Ozee 9:4 - Bibeli do fee

⁴ A kaa ya dikã vɛ̃ɛ a ceaò Aɔ̃ Lafɛ̃ɛ kuwee ŋa má. Kuwee nŋa ŋau kaa dɔ̃aa si má. Sɔndau á baa ku yɛi bi tu ŋa bɛi sɔndai akũ. Inɛ ŋa iyi aa jɔɔ fei, aa so riisii. Sɔnda nŋau, ari nŋu akãi á nya ŋa, a kaa lɔò si inɔ kpasɛ̃i Aɔ̃ Lafɛ̃ɛ.

Ozee 9:4 Iomraidhean Croise

Kufita 29:40

Aa naaò angudãi daakɔu wai, nɔ a naaò iyafũ wa tongoo mɛɛta a bɛi a tɔtɔɔɛ a kpoo do ikpoi olivi liiti akã do bubu, nɔ a ce kuwee do vɛ̃ɛ má liiti akã do bubu.

Kufita 40:23

nɔ í teese í jilɛ pɛ̃ɛ ŋa iyi à na Aɔ̃ Lafɛ̃ɛu, si bɛi Aɔ̃ Lafɛ̃ɛ takaɛ í tako í fɔu.

Ezai 57:6

Kuta ku yɔrɔ ŋa iyi à wa acãi inyiui à jɛ ikpɛ̃ɛ Izirɛli. Aŋau bɛ, aŋai à jɛ titɛɛ. Na iri nŋai ì waa ce amuai vɛ̃ɛ do kuwee ŋa iyi à ya jo si ina fei sãa sãau. Ǹ nɛ n jɛsi mii ŋau bɛ?

Ezai 66:3

Amma bii inɛ ŋa à waa ce kuwee, kɛtɛ komboi à ya saka, nɔ à ya kpa amanɛ mɔ má. Inɛ iyi wa ce kuwee do angudã walakɔ do iwo, í ya lɛgɛ kpakɔi aja mɔ má. Inɛ iyi wa ce kuwee do iyafũ, í ya kooò njɛi kuusɔɔ mɔ má. Inɛ iyi wa ce kuwee do tuae iyi í jɛ ti gigi ku ye, í ya maa weea iwɛ̃ ŋai. Inɛ ŋau bɛ fei, à cica kpãa nŋai, nɔ à ya nɛ inɔ didɔ̃i si laalɔ nŋau.

Zeremi 16:7

Na iri nŋa, inɛ kãma kaa ce sɔnda ku ba ku tũò idɔi inɛ iyi í wɛɛò ara kuroi inɛ gɔ iyi í ku. Nɔ na iri nŋa, inɛ kãma kaa naaò kɔɔfu gɔ wa iyi inɛ ŋa aa mɔ a tũò idɔ na baa gɔ, walakɔ na iye gɔ iyi kù wɛɛ.

Zeremi 6:20

Iwoi ǹ nɛò bukaatai tuae iyi wa naa hai Saba, walakɔ jĩi ku dɔ̃ inunui ilɛ jĩijĩ gɔ. N kù bi kuwee nŋɛ ŋa iyi ì ya jo si ina fei sãa sãa ŋau. Kuwee nŋɛ ŋau ci ya dɔ̃ɔm si.

Ezekiɛli 24:17

Temuaò bitandiɛ, maà ce bɛi inɛ ŋa à ya ce bii inɛ kù wɛɛ. Amma dĩ bɔngɔtɔbɛɛɛ nɔ i dasi baataɛ bɛi ì nɛ dɔ̃ɔnɛɛ. Maà bii wajuɛ, maà jɛ sɔnda iyi à ya cea inɛ ŋa si akũ.

Ezekiɛli 24:22

Aa ce ŋai bɛi Ezekiɛli í ce. I maà bii waju nŋɛ ŋa, nɔ i maà jɛ sɔndai akũ ŋau ŋa.

