Ozee 9:8 - Bibeli do fee

⁸ Inɛ iyi wa wɔ njoo wa degbe inɛi Efaraimu ŋa, amu waliiui nɔ ǹ wɛɛ do Aɔ̃ Lafɛ̃ɛm. Taa ku mu yɛi ŋa í wa si kpãaɛ ŋa fei. Njɛ ku céi í wa si kpasɛ̃i Aɔ̃ Lafɛ̃ɛɛ.

Ozee 9:8 Iomraidhean Croise

Ilaalu 1, 17:1

Elii inɛi ilui Tisibu si ilɛi Galaadi í sɔ̃ Akabu í ni, do irii Aɔ̃ Lafɛ̃ɛi inɛi Izirɛli ŋa iyi ǹ wa n cea icɛ, si adɔ̃ ŋa iyi wa baau ihɛ̃ ikpã kaa le hee má jɛ ijĩ ku wɔ bii kù jɛ ǹ ni ku naa.

Ilaalu 1, 18:1

Si anyiɛ, ŋɔi Aɔ̃ Lafɛ̃ɛ í sɔ̃ Elii si adɔ̃ mɛɛtasiai agbɛu í ni, koo bi Akabu domi an jɔ̀ ijĩ ku wɔ.

Ilaalu 1, 18:19

Bɛbɛi, jɔ̀ a tɔtɔɔ inɛi Izirɛli ŋau fei si iri kutai Kaamɛli bi tom do waliii Baali cĩɔ mɛɛ do ciitaa ŋau (450) do ti Asera cĩɔ mɛɛ ŋa (400) iyi Zezabɛli wa wo ŋau fei.

Ilaalu 1, 22:11

Inɛ akã nŋa Sedesiasi amai Kenaana í cea araɛ ngoi isɔ ŋa nɔ wa ni, Aɔ̃ Lafɛ̃ɛ í ni, do ngo ŋau ihɛ̃i aa kpaò inɛi Siri ŋa hee í tã ŋa.

Ilaalu 1, 22:22

Ŋɔi Aɔ̃ Lafɛ̃ɛ í beeɛ í ni, do yaase bɛire. Ŋɔi í ni, an koo nɔ n tale si waliiɛ ŋau fei ibo ku sɔ. Nɔ Aɔ̃ Lafɛ̃ɛ í ni, awɔi aa yɔkɔ i lɛlɛɛ hee i toò kɔɔ. Koo nɔ i ce bɛɛbɛ.

Ilaalu 1, 22:28

Ŋɔi Misee í sɔ̃ɔ í ni, bii ì baa do laakai ku sũ, kù jɛ Aɔ̃ Lafɛ̃ɛi í ni n fɔ ideu. Nɔ Misee í ni má zamaa fei ku gbɔ ideu.

Ilaalu 1, 22:6

Ŋɔi ilaalui Izirɛli í tɔtɔɔ walii ŋa zakai aŋa cĩɔ mɛɛ nɔ í bee ŋa í ni, n bɔ igũ Ramɔti si ilɛi Galaadiu? Mà n jɔ̀ɔɛ. Ŋɔi à jɛaa à ni, koo, Aɔ̃ Lafɛ̃ɛ á daɛ iluu si awɔ.

Ilaalu 2, 13:21

wee í ko inɛ ŋa à bɔ mɔkɔ gɔ ku si. Nɔ à hɔ̃nnɛ wuaa akãi sooge ŋau wa. Ŋɔi inɛ ŋau à so ikuu à sɔɔ si inɔ balɛi Elizeeu. Ŋɔi ikui mɔkɔu í koo í lu kũkũi Elizee ŋau nɔ mɔkɔu í jĩ í dede í leekĩ si kutɛɛ ŋa má.

Ilaalu 2, 2:14

Nɔ í cã inyiu do kumbooi Eliiu í ni, iwoi Aɔ̃ Lafɛ̃ɛi Eliiu í wa. Waati iyi nŋu mɔ í cã inyiu ŋɔi í kpɛ̃ cingaa do cingaa, nɔ í kua.

Ilaalu 2, 2:21

Ŋɔi Elizee í bɔ bi isɔ̃u nɔ í dikã si imuu í ni, Aɔ̃ Lafɛ̃ɛ í ni, ǹ jɔ̀ inyii isɔ̃u ihɛ̃ í má, kaa kpa inɛ gɔ má, nɔ kaa ganji mii ŋa a fita hee má jɛ ku ganji amanɛ ŋa do mɛɛmu ŋa a bí.

Ilaalu 2, 4:41

Ŋɔi Elizee í ni a naaò iyafũ wa. Ŋɔi í fãsi iyafũu si inɔ cakau nɔ í ni, buãa inɛ ŋau a jɛ. Nɔ mii laalɔ kãma kù wa si cakau má.

