Ozee 9:10 - Bibeli do fee

¹⁰ Aɔ̃ Lafɛ̃ɛ í ni, tako wo ǹ yɛ Izirɛli í yɛi bɛi isoi jĩi ndii rezɛ̃ɛ iyi í wa si gbaa. Nɔ ǹ yɛ bala nŋɛ ŋai, bɛi iso sintei figi ŋa iyi à jĩa si jĩi ndii figi. Amma bi Baali-Peɔɔi à dede à nɛ, nɔ à koo à dasi ara nŋa anyɔ. Nɔ aŋa mɔ à baa à jɛ hai nɛ bɛɛrɛ ŋai bɛi iwɛ̃ iyi aŋa taka nŋa à biu.

Ozee 9:10 Iomraidhean Croise

Ilaalu 1, 16:31

Dulum iyi balaɛ Zeroboamu amai Nebati í ce iyi wa too siu kù too, domi í koo í so Zezabɛli ama inaaboi Etibaali ilaalui inɛi Sidɔ̃ɔ ŋau í coo abo. Nɔ í koo wa cea Baali iwɛ̃u icɛ wa sɛɛbataa.

Ilaalu 2, 17:11

Si inya ŋau bɛ feii à jo tuae ŋa bɛi inɛi ilɛ ŋa iyi Aɔ̃ Lafɛ̃ɛ í lele si waju nŋau, nɔ à ce mii laalɔ ŋa à dedeò idɔɔkɔ̃i Aɔ̃ Lafɛ̃ɛ.

Iri ku kɔ̃ 115:8

Inɛ ŋa iyi à ce iwɛ̃ ŋau à jɔ ŋa nɔ inɛ ŋa iyi à waa naanɛ ŋa ŋau fei à jɔ ŋa.

Iri ku kɔ̃ 81:12

Amma inɛi Izirɛli inɛm ŋau a kù de sim itĩ. nɔ a kù bi baa ku màm.

Iri ku kɔ̃ iyi í dɔ̃ í re 3:6

Yooi wa baa hai ikpa gbaa bɛi cua. Inɛɛu í nɛ inunui tuae iyi à ya kpe miru do tuae mmu ŋa má iyi woo nya sĩa ŋa à ya maa ta.

Ezai 28:4

Nɔ kokoi jĩi iyi í gbɛ iyi í jɛ boodaɛ nɔ í wa si antaii iri kuta iyi wa cɔ lɔɔma ku nɛ taasiu wa do ikpa ilɛ, á yɛi bɛi isoi jĩi ndii figi iyi í tako í jĩa hai waati iyi ku kaɛ kù to. Inɛ iyi í hɔ̃nnɛɛ fei, á ya kaai ku dasi gɛlɛ anu akã.

Zeremi 11:13

Kukpɔi iwɛ̃i inɛi Zudaa ŋau do kukpɔi ilu nŋa ŋau fei à waa mungai. Si ilui Zeruzalɛmu, bi kuwee ŋa iyi à ce do kukpɔi kpãaɛ ŋau fei à waa mungai. Si bi kuwee ŋau bɛi à ya cea iwɛ̃ Baali iyi à ya kpe anyɔu kuwee ŋa.

Zeremi 24:2

Kɔlɔ sinteu í nɛ isoi figi kusĩa jiida gɔ ŋa bɛi ti figi kujĩa sinte ŋau. Nɔ kɔlɔ iyi ihɔ̃u mɔ í nɛ figi ŋa. Amma isoi figi ŋa iyi à wa si inɔɛu, inɛ kãma kaa yɔkɔ ku jɛ ŋa, si na iyi í jɔ̀ à sãmii ntɔ ntɔ.

Zeremi 3:24

Hai keeke nwa, iwɛ̃ iyi à ya kpe Baaliui í jɛ aranfãanii icɛi bala nwa ŋa. Hai angudã nŋa ŋa do kɛtɛ nŋa ŋa, do ama inɛmɔkɔ do inaabo nŋa ŋa.

Zeremi 3:25

Ka sũ do anyɔ nwa. Nɔ ka jɛsi anyɔu ku bii wa. Ntɔ ntɔ à ce dulum bi Aɔ̃ Lafɛ̃ɛ nwa, awa do baa nwa ŋa hai keeke nwa hee ku baa nnyi. A kù gbɔ ide iyi Aɔ̃ Lafɛ̃ɛ nwa í wasi ku sɔ̃ wau pai.

Zeremi 31:2

Bɛi Aɔ̃ Lafɛ̃ɛ í nyi í ni má wee. Si gbaau, ǹ nyisi inɛm ŋa jiida ku jɛm ǹ jɔ̀ à fita si iku. Inɛi Izirɛli ŋau à nɛ à waa bɔ ku sĩmi mbɛ bɛi.

Zeremi 5:31

Walii ŋa à waa ce walii do ibo. Woo wee ŋau à waa ce idɔɔbi nŋa. Nɔ iyi bɛi wa jɛa zamaam inɔ didɔ̃. Amma bɛirei aa ce ŋa na waju ku bɔi ilɛu.

