Ozee 8:8 - Bibeli do fee

⁸ Izirɛli í jɔ̀ inɛ ŋa à biiɛ. Nsɛiu ihɛ̃ bɛbɛi, í wai si inɔi inɛi ilɛ ŋa bɛi mii gɔ iyi inɛ kãma kù bi má.

Ozee 8:8 Iomraidhean Croise

Ilaalu 2, 18:11

Ilaalui Asiriu í mu inɛi Izirɛli ŋau aru í nɛò ŋa Asiri. Ŋɔi í koo í jilɛ ŋa Hala do si itĩ idoi Habɔɔ si ilɛi Gozãa do si ilui inɛi Mɛɛdi ŋau.

Ezai 30:14

Á lɛgɛi bɛi boonyi iyi woo ma caka ŋa à ce. À ce buubuui, nɔ baa akãi buubuuɛ ŋau kaa to a ceò adɛ̃ ku bu ina walakɔ mii iyi aa ya buò inyi wa hai si bii gɔ bii à dasi inyi.

Zeremi 22:28

Waati bɛɛbɛ, inɛ ŋa aa beei a maa ni, Koniau bɛi mii dabu, walakɔ bɛi mii hai nɛ bɛɛrɛ iyi inɛ gɔ kù bi mái ba. Mà mii gɔi iyi inɛ gɔ kù waa saabu si má. Na mii í jɔ̀ à nyɔɔ nŋu do amaɛ ŋa fei. À so ŋai à sɔ ŋa si ilɛ gɔ iyi a kù mà.

Zeremi 25:34

I kɔ̃ irii inɔ kufɔ nɔ i dɔ̃ anu ŋa, iŋɛ woo gbãi zamaa ŋau. I sũ i bimbili ilɛ ŋa, iŋɛ woo degbe ŋau, domi waati iyi aa saka ŋɛi í to wa bɛ. Aa cuku ŋai nɔ i lɛgɛ bɛi jɛɛ ilu bɛɛrɛ ŋa.

Zeremi 48:38

Ŋɔi Aɔ̃ Lafɛ̃ɛ í ni má, si antaii ile sikifai inɛi Moabu ŋau fei, do si bantuma nŋa ŋa, kukpatai akũ nŋu akãi inɛ í ya maa gbɔ, domi ǹ lɛgɛ Moabui bɛi caka iyi a kù bi má.

Zeremi 50:17

Izirɛli í yɛi bɛi angudã iyi í nyɔ, iyi muusu nla ŋa à lele. Nɔ ilaalui Asirii í jɛ inɛ sinte iyi í ŋɔɔ. Nɔ inɛ ankãanyi iyi í lɛgɛ kũkũɛ ŋai, í jɛ Nebukanɛsaa ilaalui Babilɔni.

Zeremi 51:34

Nebukanɛsaa ilaalui Babilɔniu í ŋɔm nii í cɔ̃ɔcɔ̃ɔm. Í jɔ̀m nii bɛi caka ngbɛ. Nɔ í mim nii bɛi akandama. Í mi mii jiida ŋa iyi ǹ tako ǹ nɛu hee caakaɛ í kɔ̃, í bɛi í lelem.

Kukpata 2:16

Mbɛɛɛ ŋa fei laalɔɛi à ya maa fɔ. À ya fã fooi nɔ à sa siɛ inyí do kugaabu à ni, à too awɔ à muu mbɛ. Ntɔ ntɔ, si ajɔ iyi à waa cɔ kpãaɛui à wa si, nɔ à yɔɔ.

Kukpata 2:2

Aɔ̃ Lafɛ̃ɛ í ce nfei bi kuwai inɛi Zakɔbu ŋa. Si idɔɔkɔ̃ɛ, í lɛgɛ inya ku nɛ gbugbãi inɛi Zudaa ŋa. Í kɛkɛ ŋai hee ilɛ. Í dasi bommau do ilaaluɛ ŋa anyɔ.

Kukpata 2:5

Aɔ̃ Lafɛ̃ɛ í cei bɛi mbɛɛ. Í ce nfei inɛi Izirɛli ŋa, í lɛgɛ kpasɛ̃ jiida nŋa, í kɛkɛ ile ku nɛ gbugbã nŋa, í kɔ̃ɔsi weeweai inɛi Zudaa ŋa do kukakaa nŋa.

Kukpata 4:2

Inɛi Siɔ̃ɔ ŋa à jɛ ilu bɛɛrɛ ŋa, aŋa iyi à waa wã bɛɛrɛ nŋa bɛi ti wura alala. Bɛirei í ce nsɛi, à waa doo ŋa bɛi cakai amà iyi woo ce caka í ce.

Kukpata 5:2

À gba tubu nwa ŋa à na isɛ mmu ŋa. À gba kpasɛ̃ nwa ŋa à na inɛ ŋa iyi a kù mà.

Ezekiɛli 36:3

Na nŋu, awɔ amanɛ, koo ba ŋa ide ku fɔ. Sɔ̃ inɛi Izirɛli ŋau ide iyi amu Aɔ̃ Lafɛ̃ɛ ǹ fɔ na iri nŋa ǹ ni, ǹ yɛ hai do bii fei inɛ ŋa à dede si ŋɛ wa a naa a lele ŋɛ ku ba i dasi awɔi dimi mmu ŋa nɔ a ya maa yaako ŋɛ a maa bu ŋɛ.

Kuwee 26:33

An jɔ̀ igũ ku naa si ŋɛ nɔ n fangaa ŋɛ i nɛ ilɛ mmu ŋa. Ilɛ nŋɛu á gbe ngbɛi nɔ ilu nŋɛ ŋau mɔ a kpɔò bomma.

Romu 9:22

To, yaaseu bɛ wa nyisi mii iyi Ilaaɔ̃ í ce. Í bi ku nyisi inɛ gɔ ŋa idɔɔkɔ̃ nlaɛ do gbugbãɛ. Amma í temuai titã do inɛ ŋa iyi idɔɛ í kɔ̃ siu, aŋa iyi à yɛ bɛi caka ŋa iyi aa nyɔu.

Wooda ku kɔsi 28:25

Aɔ̃ Lafɛ̃ɛ á jɔ̀ mbɛɛ nŋɛ ŋa à jɛ ŋɛ igũ. Bii kpãa akãi ì too ì bɔò igũ bi tu ŋa ŋa, kpãa ikã ikã mɛɛjei aa too i saò hai si waju nŋa ŋa. Bomma ŋa iyi à wa si andunyau fei aa wɛɛò zigiida waati iyi aa yɛ mii iyi í ba ŋɛ.

Wooda ku kɔsi 28:64

nɔ á jɔ̀ i fangaa ŋai si ilɛi dimi mmu ŋa hai si kɔɔi andunya tengi bii ì wa ŋa hee ku bɔ si kɔɔ mmu. Nɔ tengi bɛ, iwɛ̃ ŋa iyi bala nŋɛ ŋa do iŋɛ taka nŋɛ i kù mà ŋai aa koo i maa tɔɔ ŋa. Iwɛ̃ ŋau, jĩi ŋa walakɔ kuta ŋa iyi à gbe à jɔ ŋa ŋai.