Ozee 9:11 - Bibeli do fee

¹¹ Bɛbɛi, bɛɛrɛi inɛi Efaraimu ŋa á fo ku nɛi bɛi yɛi. Inaaboi Efaraimu ŋa a kaa nɛ asĩ má nɔ a kaa bí. Efaraimu kaa nɛ amu ŋa má.

Ozee 9:11 Iomraidhean Croise

Kusintii Andunya 41:52

Nɔ í sɔ minjisiau mɔ Efaraimu. Í sɔ nŋu mɔ bɛɛbɛi domi í ni Ilaaɔ̃ í mua nŋu amu ŋa si ilɛu ihɛ̃, tengi bii nŋu í yɛ wahala wo.

Kusintii Andunya 49:22

Awɔ Zozɛfu mɔ í yɛi bɛi jĩi iyi í wa kɔkɔi isɔ̃ iyi í ya so iso jiida. Amaawɔɛ ŋa í kua kua idĩ ŋa bii fei.

Samuɛli 2, 6:23

Nɔ wee Mikali amai Sauluu kù ba ama hee í koo í kuò.

Zɔɔbu 18:5

Inya kumái ilu inɔ kukãi á ku. Inai kuwɛɛɛ, kaa maa jo má.

Iri ku kɔ̃ 58:8

Jɔ̀ a lɔ bɛi inyi iyi wa cã. Jɔ̀ afa ŋa iyi aa ta a kua gbugbã.

Woo lasabu 6:3

Bii inɛ gɔ í nɛ ama cĩɔ nɔ kuwɛɛɛ í kpɛ si ilɛ ihɛ̃ nɔ kukpɔi adɔ̃ɛ wa mɔsi wa koo, aranfãani yoomai í nɛ bii kù ba inɔ didɔ̃ nɔ a kù suu dee dee si bɛi í jɔ. Si lasabum asĩ iyi í nya á wɛɛò inɔ didɔ̃ ku roo

Ezai 17:3

Bommai Efaraimu kaa nɛ bindi ku nɛ gbugbã ŋa má. Ilɛi Damasi kaa nɛ ilaalu má. Aɔ̃ Lafɛ̃ɛi lele do ilɛ í ni, bɛɛrɛi inɛi Siri iyi à gbe ŋau, kaa re ti inɛi Izirɛli ŋa.

Ozee 10:5

Inɛi ilui Samari ŋa aa wɛɛò inɔ kufɔ na ama kɛtɛi Bɛti-Avɛni. Zamaaɛ ŋa do woo weeɛ ŋa, aa wɛɛò inɔ kufɔi ikui iwɛ̃ui. Aa maa yayai na iriɛ na bɛɛrɛɛ iyi wa nɛ ilɛ mmu hee jĩijĩ.

Ozee 4:7

Bɛi woo wee ŋau à kpɔ à waa kɔ̃ɔsi bɛɛbɛ mɔi dulum du ŋa í ya maa kɔ̃ɔsi. Na nŋu, an kpaasi mii iyi í jɛ bɛɛrɛ nŋaui ku baa ku jɛ nŋa mii ndii anyɔ.

Ozee 5:9

Aa ce nfei Efaraimui si ajɔi ijuukpãu. Ide iyi ǹ wa n sɔ̃ dimii inɛi Izirɛli ŋau ihɛ̃, ideu kù nɛ sika kãma.

Ozee 9:14

Ntɔi Aɔ̃ Lafɛ̃ɛ, ì nɛ i ce ngɔgɔ. Amma mii aa ce. Jɔ̀ abo nŋa ŋau a jɛ gbɛnda a maà ya ba amu ŋa iyi aa na amɔ.

Amɔsu 1:13

Aɔ̃ Lafɛ̃ɛ í ni, dulum dii inɛi Amɔɔ ŋa í la. Na nŋu, an jɔ̀ ijuukpã ku ba ŋai ntɔ ntɔ, domi aŋai à pũ inaabo bãasĩ ŋa si ilui Galaadi, ku ba a kɔ̃ɔsi kulai ilɛ nŋa.

Luku 23:29

Ntɔ ntɔ, ajɔ wa naa iyi inɛ ŋa aa ni, ilu inɔ didɔ̃i gbɛnda ŋa do inaabo ŋa iyi a kù bí, do inaabo ŋa iyi ama kù mɔmɔ si amɔ nŋa.

Wooda ku kɔsi 28:18

Kaa jɔ̀ i ba ama nkpɔ nkpɔ ŋa, nɔ i kaa ba amaajɛ nkpɔ nkpɔ i da ŋa. Kɛtɛ gaa nŋɛ ŋa do angudã nŋɛ ŋa do iwo nŋɛ ŋa a kaa kpɔ a kɔ̃ɔsi.

Wooda ku kɔsi 28:57

Nɔ baa ama kpɔtɔɔ iyi í bí wa nsɛi, hee do mii iyi í fita wa hai si inɔɛ fei, á bi ku manji ku ŋɔɔi si na iyi í jɔ̀ nkãma kù wɛɛ nɔ inɛ fei í wa si inɔ kufɔ nla nla na mbɛɛ ŋa iyi à wa anu koofai iluu ku ba a ce nfeɛ.

Wooda ku kɔsi 33:17

Bɛɛrɛi í jɛ ti Zozɛfu. Í nɛ gbugbãi bɛi kɛtɛ kombo. Ngo ku nɛ gbugbã minjiɛ ŋai í ya jaò bɛi ifã. Do nŋui í ya cãò inɛi ilɛ ŋa nɔ ku tale ŋa hee kɔɔi andunya. Akãi ngoɛ ŋaui í jɛ dimi nkpɔ nkpɔi Efaraimu. Iyi ihɔ̃ mɔ, zamaa nkpɔ nkpɔi dimii Manasee.