Ozee 9:1 - Bibeli do fee

¹ Izirɛli, maà jɔ̀ i wɛɛò inɔ didɔ̃. Maà jɔ̀ inɔ didɔ̃ ku la siɛ bɛi zamaa iyi ihɔ̃ ngu ŋa, domi ì fũsi Aɔ̃ Lafɛ̃ɛɛ awɔ ì koo ì waa tɔɔ iwɛ̃ ŋa. Nɔ ì ya maa bi a sãɛ ribai iwɛ̃ ŋa ku tɔɔ tengi bii à ya kpokpo bilee fei.

Ozee 9:1 Iomraidhean Croise

Iri ku kɔ̃ 73:27

Inɛ ŋa iyi à jĩɛ à ya ce nfei. Inɛ ŋa iyi à kɔ̀siɛ fei, ì ya ce nfe nŋai.

Ezai 17:11

Ajɔ iyi ì lɔ ŋa ŋau, ajɔ nŋu bɛi mɔi à dede à la. Daakɔu bɛ mɔi mii ŋa iyi ì gbɛ̃ ŋau à ce koko ŋa. Amma amaajɛ nŋɛ ŋau à tãi si waatii bɔ̃ɔ. Nɔ nŋui í baa í jɛ wahala nŋɛ iyi kù nɛ ku tã.

Zeremi 2:19

Inɔ kukãɛi á jɔ̀ i ba ijuukpã, nɔ dee dee hai jɛɛi á jɔ̀ i yɛ bɔ̃nɛ. Do yaase bɛɛbɛ, aa mà iyi mii iyi ì ce í jɛ laalɔ nɔ í ro. Ì fũsi amu Aɔ̃ Lafɛ̃ɛɛ awɔ nɔ i kù mà bɛɛrɛm. Amu Aɔ̃ Lafɛ̃ɛi lele do ilɛ, amui ǹ fɔ bɛɛbɛ.

Zeremi 2:20

Aɔ̃ Lafɛ̃ɛ í ni, awɔ Izirɛli, hai ku kpɛi ì dedeò ide ku kɔ̀ sim. Ì fɛ anu akã nwau. Nɔ ì ni, n kù bi n maa n jɛ aru. Amma si antaii iri kuta do si abɛ jĩi tũtũ ŋa fei ì ya maa dabii si iwɛ̃ ŋai bɛi abo à ce sakara í ya ce do inɛmɔkɔ ŋa.

Zeremi 44:17

Amma ide iyi wa fita wa hai si gɛlɛ nwa fei, nŋui à bi ka ceò icɛ. Aa ka cea ilaalu inaaboi lelei Aɔ̃u kuweei tuae ku dɔ̃ inunu nɔ ka ceaa kuweei atɛ̃ vɛ̃ɛ ŋa bɛi à nɛ dɔ̃ɔnɛi ku ceɛ awa do bala nwa ŋa do ilaalu nwa ŋa do akawe nwa ŋa si ilui Zudaa ŋa do si kpãa ŋa iyi à wa si ilui Zeruzalɛmu ŋa. Nɔ à nɛ pɛ̃ɛ ŋa bãm bãm. À wɛɛò inɔ didɔ̃ nɔ a kù ba wahala kãma.

Kukpata 4:21

Iŋɛ inɛi Edɔmu ŋa iyi ì wa ilɛi Usu ŋa, aa yɔkɔ i wɛɛò inɔ didɔ̃, i maa nyaanyi ŋa. Amma iŋɛ mɔ, kɔɔfui idɔɔkɔ̃i Ilaaɔ̃u á to wa si ŋɛ, nɔ aa mɔɔ ŋai, hee ku kpa ŋɛ i fita basĩ ŋa.

Ezekiɛli 16:15

Amma kusĩaɛi ì ya maa kaaba i maa ceò sakara, do na bɛɛrɛi iriɛ. Ì na araɛi si sakarau, ì ya maa sũ do inɛ baa yooma iyi wa lɔ fei.

Ezekiɛli 16:30

Amu Aɔ̃ Lafɛ̃ɛ ǹ ni, lasabu laalɔɛ iyi ì nɛi í jɔ̀ ì ce mii ŋau bɛ fei. Icu ku taɛ iyi í caai í jɔ̀ ì ce mii ŋau bɛ.