Daniɛli 1:8

Ŋɔi Daniɛli í dasi idɔ nŋu ku maà riisi arai nŋu si gãmɛi sɔndai ilaaluu ku jɛ do atɛ̃ vɛ̃ɛɛ ku mɔ. Ŋɔi í tɔɔ inɛ ngboi akawe nla ŋau í ni ku maà tilasi nŋu si sɔnda ŋau ku jɛ ku ba nŋu ku maà na ku so riisi.

Ozee 3:4

Ntɔ ntɔ, inɛi Izirɛli ŋa aa wɛɛi waati sisɔ hai nɛ ilaalu, nɔ a kaa nɛ inɛ ngbo ŋa. A kaa nɛ iwɛ̃ ŋa, nɔ a kaa ya ce kuwee ŋa, nɔ a kaa nɛ mii ŋa iyi à ya beeò idɔɔbii Ilaaɔ̃.

Ozee 7:16

À sinda à waa baa, amma kù jɛ bi tom. À yɛi bɛi bioo iyi í ka. Inɛ ngbo nŋa ŋa aa kui si igũ, na ide laalɔ ku fɔ nŋa si gãmɛm. Na ŋɔi í jɔ̀ inɛi Ezibiti ŋa aa maa yaako ŋa.

Ozee 8:13

À ya ce kuwee do mɛɛmu ŋa a naam wai, si na iyi í jɔ̀ à ya bi iŋa ku ŋɔ. Amma amu Aɔ̃ Lafɛ̃ɛ, n ci ya n gba kuwee nŋa ŋau. Bɛbɛi, ǹ ye gigii kurara nŋa ŋau, nɔ an kpã ŋa ijui na dulum du ŋa ŋau. Inɛ nŋu ŋau, aa sinda a nyi ilɛi Ezibiti mái.

Zoɛli 1:13

Iŋɛ woo wee ŋa, i dasi ibɔi akũ nɔ i kpata i maa weeweaò ŋa. Iŋɛ iyi ì ya ce kuwee si bi kuweeu, i dɔ̃ anu ŋa. I we saaki i wɔ̀ò njoo iŋɛ woo ce kuweei Ilaaɔ̃ Lafɛ̃ɛm ŋa, domi inɛ ŋa a kù waa naaò kuweei iyafũ ŋa do ti vɛ̃ɛ ŋa wa kpasɛ̃i Ilaaɔ̃ Lafɛ̃ɛ nŋɛ má.

Zoɛli 1:9

A ci ya naaò kuweei iyafũ ŋa do ti vɛ̃ɛ ŋa wa kpasɛ̃i Aɔ̃ Lafɛ̃ɛ má. Na ŋɔi í jɔ̀ woo weei Aɔ̃ Lafɛ̃ɛ ŋau à wɛɛò inɔ kufɔi iku.

Zoɛli 2:14

Á yɔkɔ ku jɛ Aɔ̃ Lafɛ̃ɛ á kpaasi lasabuɛ, nɔ ku jɔ̀ jiida ku jɛɛ ku naa si ŋɛ. Waati bɛɛbɛ, aa yɔkɔ i naaò kuweei iyafũ do ti vɛ̃ɛ wa ŋa.

Kuwee 17:11

Ntɔ ntɔ, kuwɛɛi ilu hunde, si njɛi í wa. Amu Aɔ̃ Lafɛ̃ɛ ǹ na ŋɛ kpãai i ceò njɛ wũaa si bi kuweeu na faaba nŋɛ ku ba ku kpa idei dulum du ŋɛ. Njɛi í ya jɔ̀ inɛ ku ba amu Aɔ̃ Lafɛ̃ɛ n ceaa suuru, nɔ nŋui í ya jɔ̀ inɛ ku wɛɛ.

Kuwee 21:17

sɔ̃ Arɔ̃ɔ ide ŋau ihɛ̃ i ni, amaɛ ŋa, do tɔkuɛ ŋa, inɛ nŋa iyi í na í nɛ leebu si ara ku maà naa kɔkɔi amu Aɔ̃ Lafɛ̃ɛ kuwee ku ceem.

