Ozee 8:7 - Bibeli do fee

⁷ Si bɛi fufui ì waa gbɛ̃ ŋa, fufu dabii nla nlai aa na i da ŋa. À ya kpa mɔnda gɔ a ni, bilee iyi í fita nɔ kù bí, i kaa ba iyafũɛ. Nɔ baa bii í jɛ í bí mɔi, inɛ njoo ŋai aa jɔɔ.

Ozee 8:7 Iomraidhean Croise

Kusintii Andunya 41:23

Ŋɔi iya sako ngbɛ mɛɛje gɔ ŋa mɔ à fita si abɛi inɛ ihɔ̃ ŋau. Iya sako ŋau à gbɛi na fufui nunui daakɔu.

Ilaalu 2, 15:19

Ŋɔi Pulu ilaalui Asiriu í naa si ilɛi Izirɛli nɔ Menahɛmu í mua isɔ fũfũ tɔnu kuntaa ku ba ku sobiɛ ku jɔ̀ bommaɛ ku nɛ gbugbã.

Ilaalu 2, 15:29

Si waatii Pekai Tigilati-Pilezɛɛ ilaalui Asiriu í naa í jɛ ilui Iyɔ̃ɔ igũ do Abɛli-Bɛti-Maaka do Yanoa do Kedɛsi do Hatisɔɔ do ilɛi Galaadi do Galilee do ilɛi dimii Nɛfitaliu fei. Nɔ í mu inɛi bɛ ŋau aru í nɛò.

Zɔɔbu 4:8

Bɛi ǹ yɔɔ, woo gbɛ̃ laalɔ ŋa, do woo taa inɛ ŋa gbugbã ŋa, ribai kuce nŋai à ya da.

Mɔnda ŋa 22:8

Inɛ iyi í gbɛ̃ laalɔ, laalɔi á da, nɔ gbugbã ku taɛ ku jɛ ngbɛ.

Woo lasabu 5:16

Iyi í re mɔm, inɔ kufɔ do wahala do ara ku ro à jɔ̀ í jɛ kuwɛɛɛ fei bɛi inɛ iyi wa nɛ si ilu kuku.

Ezai 17:11

Ajɔ iyi ì lɔ ŋa ŋau, ajɔ nŋu bɛi mɔi à dede à la. Daakɔu bɛ mɔi mii ŋa iyi ì gbɛ̃ ŋau à ce koko ŋa. Amma amaajɛ nŋɛ ŋau à tãi si waatii bɔ̃ɔ. Nɔ nŋui í baa í jɛ wahala nŋɛ iyi kù nɛ ku tã.

Ezai 55:2

Na mii í jɔ̀ ì waa jɛ fia ŋa si mii iyi kù jɛ sɔnda. Na mii í jɔ̀ ì waa gbɛɛji ara nŋɛ si mii iyi kaa yo ŋɛ. I sotĩ i gbɔ idem ŋa nɔ i jɛ mii iyi í jɛ jiida ŋa. Sɔnda jiida iyi á jɔ̀ i nɛ inɔ didɔ̃ nla nlai aa jɛ ŋa.

Ezai 66:15

Aɔ̃ Lafɛ̃ɛu wee í nɛ wa naa do ina, nɔ sarɛtii igũɛ ŋa mɔ à yɛi bɛi fufu nla nla. Wa naa ku nyisi idɔɔkɔ̃ nla nlaɛi, nɔ do ijuukpã iyi í yɛ bɛi amɛi ina ŋai á jɛ.

Zeremi 12:13

Inɛ ŋau à gbɛ̃ bilee, nɔ à waa da agũ ŋa. À wahala ara nŋai ngbɛ ngbɛ, a kaa jɛ baakaɛ kãma. Anyɔi í jɛ tu ŋa si amaajɛ nŋa ŋa iyi à da. Idɔɔkɔ̃ nla nlai Aɔ̃ Lafɛ̃ɛi í jɔ̀ í ce bɛɛbɛ.

Kukpata 5:2

À gba tubu nwa ŋa à na isɛ mmu ŋa. À gba kpasɛ̃ nwa ŋa à na inɛ ŋa iyi a kù mà.

Ozee 2:9

Á maa lele fitii mɔkɔ kaafeɛ ŋaui, amma kaa ba ŋa. Á dɛdɛ ŋa, amma kaa yɛ ŋa. Si anyiɛ á fɔi ku ni, an sinda n nyi wa si mɔkɔ sintem nɔui, domi ǹ tako ǹ wa n gbɔ ididɔ̃ bɛ wo í re nsɛi.

Ozee 7:9

Isɛ mmu ŋa à waa cɔ̃ɔcɔ̃ɔ gbugbã nŋa ŋa, amma a kù waa mà. À baa à ce mɔkɔ ngbo, amma a kù mà.

Ozee 9:16

Inɛi Efaraimu ŋau à yɛi bɛi jĩi iyi à da, nɔ icãɛ í gbɛ. A kaa so iso má, nɔ baa bii à nɛ amu ŋa nɔ à nɛ kubi nŋa, an jɔ̀ a kui.

Nahumu 1:3

Aɔ̃ Lafɛ̃ɛ í nɛ temua. Gbugbãɛ í la ntɔ ntɔ. Inɛ iyi í ce taale, Aɔ̃ Lafɛ̃ɛ ci ya maa cɔɔ bɛi inɛ iyi kù nɛ taale. Bii Aɔ̃ Lafɛ̃ɛ wa nɛ, fufu nla nlai í ya dede. Kudũi ijĩ í ya dedei bɛi ilulu bii wa nɛ.

Azee 1:6

Wee ì waa gbɛ̃ amaajɛ nla nla ŋa, nɔ keekei ì waa da ŋa, ì waa jɛ ŋa amma i kù waa yo ŋa, ì waa mɔ ŋa, amma kumɔ nŋɛu kù waa nya ŋɛ agbɛ, ì waa dasi jĩnɛ ŋa amma kù waa nya nŋɛ tũtũ. Bii ì gba fiai kusã nŋɛ ŋa í ya nɛi bɛi mii iyi si ziba ku lui ì dasi ŋa.

Galati 6:7

I maà ti i lɛlɛ ara nŋɛ. A ci ya yaako Ilaaɔ̃. Mii iyi amanɛ í gbɛ̃ nŋui á da.

Galati 6:8

Bii wa gbɛ̃ iyi daai nŋu takaɛ í bi, nfe ku cei á bíaa. Bii í nɔ wa gbɛ̃ iyi Hundei Ilaaɔ̃ í bi, kuwɛɛ hai tãi Hundei Ilaaɔ̃u á bíaa.

Wooda ku kɔsi 28:33

Zamaa gɔ iyi i kù mà ŋa, aŋai aa na a jɛ amaajɛi iko nŋɛ ŋa. Aranfãanii icɛi iko nŋɛ ŋa fei aŋai aa nɔɔ. Aa ta nŋɛ gbugbã nɔ a wahala ŋɛ.