Ezekiɛli 20:8

À dedeò ide ku kɔ̀ sim nɔ à kɔ̀ baa idem ku gbɔ. Baa inɛ akã nŋa kù jɔ̀ laalɔ iyi wa fa laakaiɛu, nɔ a kù fũsi iwɛ̃i inɛi Ezibiti ŋau awɔ. Ŋɔi ǹ lasabu n jɔ̀ idɔɔkɔ̃m ku naa si ŋa si ilɛi Ezibitiu.

Ozee 11:1

Waati iyi Izirɛli í wɛɛ awaasũ, ǹ nɛ kubiɛ. Nŋu iyi í jɛ amam, ǹ kpoo wai hai ilɛi Ezibiti.

Ozee 13:5

Amu ǹ màɛi waati iyi ì wa si gbaa, si ilɛ ngbɛ.

Ozee 2:15

An jɔ̀ ku yɛ ijuukpãi waati ŋa iyi í ya maa tɔɔ Baali ŋau. Baali ŋaui í ya maa cea amuai tuae, nɔ na iri nŋai í ya maa dasi lɛlɛawɔ ŋa do saba ŋa. Mɔkɔ kaafeɛ ŋai í ya maa too, nɔ í gbɛjɛ idem. Amu Aɔ̃ Lafɛ̃ɛi ǹ fɔ bɛɛbɛ.

Ozee 4:14

Amma n kaa n kpã ama inaabo nŋa ŋau iju na icu ku ta nŋa, nɔ n kaa n kpã aboi ama inɛmɔkɔ nŋa ŋau iju na sakara ku ce nŋa, domi aŋa woo wee ŋaui à ya gbã inaabo ŋa a bɔò ŋa kɔkɔlɛ, nɔ a ce kuwee do abo à ta icu ŋau. Zamaa iyi kù mà yaasei mii ŋa ku wũaa, si nfe ku cei wa bɔ.

Ozee 4:18

Hai à mɔ hee í caa à tã gbakã, à ya maa ce sakarai. Anyɔi inɛ ngbo nŋa ŋa à ya bi ku re bɛɛrɛ.

Amɔsu 4:5

I koo i ceem kuweei saabu do pɛ̃ɛ ku nɛ levɛ̃ɛ. I fɔ idei amua nŋɛ ŋau si bantuma, domi iŋɛ inɛi Izirɛli ŋa bɛɛbɛi ì bi ŋa. Amu Aɔ̃ Lafɛ̃ɛi ǹ fɔ bɛɛbɛ.

Misee 7:1

Misee í ni, ǹ nɛ inɔ kufɔ nla nla, ǹ yɛ bɛi inɛ iyi í bɔ isoi jĩi ŋa ku fengee waati iyi à ka isoi jĩi ŋa à tã, nɔ kù ba isoi jĩi kãma kù jɛ, kù nɔ kù ba baa isoi figi gɔ iyi í bi kù jɛ.

Kuka 15:39

Bii ì nɛ booda yaba yaba si itĩi ibɔ nŋɛ ŋa, aa ya maa cɔɔ ŋai i maa yeò gigii woodai amu Aɔ̃ Lafɛ̃ɛ ŋau fei, nɔ i ya maa ceò icɛ ŋa, nɔ i maà too idɔɔbii idɔ nŋɛ do ti iju nŋɛ ŋa hee i na i dasi iwɛ̃ ŋa ku tɔɔ ŋa.

Kuka 18:13

Amaajɛ sintei iko nŋa ŋa iyi à naam wa fei awɔi aa nɔɔ. Nɔ inɛ iyi í maaju si inɔ kpasɛ̃ɛ fei á yɔkɔ ku jɔ́ɔ.

Romu 6:21

Riba yoomai ì ya ba ŋa waati bɛɛbɛ. Riba iyi ì ba ŋau wa mu ŋɛ anyɔ nsɛi, nɔ iri ku kpaɛ ikui.

Wooda ku kɔsi 32:10

Aɔ̃ Lafɛ̃ɛ í ba inɛi Izirɛli ŋai si gbaa si fufu nla nla. Nŋui í gbɔ nŋa, í kɔ ŋa nɔ wa wɔ njoo si ŋa bɛi amani jiidaɛ ŋa.

Wooda ku kɔsi 32:17

Iwɛ̃ ŋai à ya maa cea kuwee. Iwɛ̃ ŋau a kù nɔ a kù jɛ Aɔ̃ Lafɛ̃ɛ. Iwɛ̃ ŋai iyi aŋa taka nŋa a kù mà ajɔ kãma. Iwɛ̃ ŋau, baa nŋa ŋa a kù nɛ dɔ̃ɔnɛi ku tɔɔ ŋa.

Wooda ku kɔsi 4:3

Iŋɛ taka nŋɛ ì yɛ mii iyi Aɔ̃ Lafɛ̃ɛ í ce si idei iwɛ̃ iyi à ya kpe Baali-Peɔɔu, í kpa inɛ ŋa iyi à koo à gulɛ à tɔɔɛu fei,

Woo kiiti ŋa 6:32

Hai waati bɛɛbɛi à ya maa kpe Zedeɔ̃ Yerubaali, waatɔ Baali ku kɔ̀ò araɛ, si bɛi Zoasi í fɔ wo.