Kuwee 21:21

Inɛ iyi í jɛ dimii Arɔ̃ɔ woo weeu iyi í nɛ leebu gɔ si araɛ fei kaa naa kɔkɔi amu Aɔ̃ Lafɛ̃ɛ ku ce kuwee iyi à ya jo si ina si wajum. Na leebu iyi í nɛui í jɔ̀ kaa naaò kuwee gɔ wa bi tom.

Kuwee 21:6

Aa jɛ inɛ ŋa iyi à nya ikã na icɛi amu Ilaaɔ̃ Lafɛ̃ɛ nŋa, nɔ a ce laakai a maà dasi irim anyɔ. Aŋai aa ya koo a ce kuwee ŋa iyi à ya jo si ina si wajum iyi á jɛ sɔndam, nɔ aa ya jɛ inɛ kumá ŋa.

Kuwee 21:8

Inɛi Izirɛli fei ku jirima kumái woo wee ŋau, domi aŋai à waa ceem kuwee ŋa iyi ì waa naam wa ŋau. Na nŋu, inɛ fei ku jirima kumái woo wee ŋau, domi amu Aɔ̃ Lafɛ̃ɛ amu takam ǹ mái, amu iyi ǹ nya ŋɛ ikã i jɛ inɛ kumá ŋa.

Amɔsu 5:22

Waati iyi ì naa ì waa ceem kuwee ŋa iyi à ya jo si ina fei sãa sãa do kuweei iyafũ wa ŋa, n kaa n nɛ si inɔ didɔ̃ kãma, nɔ baa do kuweei anu akã iyi ì ce do mɛɛmu ku nɛ ikpo ŋa fei n kaa n cɔɔ mɔm.

Malasi 2:13

Mii iyi ì waa ce má ŋa wee. Ì waa kpata, ì waa weewea ŋa nɔ ì waa dikã cikãaju si bi kuweei Aɔ̃ Lafɛ̃ɛu ŋa si na iyi í jɔ̀ kù waa cɔ kuwee nŋɛ ŋa nɔ kù waa gba nkãma hai si awɔ nŋɛ ŋa.

Kuka 19:11

Inɛ iyi í lu ikui amanɛ fei, lafɛ̃ɛ í baa í jɛ ilu riisii, nɔ bɛɛbɛi á wɛɛò hee ajɔ mɛɛje.

Kuka 28:2

sɔ̃ inɛi Izirɛli ŋau i ni, amu Aɔ̃ Lafɛ̃ɛ ǹ ni, bii waatiu í to i nam amua ŋau, i ceem kuweei sɔnda ŋa iyi à ya jo si ina iyi inunu nŋa á dɔ̃ɔm siu.

Kuka 4:7

Si anyiɛ aa tɛsi acɔ boogu mmuɛ si antaii taabu bi ku lesi pɛ̃ɛ iyi à nya ikã ŋaui nɔ a lesi jɛɛ ŋa bɛ, do kɔɔfu ŋa, do kpaaba ŋa do jɛɛ fata ŋa si bii aa ya cea Aɔ̃ Lafɛ̃ɛ kuwee do vɛ̃ɛu. Pɛ̃ɛ á ya maa wa bɛi waati kãma fei.

Laabaau jiida iyi Zãa í kɔ 6:51

Amui ǹ jɛ ijɛi kuwɛɛ. Hai lelei Aɔ̃i ǹ kita wa. Nɔ inɛ iyi í ba ijɛu í jɛ fei í nɛ kuwɛɛ hai tã. Ijɛui í jɛ aram. An náai ku ba inɛi andunya ŋa a maa wɛɛò.

Wooda ku kɔsi 26:14

N kù jɛ mii ŋau bɛ kãma baa si waati iyi ǹ wɛɛò inɔ kufɔi iku, nɔ n kù na mii ŋau kãmaɛ si waati iyi ǹ wɛɛò riisi, nɔ n kù cea iku kãma amuaɛ. Ǹ jirima ideɛ ŋaui fei, nɔ ǹ ceò wooda ŋa iyi ì nam ŋau fei icɛ.