Ozee 9:3 - Bibeli do fee

³ Inɛi Efaraimu ŋau a kaa yɔkɔ a buba si ilɛi Aɔ̃ Lafɛ̃ɛu. Aa sinda a nyi ilɛi Ezibitii walakɔ a bɔ ilɛi Asirii tengi bii aa jɛ sɔnda ŋa iyi à jɛ iwɔ̀.

Ozee 9:3 Iomraidhean Croise

Ilaalu 1, 9:7

an kpa irii inɛi Izirɛli ŋai si ilɛ iyi ǹ mu nŋa. An nyɔ ile iyi ǹ cicaa irim na bɛɛrɛm nɔu ku jĩim nɔ ilɛi Izirɛli ku baa ku jɛ dɔ̃anyii dimi mmu ŋa fei do mii ku yaako nŋa.

Ilaalu 2, 17:6

Si adɔ̃ mɛɛsãsiai Ozee, ilaalui Asiriu í jɛ ilui Samari igũ. Nɔ í mu inɛi Izirɛli ŋau aru í nɛò ŋa Asiri. Ŋɔi í koo í jilɛ ŋa ilɛi Hala do si itĩ idoi Habɔɔ si ilɛi Gozãa do si ilui inɛi Mɛɛdi ŋau.

Zeremi 16:18

An jɔ̀ a ba kusãi kurara nŋai do ti dulum du ŋa ikɔ minji, domi à dasi ilɛm nɔu riisi, nɔ à jɔ̀ tubum nɔu í kɔ̃ do iwɛ̃ nŋa ŋa iyi ǹ céu.

Zeremi 2:7

Nɔ ǹ jɔ̀ ì lɔ si ilɛ iyi í nɛ ikoi jĩi ŋa, ku ba i jɛ isoɛ ŋa iyi à dɔ̃ ku jɛ ŋau. Amma ì to wa ŋa, nɔ ì na ì riisi ilɛm nɔu ŋa. Nɔ ì so tubum nɔu ì coo mii laalɔ ŋa.

Kukpata 5:6

Ikpa Ezibiti do ikpa Asirii à ya ka maa bɔ ijɛ ku tɔɔ.

Ezekiɛli 4:13

Nɔ Aɔ̃ Lafɛ̃ɛ í ni má, do yaase bɛɛbɛi inɛi Izirɛli ŋa aa koo a maa jɛ ijɛ riisi si ilɛ mmu bii an lele ŋa a koo a wau.

Daniɛli 1:8

Ŋɔi Daniɛli í dasi idɔ nŋu ku maà riisi arai nŋu si gãmɛi sɔndai ilaaluu ku jɛ do atɛ̃ vɛ̃ɛɛ ku mɔ. Ŋɔi í tɔɔ inɛ ngboi akawe nla ŋau í ni ku maà tilasi nŋu si sɔnda ŋau ku jɛ ku ba nŋu ku maà na ku so riisi.

Ozee 11:11

Nɔ aa baai hai ilɛi Ezibiti do kuyaya bɛi yɛi. Hai Asirii mɔ, aa baai bɛi ankasiidi. Nɔ ide nŋai an jɔ̀ a naa a buba. Ide iyi amu Aɔ̃ Lafɛ̃ɛ ǹ fɔ mbɛ.

Ozee 11:5

Inɛi Izirɛli ŋau a kaa sinda a nyi ilɛi Ezibiti má, amma inɛi Asiriui á jɛ ilaalu nŋa, domi à kɔ̀ ku sinda wa bi titom.

Ozee 7:11

Inɛi Efaraimu ŋa à yɛi bɛi ankasiidi. Lasabu nŋa kù jĩisa nɔ a kù nɛ bisi. Inɛi Ezibiti ŋai à kpe. Si anyiɛ, nɔ à dede à nɛ ilɛi Asiri.

Ozee 7:16

À sinda à waa baa, amma kù jɛ bi tom. À yɛi bɛi bioo iyi í ka. Inɛ ngbo nŋa ŋa aa kui si igũ, na ide laalɔ ku fɔ nŋa si gãmɛm. Na ŋɔi í jɔ̀ inɛi Ezibiti ŋa aa maa yaako ŋa.

Ozee 8:13

À ya ce kuwee do mɛɛmu ŋa a naam wai, si na iyi í jɔ̀ à ya bi iŋa ku ŋɔ. Amma amu Aɔ̃ Lafɛ̃ɛ, n ci ya n gba kuwee nŋa ŋau. Bɛbɛi, ǹ ye gigii kurara nŋa ŋau, nɔ an kpã ŋa ijui na dulum du ŋa ŋau. Inɛ nŋu ŋau, aa sinda a nyi ilɛi Ezibiti mái.