Ezekiɛli 20:32

Ì waa bi i yɛ ŋa bɛi dimi mmu ŋa iyi à waa tɔɔ jĩi ŋa do kuta ŋa. Amma iyi bɛ kaa ce.

Ezekiɛli 21:10

Inɛ fei á mà iyi amu Aɔ̃ Lafɛ̃ɛ ǹ nya taakubam hai si ankɔ̃ɔɛ nɔ n kaa n sindoɛ má.

Ozee 10:5

Inɛi ilui Samari ŋa aa wɛɛò inɔ kufɔ na ama kɛtɛi Bɛti-Avɛni. Zamaaɛ ŋa do woo weeɛ ŋa, aa wɛɛò inɔ kufɔi ikui iwɛ̃ui. Aa maa yayai na iriɛ na bɛɛrɛɛ iyi wa nɛ ilɛ mmu hee jĩijĩ.

Ozee 2:12

Bɛbɛi, an jɔ̀ ku gbe basĩi ku ba anyɔ ku muu si ijui mɔkɔ kaafeɛ ŋau, nɔ inɛ kãma kaa nyaa hai si awɔm.

Ozee 4:12

Zamaam nɔu, jĩi iyi í gbe í jɛ iwɛ̃ɛi í ya maa bee ide. Jĩi nɔui í ya jɛaa. Lasabui iwɛ̃ ŋa ku tɔɔi í naa si ŋa nɔ í jɔ̀ à nyɔ. Nŋui í jɛ bɛi sakara iyi à ya maa ce, nɔ à fɛɛfɛ do amu Aɔ̃ Lafɛ̃ɛ nŋa.

Ozee 5:4

Mii iyi inɛi Izirɛli ŋau à ce kaa jɔ̀ a nyi wa bi Aɔ̃ Lafɛ̃ɛ nŋa má, domi lasabui iwɛ̃ ŋa ku tɔɔu í wa si ŋa nɔ a kù mà Aɔ̃ Lafɛ̃ɛ.

Ozee 5:7

Inɛ ŋau à zamba Aɔ̃ Lafɛ̃ɛi, domi à bí amu ŋa do abo ŋa iyi aŋaò ŋa a kù ce abɔdɔ̃. Na nŋu, hai ihɛ̃ ku bɔ cukpa akã, aa ce nfei ilɛ nŋaui do amani nŋa ŋa.

Amɔsu 3:2

Si dimii inɛi andunya ŋa fei iŋɛ akãi ǹ cica. Na ŋɔi í ce an bee ŋɛ ide si gãmɛi laalɔ iyi ì ce fei ŋa.

Amɔsu 4:5

I koo i ceem kuweei saabu do pɛ̃ɛ ku nɛ levɛ̃ɛ. I fɔ idei amua nŋɛ ŋau si bantuma, domi iŋɛ inɛi Izirɛli ŋa bɛɛbɛi ì bi ŋa. Amu Aɔ̃ Lafɛ̃ɛi ǹ fɔ bɛɛbɛ.

Amɔsu 6:13

Inɔ didɔ̃i igũ iyi ì jɛ si ilui Lo-Dabaai ì waa kpɛ̃ ŋa. Nɔ ì fɔ ì waa ni ŋa, na saabui gbugbã nwai à kãmiaò ilui Kanaimu.

Amɔsu 8:10

An kpaasi jingau nŋɛ ŋaui do inɔ kufɔ, nɔ iri ku kɔ̃ nŋɛ ŋa mɔ do kukpata. Jĩnɛi inɔ kufɔi inɛ fei á dasi. Nɔ inɛ fei á gbogoo iriɛi na inɔ kufɔ. Inɔ kufɔi ikui á naa si ilɛu fei bɛi ti ajɔi ikui ama akã, nɔ mii fei á kpa irii do inɔ kufɔ nla nla.

Zaaki 4:16

Amma nsɛi ì waa tɔɔ fufu ì so ara nŋɛ lele. Dimii faau bɛɛbɛ fei kù sĩa.

Zaaki 5:1

Nsɛi, iŋɛ ilu fia ŋa, i gbɔ iyi ǹ wa n sɔ̃ ŋɛ. I kpata i cã kpokpo ŋa na wahala ŋa iyi aa naa si ŋɛ.