Ozee 9:6 - Bibeli do fee

⁶ Waati iyi aa na i fita hai si ilɛ nŋɛ iyi aa lɛgɛu, ilɛi Ezibiti á gba ŋɛ, nɔ ilu nlai Nɔfui á jɛ balɛ nŋɛ, nɔ kakayɛtɛ ŋai aa bii amani jiida nŋɛ ŋa iyi à ce do isɔ fũfũ ŋau fei, nɔ wua tũtũ ku nɛ agũ ŋai aa bii bi kuwa nŋɛ ŋau fei.

Ozee 9:6 Iomraidhean Croise

Ilaalu 2, 13:7

Si woo ce igũi Zoakazi ŋau, ilaalui Siriu í kpa nkpɔ nŋa, í tɛɛsɛ ŋa mam mam bɛi sãa si kpãa. Masa ciitaa nŋu akãi í jɔ̀aa do sarɛtii igũ mɛɛwa do sooge dubu mɛɛwa (10.000) iyi à ya maa nɛò isɛ.

Iri ku kɔ̃ 107:34

Í jɔ̀ ilɛ ku nɛ taasi í baa í kpɔò ilɛ hai nɛ taasi na inɔ kukãi inɛi ilɛ ŋau.

Mɔnda ŋa 24:31

Ŋɔi ǹ ba wee kakayɛtɛ í jɛ ilɛu fei, agũ ŋa à cã à bii ilɛu fei, nɔ idĩ iyi à ma do kuta ŋau í cuku.

Ezai 11:11

Si waati nŋu bɛi Aɔ̃ Lafɛ̃ɛ á dasi baa isɛ gbeejisia má ku ya zamaaɛ ŋa iyi à gbe si ilɛ mmu ŋau ku jɔ̀ a nɛ ara nŋa. Hai inɛ ŋa iyi à wa ilɛi Asiri do Ezibiti do Patɔɔsi do Etiopi do Elamu do ilɛi Babilɔni, do Amati do ilɛi itĩi inyi ŋau.

Ezai 19:13

Ilaalui Soãa ŋau sũmu ŋai, nɔ ti Nɔfu ŋau mɔ, lasabu nŋa í fɔtɔtɔ. Aŋa iyi à jɛ inɛ ngboi dimii ŋau bɛi à waa dasi Ezibiti ku nyɔu bɛ.

Ezai 27:12

Si waati bɛɛbɛ, Aɔ̃ Lafɛ̃ɛ á kpokpo amaajɛɛ ŋa hai idoi Efarata hee ku koo si acãi inyii Ezibiti. Nɔ a tasi iŋɛ inɛi Izirɛli ŋaui akã akã.

Ezai 32:13

Agũ dimi ikã ikã ŋai aa fita a maa la si ilɛi inɛm ŋau hee do si kpasɛ̃ fei bii inɔ didɔ̃ í wa do si ilu bii aa maa gbɔ anu ku dɔ̃i inɔ didɔ̃.

Ezai 34:13

Agũ ŋai aa fita si kabai bommaɛ ŋau. Kakayɛtɛ do agũ ŋai aa fita si ile ku nɛ gbugbãɛ ŋau. Bi kuwai ajaako ŋai á baa ku jɛ, do bi kuwai taataa ŋa.

Ezai 5:6

An jɔ̀ ilɛu ku wɛɛɛ bɛɛbɛi. Inɛ kãma kaa ya teese amaawɔi jĩi ŋau, nɔ inɛ kãma kaa ya logooɛ. Jĩi ku nɛ agũ ŋa do agũ mmu ŋai aa dede a biiɛ. Nɔ n kaa n jɔ̀ ijĩ ku dũ hee ku wɔ si ilɛu.

Ezai 7:23

Nɔ si waati nŋu bɛ má, ikoi jĩi ndii rezɛ̃ɛ icu dubu iyi á jɛ sikilii isɔ fũfũ dubu, aa sa a jɔ̀a agũ ŋa bɛi.

Zeremi 2:16

Nɔ mɔm baa inɛi Nɔfu ŋa do inɛi Tapanɛzi ŋa à ya naa a wa nŋa iri.

Zeremi 42:22

Na nŋu nsɛi, i jɔ̀ i mà sãa sãa iyi aa ku ŋai si igũ, nɔ ari mɔ á kpa ŋɛ, walakɔ mɔ aa ku ŋai si patapoo iyi á naa si inya bii ì waa bi i koo i buba ŋau.

Zeremi 44:1

Aɔ̃ Lafɛ̃ɛ í ba Zeremi ide ku fɔ si gãmɛi inɛi Zudaa ŋa iyi à wa si ilui Migidɔli do Tapanɛzi do Nɔfu do si ilɛi Patɔɔsi í ni,

Zeremi 44:12

Nɔ inɛ ŋa iyi à gbe ŋau, aŋa iyi à sa a koo a wa si ilɛi Ezibitiu, an ce nfei aŋa feii mam mam si ilɛi Ezibiti bɛ. Aa ce nfei si igũ do si ari. Hai inɛ iyi í kere í re hee do inɛ iyi í la í re fei, aŋa fei aa kpa irii mam mam. Ntɔ ntɔ igũ do ariu bɛi á kpa ŋa. Nɔ aŋai aa jɛ yaase iyi inɛ ŋa aa ya so waati iyi à waa bi a ceekpe inɛ gɔ walakɔ bii à waa bi a fɔ idei mii laalɔ gɔ walakɔ idei inɛ gɔ iyi à waa bi a dasi anyɔ.