Ilaalu 2, 4:43

Ŋɔi woo ce icɛɛu í jɛaa í ni, bɛirei an kpɛ̃a inɛ cĩɔ andi pɛ̃ɛ ŋau ihɛ̃. Amma Elizee í ni, kpɛ̃ nŋa nɔ a jɛ, domi Aɔ̃ Lafɛ̃ɛ í ni aa ka jɛ nɔ mbɔɛ ku gbe nwa.

Ilaalu 2, 5:14

Ŋɔi Naama í bɔ idoi Zuudɛ̃ɛu nɔ í wɛ isɛ gbɛɛje bɛi waliii Ilaaɔ̃ í sɔ̃ɔu. Ŋɔi batai araɛ í baa í yɛ bɛi ti ama keeke nɔ í maaju.

Ilaalu 2, 5:27

Bɛbɛi siɛi bɔ̃ɔi batai arai Naamau á nyi wa do si tɔkuɛ ŋa hee do ajɔ fei. Ŋɔi Gehazi í fita hai bi Elizee, nɔ araɛ fei í bɔ waasu na bɔ̃ɔi batai arau.

Ilaalu 2, 7:19

Nɔ amaacɛu í jɛaa í ni, baa bii Aɔ̃ Lafɛ̃ɛ í jɔ̀ amaajɛ wa ga wa hai lelei Aɔ̃, dimiɛ kaa ce pai. Nɔ Elizee í sɔ̃ɔ í ni, aa yɔɔ do ijuɛ, amma i kaa jɔɔ.

Ilaalu 2, 7:2

Ŋɔi woo bɛ iyi ilaaluu í ya lɔkɔsiu í ni, baa bii Aɔ̃ Lafɛ̃ɛ í jɔ̀ amaajɛ wa ga wa hai lelei Aɔ̃, dimiɛ kaa ce pai. Nɔ Elizee í jɛaa í ni, aa na i yɔɔ do ijuɛ, amma i kaa jɔɔ pai.

Iri ku kɔ̃ 124:7

À ba à fita hai si taa nŋa bɛi yɛi ŋa à ya fita hai si taa. Taau í ga, nɔ à ba à fita si.

Woo lasabu 9:12

Iyi í re mɔm, amanɛ kù mà ajɔi ikuɛ. Iku í ya naa si amanɛi ku zambaɛ bɛi à ya zamba cɛ̃ɛ ŋa do taao do bɛi taa í ya zamba yɛi ŋa.

Iri ku kɔ̃ iyi í dɔ̃ í re 3:3

Amma ǹ ko woo degbe ŋa iyi à ya maa kaako iluu. Ŋɔi ǹ bee ŋa ǹ ni, i kù yɛɛm inɛ iyi ǹ biu ŋa?

Ezai 62:6

Zeruzalɛmu, ǹ jilɛ woo degbe ŋa si antaii bindiɛ ŋau. Nɔ dasã do idũ, a kù nɛ a ya coko pai. Iŋɛ iyi ì waa kpe Aɔ̃ Lafɛ̃ɛ, ì waa yoo gigii Zeruzalɛmu, i kù nɛ i ya sĩmi ŋa.

Zeremi 11:19

Ǹ yɛi bɛi ama angudã kurɔ iyi à gbã à waa bɔò bi ku kpa mɛɛmu ŋa, nɔ n kù mà lasabu iyi à waa ce na irim. À waa ni, ka kpa jĩi nɔu do isoɛ fei. Ka nyaa hai si ilɛ ihɛ̃ bii ilu hunde ŋa à wa, nɔ a maà ye gigii iriɛ má.

Zeremi 14:13

Ŋɔi ǹ jɛaa ǹ ni, Aɔ̃ Lafɛ̃ɛ, walii ŋa wee à sɔ̃ ŋa à ni igũ kaa naa si ŋa hee má jɛ ari. À ni awɔ aa mu nŋa laakai ku sũ iyi í jɛ ntɔ si inyau ihɛ̃.

Zeremi 23:13

Aɔ̃ Lafɛ̃ɛ í ni, mii iyi ǹ yɛ bi waliii Samari ŋau í fɔ inɔm ntɔ ntɔ. À ya ce waliii do irii iwɛ̃ Baali, nɔ à jɔ̀ zamaam inɛi Izirɛli ŋau à nyɔ.

Zeremi 31:6

Nɔ ajɔ gɔ wa naa iyi woo degbe ilu ŋau aa na a maa dɔ̃ anu si iri kutai Efaraimu ŋau. Aa maa nii, i dede ŋa ka bɔ Siɔ̃ɔ bi Aɔ̃ Lafɛ̃ɛ nwa.

Zeremi 6:14

A ci ya gbɔa kumɛɛi inɛm ŋau ku ce ncɛɛ. À ya wasi ku ni, mii fei wa nɛ, mii fei wa nɛ jiida jiida. Amma nkãma kù waa nɛ.

