Ozee 9:9 - Bibeli do fee

⁹ Inɛ ŋau à dási laalɔ ku cei bɛi waatii inɛi Gibea ŋau. Amma Aɔ̃ Lafɛ̃ɛ wa ye gigii kurara nŋa ŋau, nɔ á kpã ŋa ijui na dulum du ŋa ŋau.

Ozee 9:9 Iomraidhean Croise

Kufita 32:7

Ŋɔi Aɔ̃ Lafɛ̃ɛ í sɔ̃ Moizi í ni, kita i sinda i nyi gbãa gbãa, domi inɛɛ ŋa iyi ì gbã wa hai ilɛi Ezibitiu à waa ce daa sãmi.

Ezai 24:5

Inɛ ŋa iyi à wa si ilɛu, à jɔ̀ ilɛu í so riisi, domi a kù jirima woodai Aɔ̃ Lafɛ̃ɛ ŋau, nɔ a kù ceò ikɔɛ ŋa iyi à ba icɛ. Akabuu hai nɛ kɔɔ iyi í wa si gãmɛi aŋaò Aɔ̃ Lafɛ̃ɛ ŋau, à jɔ̀ í leekĩ.

Ezai 31:6

Iŋɛ inɛi Izirɛli ŋa, ì sinda ì toa Aɔ̃ Lafɛ̃ɛ anyi ŋai mam mam, amma i sinda i nyi wa bi tɛɛ ŋa.

Zeremi 14:10

Ŋɔi Aɔ̃ Lafɛ̃ɛ í ba zamaau ide ku fɔ í ni, inɛ ŋau ihɛ̃ ku dabii nŋa kù nɛ kɔɔ. A ci ya leekĩ inya akã. Nɔ iyi bɛ kù waa dɔ̃a amu Aɔ̃ Lafɛ̃ɛ si. Na ŋɔi í jɔ̀ n kù gbɛjɛ idei kurara nŋa nɔ ǹ wa n kpã ŋa iju.

Ezekiɛli 21:28

Amma inɛi Zeruzalɛmu ŋa a kù tamaa mà kubeeu í jɛ taale si na iyi í jɔ̀ akabuu í wa gãmɛ nŋa. Amma ilaalui Babilɔniu í ye ŋa gigi iyi kuce nŋa kù jɛ dee dee, nɔ na nŋu bɛi á jɔ̀ a mu ŋa a nɛò ŋa ilɛ mmu.

Ozee 10:9

Inɛi Izirɛli ŋau à ce dulum nii hai waati iyi à wa Gibea, nɔ bɛɛbɛi à wɛɛ a kù jɛ ku kpaasi. Na ŋɔi í jɔ̀ igũ á naa si aŋa inɛ laalɔ ŋau Gibea bɛ.

Ozee 4:9

Amma mii iyi á na ku ba woo wee ŋau, nŋui á na ku ba zamaau mɔ. An ce nŋai si bɛi isɛɛnɛ nŋa í yɛ. Yaase bɛi kuce nŋa í yɛ, bɛɛbɛi an sã nŋa.

Ozee 5:8

I fã kuu si ilui Gibea ŋa, nɔ i fã kãakãakĩ si ilui Rama ŋa. I dɔ̃ anui igũ si ilui Bɛti-Avɛni, iŋɛ tɔkui Bɛnzamɛɛ ŋa.

Ozee 7:2

Inɛ kãma ci ya fɔ si idɔɛ ku ni, Ilaaɔ̃ wa ye gigii laalɔ ŋa iyi inɛ ŋa à waa ce fei. Bɛbɛi, laalɔ ŋa iyi à waa ce ŋaui à kaako ŋa, nɔ ǹ wa n yɛ fei ndɛɛ si wajum.

Ozee 8:13

À ya ce kuwee do mɛɛmu ŋa a naam wai, si na iyi í jɔ̀ à ya bi iŋa ku ŋɔ. Amma amu Aɔ̃ Lafɛ̃ɛ, n ci ya n gba kuwee nŋa ŋau. Bɛbɛi, ǹ ye gigii kurara nŋa ŋau, nɔ an kpã ŋa ijui na dulum du ŋa ŋau. Inɛ nŋu ŋau, aa sinda a nyi ilɛi Ezibiti mái.

Ozee 9:8

Inɛ iyi wa wɔ njoo wa degbe inɛi Efaraimu ŋa, amu waliiui nɔ ǹ wɛɛ do Aɔ̃ Lafɛ̃ɛm. Taa ku mu yɛi ŋa í wa si kpãaɛ ŋa fei. Njɛ ku céi í wa si kpasɛ̃i Aɔ̃ Lafɛ̃ɛɛ.

Sofoni 3:7

Nɔ ǹ fɔ ǹ ni, awɔ Zeruzalɛmu bii í jɛ ì mà bɛɛrɛm wo, nɔ ì jɛsi ì gba ikɔm wo, n kaa n ce nfei kuwɛɛɛ. Waati iyi ǹ wa n kpã inɛɛ ŋa iju fei, à ya hanya a maa mɔsi laalɔ ku cei si isɛɛnɛ nŋa ŋau fei.

Woo kiiti ŋa 19:12

Amma lafɛ̃ɛu í jɛaa í ni, aawo. A kaa ka lɔ si ilui inɛ njoo ŋa bii inɛi Izirɛli ŋa a kù wa, aa ka nɛi hee Gibea.

Woo kiiti ŋa 19:16

Ŋɔi alɛu mɔkɔ ngbo gɔ wa baa hai ikoɛ. Mɔkɔu inɛi ilɛi iri kutai Efaraimu ŋai, amma Gibeai í wa, si ilui dimii Bɛnzamɛɛ ŋa.

Woo kiiti ŋa 19:22

Waati iyi à wa bɛ do inɔ didɔ̃, ŋɔi inɛi ilu ŋa inɛ laalɔ ŋau à naa à kaako kpasɛ̃u à wasi ku cã gamboi ileu, nɔ à sɔ̃ mɔkɔ ngboi kpasɛ̃u à ni, jɔ̀ inɛ iyi í lɔ inɔ ileɛu ku fita wa ka ba ka sũɛ.

Woo kiiti ŋa 20:43

Ŋɔi inɛi Izirɛli ŋa à dasi inɛi Bɛnzamɛɛ ŋau awɔ ibɔ nɔ à lele ŋa à bɔò ŋa hee inya gɔ iyi í wa ikpa nunui daakɔi Gibeau nɔ à wasi ku kpa ŋa a kù mu nŋa baa kusĩmi.