Ozee 8:6 - Bibeli do fee

⁶ Kɛtɛ kombo saasaabɔ nŋɛu wa naai hai Izirɛli. Iwɛ̃i, kù jɛ Ilaaɔ̃. Woo ce icɛi awɔ gɔi í coo. Na nŋu, kɛtɛ kombo saasaabɔi Samariu, aa bububuui.

Ozee 8:6 Iomraidhean Croise

Ilaalu 2, 23:15

Si anyiɛ nɔ Zoziasi í lɛgɛ bi kuwee iyi í wa Betɛliu mɔ má. Bi kuweeu, Zeroboamu amai Nebatii í maa si geeteu í tale siò inɛi Izirɛli ŋau dulum ku ce. Zoziasi í joo í jɔ̀ í ce ilúlu. Nɔ í jo jĩi iyi à gũ na irii iwɛ̃ Aserau.

Ilaalu 2, 23:19

Ilei iwɛ̃ ŋa iyi ilaalui Izirɛli ŋau à ma si antaii geete ŋau si ilui Samari ŋau fei à dedeò idɔɔkɔ̃i Aɔ̃ Lafɛ̃ɛ, Zoziasi í kpa iri nŋa. Í cea aŋa mɔi dee dee bɛi í cea ti Betɛli ŋau.

Bomma 2, 13:8

Nsɛi ì waa ni ŋa iŋɛ aa naa igũ si bomma iyi Aɔ̃ Lafɛ̃ɛ í na tɔkui Davidi ŋau. Akpɔ nŋɛ í la, nɔ ama kɛtɛi wura ŋa iyi Zeroboamu í ce a jɛ iwɛ̃ nŋɛ ŋau à wa bi tu ŋɛ.

Bomma 2, 31:1

Waati iyi à jɛ jingauu à tã, ŋɔi inɛi Izirɛli ŋa iyi à wa bɛ ŋau fei à bɔ si ilui Zudaa ŋau fei, nɔ à koo à lɛgɛ kuta ŋa iyi à lɔa iwɛ̃ ŋau nɔ à da jĩi iyi à lɔa iwɛ̃ Asera ŋau. À kɛkɛ bi kuwee nŋa ŋa iyi à ma si geete ŋau si ilɛi Zudaa do Bɛnzamɛɛu fei. Si anyiɛ nɔ à koo à ce bɛɛbɛ si ilɛi Efaraimu do si ti Manasee má. Iyi à tã, ŋɔi inɛ fei í nyi ideɛ.

Zeremi 10:14

Inɛ ŋau fei nnyɛi ŋai, a ci ya gbɔ yaasei nkãma. Woo ce icɛi wura ŋau fei, anyɔ í ya baa ku mu ŋai si mii ŋa iyi à ceu, domi iwɛ̃ ŋau ibo ŋai, a kù jɛ ilu hunde ŋa.

Zeremi 48:13

Inɛi Moabu ŋa aa wɛɛò anyɔ si Kemɔsi iwɛ̃ nŋa bɛi inɛi Izirɛli ŋa à wɛɛò anyɔ si Betɛli iwɛ̃ nŋa si bii naanɛ nŋa fei í wa siu.

Zeremi 50:2

Í ni, laabaauu ihɛ̃, i sɔ̃ inɛi ilɛ ŋa. I gũ nyinda ŋa iyi á jɔ̀ inɛ ŋa a màa ŋa. I jɔ̀ inɛ ŋa a gbɔɔ nɔ i maà singa nkãma ŋa. I fɔ ŋa i ni, à mu Babilɔni mbɛ. Anyɔi í baa í jɛ ti iwɛ̃ɛ Bɛli. Nɔ njo í mu iwɛ̃ɛ Maaduku. Anyɔ nla nlai í jɛ ti iwɛ̃i inɛi Babilɔni ŋau, nɔ mii riisiɛ ŋau fei à lɛgɛ.

Ozee 10:2

Inɛi Izirɛli ŋau a kù leekĩ do Ilaaɔ̃ nŋu akã. Amma bɛbɛi, aŋa mɔ aa ŋɔ gasaɛ. Aɔ̃ Lafɛ̃ɛ takaɛi á lɛgɛ bi kuwee nŋa ŋau, nɔ nŋui á kɛkɛ kuta nŋa ŋa iyi à gũu.

Ozee 13:2

Nsɛi wee à waa mɔsi do dulum du ŋa ku ce má. À ya yɔ isɔ fũfũ ŋai a ceò iwɛ̃ ŋa. À ya ce iwɛ̃ ŋaui si bɛi aŋa taka nŋa à lasabu. Woo ce icɛi awɔ ŋai à ya ce fei ndɛɛ. À ya fɔi si gãmɛ nŋa a maa ni, inɛ ŋa à waa ce kuwee do amanɛ ŋa, nɔ à ya maa tɔɔ ama kɛtɛ kombo ŋa.

Ozee 14:3

Na nŋu, i sinda i nyi wa bi Aɔ̃ Lafɛ̃ɛ nɔ i sɔ̃ɔ ŋa i ni, ce nwa suurui kurara nwa ŋau fei, nɔ i gba wa do jiida ku jɛ. Idei gɛlɛ nwa ŋai aa jɛ kuwee iyi aa ka maa ceɛ.

Misee 1:7

Aɔ̃ Lafɛ̃ɛ í ni, kuta ŋa iyi à gbe à jilɛ à ya maa tɔɔ fei, aa lɛgɛ ŋai. Amua ŋa iyi woo wee ŋau à ya gba fei aa dasi ina a jooi, nɔ iwɛ̃ ŋa iyi à wa si ilɛu do amua nŋa ŋa iyi à gbe fei, aa ko ŋai a nɛò ilɛ mmu a koo a maa sãaò woo weei iwɛ̃ mmu ŋa.

Abakuku 2:18

Aranfãani yoomai iwɛ̃ ŋa ku ce í nɛ. Mii gɔ ŋai iyi à ya ce do wura walakɔ do isɔ̃ fũfũ, nɔ à ya jɔ̀ amanɛ ku dasi ibo naanɛ. Na mii í ce amanɛ á dasi mii ŋa iyi nŋu takaɛ í ce do awɔɛ naanɛɛ. Mii ŋa iyi a kaa yɔkɔ a fɔ ide.

Woo bɛ ŋa 17:29

Debɛi, si na iyi í jɔ̀ à jɛ amai Ilaaɔ̃ ŋa, kù sĩa ka maa ce lasabu ka ni Ilaaɔ̃ í yɛ bɛi iwɛ̃ iyi amanɛ í lasabu í coo í sĩa do wura walakɔ do isɔ fũfũ walakɔ do kuta.

Woo bɛ ŋa 19:26

Iŋɛ taka nŋɛ ì waa yɔɔ ŋa, ì nɔ ì waa gbɔ ŋa mii iyi Pɔlu wa ce. Wa ni kù jɛ iwɛ̃ ŋa iyi amanɛ ŋa à ce do awɔ nŋai aa tɔɔ. Nɔ í yɔkɔ í kãmia inɛ nkpɔ nkpɔ, kù nɔ kù jɛ baa Efɛɛzu ihɛ̃ nŋu akã, do si ilu nkpɔi ilɛi Azii feii.