Zeremi 6:17

Ǹ jilɛ woo degbe ŋa kɔkɔ nŋɛ, ǹ ni, i maa de itĩ ŋa na bii à na à fã kuu. Amma à jɛ à ni, a kaa ka de itĩ.

Kukpata 2:14

Kuyɛ ngbɛ do iboi waliiɛ ŋa à ce na iriɛ. A kù fitaò kuraraɛ gbugbãa iyi á jɔ̀ kuwɛɛu ku kpaasi. Kuyɛ ŋa iyi à ce na iriɛ, kuyɛ iboi do idei inɛ ku lɛlɛ.

Kukpata 4:13

Wahalau í naai na dulum dii walii ŋau do kurarai woo wee ŋau, domi aŋai à kpa inɛ dee dee ŋa si inɔ iluu.

Ezekiɛli 3:17

amanɛ, ǹ soɛi i jɛ bɛi woo kɛɛma bi inɛi Izirɛli ŋa. I ya gbɔ idem ŋa nɔ i ya koo i faò laakaii inɛi Izirɛli ŋau.

Ezekiɛli 33:7

Awɔ amanɛ, ǹ jilɛɛi i jɛ woo kɛɛmai inɛi Izirɛli ŋau. Aa ya gbɔ ide iyi ǹ wa n sɔ̃ɛi nɔ i koo i sɔ̃ inɛi Izirɛli ŋau i faò laakai nŋa.

Ozee 5:1

Iŋɛ woo wee ŋau, i sotĩ i gbɔ ku ce ncɛɛ ŋa. Iŋɛ mɔ inɛi Izirɛli ŋa, i ce laakai ŋa. Iŋɛ mɔ inɛi kpasɛ̃i ilaalu ŋa, i sotĩ i gbɔ ŋa. Iŋɛi à waa fãa si gãmɛi idei kiitiu bɛ, domi Misipa bɛ iŋɛi ì jɛ bɛi cɛkũm bi inɛm ŋau, nɔ ì jɛ má ŋa bɛi taa iyi à le si iri kutai Tabɔɔ.

Ozee 9:7

Waati si bii Aɔ̃ Lafɛ̃ɛ á sã nŋɛ gbesei mii ŋa iyi ì ce ŋau fei mbɛ ŋa. Ntɔ ntɔ, waati si bii inɛ fei á ba ribai mii ŋa iyi ì ce ŋau mbɛ, nɔ inɛi Izirɛli ŋa à nɛ a mài. Ì ya fɔ ŋa i maa ni, waliiu ihɛ̃ í sũmui. Ì ya fɔ má ŋa i ni, inɛ iyi hundei Ilaaɔ̃ í wa siɛu ihɛ̃ wa fɔ ide hai nɛ yaase. Ntɔ ntɔ bɛɛbɛi, amma iyi bɛ ŋau bɛ fei, na laalɔ nkpɔ nkpɔ ku ce nŋɛ ŋai, do ide ku kɔ̀ nŋɛ do gbugbã nla nla.

Ozee 9:9

Inɛ ŋau à dási laalɔ ku cei bɛi waatii inɛi Gibea ŋau. Amma Aɔ̃ Lafɛ̃ɛ wa ye gigii kurara nŋa ŋau, nɔ á kpã ŋa ijui na dulum du ŋa ŋau.

Misee 7:4

Inɛ iyi í daama si inɔ nŋa í yɛi bɛi agũ. Inɛ iyi í jɛ inɛ dee dee si inɔ nŋa í re baa wua ku nɛ agũ. Walii woo degbe ŋau, à sɔ̃ ŋɛ idei ajɔ gɔ iyi á na ku naa, iyi aa ba ijuukpã ŋa, ajɔu í to wa tã mɔm. Nɔ bɛbɛi ì wa si biti ŋa.

Laabaau jiida iyi Zãa í kɔ 15:24

Inɛ kãma kù ce mii iyi ǹ ce si anini nŋa. Bii n kù ce mii ŋau bɛ wo, dulum du ŋa kaa wa si iri nŋa. Amma wee nsɛi à yɛ fei ndɛɛ nɔ do nŋu fei à cé amu do Baam.

Romu 3:7

Bii ibom í teese í jɔ̀ inɛ ŋa à waa yɛ ntɔi Ilaaɔ̃, nɔ do yaase bɛɛbɛ Ilaaɔ̃ wa baò amboe, na mii í ce á maa yɛ taalem má bɛi ilu dulum.

Ebɛɛ 13:17

I gbɔ idei woo cua nŋɛ ŋa nɔ i sũ nŋa iri ilɛ, domi à waa cɔ baanii hunde nŋɛ ŋa si na iyi í jɔ̀ Ilaaɔ̃ á na ku bee ŋa ideɛ. I ce bɛɛbɛ ŋa ku ba a coo do inɔ didɔ̃, ku maà ti ku jɛ do inɔ kufɔ. Bii à coo do inɔ kufɔ, kaa ce nŋɛ aranfãani kãma.