Ozee 9:6

Waati iyi aa na i fita hai si ilɛ nŋɛ iyi aa lɛgɛu, ilɛi Ezibiti á gba ŋɛ, nɔ ilu nlai Nɔfui á jɛ balɛ nŋɛ, nɔ kakayɛtɛ ŋai aa bii amani jiida nŋɛ ŋa iyi à ce do isɔ fũfũ ŋau fei, nɔ wua tũtũ ku nɛ agũ ŋai aa bii bi kuwa nŋɛ ŋau fei.

Kuwee 18:28

I ce laakai ŋa ku ba ilɛu ku maà na ku fũsi iŋɛ mɔ awɔ bii ì na ì riisiɛ ŋa bɛi inɛ sinte ŋau à ce í jɔ̀ í fũsi ŋa awɔu.

Kuwee 20:22

I jirima idem do woodam ŋa, nɔ i ceò fei ndɛɛ icɛ ŋa ku ba ilɛ bii ǹ wa n bɔ ku jilɛ ŋɛu ku maà kɔ̀si ŋɛ.

Kuwee 25:23

Inɛ kaa ta ilɛ nɔ ku jɛ í tã mbɛ hee do ajɔ fei, domi ilɛu amui ǹ nɔɔ, nɔ ǹ wa n yɛ ŋɛi bɛi inɛ njoo ŋa si ilɛu ihɛ̃.

Amɔsu 7:17

Na nŋu, mii iyi Aɔ̃ Lafɛ̃ɛ í ni a baɛ wee. Aboɛ sakarai á maa ce si inɔ iluu, ama inɛmɔkɔ do ama inaaboɛ ŋa, aa kpa ŋai do taakuba, ilɛɛ aa kpɛ̃a inɛ ŋai do ikũ, nɔ awɔ takaɛ aa kui si ilɛ ku riisi, nɔ aa mu inɛi Izirɛli ŋai hai si ilɛ nŋa a nɛò ŋa hee jĩijĩ.

Misee 2:10

I dede i nɛ ŋa, domi ilɛu bɛ kù jɛ inya bii aa sĩmi ŋa na kuriisiɛ. Wahala ŋai á bí nŋɛ, wahala nla nla ŋa.

Woo bɛ ŋa 10:14

Amma Piɛɛ í jɛaa í ni, jãm, Lafɛ̃ɛ. Ajɔ kãma n kù ŋɔ iŋa iyi í jɛ iwɔ̀ hee má jɛ iyi í riisi.

Wooda ku kɔsi 28:63

Do yaase bɛi Aɔ̃ Lafɛ̃ɛ í nɛ inɔ didɔ̃ í ce nŋɛ jiida nɔ í jɔ̀ akpɔ nŋɛ í la, bɛɛbɛ mɔi á nɛ inɔ didɔ̃ ku ce nfe nŋɛ nɔ ku kpa iri nŋɛ. Á nya ŋɛi hai si ilɛ iyi aa koo i gba i buba si ŋau,

Wooda ku kɔsi 28:68

Aɔ̃ Lafɛ̃ɛ á gbã ŋɛ ku bɔò ŋɛ Ezibitii do akɔi inyi ŋa. Á jɔ̀ i sinda i nyi ilɛ bii ǹ sɔ̃ ŋɛ ǹ ni i kaa yɛ do iju má ŋau. Do ikpa bɛ, inɛmɔkɔ do inaabo ŋa, aa dɛdɛ bɛi aa ce i ta ara nŋɛ bi mbɛɛ nŋɛ ŋa i jɛ aru nŋa ŋa, amma inɛ kãma kaa bi ku ra ŋɛ.

Wooda ku kɔsi 4:26

Hai nnyi ǹ wa n sɔ̃ ŋɛi, bii ì na ì waa ce dulum bɛɛbɛ ŋa, lele do ilɛ aŋai à jɛ sɛɛdam, nɔ i kaa na i kpɛ si ilɛ iyi ì waa bɔ ku buba si ŋa do icei idoi Zuudɛ̃ɛu. I kaa ba i buba si i kpɛ ŋa, domi aa kpa ŋɛi mam mam.

Zozue 23:15

To. Si bɛi ide jiida ŋa iyi Aɔ̃ Lafɛ̃ɛ nŋɛu í sɔ̃ ŋɛ fei, fei ndɛɛ í ce, bɛɛbɛ mɔi á yɔkɔ ku jɔ̀ ide laalɔ baa yooma fei ku ba ŋɛ hee koo kpaò iri nŋɛ hai si ilɛ jiida iyi í mu nŋɛu.