Ozee 9:12 - Bibeli do fee

¹² Bii à bíi ama inɛmɔkɔ nŋa ŋa, an ya n kpa ŋai hee a maa la a maa ce awaasũ ŋa. Ntɔ ntɔ, inɔ kufɔi á jɛ tu ŋa waati iyi an sɛkɛɛ n jĩò ŋa.

Ozee 9:12 Iomraidhean Croise

Ilaalu 2, 17:18

Ŋɔi Aɔ̃ Lafɛ̃ɛ í fangaa inɛi Izirɛli ŋau fei si idɔɔkɔ̃ɛ hai si wajuɛ, nɔ í jɔ̀ dimii Zudaa ŋa aŋa akã.

Ilaalu 2, 17:23

hee í koo í to Aɔ̃ Lafɛ̃ɛ í lele ŋa hai si wajuɛ bɛi í tako í sɔ̃ walii woo ce icɛɛ ŋa í ni a fɔu wo. Ŋɔi à mu inɛi Izirɛli ŋau aru à nɛò ŋa hee jĩijĩ si ilɛi Asiri. Bɛi à wa hee ku baa nnyi.

Zɔɔbu 27:14

Bii ama nŋa ŋa à waa kpɔ, igũi á kpa ŋa. Sɔnda kaa ya maa to ama nŋa ŋa iyi à gbeu.

Zeremi 15:7

Si ilui ilɛu fei, ǹ wu mii ku fɛm nii ǹ wa n fɛ ŋa. Ǹ jɔ̀ inɛm ŋau à kua ama nŋa ŋa, nɔ ǹ jɔ̀ à waa ku, aŋa iyi a kù jɛ ku fũsi kpãa nŋa ŋau awɔ.

Zeremi 6:8

Jɔ̀ i gba ikɔ, Zeruzalɛmu, ku ba n maà n jĩòɛ ku ba n maà ce nfeɛ nɔ ilɛɛ ku gbe hai nɛ amanɛ.

Kukpata 2:20

Aɔ̃ Lafɛ̃ɛ, cɔ nɔ i yɛ inɛ iyi ì waa cea dimi bɛɛbɛ. Aa jɔ̀ ku to hee inaabo ŋa a maa ŋɔ ama nŋa ŋa iyi à bí? Inaabo ŋau à nɛ kubii ama nŋa ŋa iyi à bí ŋau jiida jiida. Aa kpa woo wee ŋa do walii ŋau fei si inɔ kpasɛ̃ɛi?

Kukpata 2:22

Inɛ ŋa iyi à jɔ̀ njo wa mum ŋau, ì kpe ŋa wai hai bii fei bɛi si ajɔi jingau nla gɔ. Aɔ̃ Lafɛ̃ɛ, si ajɔi idɔɔkɔ̃ɛu inɛ kãma kù fita si, inɛ gɔ kù gbe si hunde. Amu ŋa iyi ǹ bi jiida jiida, nɔ ǹ bíi ŋau, mbɛɛm nɔu í ce nfe nŋai mam mam.

Ozee 7:13

Inɔ kufɔi á ba ŋa si na iyi í jɔ̀ à saam à nɛ hee jĩijĩ. Nfe ku cei á ba ŋa si na iyi í jɔ̀ à dedeò ide ku kɔ̀ si gãmɛm. À waa sɔ ibo ŋa si gãmɛm. To, bɛirei an ce n faaba ŋa má.

Ozee 9:13

Waati iyi ǹ yɛ Efaraimu, í yɛi bɛi jĩi ndii kpakpa tengi bii mandi í wa. Amma Efaraimu í nɛ ku fitaò amaɛ ŋa wai bi woo kpa inɛu.

Ozee 9:16

Inɛi Efaraimu ŋau à yɛi bɛi jĩi iyi à da, nɔ icãɛ í gbɛ. A kaa so iso má, nɔ baa bii à nɛ amu ŋa nɔ à nɛ kubi nŋa, an jɔ̀ a kui.

Malasi 2:12

Inɛ iyi wa ce dimi bɛɛbɛ, Aɔ̃ Lafɛ̃ɛ á nyaai hai si dimii Zakɔbu nɔ inɛ kãma ku maà kooa Aɔ̃ Lafɛ̃ɛi lele do ilɛ kuwee ŋa do iriɛ.

Kuka 14:34

Si bɛi ajɔ ciijii ì ce waati iyi ì bɔ ku cɔ yaasei ilɛu ŋa, iŋɛ mɔ aa yɛ ijuukpãi dulum du ŋɛ ŋai adɔ̃ ciiji, adɔ̃ akã fei ajɔ akã mbɛ, nɔ aa yɛ mii iyi bii n kù wa anini nŋɛ í ya nɛ.

Kuka 26:65

domi Aɔ̃ Lafɛ̃ɛ í ni aŋa fei aa kui si gbaau, í gbe Kalɛbu amai Yɛfune do Zozue amai Nunu.

Wooda ku kɔsi 28:18

Kaa jɔ̀ i ba ama nkpɔ nkpɔ ŋa, nɔ i kaa ba amaajɛ nkpɔ nkpɔ i da ŋa. Kɛtɛ gaa nŋɛ ŋa do angudã nŋɛ ŋa do iwo nŋɛ ŋa a kaa kpɔ a kɔ̃ɔsi.

Wooda ku kɔsi 28:32

Aa mu ama inɛmɔkɔ nŋɛ ŋa do ama inaabo nŋɛ ŋa iju nŋɛ ku maa yɔɔ a so ŋa a daa inɛ njoo ŋa si awɔ a jɛ aru ŋa. Aa cɔ kpãa i maa degbeò kubaa nŋa hee i gbɛɛji ŋa, i kaa nɔ i yɔkɔ i ce nkãma ŋa.

Wooda ku kɔsi 31:17

Nɔ na nŋu, an wɛɛò idɔɔkɔ̃ nla nlai na iri nŋa. An fũsi ŋa awɔi nɔ n sinda n to nŋa anyi. Aa dasi awɔi dimi mmu ŋai, nɔ wahala do inɔ kufɔ ku naa si ŋa. Waati bɛɛbɛi aa fɔ a maa ni, wahala ŋau ihɛ̃ wa ba wai si na iyi í jɔ̀ Aɔ̃ Lafɛ̃ɛ kù wa bi tu wa.

Wooda ku kɔsi 32:25

Igũi á kpa ama nŋa ŋa si kpãa ŋa. Inɛ ŋa mɔ iyi à wa inɔ kpasɛ̃ ŋa, zigiidai á kpa ŋa. Ikuu á tosi inɛ feii, hai awaasũ ŋa do mudɛ̃ɛ ŋa do mɔkɔ ngbo ŋa do amu ŋa.

Woo kiiti ŋa 4:16

Ŋɔi Baraki í lele sooge ŋau do sarɛtii igũ nŋa ŋau hee Harosɛti-Goimu. Nɔ à kpa soogei Sisera ŋau fei, baa akã nŋa kù fita si.

Samuɛli 1, 16:14

Hai waati bɛɛbɛi hundei Aɔ̃ Lafɛ̃ɛ í fita si Saulu, nɔ Aɔ̃ Lafɛ̃ɛ í jɔ̀ inɛi inɔɔko gɔ í na wa wahalaɛ.