Zeremi 44:13

An naa si inɛ ŋa iyi à wa ilɛi Ezibiti ŋau n kpã ŋa iju bɛi ǹ cea inɛ ŋa iyi à wa Zeruzalɛmu ŋau. Bɛi ǹ jɔ̀ igũ do ari do patapoo í naa si ŋau, bɛɛbɛi an cea aŋa mɔ.

Zeremi 46:14

I fɔ laabaauu si ilɛi Ezibiti ŋa. I jɔ̀ Migidɔli ku gbɔ ŋa, do Nɔfu do Tapanɛzi. I sɔ̃ ŋa i ni, i dede i leekĩ, nɔ i ce sɔɔlu ŋa, domi igũ wa jɛ inɛ ŋa wa kaako ŋɛ.

Zeremi 46:19

Na nŋu, iŋɛ inɛi Ezibiti ŋa, waatii jĩnɛ nŋɛ ŋa ku koi í to wa bɛ i nɛò ilɛ bii aa koo i maa jɛ aru ŋa. Inɛ ŋa aa ce nfei ilui Nɔfu. Aa na a jo iluui, nɔ inɛ kãma kaa wa bɛ má.

Ezekiɛli 30:13

Ide iyi ǹ wa n fɔ má wee. Amu Aɔ̃ Lafɛ̃ɛ an ce nfei iwɛ̃ ŋai mam mam, nɔ si ilui Nɔfu iwɛ̃ kãma kaa wɛɛ má. Amanlu kãma kaa wɛɛ Ezibiti bɛ má nɔ zigiidai á wa si ilɛu fei.

Ezekiɛli 30:16

An dasi Ezibiti inai nɔ Sini ku wɛɛò zigiida. Aa lu bindii ilui Nooi bii fei, nɔ mbɛɛ ŋai aa faata si ilui Nɔfu wa dasã nkpa.

Ozee 10:8

Geetei bi ku ce kuweei Avɛni ŋa bii Izirɛli í ce dulum nɔu, aa lɛgɛ ŋai. Agũ dimi ikã ikã ŋai aa fita a la si agbɛi bi kuwee nŋa ŋau. Waati bɛɛbɛi aa sɔ̃ iri kuta ŋa a maa ni, i bii wa wa ŋa. Nɔ aa sɔ̃ geete ŋa a maa ni, i cuku si wa wa ŋa.

Ozee 11:11

Nɔ aa baai hai ilɛi Ezibiti do kuyaya bɛi yɛi. Hai Asirii mɔ, aa baai bɛi ankasiidi. Nɔ ide nŋai an jɔ̀ a naa a buba. Ide iyi amu Aɔ̃ Lafɛ̃ɛ ǹ fɔ mbɛ.

Ozee 2:6

N kaa n ce araarei amaɛ ŋa, domi amai abo à ce sakara ŋai.

Ozee 7:11

Inɛi Efaraimu ŋa à yɛi bɛi ankasiidi. Lasabu nŋa kù jĩisa nɔ a kù nɛ bisi. Inɛi Ezibiti ŋai à kpe. Si anyiɛ, nɔ à dede à nɛ ilɛi Asiri.

Ozee 7:13

Inɔ kufɔi á ba ŋa si na iyi í jɔ̀ à saam à nɛ hee jĩijĩ. Nfe ku cei á ba ŋa si na iyi í jɔ̀ à dedeò ide ku kɔ̀ si gãmɛm. À waa sɔ ibo ŋa si gãmɛm. To, bɛirei an ce n faaba ŋa má.

Ozee 7:16

À sinda à waa baa, amma kù jɛ bi tom. À yɛi bɛi bioo iyi í ka. Inɛ ngbo nŋa ŋa aa kui si igũ, na ide laalɔ ku fɔ nŋa si gãmɛm. Na ŋɔi í jɔ̀ inɛi Ezibiti ŋa aa maa yaako ŋa.

Ozee 8:13

À ya ce kuwee do mɛɛmu ŋa a naam wai, si na iyi í jɔ̀ à ya bi iŋa ku ŋɔ. Amma amu Aɔ̃ Lafɛ̃ɛ, n ci ya n gba kuwee nŋa ŋau. Bɛbɛi, ǹ ye gigii kurara nŋa ŋau, nɔ an kpã ŋa ijui na dulum du ŋa ŋau. Inɛ nŋu ŋau, aa sinda a nyi ilɛi Ezibiti mái.

Ozee 9:3

Inɛi Efaraimu ŋau a kaa yɔkɔ a buba si ilɛi Aɔ̃ Lafɛ̃ɛu. Aa sinda a nyi ilɛi Ezibitii walakɔ a bɔ ilɛi Asirii tengi bii aa jɛ sɔnda ŋa iyi à jɛ iwɔ̀.

Kuwee 26:33

An jɔ̀ igũ ku naa si ŋɛ nɔ n fangaa ŋɛ i nɛ ilɛ mmu ŋa. Ilɛ nŋɛu á gbe ngbɛi nɔ ilu nŋɛ ŋau mɔ a kpɔò bomma.

Sofoni 1:11

Iŋɛ inɛi Makutɛsi ŋa lawɛ akãi ilui Zeruzalɛmu i dɔ̃ anu ŋa, domi woo nya sĩa ŋau fei aa kui. Inɛ ŋa iyi à ya maa ce wũaai isɔ fũfũ ŋau fei, aa kpa ŋai.

Samuɛli 1, 13:6

Ŋɔi inɛi Izirɛli ŋa à yɛ iyi aŋa à wa si mbiisi nla nla si na iyi í jɔ̀ à ce amɛɛ si ŋa wa, nɔ à sa à waa manji si inɔ isai kuta ŋa do si abɛ wua ŋa do si afei kuta ŋa do si inɔ isa ŋa do si inɔ isɔ̃ ŋa.