaɔ̃ woo faaba nwa, í jɔ̀ ì dasi naanɛ ŋa na dee dee ku jɛɛ. Naanɛ iyi ì dasi ŋau í nɛ bɛɛrɛ bɛi ti awa mɔ.

Kuyɛi Zãa 1:11

í ni, kɔ iyi ì waa yɛ si tia, nɔ i samba tiau bi inɛi igbɛ mɛɛjei Jesu ŋa iyi à wa Efɛɛzu, do Simiinu, do Pɛɛgamu, do Tiatii, do Saadi, do Filadɛɛfi, do Laodisee.