Ozee 8:9 - Bibeli do fee

⁹ À dedei à nɛ ilɛi Asiri. A kù yɛi bɛi sɛnga iyi í wɛɛ nŋu akãɛ. Inɛi Efaraimu ŋa aa sãi na akabuu iyi à dĩ do inɛi ilɛ mmu ŋau.

Ozee 8:9 Iomraidhean Croise

Ilaalu 2, 15:19

Ŋɔi Pulu ilaalui Asiriu í naa si ilɛi Izirɛli nɔ Menahɛmu í mua isɔ fũfũ tɔnu kuntaa ku ba ku sobiɛ ku jɔ̀ bommaɛ ku nɛ gbugbã.

Ezai 30:2

Í ni inɛ ŋau à ya bɔ Ezibitii, amma a ci ya sabuu nŋu ide kãma. À ya koo bɛi a koo a manji si ile ku nɛ gbugbãi ilaalu Faraɔ̃. Ilɛi Ezibitiui í jɛ bi ku bɔ ku manji nŋa.

Ezai 30:6

Mɛɛmu ku ce icɛ ŋa à so aso à waa nɛò ikpa awɔ cangai kpãai inunu. Do ikpa bii à waa bɔu, inyai inɔ kufɔ do inyai zigiidai. Muusu nla kugaabu ŋai à wa bɛ, nɔ à waa dɔ̃ anu. Njo wukuku ŋa à wa bɛ do akandama ku fo lele ŋa. Amani ŋai à kãa gbankɛlɛ ŋa do kpookpo ŋa à waa kooò bi inɛi ilɛ ŋau, amma inɛ ŋau a kaa sobi ŋa si nkãma.

Zeremi 2:24

Ì yɛi bɛi sɛnga zãu iyi í nɛ dɔ̃ɔnɛi gbaa. Si waatii ku gũɛ, kɔdɛɛɛ í ya dedei nɔ ku maa ko fufu. Inɛ kãma ci ya yɔkɔ ku gɛɛɛ. Kombo ŋa iyi à waa dɛdɛɛ fei a kù nɛ a gbɛɛji. À ya baai faala si waatii ku gũɛ.

Ozee 12:1

Ŋɔi Aɔ̃ Lafɛ̃ɛ í ni, zamaai Efaraimu í kaakom nii do muafiti, nɔ inɛi Izirɛli ŋa mɔ à biim nii do zamba. Inɛi Zudaa ŋai à waa nɛ do amu Ilaaɔ̃ amma aŋa mɔ a kù leekĩ dee dee, domi a kù fũsi iwɛ̃ ŋa awɔ.

Ozee 12:2

Inɛi Efaraimu ŋai à ya kooa inɛi Ezibiti ŋa ikpo, nɔ à dĩ akabuu do inɛi Asiri ŋa. À dĩ kpaasi do inɛ ŋa iyi a kù jɛ ngɔgɔ, nɔ à ya maa sɛii si fufu ajɔ fei. À ya dabii a maa sɔ iboi a maa ceò laalɔ ŋa.

Ozee 2:10

Abou kù mà iyi amui ǹ ya n tako n maa n mua nŋu sɔnda wo, do vɛ̃ɛ do ikpo. Amui ǹ muaa fia do wura, nɔ í soo í cea iwɛ̃ iyi à ya kpe Baali amuaɛ.

Ozee 5:13

Inɛi Efaraimu ŋa à yɛ bɔ̃ɔ iyi aŋa à nɛ, nɔ inɛi Zudaa ŋau mɔ à yɛ juju iyi aŋa à nɛ. Efaraimu í dede í bɔ Asiri, nɔ í bɛ inɛ ŋa bi ilaalui Yarɛbu. Amma ilaaluu bɛ kaa yɔkɔ ku jɔ̀ a ba iri, nɔ kaa ba nŋa iwɔi jujuu.

Ozee 7:11

Inɛi Efaraimu ŋa à yɛi bɛi ankasiidi. Lasabu nŋa kù jĩisa nɔ a kù nɛ bisi. Inɛi Ezibiti ŋai à kpe. Si anyiɛ, nɔ à dede à nɛ ilɛi Asiri.